17వ రోజు లైఫ్ లైన్ ఉచిత వైద్య శిబిరం

కాగజ్ నగర్ (విజయక్రాంతి): కొమురం భీమ్ ఆసిఫాబాద్ జిల్లా సిర్పూర్ కాగజ్నగర్ రైల్వే స్టేషన్ ఆవరణలో లైఫ్ లైన్ ఎక్స్ ప్రెస్, ఇంపాక్ట్ ఇండియా ఫౌండేషన్ ఆధ్వర్యంలో కొనసాగుతున్న ఉచిత వైద్య శిబిరం(Free Medical Camp) ఆదివారం నాటికి 17వ రోజుకు చేరుకుంది. ఈ వైద్య శిబిరంలో కంటి, డెంటల్ రోగులకు వైద్య పరీక్షలు నిర్వహించి, ఆపరేషన్లు చేస్తున్నారు. అవసరమైన రోగులకు కంటి అద్దాలు, మందులు పంపిణీ చేస్తున్నారు. ప్రతిరోజు ఈ వైద్య శిబిరానికి  సుమారు 300 మందికి పైగా రోగులు వచ్చి వైద్య పరీక్షలు చేయించుకుంటున్నారు. వైద్య శిబిరానికి వచ్చిన రోగులకు, వారి బంధువులకు, వైద్య సిబ్బందికి. సిర్పూర్ ఎమ్మెల్యే డాక్టర్ హరీష్ బాబు ఆధ్వర్యంలో ఉచితంగా మంచినీరు, అన్నదాన కార్యక్రమాలు నిర్వహిస్తున్నారు.