విశ్వ హిందూ మహాసంఘ్కు కొత్త కమిటీలు
సత్తుపల్లి, సెప్టెంబర్ 30 (విజయక్రాంతి): తమిళనాడు రాష్ట్రంలోని విల్లుపురం జిల్లాలో విశ్వ హిందూ మహాసంఘ్ (Vishwa Hindu Mahasangh) ఆధ్వర్యంలో రాష్ట్రస్థాయి సమావేశం నిర్వహించారు. తమిళనాడు రాష్ట్ర అధ్యక్షులు చిన్నదొర స్వామి అధ్యక్షతన జరిగిన ఈ సమావేశంలో 29 జిల్లాల జిల్లా అధ్యక్షులు, అసెంబ్లీ ఇన్చార్జులు, మండల కమిటీ ప్రతినిధులు పాల్గొన్నారు. సమావేశానికి ముఖ్యఅతిథిగా హాజరైన జాతీయ కౌన్సిల్ సభ్యులు, సౌత్ ఇండియా కన్వీనర్ మద్దిశెట్టి సామేలు మాట్లాడుతూ.. తమిళనాడు రాష్ట్రంలోని 38 జిల్లాలకు పూర్తిస్థాయి కమిటీలను ఏర్పాటు చేయడంతో పాటు, 29 జిల్లాల ప్రతినిధులతో సమావేశాన్ని విజయవంతంగా నిర్వహించిన చిన్నదొర స్వామిని అభినందించారు.
భవిష్యత్తులో సంఘటనా కార్యక్రమాలను (Organizational Activities) మరింత విస్తృతంగా నిర్వహిస్తూ సంస్థను బలోపేతం చేయాలని ఆయన సూచించారు. సంస్థ లక్ష్యాలను క్షేత్రస్థాయిలో ప్రజల్లోకి తీసుకెళ్లేందుకు సమన్వయంతో (Coordination) పనిచేయాలని పిలుపునిచ్చారు.జాతీయ అధ్యక్షులు, ఉత్తరప్రదేశ్ ముఖ్యమంత్రి యోగి ఆదిత్యనాథ్, జాతీయ కన్వీనర్ మహంత్ ముఖేష్ నాథ్ తమపై విశ్వాసంతో అప్పగించిన బాధ్యతలను సమర్థవంతంగా నిర్వహించి సంస్థకు మంచి పేరు తీసుకురావాలని మద్దిశెట్టి సామేలు పిలుపునిచ్చారు. ఈ సమావేశంలో పలగాని శ్రీనివాసరావుతో పాటు తమిళనాడు రాష్ట్రంలోని 29 జిల్లాల జిల్లా అధ్యక్షులు, అసెంబ్లీ ఇన్చార్జులు, అసెంబ్లీ కన్వీనర్లు, తమిళనాడు రాష్ట్ర వర్కింగ్ కమిటీ అధ్యక్షులు జి. రవిరాజన్ తదితరులు పాల్గొన్నారు.
