ఇండియా దూకుడు.. ముగ్గురు ఫైనల్కు!
టోక్యో: ఏషియన్ గేమ్స్ 2026లో(Indian swimmers Asian Games) భారత స్విమ్మర్లు సత్తా చాటారు. శుక్రవారం జరిగిన స్విమ్మింగ్ హీట్స్లో(Asian Games swimming finals) సాజన్ ప్రకాశ్, రిషబ్ దాస్, ఉత్కర్ష్ పాటిల్ తమ తమ విభాగాల్లో ఫైనల్ బెర్తులు ఖరారు చేసుకున్నారు. అనుభవజ్ఞుడైన సాజన్ ప్రకాశ్ పురుషుల 200 మీటర్ల బటర్ఫ్లై విభాగంలో 2:00.94 సెకన్ల టైమింగ్తో ఆరో స్థానంలో నిలిచి ఫైనల్కు దూసుకెళ్లాడు. తన చివరి ఏషియన్ గేమ్స్లో బరిలోకి దిగుతున్న సాజన్.. పతకం కోసం తుది రేసులో తన అనుభవాన్ని చూపించనున్నాడు.
మరోవైపు 200 మీటర్ల బ్యాక్స్ట్రోక్లో రిషబ్ దాస్, ఉత్కర్ష్ పాటిల్ ఫైనల్కు చేరారు. రిషబ్ 2:00.53తో నాలుగో స్థానంలో నిలవగా.. ఉత్కర్ష్ 2:02.13తో తొమ్మిదో స్థానంలో నిలిచి ఫైనల్ బెర్త్ సాధించాడు. ముగ్గురు భారత స్విమ్మర్లు ఫైనల్కు చేరడంతో స్విమ్మింగ్ పూల్లో భారత్ పతక ఆశలు మరింత ఆసక్తికరంగా మారాయి. ఇప్పుడు ఫైనల్ రేసుల్లో వీరి ప్రదర్శనపై అభిమానుల దృష్టి నెలకొంది.
