పట్టభద్రుల ఓటు నమోదుకు కాంగ్రెస్ స్పీడ్

కూసుమంచి, నవంబర్ 1(విజయక్రాంతి): ఖమ్మం జిల్లా కూసుమంచి మండలం జీళ్ళచెరువు గ్రామంలో ఎమ్మెల్సీ పట్టభద్రుల ఓటరు నమోదు కార్యక్రమాన్ని కాంగ్రెస్ పార్టీ నాయకులు ఆదివారం ప్రారంభించారు. రాష్ట్ర రెవెన్యూ, గృహనిర్మాణ శాఖ మంత్రి పొంగులేటి శ్రీనివాసరెడ్డి ఆదేశాల మేరకు కూసుమంచి క్యాంపు కార్యాలయ ఇన్‌చార్జి భీమిరెడ్డి శ్రీనివాస్‌రెడ్డి, మండల పార్టీ అధ్యక్షుడు బజ్ధూరి వెంకట్‌రెడ్డి ఆధ్వర్యంలో ఈ కార్యక్రమం చేపట్టారు.

స్థానిక కాంగ్రెస్ నాయకులు గ్రామంలోని ప్రతి ఇంటికీ వెళ్లి అర్హులైన పట్టభద్రులను కలుసుకున్నారు. వారి వివరాలు సేకరించి ఆన్‌లైన్ (Online Registration) ద్వారా ఓటరు నమోదును చేపట్టారు. పట్టభద్రులందరూ తమ ఓటు హక్కును తప్పనిసరిగా నమోదు చేసుకోవాలని ఈ సందర్భంగా నాయకులు కోరారు.ఓటరు నమోదుకు ఈ నెల 6వ తేదీ వరకు మాత్రమే గడువు (Deadline) ఉందని, అర్హులైన వారు గడువు ముగిసేలోగా తమ పేర్లను నమోదు చేసుకోవాలని సూచించారు.

ఈ కార్యక్రమంలో ఓటరు నమోదు ఇన్‌చార్జి పెండ్ర అంజయ్య, మార్కెట్ కమిటీ డైరెక్టర్ మొక్క ఉపేందర్, దేవాలయ మాజీ చైర్మన్ అంబాల లింగయ్య, మాజీ ఎంపీటీసీ కాసాని వెంకన్న, ఎస్సీ సెల్ మండల అధ్యక్షుడు కొండా శ్రీనివాసరావు, సోషల్ మీడియా మండల అధ్యక్షుడు బెజవాడ శ్రీకాంత్, నాయకులు అంబాల రామనాధం, గోపి లక్ష్మయ్య, గుమ్మడెల్లి నరేష్ తదితరులు పాల్గొన్నారు.