భూ రీ-సర్వే.. రైతులకు కొత్త ఆశలు!
కల్లూరు, అక్టోబర్‌ 1 (విజయ క్రాంతి): కల్లూరు మండలం రఘునాథగూడెం గ్రామంలో సర్పంచ్‌ కుక్కా సుధారాణి రానా అధ్యక్షతన గురువారం గ్రామసభ నిర్వహించారు. ఈ సందర్భంగా గ్రామపంచాయతీ పరిధిలో కొనసాగుతున్న భూ రీ-సర్వే (RE-SURVEY) ప్రక్రియను సబ్‌ కలెక్టర్‌ పరిశీలించారు. రైతులతో ముఖాముఖిగా మాట్లాడి రీ-సర్వేకు సంబంధించిన వారి అభిప్రాయాలు, సందేహాలు, సమస్యలను అడిగి తెలుసుకున్నారు. రైతులు తెలిపిన సూచనలు, అభ్యంతరాలను పరిశీలించిన సబ్‌ కలెక్టర్‌, నిబంధనల ప్రకారం రీ-సర్వేను పారదర్శకంగా నిర్వహించాలని సంబంధిత అధికారులను ఆదేశించారు. మండలంలో తొలిసారిగా రఘునాథగూడెంలో జరుగుతున్న భూ రీ-సర్వేను రైతులు సద్వినియోగం చేసుకుని, సర్వే బృందానికి సహకరించాలని కోరారు. ఈ ప్రక్రియ ద్వారా ఎప్పటినుంచో ఉన్న భూ సమస్యలను సానుకూలంగా పరిష్కరించుకునే అవకాశం ఉందన్నారు.
రైతులు తమ భూములకు సంబంధించిన వివరాలను అధికారులకు (OFFICIALS) అందించి, సర్వే ప్రక్రియలో భాగస్వాములు కావాలని సూచించారు. భూ రీ-సర్వే (LAND SURVEY) పారదర్శకంగా నిర్వహించి, రైతుల అభ్యంతరాలను నిబంధనల మేరకు పరిష్కరిస్తామని సబ్‌ కలెక్టర్‌ తెలిపారు. కార్యక్రమంలో తహసీల్దార్‌, ఆర్‌ఐ, గ్రామపంచాయతీ కార్యదర్శి శ్రీనివాసరావు, ఉప సర్పంచ్‌ కర్నాటి కోటేశ్వరి, రామకృష్ణారెడ్డి, ఏఎన్‌ఎంలు, వార్డు సభ్యులు, గ్రామ పెద్దలు, రైతులు, అంగన్‌వాడీ టీచర్లు, ఆశా కార్యకర్తలు, గ్రామ ప్రజలు తదితరులు పాల్గొన్నారు. గ్రామసభ **(GRAM SABHA)**లో రైతులు తమ సమస్యలను సబ్‌ కలెక్టర్‌ దృష్టికి తీసుకెళ్లారు.
