నీటి గుంటలో పడిపోయిన ఆటో...

మహిళా మృతి ముగ్గురికి గాయాలు.. 

ఆదిలాబాద్, (విజయక్రాంతి) : ఆటో అదుపుతప్పి నీటి గుంటలో పడి ఓ మహిళ మృతి చెందగా, ముగ్గురికి గాయాలైన ఘటన ఆదిలాబాద్ జిల్లాలో చోటుచేసుకుంది. రూరల్ మండలంలోని బంగారి గూడ డంపింగ్ యార్డ్ సమీపంలో ఆటో ముందరి టైరు పంచర్ కావడంతో రోడ్డు ప్రక్కనే ఉన్న నీటి గుంటలో పడిపోయింది. ఈ ఘటనలో వ్యవసాయ కూలీ మోరే సవిత (35) తో పాటు మరో ముగ్గురు సైతం నీటి గుంటల పడడంతో ముగ్గురు క్షేమంగా బయటపడ్డప్పటికీ, సవిత మాత్రం గల్లంతయ్యింది. కొద్దిసేపటికి ఈతగాళ్ల సహకారంతో  మృతదేహాన్ని వెలికి తీశారు. కాగా రూరల్ ఎస్ఐ ఘటన స్థలాన్ని చేరుకొని విచారణ చేపడుతున్నారు.