బుగులు వెంకటేశ్వర స్వామికి అష్టదళ పాద పద్మారాధన

జనగామ, అక్టోబర్ 13 (విజయక్రాంతి): చిల్పూరు గుట్టపై కొలువైన శ్రీ బుగులు వెంకటేశ్వర స్వామి దేవాలయంలో(Sri Bugulu Venkateswara Swamy Temple) మంగళవారం అష్టదళ పాద పద్మారాధన పూజను అంగరంగ వైభవంగా నిర్వహించారు. ఆలయ అర్చకులు బంగారు పద్మాలతో స్వామివారికి ప్రత్యేక పూజలు చేశారు.

దేవాలయ చైర్మన్ పొట్లపల్లి శ్రీధర్ రావు, కిరణ్మయి దంపతులు 516 రూపాయలు చెల్లించి పూజలో పాల్గొన్నారు. వివిధ గ్రామాల నుండి భక్తులు అధిక సంఖ్యలో వచ్చి స్వామివారిని దర్శించుకొని తీర్థ ప్రసాదాలు స్వీకరించారు.

ఈ పూజా కార్యక్రమం కార్యనిర్వహణాధికారి బి. లక్ష్మీ ప్రసన్న ఆధ్వర్యంలో జరిగింది. ఈ కార్యక్రమంలో కనిష్ట సహాయకులు సిహెచ్ రాజేందర్ రెడ్డి, ధర్మకర్తల మండలి సభ్యులు, అర్చకులు బి. రవీందర్ శర్మ, సౌమిత్రి రంగాచార్యులు, ఆలయ సిబ్బంది పాల్గొన్నారు.