మేడారంలో ఉచిత మెగా వైద్య శిబిరాన్ని ప్రారంభం

మేడారంలో ఉచిత మెగా వైద్య శిబిరాన్ని ప్రారంభించిన రాష్ట్ర మంత్రి సీతక్క, టీపీసీసీ రాష్ట్ర ప్రధాన కార్యదర్శి శ్రీను బాబు

మంథని,(విజయక్రాంతి): మేడారంలో గిరిజన మ్యూజియం ఎదురుగా హన్మకొండకు చెందిన చక్రవర్తి హాస్పిటల్ యాజమాన్యం డాక్టర్ తరుణ్ రెడ్డి – డాక్టర్ చంద్రిక దంపతులు, సమ్మక్క–సారలమ్మ తల్లుల జాతరకు విచ్చేసే లక్షలాది భక్తుల ఆరోగ్యాన్ని దృష్టిలో ఉంచుకుని ఉచిత మెగా వైద్య శిబిరాన్ని ఏర్పాటు చేశారు. ఈ వైద్య శిబిరాన్ని మంగళవారం రాష్ట్ర పంచాయతీరాజ్, స్త్రీ శిశు సంక్షేమ శాఖ మంత్రి సీతక్క, టీపీసీసీ రాష్ట్ర ప్రధాన కార్యదర్శి దుద్దిళ్ళ శ్రీను బాబు  కలిసి రిబ్బన్ కట్ చేసి ఘనంగా ప్రారంభించారు.

ఈ సందర్భంగా వారు మాట్లాడుతూ, జాతరకు వచ్చే భక్తుల ఆరోగ్య పరిరక్షణ కోసం ముందుకు వచ్చి ఉచిత వైద్య సేవలు అందిస్తున్న చక్రవర్తి హాస్పిటల్ యాజమాన్యాన్ని, డాక్టర్ తరుణ్ రెడ్డి – డాక్టర్ చంద్రిక దంపతులను ప్రత్యేకంగా అభినందించారు. ఇలాంటి సేవా కార్యక్రమాలు సమాజానికి ఎంతో అవసరమని కొనియాడారు.