పోలీసు ఉద్యోగాలకు రాత పరీక్ష తేదీలు విడుదల

హైదరాబాద్: పోలీసు ఉద్యోగాల(Police jobs) కోసం ఎదురుచూస్తున్న అభ్యర్థులకు గుడ్‌న్యూస్. తెలంగాణ పోలీసు నియామక బోర్డు రాత పరీక్షల తేదీలను ప్రకటించింది. ఎస్ఐ, కానిస్టేబుల్ ఉద్యోగాలకు సంబంధించిన పరీక్షలను వేర్వేరు తేదీల్లో నిర్వహించనున్నట్లు వెల్లడించింది.

ఇక పరీక్షల తేదీల విషయానికి వస్తే.. ఎస్ఐ ఉద్యోగాల(SI Jobs)కు దరఖాస్తు చేసుకున్న అభ్యర్థులకు నవంబర్ 29న ప్రాథమిక రాత పరీక్ష నిర్వహించనున్నారు. అలాగే.. కానిస్టేబుల్ ఉద్యోగాల అభ్యర్థులకు డిసెంబర్ 20న రాత పరీక్ష జరగనుంది. పోలీసుశాఖలోని పలు విభాగాల్లో మొత్తం 7,437 పోస్టుల భర్తీకి పోలీసు నియామక బోర్డు నోటిఫికేషన్లు జారీ చేసింది. ఈ పోస్టులకు సంబంధించి జులై 29న నోటిఫికేషన్లు విడుదలయ్యాయి.

రాత పరీక్ష తేదీలు ఖరారు కావడంతో అభ్యర్థులు ఇక ప్రిపరేషన్‌పై మరింత దృష్టి పెట్టాల్సి ఉంది. పరీక్షకు సంబంధించిన హాల్‌టికెట్లు, పరీక్ష కేంద్రాలు, ఇతర వివరాలను పోలీసు నియామక బోర్డు అధికారిక ప్రకటనల ద్వారా తెలుసుకోవచ్చు.మొత్తానికి.. పోలీసు ఉద్యోగాల కోసం సిద్ధమవుతున్న అభ్యర్థులకు పరీక్ష తేదీల ప్రకటన కీలక అప్డేట్‌గా మారింది.