ఘనపూర్‌లో మల్టీపర్పస్ భవన నిర్మాణానికి భూమి పూజ

ఉట్నూర్,(విజయక్రాంతి): ఉట్నూర్ మండలం ఘనపూర్ పంచాయతీ పరిధిలోని శంభు గూడలో పీఎం-జన్మన్ పథకం(PM-JANMAN Scheme)లో సుమారు ₹60 లక్షల వ్యయంతో నిర్మించనున్న మల్టీపర్పస్ భవన నిర్మాణ పనుల(multipurpose building construction works)కు ఖానాపూర్ ఎమ్మెల్యే, నిర్మల్ జిల్లా డీసీసీ అధ్యక్షులు వెడ్మ బొజ్జు పటేల్(DCC President Vedma Bojju Patel)  భూమి పూజ చేసి పనులను ప్రారంభించారు. సోమవారం ఈ సందర్భంగా ఎమ్మెల్యే మాట్లాడుతూ.. గ్రామ ప్రజల అవసరాలకు అనుగుణంగా మల్టీపర్పస్ భవనం నిర్మాణం చేపట్టడం పట్ల ఎమ్మెల్యే సంతోషం వ్యక్తం చేశారు. ఈ భవనం అందుబాటులోకి వచ్చిన అనంతరం గ్రామంలో వివిధ సామాజిక, ప్రజా కార్యక్రమాలకు ఉపయోగపడనుందని తెలిపారు.