ప్రజలకు స్టార్ హెల్త్ సూచన

ఆరోగ్యంపై అప్రమత్తంగా ఉండండి!

విజయవాడ: వర్షాకాలం అనంతరం సీజనల్ వ్యాధుల(Seasonal Diseases) పట్ల అప్రమత్తంగా ఉండాలని ఆంధ్రప్రదేశ్ ప్రజలకు స్టార్ హెల్త్ అండ్ అలైడ్ ఇన్సూరెన్స్(Star Health and Allied Insurance) సూచించింది. రాష్ట్రంలోని పలు ప్రాంతాల్లో మలేరియా, డెంగ్యూ, వైరల్ జ్వరాల కేసులు నమోదవుతున్న నేపథ్యంలో ముందస్తు జాగ్రత్తలు తీసుకోవాలని, లక్షణాలు కనిపించిన వెంటనే వైద్యులను సంప్రదించాలని పేర్కొంది. మరోవైపు, రాష్ట్రంలో హోమ్ హెల్త్ కేర్ సేవలకు ఆదరణ పెరుగుతున్నట్లు కంపెనీ వెల్లడించింది.

ఏపీలో మలేరియా, డెంగ్యూపై ఆందోళన

రాష్ట్ర వైద్య ఆరోగ్య శాఖ గణాంకాలను ఉటంకిస్తూ, 2026 ఆగస్టు 30 నాటికి ఆంధ్రప్రదేశ్‌లో మలేరియా కేసులు(AP Malaria Cases) 7,895కు చేరుకున్నాయని కంపెనీ తెలిపింది. గత ఏడాదితో పోలిస్తే ఇవి 27.9 శాతం పెరిగినట్లు పేర్కొంది. అల్లూరి సీతారామరాజు, పోలవరం, విజయనగరం జిల్లాల్లో కేసులు అధికంగా నమోదైనట్లు వివరించింది. రాష్ట్రంలో 1,475 డెంగ్యూ కేసులు నమోదైనట్లు కూడా వెల్లడించింది.

మలేరియా, డెంగ్యూ, సీజనల్ ఫ్లూ, ఇతర వైరల్ ఇన్ఫెక్షన్ల ప్రారంభ లక్షణాలు ఒకేలా ఉండే అవకాశం ఉందని, సొంతంగా మందులు వాడకుండా వైద్యుల సలహా తీసుకోవాలని సూచించింది. దోమల నివారణ, పరిసరాల పరిశుభ్రత, వ్యక్తిగత ఆరోగ్య జాగ్రత్తలకు ప్రాధాన్యం ఇవ్వాలని పేర్కొంది.

హోమ్ హెల్త్ కేర్ వినియోగంలో 4.2 రెట్ల వృద్ధి

వైద్యుల పర్యవేక్షణలో ఇంటి వద్దే చికిత్స పొందేందుకు ప్రజలు ఆసక్తి చూపుతున్నారని స్టార్ హెల్త్ తెలిపింది. కంపెనీ గణాంకాల ప్రకారం, ఆంధ్రప్రదేశ్‌లో అర్హులైన పాలసీదారుల మధ్య హోమ్ హెల్త్ కేర్ సేవల వినియోగం 2026 ఏప్రిల్ నుంచి సెప్టెంబర్ మధ్య కాలంలో, గత ఏడాది ఇదే కాలంతో పోలిస్తే 4.2 రెట్లకు పైగా పెరిగింది.

రెండేళ్ల వ్యవధిలో ఈ సేవల వినియోగం 12 రెట్లకు పైగా పెరిగినట్లు కంపెనీ పేర్కొంది. విజయవాడ, విశాఖపట్నం, గుంటూరు, కాకినాడతో పాటు తూర్పు గోదావరి, కడప, ప్రకాశం జిల్లాలోని దర్శి, గుడివాడ, నరసరావుపేట, నర్సాపురం, అనంతపురం ప్రాంతాల్లో ఈ సేవలకు అధిక వినియోగం కనిపిస్తున్నట్లు తెలిపింది.

వర్చువల్ కన్సల్టేషన్లకు ప్రాధాన్యం

వినియోగదారులకు వైద్య సహాయాన్ని మరింత చేరువ చేసేందుకు ‘టాక్ టు స్టార్’, వర్చువల్ డాక్టర్ కన్సల్టేషన్లు, హోమ్ హెల్త్ కేర్ సేవలను బలోపేతం చేస్తున్నట్లు కంపెనీ వెల్లడించింది. అర్హతలు, పాలసీ నిబంధనలకు అనుగుణంగా ఈ సేవలను వినియోగించుకోవచ్చని పేర్కొంది.

స్టార్ హెల్త్ ఇన్సూరెన్స్ ఆంధ్రప్రదేశ్ బిజినెస్ హెడ్ శ్రీనివాస్ కేబీబీ మాట్లాడుతూ, ఆరోగ్య సమస్యలు తీవ్రమయ్యే వరకు వేచి చూడకుండా ప్రారంభ దశలోనే వైద్య సహాయం పొందడం ముఖ్యమని తెలిపారు. సీజనల్ జ్వరాల లక్షణాలు ఒకేలా కనిపించవచ్చని, వాటి కారణాలను గుర్తించేందుకు వైద్యుల సలహా అవసరమని వివరించారు.

ఏప్రిల్ నుంచి సెప్టెంబర్ మధ్య ఆంధ్రప్రదేశ్‌లో తమ అర్హులైన కస్టమర్లలో హోమ్ హెల్త్ కేర్ వినియోగం గత ఏడాదితో పోలిస్తే 4.2 రెట్లకు పైగా పెరిగిందని ఆయన పేర్కొన్నారు. వర్చువల్ వైద్య సంప్రదింపులు, గైడెడ్ కేర్ సపోర్ట్, ఇంటి వద్ద వైద్య సేవల ద్వారా పాలసీదారులకు అవసరమైన ఆరోగ్య సహాయాన్ని అందుబాటులోకి తీసుకురావడమే తమ లక్ష్యమని తెలిపారు.

నివారణే ఆరోగ్య రక్షణకు కీలకం

సీజనల్ వ్యాధుల సమయంలో లక్షణాలను నిర్లక్ష్యం చేయకుండా, వైద్యుల సూచనలను పాటించడం ద్వారా ఆరోగ్య సమస్యలను ముందుగానే గుర్తించే అవకాశం ఉంటుంది. జ్వరం, తీవ్రమైన తలనొప్పి, ఒళ్లు నొప్పులు లేదా ఇతర అనారోగ్య లక్షణాలు కనిపిస్తే స్వీయ వైద్యం చేయకుండా వైద్యులను సంప్రదించాలని సూచించారు.