ఈ పశువుల డాక్టర్ మాకొద్దు

ఎర్రుపాలెం, అక్టోబర్ 10 (విజయ క్రాంతి): మండల కేంద్రంలో పనిచేస్తున్న పశువైద్యాధికారి శివకుమార్ తమకు వద్దని రైతులు పేర్కొన్నారు. ఆయనపై వచ్చిన ఆరోపణలపై విచారణ (Enquiry) చేయడానికి వచ్చిన జాయింట్ డైరెక్టర్ డాక్టర్ బోడెపూడి పురంధర్‌కు ఎర్రుపాలెం సర్పంచ్‌తో పాటు రైతులు ఫిర్యాదు చేశారు. శివకుమార్‌ను విధుల నుంచి తొలగించి, మరొక డాక్టర్‌ను నియమించాలని కోరారు.పశువైద్యాధికారి శివకుమార్‌పై ప్రజావాణిలో (Praja Vani) దరఖాస్తు చేసిన రైతులు, శుక్రవారం విచారణకు వచ్చిన జాయింట్ డైరెక్టర్ పురంధర్‌కు ఆయనపై పలు అవినీతి ఆరోపణలు చేశారు.

సకాలంలో విధులకు హాజరుకావడం లేదని, పశువులకు వైద్యం చేయడం లేదని, పశువుల కోసం ప్రభుత్వం సరఫరా చేసే మందులను బయట విక్రయిస్తున్నారని ఆరోపించారు. రైతులకు పంపిణీ చేయాల్సిన జొన్నలను ఎవరికి ఇచ్చారో చెప్పాలని డిమాండ్ చేశారు.ఈ ఆరోపణలపై విచారణ (Investigation) జరిపి, తగిన చర్యలు తీసుకుంటామని జాయింట్ డైరెక్టర్ రైతులకు హామీ ఇచ్చారు. శివకుమార్‌పై వచ్చిన ఆరోపణలను సర్పంచ్ నండ్రు అశ్విని స్వయంగా జేడీకి ఫిర్యాదు చేశారు. తక్షణమే శివకుమార్‌ను విధుల నుంచి తొలగించి, ఆయన స్థానంలో మరో పశువైద్యాధికారిని నియమించాలని సర్పంచ్ డిమాండ్ చేశారు.