అసెంబ్లీ వేదికగా కుస్తీ పట్లు!

జెన్- జీ(Gen-Z)లు నిలదీసేలోపే.. ఎమ్మెల్యేలు తమ బాధ్యతలను గుర్తించాలి

కోట్లాది ప్రజాధనం ఖర్చు(Spending public funds) చేస్తున్నా.. అంతా గందరగోళమే

1. ఎమ్మెల్యేల నెలవారీ ప్యాకేజీ సుమారు రూ.2.5  నుంచి రూ. 2.75 లక్షలు.
2. శాసనవ్యవస్థపై ప్రజా పెట్టుబడి ఏటా వేల కోట్ల రూపాయలు.
3. తెలంగాణ ఎమ్మెల్యేలకు దేశంలోనే అత్యధిక పారితోషికం.
4. జీతం, నియోజకవర్గ భత్యం, ఇతర సౌకర్యాలు కలిపి నెలకు సుమారు రూ. 2.5-2.75 లక్షలు.
5. ఇందులో సుమారు రూ. 20,000 ప్రాథమిక జీతం కాగా..  రూ.2.3 లక్షల వరకు నియోజకవర్గ భత్యం.
7. ఉచిత నివాసం, 30 లక్షల వరకు వాహన అడ్వాన్స్, వైద్య సదుపాయాలు, ప్రయాణ రాయితీలు వంటి ప్రయోజనాలు కూడా ఉన్నాయి.

* శాసనసభలు(Legislative Assemblies) నిర్వహించాల్సిన విధానానికి.. వాస్తవంగా జరుగుతున్న విధానా నికి స్పష్టమైన వైరుధ్యం కనపడుతోంది. ప్రజల పన్నులతో కోట్లాది రూపా యలను ఎమ్మెల్యేల జీతభత్యాలు, భద్రత, మౌలిక సదుపాయాలు, అసెంబ్లీ(Assembly) నిర్వహణ కోసం ఖర్చు చేస్తున్నాం. కానీ ఆ ప్రజా ప్రతినిధులే తమ సమయాన్ని, సభా వేదికను నిర్మాణాత్మక చర్చలకంటే ఘర్షణలకు వినియోగిస్తే, ఆ వ్యయానికి అర్థమేంటి?

* శాసనసభలు మరింత స్పష్టమైన, అమలు చేయదగిన ప్రవర్తనా నియమాలను రూపొందించాలి. పదేపదే భౌతిక దాడులకు పాల్పడే సభ్యులు, సభా కార్యకలాపాలను స్తంభింపజేసేలా ఉద్దేశపూర్వకంగా వ్యవహరించే సభ్యులు, సభ గౌరవానికి భంగం కలిగించే ప్రవర్తనను పునరావృతం చేసే వారిపై సస్పెన్షన్‌తో పాటు కఠినమైన చర్యలు తీసుకోవాలి.

ప్రజాస్వామ్యంలో భావప్రకటనకు, చర్చకు, ప్రభుత్వాన్ని విమర్శించడానికి, శాసనసభ్యుల ప్రత్యేక హక్కులను రక్షించాలి. అయితే హింసకు, ఉద్దేశపూర్వక గందరగోళానికి అవే రక్షణ కవచాలుగా మారకూడదు. సభాపతులకు మరింత బలమైన నియంత్రణ సాధనాలు అవసరం. అదే సమయంలో రాజకీయ పార్టీలు కూడా ఒక విషయం గుర్తించాలి. 

* ముఖ్యమైన కోణం ఉంది. అది తరాల మార్పు. దేశంలోని యువత డిజిటల్ ప్రపంచం(Digital World)లో పెరిగింది. అసెంబ్లీ కార్యకలాపాలను ఎప్పటికప్పుడు సోషల్ మీడియా(Social Media) ద్వారా జెన్ జీ గమనిస్తోంది. యువత ఇప్పుడు ఉపాధి, నైపుణ్యాలు, నాణ్యమైన విద్య, మెరుగైన జీవన ప్రమాణాల కోసం తీవ్రమైన పోటీని ఎదుర్కుంటున్నది. ప్రజల డబ్బుతో నడిచే ప్రజాస్వామ్య సంస్థలు.. కేవలం రాజకీయ నాటకాలకు వేదికలైతే యువత సహించదు.

సమాఖ్య ప్రజాస్వామ్యానికి దేశంలోని రాష్ట్రాల శాసనసభలు(State Legislative Assemblies) మూలస్తంభాలు. ప్రజ లు ఎన్నుకున్న ప్రతినిధులు ప్రజా సమస్యలపై చర్చించి, చట్టాలు రూపొందించి, ప్రజల జీవన ప్రమాణాలను మెరుగుపరచాల్సిన వేదికలు అవి. కానీ ఇందుకు పూర్తిగా విరుద్ధమైన పరిస్థితి మన కళ్లముందు కనిపిస్తోంది. అసెంబ్లీ భవనాల నిర్మాణం, నిర్వహణ, ఎమ్మెల్యేల జీతభత్యాలు, సౌకర్యాలు, భద్రత కోసం కోట్లాది రూపాయల ప్రజాధనం వెచ్చిస్తున్నా.. అదే సభల్లో ప్రజాప్రతినిధుల మధ్య తరచూ ఘర్షణలు, దూషణలు, నినాదాలు, నిరసనలు చోటుచేసుకుంటూ శాసన వ్యవస్థల ప్రతిష్ఠను దిగజారుస్తున్నాయి.

ఇలాంటి పరిస్థితులను సమూలంగా మార్చాలంటే.. ఇకనైనా కఠినమైన ప్రవర్తనా నియమావళిని అమలుచేయాల్సిన అవసరం ఉంది. పదేపదే హద్దులు మీరి ప్రవర్తించే సభ్యుల ను సస్పెండ్ చేయడం, అవసరమైతే అనర్హతకు గురిచేసేలా నిబంధనలు రూపొందించాల్సిన అవసరం తప్పనిసరి. నిరు ద్యోగం, నైపుణ్యాభివృద్ధి, సంక్షేమ పథకాలు, మౌలిక సదుపాయాలు, అవినీతి వంటి ప్రజల జీవితాలను ప్రభావితం చేసే అంశాలపై సారవంతమైన చర్చలే శాసనసభలకు ప్రాధాన్యతాంశాలు కావాలి.

భారీగా ప్రజాధనం..

రాష్ట్ర శాసనసభలపై ప్రభుత్వాలు వెచ్చిస్తున్న ప్రజాధనం చిన్న మొత్తమేమీ కాదు. దేశవ్యాప్తంగా సుమారు 4,000 మంది ఎమ్మెల్యేలు ఉన్నారు. ఒక్కో రాష్ట్రంలో వారి జీతభత్యాలు, అలవెన్సులు వేర్వేరుగా ఉన్నప్పటికీ, మొత్తంగా ఇది ప్రభుత్వ ఖజానాపై గణనీయమైన భారమే. తెలంగాణ ఎమ్మెల్యేలు దేశంలోనే అత్యధిక పారితోషికం పొందుతున్న వారిలో ఉన్నారు. జీతం, వివిధ అలవెన్సులు కలిపి వారి నెలవారీ ప్యాకేజీ సుమారు రూ.2.5  నుంచి రూ. 2.75 లక్షల వరకు ఉంటుందని ప్రభు త్వ గణాంకాలే చెబుతున్నాయి.

మహారాష్ట్ర, ఉత్తరప్రదేశ్  తదితర రాష్ట్రాల్లో ఈ మొత్తం రూ.1.5 నుంచి రూ. 2 లక్షలు దాటుతోంది. కేరళలో మాత్రం ఇది సుమారు రూ.70 వేల స్థాయిలో ఉంది. ఇవికాక నియోజకవర్గ భత్యాలు, ప్రయాణ సౌకర్యాలు, అధికారిక నివాసాలు లేదా ఇంటి అద్దె భత్యం, వాహనాలు లేదా వాహన నిర్వహణ ఖర్చులు, సిబ్బంది, వైద్య సదుపాయాలు, అసెంబ్లీ సమావేశాల సమయంలో రోజువారీ భత్యాలు వంటి అనేక ప్రయోజనాలు ఎమ్మెల్యేలకు అందుతున్నాయి.

అనేక రాష్ట్రాలు.. ఆయా రాజధా నుల్లో అధికారిక నివాసాలను, భద్రత, ఉచిత/రాయితీ ప్రయాణ సౌకర్యాలు వంటి అదనపు సౌకర్యాలను అందిస్తూ.. ఆ వ్యయ భారాన్ని ప్రభుత్వాలు మోస్తున్నాయి.  ఎమ్మె ల్యే నియోజకవర్గ అభివృద్ధి నిధులు (ఎంపీ ల్యాడ్స్/ ఇతర పథకాలు) కొన్ని రాష్ట్రాల్లో ఏడాదికి రూ.2 కోట్ల నుంచి ఒడిశా వంటి రాష్ట్రాల్లో రూ.5 కోట్ల వరకు ఉన్నాయి. అంటే ప్రజాధనం భారీ మొత్తంలో ఎమ్మెల్యేల ద్వారా స్థానిక అభివృద్ధి పనులకు మ ళ్ళిస్తున్నారనే చెప్పవచ్చు.

అసెంబ్లీ భవనాల నిర్వహణ, సిబ్బంది జీతాలు, సాంకేతిక సదుపాయాల అభివృ ద్ధి, సమావేశాల నిర్వహణ తదితరాలకు కూడా ఏటా కోట్లాది రూపాయలు ఖర్చవుతున్నాయి. శాసనసభల డిజిటలైజేషన్, సంబంధిత పనులపై గతంలోనే వందల కోట్ల రూపాయల అంచనాలు నమోదయ్యా యి. మాజీ ఎమ్మెల్యేల పెన్షన్లు, ఇతర సౌకర్యాలు, భద్రతా ఏర్పాట్లు కలిపితే శాసన వ్యవస్థపై ప్రజా పెట్టుబడి ఏటా వేల కోట్ల రూపాయలకు చేరుతోంది.

ఈ భారీ వ్యయానికి ప్రతిగా ప్రజలు ఒక స్పష్టమైన ఫలితాన్ని ఆశించడం సహజం.. సమంజసమే. ఎమ్మెల్యేలు ప్రజా ప్రయోజనాలపై చర్చించాలి, విధానాలను లోతుగా పరిశీలించాలి, చట్టాలను రూపొందించాలి, ప్రభుత్వాన్ని జవాబుదారీగా నిలబెట్టాలి. ప్రజల జీవన ప్రమాణాలను పెంచడం వారి ప్రధాన బాధ్యత. అసెంబ్లీ సమావేశాల్లో ని రుద్యోగం, నైపుణ్యాల లోపం, యువతకు ఉపాధి అవకాశాలు, ఫీజు రీయింబర్స్‌మెం ట్ పథకాలు, విద్యా ప్రమాణాలు, సంక్షేమ పథకాల అమలు వంటి అంశాలపై చర్చ జరగాలి.

వ్యాపారాలకు అనుకూల వాతావర ణం, పరిశ్రమలకు ప్రోత్సాహకాలు, పట్టణ కాలుష్యం, భవిష్యత్ రవాణా వ్యవస్థలు, తాగునీరు, విద్యుత్, వైద్య మౌలిక సదుపాయాలు, పర్యాటక రంగం, మూసీ నది పున రుజ్జీవనం వంటి కీలక అంశాలకు ప్రాధాన్యత ఇవ్వాలి. ప్రభుత్వ ఆదాయ వనరులను పెంచడం, ప్రజలపై అధిక భారం పడకుండా ఆర్థిక వనరులను సమీకరించడం, అవినీతిని అరికట్టడం వంటి అంశాలపైనా సమగ్ర చర్చ అవసరం. అభివృద్ధి ఫలాలు ప్రజలకు చేరుతున్నాయా, లేక అవి కేవలం ప్రసంగాలకే పరిమితమవుతున్నాయా అన్నది శాసనసభలు పరిశీలించాలి.

భిన్నమైన పరిస్థితి.. 

కానీ వాస్తవ పరిస్థితులు అందుకు భిన్నం గా ఉన్నాయి. అసెంబ్లీలు, వాటి పరిసరాలు తరచూ యుద్ధ రంగాలను తలపిస్తున్నాయి. తోపులాటలు, ఘర్షణలు, దుస్తులు చించుకోవడం, ఎమ్మెల్యేలను.. మహిళా ఎమ్మెల్యే లను సైతం దురుసుగా వ్యవహరించారన్న ఆరోపణలు, స్పీకర్ పోడియంవైపు దూసుకెళ్లి నినాదాలు చేయడం, ధర్నాలు, వరుస వాయిదాలు.. ఇలాంంటి దృశ్యాలన్నీ.. శాసనసభలలో పునరావృతం అవుతున్నాయి. ఇటీవల తెలంగాణలో ప్రతిపక్ష ఎమ్మెల్యేలు, మహిళా ఎమ్మెల్యేలు పోలీసుల దురుసు ప్రవర్తనపై తీవ్ర ఆరోపణలు చేశారు. జుట్టు లాగారని, అడ్డుకున్నారని, దురుసుగా వ్యవహరించారని వారు ఆరోపించారు.

ఈ ఘట నలపై విచారణలు, హైకోర్టు జోక్యం వంటి పరిణామాలు చోటుచేసుకున్నాయి. హర్యానాలోనూ.. అసెంబ్లీ ప్రవేశ ద్వారాల వద్ద అడ్డుకోవడం, నినాదాలు, తోపులాటలకు సంబంధించిన ఆరోపణలు వచ్చాయి. మ హారాష్ట్ర అసెంబ్లీ పరిసరాల్లోనూ మద్దతుదారుల మధ్య ఘర్షణలు చోటుచేసుకున్నాయి. కెమెరాల్లో రికార్దు అయిన, సోషల్ మీడియాలో క్షణాల్లో వైరల్ అవుతున్న ఈ దృ శ్యాలు శాసనసభల పట్ల ప్రజల్లో ఉన్న గౌరవాన్ని దెబ్బతీస్తున్నాయి. అంతేకాదు, ప్రజా సమస్యలపై చర్చించాల్సిన విలువైన సభా సమయం వృథా అవుతోంది.

శాసనసభలు నిర్వహించాల్సిన విధానానికి.. వాస్తవంగా జరుగుతున్న విధానానికి స్పష్టమైన వైరుధ్యం ఇక్కడే కనపడుతోంది. ప్రజల పన్నులతో కోట్లాది రూపాయలను ఎమ్మెల్యేల జీతభత్యాలు, భద్రత, మౌలిక సదుపాయాలు, అసెంబ్లీ నిర్వహణ కోసం ఖర్చు చేస్తున్నాం. కానీ ఆ ప్రజా ప్రతినిధులే తమ సమయాన్ని, సభా వేదికను నిర్మాణాత్మక చర్చలకంటే ఘర్షణలకు వినియోగిస్తే, ఆ వ్యయానికి అర్థమేంటి?

ప్రజలు ప్రశ్నించడం సహజమే..

అందుకే శాసనసభలు మరింత స్పష్టమై న, అమలు చేయదగిన ప్రవర్తనా నియమాలను రూపొందించాలి. పదేపదే భౌతిక దాడులకు పాల్పడే సభ్యులు, సభా కార్యకలాపాలను స్తంభింపజేసేలా ఉద్దేశపూర్వకం గా వ్యవహరించే సభ్యులు, సభ గౌరవానికి భంగం కలిగించే ప్రవర్తనను పునరావృతం చేసే వారిపై సస్పెన్షన్‌తో పాటు కఠినమైన చర్యలకు అవకాశం ఉండాలి. ప్రజాస్వామ్యం లో భావప్రకటనకు, చర్చకు, ప్రభుత్వాన్ని విమర్శించడానికి, శాసనసభ్యుల ప్రత్యేక హక్కులు రక్షించాలి.

అయితే హింసకు, ఉద్దేశపూర్వక గందరగోళానికి అవే రక్షణ కవ చాలుగా మారకూడదు. సభాపతులకు (స్పీకర్) మరింత బలమైన నియంత్రణ సాధ నాలు అవసరం. అదే సమయంలో రాజకీయ పార్టీలు కూడా ఒక విషయం గుర్తించా లి. ఎన్నికల్లో ప్రజలు ఇచ్చిన విజయం.. శాసనసభలో దౌర్జన్యానికి లైసెన్స్ కాదని వారు గ్రహించాలి.

ఈ సమస్యకు మరో ముఖ్యమైన కోణం ఉంది. అది తరాల మార్పు. భారతదేశంలో భారీ సంఖ్యలో ఉన్న జెన్-జీ యువత డిజిటల్ ప్రపంచంలో పెరిగింది. అసెంబ్లీ కార్యక లాపాలను వారు నేరుగా, తక్షణమే సోషల్ మీడియా ద్వారా గమనిస్తున్నారు. వివిధ రాష్ట్రాల పాలనా పనితీరును పోల్చి చూస్తున్నారు. ఉపాధి, నైపుణ్యాలు, నాణ్యమైన విద్య, మెరుగైన జీవన ప్రమాణాల కోసం తీవ్రమైన పోటీని ఎదుర్కొంటున్నారు.

ఇలాంటి తరం, ప్రజల డబ్బుతో నడిచే ప్రజాస్వామ్య సంస్థలు పనిచేయకుండా కేవలం రాజకీయ నాటకాలకు వేదికలుగా మారడాన్ని నిరవధికంగా సహించదు. ఇదే కొన సాగితే ప్రజాస్వామ్య సంస్థలపై నమ్మకం తగ్గే ప్రమాదం ఉంది. ప్రజల్లో రాజకీయ వ్యవస్థ పట్ల విసుగు, అనుమానం పెరగవచ్చు. భవిష్యత్తులో మరింత కఠినమైన జవాబుదారీత నం కోసం డిమాండ్లు రావచ్చు. అందువల్ల సభలో మర్యాద అనేది కేవలం ఆచార వ్యవహారం కాదు. అది ప్రజాస్వామ్య చట్టబద్ధ తకు ప్రాథమిక అవసరం.

సంక్షోభం వచ్చేవరకు సంస్కరణలను వా యిదా వేయాల్సిన అవసరం లేదు. అసెంబ్లీలు ఇప్పటి నుంచే నిరుద్యోగం, నైపుణ్యా భివృద్ధి, ఉపాధి కల్పన, ఫీజు రీయింబర్స్ మెంట్, విద్యా సంస్కరణలు, సంక్షేమ పథకాల అమలు వంటి అంశాలపై కేంద్రీకృత చర్చలకు సమయం కేటాయించాలి. వ్యాపా ర అనుకూల వాతావరణం, పట్టణ కాలుష్య నియంత్రణ, స్థిరమైన రవాణా వ్యవస్థ, నీరు, -విద్యుత్ భద్రత, ఆరోగ్య మౌలిక సదుపాయాలు, పర్యాటక రంగం, మూసీ పునరు జ్జీవనం వంటి ప్రతిష్టాత్మక ప్రాజెక్టులను ముందుకు తీసుకెళ్ళాలి.

వీటిపై స్పష్టమైన లక్ష్యాలు, ఫలితాలతో పర్యవేక్షణ జరగాలి. పరిశ్రమలకు సముచిత ప్రోత్సాహకాలు ఇ వ్వడం, ప్రభుత్వ ఆదాయాన్ని సమర్థంగా పెంచడం, అవినీతిని అరికట్టేందుకు పారదర్శకతను పెంచడం, ప్రభుత్వ పథకాలు ప్రజ లకు చేరేలా బలమైన పర్యవేక్షణ వ్యవస్థలను ఏర్పాటు చేయడం ద్వారా ఎమ్మెల్యేలు తమ ప్రజా ధనానికి విలువను చాటగలరు.

ఎందుకంటే వారికి జీతాలు, సౌకర్యాలు, భద్రత, అధికారిక వేదిక... ఇవన్నీ అందుతున్నది కేవలం ప్రజా సేవ చేయడానికే. అసెంబ్లీలు ఆలోచనల వేదికలుగా ఉండాల్సిన చోట.. భౌతిక పోరాటానికి రంగస్థలాలుగా మారితే, వాటిపై వెచ్చిస్తున్న కోట్లాది రూపాయల ప్రజాధనాన్ని సమర్థించడమూ కష్టమే.. ప్రజా ధనం వృథా అవుతుంది.

మార్గం స్పష్టంగా..

పదవికి తగిన ప్రవర్తనా ప్రమాణాలను కఠినంగా అమలు చేయాలి. వాటిని పదేపదే ఉల్లంఘించే వారికి స్పష్టమైన పరిణామాలు ఉంటాయనేది చట్టబద్దం చేయాలి. రాజకీయ ఘర్షణలపై వెచ్చించే శక్తిని ప్రజల జీవి తాలను ప్రభావితం చేసే సమస్యల పరిష్కారానికి మళ్లించాలి. అప్పుడే శాసనసభలపై వెచ్చిస్తున్న కోట్లాది రూపాయల ప్రజాధనం ప్రజాస్వామ్యం ఆశించే ఫలితాలను ఇస్తుంది. మెరుగైన చట్టాలు, మెరుగైన పాలన, ప్రజల జీవన ప్రమాణాల్లో నిజమైన మెరుగుదలకు ఉపయోగపడతాయి.

తెలంగాణ అసెంబ్లీలో అంతరాయాలు... ఖర్చులు..

తెలంగాణ శాసనసభలో 119 మంది సభ్యులున్నారు. తాజాగా జరుగుతున్న అసెంబ్లీ శీతాకాల సమావేశాలతో సహా తరచూ తీవ్ర అంతరాయాలకు వేదికగా మారుతోంది.

సెప్టెంబర్ 7న బ్లాక్ టీ-షర్టులు ధరించి నిరసనకు దిగిన బీఆర్‌ఎస్ ఎమ్మెల్యేలను అసెంబ్లీ గేట్ల వద్ద పోలీసులు అడ్డుకున్నారు. అనంతరం తోపులాటలు చోటుచేసుకున్నాయి. మహిళా ఎమ్మెల్యేల జుట్టు లాగడం, వారి చీరలపై పోలీసులు కాలు పెట్టడం వంటి ఆరోపణలు కూడా వచ్చాయి. కేటీఆర్, హరీశ్‌రావు తదితర నేతలను పోలీసులు అదుపులోకి తీసుకున్నారు. ఈ పరిణామాలపై హైకోర్టు జోక్యం చేసుకుని పోలీసుల తీరుపై తీవ్ర వ్యాఖ్యలు చేసింది. ఆ తర్వాతి రోజుల్లోనూ నినాదాలు, ప్లకార్డులు, సభా కార్యకలాపాలకు అంతరాయాలు కొనసాగాయి. సెప్టెంబర్ 9న స్పీకర్ 22 మంది బీఆర్‌ఎస్ ఎమ్మెల్యేలను, సీనియర్ నేతలను కలుపుకుని, మిగిలిన సమావేశాల నుంచి సస్పెండ్ చేశారు.

ఇటీవలి సంవత్సరాల్లో తెలంగాణ అసెంబ్లీ సమావేశాలు సగటున సుమారు 18 రోజులు మాత్రమే జరుగుతున్నాయి. ఇది ప్రజా సమస్యలపై జరగాల్సిన విస్తృత చర్చకు లభించే సమయాన్ని మరింత తగ్గిస్తోంది. ప్రజాధనం ఖర్చు విషయానికొస్తే.. తెలంగాణ ఎమ్మెల్యేలు దేశంలోనే అత్యధిక పారితోషికం పొందుతున్న జాబితాలో ఉన్నారు. జీతం, నియోజకవర్గ భత్యం, ఇతర సౌకర్యాలు కలిపి నెలకు సుమారు రూ.2.5-2.75 లక్షలు అందుతున్నట్లు ప్రభుత్వ గణాంకాలు చెబుతున్నాయి. ఇందులో సుమారు రూ. 20,000 ప్రాథమిక జీతం కాగా..  రూ.2.3 లక్షల వరకు నియోజకవర్గ భత్యం ఉండగా, ఇతర సౌకర్యాలు అదనంగా ఉంటాయి. ఉచిత నివాసం, రూ.30 లక్షల వరకు వాహన అడ్వాన్స్, వైద్య సదుపాయాలు, ప్రయాణ రాయితీలు వంటి ప్రయోజనాలు కూడా ఉన్నాయి.

119 మంది ఎమ్మెల్యేల నెలవారీ ప్యాకేజీలను మాత్రమే పరిగణనలోకి తీసుకున్నా, ఏటా రూ.30-36 కోట్లకు పైగా ఖర్చవుతుంది. దీనికి సిబ్బంది, పెన్షన్లు, భద్రత తదితర వ్యయాలు అదనం.

2025-26 ఆర్థిక సంవత్సరానికి తెలంగాణ శాసనసభకు సంబంధించిన డిమాండ్ సుమారు రూ.250.72 కోట్లు. ఇందులో శాసనసభ సచివాలయ నిర్వహణ, సభ్యుల జీతభత్యాలు, పరిపాలనా వ్యయాలు ఉన్నాయి. భవనాల నిర్వహణ, పునరుద్ధరణ పనులకు ప్రతిపాదిత రూ.49 కోట్ల అప్‌గ్రేడ్ సహా మరిన్ని కోట్ల రూపాయలు వెచ్చించాల్సి ఉంటోంది.

ఇలాంటి భారీ ప్రజాధనం వ్యయం ఒక కీలక ప్రజాస్వామ్య సంస్థను బలోపేతం చేయడానికే. అయితే అదే ప్రజాస్వామ్య సంస్థ వేదికగా తరచూ జరిగే భౌతిక ఘర్షణలు, అంతరాయాలు, సస్పెన్షన్లు శాసనసభ పనితీరును దెబ్బతీస్తే.. నిరుద్యోగం, సంక్షేమ పథకాల అమలు, మౌలిక సదుపాయాలు వంటి అత్యవసర అంశాలపై చర్చకు సమయం ఎక్కడ మిగులుతుంది?

ప్రజల డబ్బుతో నడిచే అసెంబ్లీ అనేది ప్రజల సమస్యలపై చర్చించి పరిష్కరించే వేదిక కావాలి... రాజకీయ కుస్తీలకు వేదిక కారాదు.

సి.ఎల్.రాజం

చైర్మన్, విజయక్రాంతి