మఠంపల్లి.. బెల్ట్ షాపులే ప్రతిగల్లీ..!
- వైన్స్‌లో అసలు ధర.. బెల్ట్ షాపుల్లో అదనపు బాదుడు
- క్వార్టర్, బీర్‌పై రూ.40 వరకు అదనపు వసూలు చేస్తున్నారనే ఆరోపణలు
- అనధికార విక్రయాలపై అధికారులు దృష్టి సారించాలంటున్న స్థానికులు
మఠంపల్లి, అక్టోబర్ 9: మఠంపల్లి మండలంలో బెల్ట్ షాపుల దందా(The 'Belt Shop' Racket) జోరుగా సాగుతోందనే ఆరోపణలు వినిపిస్తున్నాయి. గ్రామాలు, ప్రధాన రహదారుల పరిధిలో అనధికారికంగా మద్యం విక్రయాలు జరుగుతున్నాయని, దీంతో మద్యం ప్రియులపై అదనపు భారం పడుతోందని స్థానికులు చెబుతున్నారు.
వైన్స్ షాపుల్లో మద్యం నిర్ణీత ధరకు విక్రయిస్తుండగా, బెల్ట్ షాపుల్లో మాత్రం అదే మద్యం బాట్పి అదనంగా డబ్బులు వసూలు చేస్తున్నారనే ఆరోపణలు ఉన్నాయి. ముఖ్యంగా ఒక క్వార్ట్ప రూ.40 నుంచి రూ.50 వరకు, బీర్ బాట్పి కూడా రూ.4050 వరకు అదనంగా వసూలు చేస్తున్నారని వినియోగదారులు వాపోతున్నారు.
ఎంఆర్పీకి అదనంగా వసూళ్లు?
మద్యం ధరలపై స్పష్టమైన సమాచారం అందుబాటులో ఉన్నప్పటికీ, బెల్ట్ షాపుల్లో మాత్రం తమకు నచ్చిన ధరలకు విక్రయిస్తున్నారనే విమర్శలు ఉన్నాయి. అత్యవసర సమయంలో మద్యం కొనుగోలు చేయాల్సి రావడంతో వినియోగదారులు అడిగిన ధరకు కొనుగోలు చేయాల్సి వస్తోందని పలువురు అంటున్నారు.
గ్రామాల్లో విచ్చలవిడిగా విక్రయాలు
మండలంలోని కొన్ని గ్రామాలు, శివారు ప్రాంతాల్లో బెల్ట్ షాపుల ద్వారా మద్యం విక్రయాలు జరుగుతున్నాయని స్థానికులు ఆరోపిస్తున్నారు. అనుమతులు లేకుండా మద్యం విక్రయాలు సాగుతున్నాయా? అనే అంశంపై సంబంధిత అధికారులు తనిఖీలు చేపట్టాల్సిన అవసరం ఉందని వారు కోరుతున్నారు.
అధికారుల తనిఖీలు ఎక్కడ?
బెల్ట్ షాపులపై ఎక్సైజ్ అధికారులు ఎప్పటికప్పుడు తనిఖీలు నిర్వహించి అక్రమ మద్యం విక్రయాలను అరికట్టాల్సి ఉన్నప్పటికీ, క్షేత్రస్థాయిలో పరిస్థితి అందుకు భిన్నంగా ఉందనే విమర్శలు వినిపిస్తున్నాయి. అనధికారిక మద్యం విక్రయాలపై ఫిర్యాదులు వస్తే వాటిని పరిశీలించి చర్యలు తీసుకోవాలని స్థానికులు కోరుతున్నారు.
అక్రమ విక్రయాలకు అడ్డుకట్ట వేయాలి
బెల్ట్ షాపుల ద్వారా అధిక ధరలకు మద్యం విక్రయిస్తున్నారనే ఆరోపణలపై అధికారులు సమగ్రంగా విచారణ చేపట్టి, నిబంధనలు ఉల్లంఘించినట్లు తేలితే చట్టపరమైన చర్యలు తీసుకోవాలని ప్రజలు కోరుతున్నారు. మద్యం విక్రయాల్లో పారదర్శకత ఉండేలా, వినియోగదారుల నుంచి అదనపు వసూళ్లకు అడ్డుకట్ట పడేలా అధికారులు చర్యలు చేపట్టాలని డిమాండ్ చేస్తున్నారు.
బెల్ట్ షాపులను కట్టడి చేయాలి
బెల్ట్ షాపులో అధిక ధరకు మద్యం బాటిల్ అమ్ముతుండడంతో మందుబాబులపై మరింత భారం పడుతుంది. దీంతో చాలా కుటుంబాలపై ఆర్థిక భారంపడే అవకాశం ఉంది. కాబట్టి బెల్టు షాపులను కట్టడి చేయాలి. అలాగే మద్యం ఎక్కువ ధరకు అమ్మే వారిపై చర్యలు తీసుకోవాలి
- బానోతు సోమ్లా నాయక్,
మఠంపల్లి మండల వాసి బెల్ట్ షాపులు లేకుండా చర్యలు తీసుకుంటాం
బెల్ట్ షాపు యజమానులు మద్యం అధిక ధరలకు అమ్మడం కాదు,బెల్ట్ షాపులు లేకుండా చర్యలు తీసుకుంటాం,అక్రమ బెల్లం,పఠిక,సారాయి రవాణా చేస్తే కఠిన చర్యలు తీసుకుంటామని తెలిపారు.
శ్రీనివాస్ రెడ్డి, ఆబ్కారీ సిఐ, హుజూర్ నగర్*
