జనవరి12 విడుదలలో దీపుగా కృతిశెట్టి
విక్టరీ వెంకటేశ్(Victory Venkatesh), నందమూరి కళ్యాణ్రామ్(Nandamuri Kalyan Ram), దర్శకుడు అనిల్ రావిపూడి(Anil Ravipudi) కాంబోలో వస్తున్న తాజాచిత్రం ‘జనవరి 12 విడుదల’. షైన్స్క్రీన్స్ బ్యానర్పై సాహు గారపాటి నిర్మిస్తున్న ఈ సినిమాలో వెంకటేశ్ సరసన కీర్తి సురేశ్, కళ్యాణ్రామ్కు జోడీగా కృతిశెట్టి(Krithi Shetty) నటిస్తున్నారు. సంక్రాంతి సందర్భంగా జనవరి 12న ప్రేక్షకుల ముందుకు రానున్న ఈ సినిమా ప్రస్తుతం శరవేగంగా షూటింగ్ జరుపుకొంటోంది. ఈ చిత్రం నుంచి వస్తున్న ప్రతి అప్డేట్ ఆసక్తిని పెంచుతోంది.
ఇప్పటికే వెంకటేశ్, కళ్యాణ్రామ్ ఫస్ట్లుక్స్ను విడుదల చేసిన మేకర్స్.. తాజాగా హీరోయిన్ కృతిశెట్టి పుట్టినరోజు సందర్భంగా ఆమెను ‘దీపు’గా పరిచయం చేశారు. ఈ మేరకు విడుదల చేసిన ఫస్ట్లుక్ పోస్టర్లో కృతి శెట్టి సంప్రదాయ అవతార్లో ఆకట్టుకుంటోంది. ఈ చిత్రానికి జీవీ ప్రకాశ్కుమార్ సంగీతం అందిస్తుండగా, సమీర్రెడ్డి సినిమాటోగ్రాఫర్గా, తమ్మిరాజు ఎడిటర్గా, ఏఎస్ ప్రకాశ్ ప్రొడక్షన్ డిజైనర్గా వ్యవహరిస్తున్నారు.
