మానవ హక్కుల కమిషన్ చైర్మన్‌గా సంతోష్ కుమార్

నాగల్‌గిద్ద,(విజయక్రాంతి): జాతీయ మానవ హక్కులు, సామాజిక న్యాయ కమిషన్ నాగల్‌గిద్ద మండల చైర్మన్‌గా గోప్య నాయక్ తండా సర్పంచ్ రామావత్ సంతోష్ కుమార్ నియమితులయ్యారు. నారాయణఖేడ్‌లోని కమిషన్ కార్యాలయంలో ప్రతినిధులు ఆయనకు నియామక పత్రాన్ని అందజేసి శాలువాతో సత్కరించారు. ఈ సందర్భంగా సంతోష్ కుమార్ మాట్లాడుతూ మానవ హక్కుల పరిరక్షణకు, సామాజిక న్యాయం కోసం నిరంతరం కృషి చేస్తానన్నారు. తనపై నమ్మకంతో బాధ్యతలు అప్పగించిన కమిషన్ ప్రతినిధులకు కృతజ్ఞతలు తెలిపారు. కార్యక్రమంలో కమిషన్ ప్రతినిధులు, స్థానిక నాయకులు, తండా వాసులు పాల్గొన్నారు.