బిగ్ బాస్ 10లోకి ఆర్జీవీ హీరోయిన్.. వైల్డ్ కార్డు ఎంట్రీపై బజ్!

బిగ్ బాస్ తెలుగు సీజన్ 10(Bigg Boss Telugu Season 10)లో వైల్డ్ కార్డు ఎంట్రీలపై ఆసక్తికరమైన చర్చ నడుస్తోంది. ఇప్పటికే హౌస్‌లో కంటెస్టెంట్ల మధ్య టాస్కులు, వాగ్వాదాలతో సందడి కొనసాగుతుండగా.. కొత్తగా కొందరు సెలబ్రిటీలను రంగంలోకి దింపేందుకు మేకర్స్ ప్లాన్ చేస్తున్నారనే ప్రచారం జరుగుతోంది.

తాజాగా ఈ వైల్డ్ కార్డు లిస్ట్‌లో టాలీవుడ్ నటి దక్షీ గుత్తికొండ(Dakshi Guttikonda) పేరు వినిపిస్తోంది. ఆమె బిగ్ బాస్ తెలుగు 10లోకి వైల్డ్ కార్డు(Bigg Boss Telugu Wild Card Entries) ద్వారా అడుగుపెట్టబోతున్నారంటూ సోషల్ మీడియాలో చర్చ మొదలైంది. దీంతో బిగ్ బాస్ అభిమానుల్లో ఆసక్తి పెరిగింది. అయితే దక్షీ ఎంట్రీపై బిగ్ బాస్ టీమ్ నుంచి ఇప్పటివరకు అధికారిక సమాచారం లేదు. అందువల్ల ప్రస్తుతానికి ఇది సోషల్ మీడియా, ఇండస్ట్రీ వర్గాల్లో వినిపిస్తున్న ప్రచారంగానే చూడాల్సి ఉంటుంది.

ఎవరీ దక్షీ గుత్తికొండ?

రామ్ గోపాల్ వర్మ(Ram Gopal Varma) దర్శకత్వంలో తెరకెక్కిన ‘కరోనా వైరస్’ సినిమాతో దక్షీ గుత్తికొండ నటిగా పరిచయమయ్యారు. ఆ తర్వాత పలు చిత్రాల్లో నటించిన ఆమె.. నితిన్ నటించిన ‘ఎక్స్‌ట్రార్డినరీ మ్యాన్’లోనూ కనిపించారు. కొంతకాలం సినిమాలకు దూరంగా ఉన్న దక్షీ.. తిరిగి నటనపై ఫోకస్ పెట్టారు. ఇటీవల ఆమె రామ్ గోపాల్ వర్మతో తన అనుభవాలపై చేసిన వ్యాఖ్యలు కూడా చర్చకు వచ్చాయి.

ఇక బిగ్ బాస్ 10లో ఆమె నిజంగానే వైల్డ్ కార్డు ఎంట్రీ ఇస్తే.. హౌస్‌లో కొత్త కాంబినేషన్లు, గేమ్ ప్లాన్స్‌కు అవకాశం ఉంటుందని అభిమానులు భావిస్తున్నారు. అయితే ఈ ప్రచారానికి తెరపడాలంటే బిగ్ బాస్ నిర్వాహకుల అధికారిక ప్రకటన వచ్చే వరకు వేచి చూడాల్సిందే.