భారత్ సంచలనం.. ప్రణవి గోల్డ్‌తో చరిత్ర!
నాగోయా, అక్టోబర్ 3: భారత గోల్ఫ్‌లో సరికొత్త చరిత్ర నమోదైంది. Asian Games 2026 Women’s Golfలో భారత క్రీడాకారిణి ప్రణవి ఉర్స్ స్వర్ణ పతకాన్ని సొంతం చేసుకున్నారు. ఈ ఘనతతో ఆసియా క్రీడల్లో మహిళల వ్యక్తిగత గోల్ఫ్‌లో గోల్డ్ మెడల్ సాధించిన తొలి భారత మహిళా గోల్ఫర్‌గా( Pranavi Urs First Indian Woman Golfer) ఆమె రికార్డు సృష్టించారు. అంతేకాదు, ఆమె ప్రదర్శనతో భారత మహిళల గోల్ఫ్ జట్టుకు టీమ్ ఈవెంట్‌లో రజత పతకం కూడా దక్కింది.
మూడో హోల్‌లో ఊహించని షాక్..
23 ఏళ్ల ప్రణవి ఉర్స్(Pranavi Urs Gold Medal) ఫైనల్ రౌండ్‌ను మూడు షాట్ల ఆధిక్యంతో ప్రారంభించారు. అయితే మూడో హోల్ వద్ద వచ్చిన ట్రిపుల్ బోగీ ఒక్కసారిగా పరిస్థితిని మార్చేసింది. అప్పటివరకు ఉన్న ఆధిక్యం మొత్తం కరిగిపోయింది. గోల్డ్ రేసులో పోటీ మరింత ఉత్కంఠగా మారింది. అయితే అక్కడితో ప్రణవి వెనక్కి తగ్గలేదు. వెంటనే తన ఆటను గాడిలో పెట్టుకుని మూడు బర్డీలు సాధించారు. దీంతో మళ్లీ ఆధిక్యంలోకి వచ్చి చివరి వరకు గోల్డ్ రేసును తన చేతుల్లోనే ఉంచుకున్నారు.
చివరి హోల్‌లో అసలైన ఉత్కంఠ..
చివరి రౌండ్‌లో ప్రణవి( Pranavi Urs First Indian Woman Golfer) ఈవెన్-పార్ 70 స్కోరు నమోదు చేశారు. నాలుగు రోజుల ఆటను కలిపి 15-అండర్ 265తో టోర్నమెంట్‌ను ముగించారు. ప్రత్యర్థుల కంటే కేవలం ఒక్క షాట్ ఆధిక్యం ఆమెకు గోల్డ్‌ను అందించింది. చివరి దశలో ఒత్తిడిని తట్టుకుని ఆధిక్యాన్ని నిలబెట్టుకోవడంతో చారిత్రక విజయం ఖాయమైంది. చైనాకు చెందిన యిన్ రువోనింగ్, సింగపూర్‌కు చెందిన షానన్ టాన్ 14-అండర్ స్కోరుతో సమంగా నిలిచారు. అనంతరం జరిగిన ప్లేఆఫ్‌లో యిన్ రువోనింగ్ రజతం, షానన్ టాన్ కాంస్య పతకాన్ని అందుకున్నారు.
టీమ్ ఈవెంట్‌లోనూ సిల్వర్..
ప్రణవి ఉర్స్ వ్యక్తిగతంగా గోల్డ్ సాధించడంతో పాటు అదితి అశోక్, దీక్షా దాగర్తో కలిసి భారత మహిళల గోల్ఫ్ జట్టుకు కూడా పతకం(Pranavi Urs Team Silver) అందించారు. టీమ్ ఈవెంట్‌లో భారత్ 14-అండర్ 546 స్కోరుతో రజత పతకం సాధించింది. చైనా 22-అండర్ 538తో స్వర్ణాన్ని గెలుచుకుంది.
24 ఏళ్ల తర్వాత గోల్ఫ్‌లో వ్యక్తిగత గోల్డ్..
ప్రణవి ఉర్స్ స్వర్ణానికి మరో ప్రత్యేకత ఉంది. 2002లో శివ్ కపూర్ పురుషుల వ్యక్తిగత గోల్ఫ్‌లో గోల్డ్ సాధించిన తర్వాత, ఏషియన్ గేమ్స్‌లో భారత్‌కు వ్యక్తిగత గోల్ఫ్ స్వర్ణం మళ్లీ రావడానికి 24 ఏళ్లు పట్టింది. ఇప్పుడు ప్రణవి ఉర్స్ ఆ నిరీక్షణకు తెరదించారు. Asian Games 2026 India Medal Tallyలోనూ ఈ విజయం భారత్‌కు కీలకంగా మారింది. ప్రణవి గోల్డ్‌తో భారత పతకాల ఖాతా మరింత బలపడింది. గోల్ఫ్‌లో వ్యక్తిగత స్వర్ణంతో పాటు టీమ్ సిల్వర్ సాధించడం భారత మహిళా గోల్ఫ్‌కు ప్రత్యేక విజయంగా నిలిచింది.
