ట్రంప్ హత్యకు స్కెచ్?

వైట్‌హౌస్ దగ్గర తుపాకుల కలకలం.. ట్రంప్‌ను చంపేందుకు వచ్చానంటూ వ్యక్తి అరెస్ట్!

వాషింగ్టన్: అమెరికా అధ్యక్ష భవనం వైట్‌హౌస్ సమీపంలో భద్రతా వర్గాలను అప్రమత్తం చేసే ఘటన చోటుచేసుకుంది. అధ్యక్షుడు డొనాల్డ్ ట్రంప్‌ను(President Donald Trump) హత్య చేయాలనే ఉద్దేశంతో వాషింగ్టన్‌కు వచ్చినట్లు చెప్పిన ఓ వ్యక్తిని U.S. Secret Service అధికారులు అరెస్ట్ చేశారు. అతడి వాహనంలో మూడు తుపాకులు, భారీగా Ammunition లభించడం కలకలం రేపింది. తన తలలో వినిపించిన స్వరాలు ట్రంప్‌ను చంపాలని ఆదేశించాయని నిందితుడు చెప్పినట్లు Department of Homeland Security (DHS) వెల్లడించింది.

అర్ధరాత్రి అనుమానాస్పద కదలికలు.. అధికారుల తనిఖీలు

నవంబర్ 5 గురువారం రాత్రి వాషింగ్టన్ డీసీలోని Constitution Avenue వద్ద పార్క్ చేసిన ఓ వాహనంలో వ్యక్తి అనుమానాస్పదంగా కనిపించాడు. దీంతో అక్కడ పెట్రోలింగ్ నిర్వహిస్తున్న Secret Service అధికారులు అతడి వద్దకు వెళ్లి ప్రశ్నించారు. నిందితుడిని వెనిజులాకు చెందిన Ronny Yordrix Guanipa Chrinosగా గుర్తించారు. తనను ప్రశ్నించిన అధికారులకు ట్రంప్‌ను హత్య చేయాలనే ఉద్దేశంతోనే వాషింగ్టన్‌కు వచ్చినట్లు చెప్పినట్టు DHS ప్రకటనలో పేర్కొంది. అనంతరం అధికారులు వాహనాన్ని తనిఖీ చేయగా అది దొంగిలించబడినదని గుర్తించారు. అందులో AR-15 తరహా రైఫిల్, MAC-10 తుపాకీ, Glock 43X పిస్టల్‌తో పాటు డజన్ల సంఖ్యలో బుల్లెట్లు లభించాయి. ఆయుధాలు బయటపడటంతో భద్రతా సిబ్బంది అప్రమత్తమయ్యారు. ఎలాంటి అవాంఛనీయ ఘటన జరగకముందే నిందితుడిని అదుపులోకి తీసుకున్నారు. అతడు ఉపయోగిస్తున్న వాహనంలోనే నివసిస్తున్నట్లు విచారణలో అంగీకరించినట్టు కోర్టు పత్రాల్లో వెల్లడైంది.

అమెరికాలో అక్రమంగా ప్రవేశించినట్లు ఆరోపణలు

DHS వివరాల ప్రకారం.. క్రినోస్ 2024 మార్చిలో టెక్సాస్ సరిహద్దు ద్వారా అమెరికాలోకి ప్రవేశించాడు. అప్పటి నుంచి సరైన Immigration Documents లేకుండా దేశంలో ఉంటున్నట్లు అధికారులు తెలిపారు. ఈ ఘటనపై స్పందించిన హోమ్‌ల్యాండ్ సెక్యూరిటీ సెక్రటరీ Markwayne Mullin.. Secret Service సిబ్బంది వేగంగా స్పందించడంతో పెద్ద ప్రమాదం తప్పిందని పేర్కొన్నారు. నిందితుడు ఎవరికీ హాని చేయకముందే అతడిని అదుపులోకి తీసుకున్నారని వెల్లడించారు.

బెయిల్ నిరాకరణ.. పలు అభియోగాలు

నిందితుడిపై ఆయుధాలను అక్రమంగా కలిగి ఉండటం, అనుమతి లేకుండా తుపాకులు తీసుకెళ్లడం, దొంగిలించిన వాహనాన్ని ఉపయోగించడం, దొంగిలించిన ఆస్తిని స్వాధీనంలో ఉంచుకోవడం వంటి పలు అభియోగాలు నమోదయ్యాయి. శుక్రవారం అతడిని కోర్టులో హాజరుపరచగా బెయిల్ మంజూరు చేయకుండా కస్టడీలో ఉంచాలని ఆదేశించారు. ప్రస్తుతం ఈ కేసుపై దర్యాప్తు కొనసాగుతోంది. వైట్‌హౌస్‌కు సమీపంలో ఆయుధాలతో వ్యక్తి పట్టుబడటం అమెరికా భద్రతా వ్యవస్థలో మరోసారి ఆందోళనకు కారణమైంది.