గుంత కాదు.. గండమే!

తరిగొప్పుల, అక్టోబర్‌ 1 (విజయక్రాంతి): జనగామ జిల్లా తరిగొప్పుల మండలంలోని మరియాపూర్ గ్రామం - నర్సాపూర్ మధ్య ప్రధాన రహదారి (Main Road) ప్రమాదకరంగా మారింది. రోడ్డు మధ్యలో ఏర్పడిన భారీ గుంత (Pothole)తో వాహనదారులు తీవ్ర ఇబ్బందులు పడుతున్నారు. గత కొద్ది రోజులుగా కురిసిన వర్షాలతో గుంత మరింత పెద్దదై వాహనాలు బోల్తా పడే పరిస్థితి (Accident Risk) నెలకొంది.

రాత్రి వేళల్లో గుంత కనిపించక పలువురు ద్విచక్ర వాహనదారులు (Two-Wheeler Riders) ప్రమాదాల బారిన పడుతున్నారు. ఈ విషయంపై అధికారులకు ఎన్నిసార్లు ఫిర్యాదు చేసినా స్పందించడం లేదని స్థానికులు, వాహనదారులు ఆవేదన వ్యక్తం చేస్తున్నారు.ఇప్పటికైనా అధికారులు స్పందించి వెంటనే గుంతను పూడ్చి రోడ్డు మరమ్మతులు (Road Repairs) చేపట్టాలని గ్రామస్తులు డిమాండ్ చేస్తున్నారు.