'ఆదర్శ కుటుంబం' రివ్యూ అండ్ రేటింగ్

త్రివిక్రమ్ మార్క్ కామెడీ.. వెంకీ మార్క్ ఎంటర్‌టైన్‌మెంట్.. సినిమా హిట్టా?

వెంకటేశ్, త్రివిక్రమ్ కాంబినేషన్‌లో వచ్చిన ‘ఆదర్శ కుటుంబం హౌస్ నంబర్ 47’ (AK47) ప్రేక్షకుల ముందుకు వచ్చేసింది. ఇంతకుముందు ఈ ఇద్దరూ మూడు సినిమాలకు కలిసి పనిచేసినప్పటికీ, త్రివిక్రమ్ దర్శకత్వంలో వెంకటేశ్ హీరోగా నటించడం ఇదే తొలిసారి. కామెడీ, యాక్షన్, ఫ్యామిలీ ఎమోషన్స్ కలిపిన ఈ సినిమా ప్రేక్షకులను ఎంతవరకు ఆకట్టుకుందో చూద్దాం.

కథేంటంటే?

చిట్టిబాబు తొట్టి (వెంకటేశ్), ఆయన భార్య స్వర్ణ (శ్రీనిధి శెట్టి), పిల్లలు అప్పుల బాధలతో మధ్యతరగతి జీవితాన్ని నెట్టుకొస్తుంటారు. ఆర్థిక ఇబ్బందులతో సతమతమవుతున్న వారి కుటుంబానికి అనూహ్యంగా రూ.100 కోట్ల Lottery తగులుతుంది. ఒక్కసారిగా వారి జీవితాలు మారిపోతాయి. రూ.20 కోట్ల విలువైన విల్లాను కొనుగోలు చేసి కొత్త జీవితాన్ని ప్రారంభిస్తారు. అయితే వారి ఆనందం ఎక్కువ రోజులు నిలవదు. కొత్తగా కోటీశ్వరులైన ఈ కుటుంబంపై డబ్బు కోసం నేరాలకు పాల్పడే బీహార్‌కు చెందిన దోపిడీ ముఠా కన్నుపడుతుంది. ఆ Gang నుంచి కుటుంబాన్ని కాపాడుకునేందుకు చిట్టిబాబు ఎలాంటి పోరాటం చేశాడు? వారి కొత్త జీవితం ఎలాంటి మలుపులు తిరిగింది? అనేదే మిగతా కథ.

ప్లస్ పాయింట్స్

ఈ సినిమాకు ప్రధాన బలం వెంకటేశే. మధ్యతరగతి వ్యక్తిగా, కామెడీ టైమింగ్‌తో పాటు మాస్ యాక్షన్ చూపించే పాత్రలో ఆయన చక్కగా ఒదిగిపోయారు. ముఖ్యంగా తనదైన Body Language, కామెడీ పంచ్‌లతో ప్రేక్షకులను నవ్విస్తారు. యాక్షన్ సన్నివేశాల్లోనూ తనదైన ముద్ర వేస్తారు. శ్రీనిధి శెట్టి తన పాత్రకు న్యాయం చేశారు. ముఖ్యంగా ఆమె Comic Timing బాగుంది. త్రివిక్రమ్ రాసిన సన్నివేశాలు ఆమె పాత్రకు మంచి గుర్తింపు తీసుకొచ్చాయి. పిల్లల పాత్రల్లో నటించిన రాజా ప్రజ్వల్, యువీనా పార్థవి కూడా ఆకట్టుకున్నారు. సత్య కామెడీ సినిమాకు మరో ప్రధాన ఆకర్షణ. రఘుబాబు, రావు రమేశ్ తదితరులు తమ పాత్రల పరిధిలో మెప్పించారు. First Half సినిమాకు మంచి బలంగా నిలుస్తుంది. కామెడీ, యాక్షన్‌ను సమతుల్యంగా నడిపించిన విధానం ఆకట్టుకుంటుంది. ముఖ్యంగా Interval Action Sequence సినిమాకు హైలైట్‌గా నిలుస్తుంది. సెకండాఫ్‌లో వచ్చే Twist కూడా కథపై ఆసక్తిని పెంచుతుంది. తమన్ అందించిన Background Score కీలక సన్నివేశాలకు మంచి ఎలివేషన్ ఇచ్చింది.

మైనస్ పాయింట్స్

నటి నివేదా పేతురాజ్‌కు కథలో పెద్దగా ప్రాధాన్యత లేకపోవడం నిరాశ కలిగిస్తుంది. మంచి నటనకు అవకాశం ఉన్నప్పటికీ, ఆమె పాత్రకు తగిన Scope కనిపించదు. నారా రోహిత్ పాత్ర కూడా సాధారణంగానే సాగుతుంది. ఉదయ్‌బీర్ సంధూకు మంచి పాత్ర దక్కినా, నటనలో మరింత ప్రభావం చూపించి ఉంటే డ్రామా ఇంకాస్త బలంగా ఉండేది. కథలో కొత్తదనం అంతగా కనిపించదు. Screenplay మాత్రం సినిమాను ముందుకు నడిపిస్తుంది. దర్శకుడు ప్రయత్నించిన Emotional Scenes మాత్రం ప్రేక్షకులకు పూర్తిస్థాయిలో కనెక్ట్ కావు. కొన్ని సన్నివేశాలు సహజత్వానికి దూరంగా అనిపిస్తాయి. బలమైన Emotional Background ఉంటే ఆ సన్నివేశాలు మరింత ప్రభావవంతంగా ఉండేవి. సెకండాఫ్ ప్రారంభంలో ఆసక్తికరమైన మలుపు ఉన్నప్పటికీ, ఆ తర్వాత కథనం అదే వేగాన్ని కొనసాగించలేకపోతుంది. ఫస్ట్ హాఫ్‌లో ఉన్న Entertainment స్థాయి రెండో భాగంలో కనిపించదు. పాటలు కూడా కథకు పెద్దగా అదనపు ఆకర్షణను తీసుకురాలేకపోయాయి.

సాంకేతిక విభాగం

దర్శకుడు త్రివిక్రమ్ తనదైన శైలిలో కామెడీ, యాక్షన్‌ను కలిపి సినిమాను రూపొందించారు. ఆయన Mark Dialogues, కామెడీ సన్నివేశాలు అక్కడక్కడా మెప్పిస్తాయి. అయితే ఎమోషనల్ సన్నివేశాలపై మరింత శ్రద్ధ పెట్టి ఉంటే సినిమా స్థాయి పెరిగేది. నవీన్ నూలి Editing ఫస్ట్ హాఫ్‌లో బాగుంది. సెకండాఫ్‌లో మాత్రం కొన్ని చోట్ల వేగం తగ్గుతుంది. తమన్ Background Music సినిమాకు బలాన్ని ఇచ్చింది. అయితే Songs మాత్రం అంతగా ఆకట్టుకోవు. ముఖ్యంగా ‘నారాయణమ్మ’ పాట అవసరం లేదనిపిస్తుంది. కెవిన్ కుమార్ రూపొందించిన Interval Fight బాగుంది. రవి కె. చంద్రన్ Cinematography, Production Values కూడా ఓ మోస్తరుగా ఉన్నాయి.

తుది విశ్లేషణ

‘ఆదర్శ కుటుంబం హౌస్ నంబర్ 47’ ఒక డీసెంట్ ఫ్యామిలీ ఎంటర్‌టైనర్. వెంకటేశ్ కామెడీ, శ్రీనిధి శెట్టి నటన, సత్య హాస్యం, ఇంటర్వెల్ యాక్షన్ ఎపిసోడ్ సినిమాకు ప్రధాన ఆకర్షణలు. అయితే బలహీనమైన సెకండాఫ్, అంతగా పండని ఎమోషన్స్, కొన్ని పాత్రలకు సరైన ప్రాధాన్యత లేకపోవడం ప్రతికూల అంశాలు. అయినప్పటికీ కామెడీ, యాక్షన్ కలిసిన ఒక సరదా ఫ్యామిలీ వాచ్‌గా సినిమా ఓ మోస్తరు వినోదాన్ని అందిస్తుంది.

ఆదర్శ కుటుంబం హౌస్ నంబర్ 47’ రివ్యూ 3/5 ‘ డీసెంట్ ఎంటర్‌టైనర్