ట్రంప్ బాడీ షేమింగ్.. ప్రశ్నిస్తే అంత కోపమా?
ప్రశ్న అడిగినందుకు జర్నలిస్టుకు అవమానం.. ట్రంప్ తీరుపై చర్చ!
వాషింగ్టన్: అమెరికా అధ్యక్షుడు డొనాల్డ్ ట్రంప్ మరోసారి తన వ్యాఖ్యలతో వార్తల్లో నిలిచారు. తన ఆరోగ్య పరిస్థితిపై ప్రశ్నించిన జర్నలిస్టుపై ఆయన తీవ్ర అసహనం వ్యక్తం చేశారు. అంతటితో ఆగకుండా రిపోర్టర్ శారీరక ఆకృతిని ప్రస్తావిస్తూ వ్యక్తిగత వ్యాఖ్యలు చేశారు. ఈ ఘటన ప్రస్తుతం అమెరికా రాజకీయ వర్గాల్లో చర్చనీయాంశంగా మారింది. గురువారం జరిగిన మీడియా interactionలో.. కాన్సాస్‌లో నిర్వహించాల్సిన Campaign Rallyకి ట్రంప్ ఎందుకు వెళ్లడం లేదని, ఆయన ఆరోగ్యం బాగోలేకపోవడమే కారణమా అని ఓ జర్నలిస్టు ప్రశ్నించారు. దీంతో ట్రంప్ ఒక్కసారిగా ఆగ్రహానికి గురయ్యారు. ప్రశ్న అడిగిన వ్యక్తి, ఆయన పనిచేస్తున్న మీడియా సంస్థపైనా విమర్శలు చేశారు. అనంతరం జర్నలిస్టు రూపాన్ని ఉద్దేశించి మాట్లాడుతూ.. అతను ఫిట్‌గా లేడని, తన శరీరాకృతిపై దృష్టి పెట్టాలని వ్యాఖ్యానించారు. ‘నువ్వు చాలా దారుణంగా కనిపిస్తున్నావు’ అంటూ అవమానకరంగా మాట్లాడారు. అయితే తాను సంపూర్ణ ఆరోగ్యంతో ఉన్నానని ట్రంప్ స్పష్టం చేశారు.
కాన్సాస్, ఐయోవా సభలు రద్దు.. అసలు కారణమేంటి?
మరోవైపు, వారాంతంలో కాన్సాస్‌లోని సలీనా, ఐయోవాలోని డుబుక్‌లో జరగాల్సిన Campaign Ralliesను ట్రంప్ రద్దు చేశారు. మిడ్‌టర్మ్ ఎన్నికల ముందు రిపబ్లికన్ అభ్యర్థులకు మద్దతుగా ఈ సభలు నిర్వహించాల్సి ఉంది. అయితే కాన్సాస్‌కు వెళ్లాల్సిన అవసరం తనకు కనిపించడం లేదని ట్రంప్ వ్యాఖ్యానించారు. అనంతరం ఐయోవా సభను కూడా రద్దు చేస్తున్నట్లు Republican National Committee ప్రకటించింది. నేరుగా సభలకు హాజరుకాకపోయినా, MAGA Inc ఆధ్వర్యంలో కనీసం 19 రాష్ట్రాల్లో Tele-Rallies నిర్వహించనున్నట్లు వెల్లడించారు. వీటిలో ట్రంప్ వర్చువల్‌గా పాల్గొని రిపబ్లికన్ అభ్యర్థులకు మద్దతుగా ప్రచారం చేయనున్నారు. అక్టోబర్ 1 నుంచి ఇప్పటివరకు ఆయన 19 రాష్ట్రాల్లో 25 ఎన్నికల ప్రచార సభల్లో పాల్గొన్నారు. అమెరికా Senate, House of Representativesలో రిపబ్లికన్ల ఆధిపత్యం కొనసాగుతుందా లేదా అన్నది ఈ Midterm Electionsలో తేలనుంది. సభలు రద్దు చేసినప్పటికీ శుక్రవారం ఫ్లోరిడాలో జరిగే మరో ప్రచార కార్యక్రమానికి ట్రంప్ హాజరుకానున్నట్లు సమాచారం.
