కుస్తీలో సత్తా.. రాష్ట్రస్థాయికి త్రిలోచన!
దమ్మపేట, అక్టోబర్ 01 (విజయ క్రాంతి): మండల పరిధిలోని అంకంపాలెం ఆశ్రమ పాఠశాలకు చెందిన 9వ తరగతి విద్యార్థిని కుంజా త్రిలోచన రాష్ట్రస్థాయి రెజ్లింగ్‌ పోటీలకు ఎంపికైంది. ఉమ్మడి ఖమ్మం జిల్లా బాలబాలికల రెజ్లింగ్‌ ఎంపికల్లో భాగంగా భద్రాద్రి కొత్తగూడెం క్లబ్‌లో నిర్వహించిన పోటీల్లో ఆమె ప్రతిభ కనబరిచింది.అండర్‌-17 బాలికల విభాగంలో ప్రతిభ కనబరిచిన త్రిలోచనను రాష్ట్రస్థాయిలో జరిగే రెజ్లింగ్‌ పోటీలకు ఎంపిక చేసినట్లు అంకంపాలెం ఆశ్రమ పాఠశాల ప్రధానోపాధ్యాయురాలు శారద, డిప్యూటీ వార్డెన్‌ నాగమణి, పీఈడీ వెంకన్న తెలిపారు. ఎంపిక (SELECTION) ప్రక్రియలో త్రిలోచన ప్రతిభ చూపి రాష్ట్రస్థాయి పోటీలకు అర్హత సాధించిందని పేర్కొన్నారు.
రాష్ట్రస్థాయి పోటీల్లోనూ ప్రతిభ కనబరచాలని ఆకాంక్షిస్తూ త్రిలోచనకు ఉపాధ్యాయులు, విద్యార్థిని తల్లితండ్రులు శుభాకాంక్షలు తెలిపారు. రాష్ట్రస్థాయి (STATE LEVEL) పోటీల్లోనూ విజయాలు సాధించాలని ఆకాంక్షించారు. త్రిలోచనకు పాఠశాల ఉపాధ్యాయులు (TEACHERS), తోటి విద్యార్థులు అభినందనలు తెలిపారు. విద్యార్థినికి అవసరమైన ప్రోత్సాహం అందిస్తామని పాఠశాల యాజమాన్యం (MANAGEMENT) తెలిపింది.
