ప్రకృతి పుష్పం

ప్రకృతి ఒడిలో పూసిన ఓ మృదుపుష్పమా పొద్దున్న వెలుగుల నవ్వులా మెరిసిపోతావు

తొలకరి చినుకుల తడిలో తేలియాడుతూ భూమి కలలకు పరిమళం అద్దుతావు !

పచ్చని ఆకుల మధ్య దాగిన నీ అందం వసంతపు మొదటి ఊపిరిలా అనిపిస్తుంది ! 

వేకువజామున మంచుబిందువులు జారితే నీ రేకులపై ముత్యాల హారం మెరగవుతుంది !

తేనెటీగల గీతాల్లో నీ పేరు వినిపిస్తుంది 

కోయిల కూయగానే నీ నవ్వు మేరిసిపోతుంది !

గాలికిడిలో ఊగే నీ సోయగం నదితీరపు అలల్ని తలపిస్తుంది !

నీ రంగుల్లో ఇంద్రధనుస్సు మెరుపులుంటాయి !

నీ వాసనలో మట్టివాసన మాధుర్యముంటుంది! 

ఎండిన హృదయాలకు చల్లని నీడవై అలసిన మనసులకు ఓదార్చుతావు

చిన్నదైనా నీ జీవితం గొప్ప సందేశం

ముళ్ల మధ్య పుట్టిన ప్రేమనే పంచుతావు

రాలిపోవాల్సిన క్షణం వచ్చినా భూమిమీద అందాల జ్ఞాపకం విడిచిపోతావు !

సూర్యకిరణాల్ని చీరలా కప్పుకొని ఆకాశాన్నే నీ అందంతో మాయచేస్తావు

వానచినుకుల్ని ముద్దాడే వేళలో ప్రకృతి హృదయం నీలో కొట్టుకుంటుంది !

ఓ ప్రకృతి పుష్పమా... నీ పరిమళమే ఈ సృష్టి సంగీతం!

 నీ ఉనికే భూమాత గుండెలో శాశ్వత వసంతానికి ప్రతిరూపం

 డా.కొరుప్రోలు హరనాథ్