నిమజ్జనోత్సవాలకు అధికారుల పకడ్బందీ ఏర్పాట్లు

కాగజ్‌నగర్, సెప్టెంబర్ 24 (విజయక్రాంతి): కాగజ్‌నగర్ మున్సిపాలిటీ(Kagaznagar municipality) పరిధిలో గణేష్ నిమజ్జనోత్సవాలకు అధికారులు పకడ్బందీ ఏర్పాట్లు చేస్తున్నారు. గురువారం సబ్‌కలెక్టర్ హర్ష చౌదరి, మున్సిపల్ కమిషనర్ తిరుపతి వంజరి గ్రామ సమీపంలోని పెద్దవాగు వాటర్ ట్యాంక్ వద్ద ఏర్పాట్లను పరిశీలించారు. ఈ నెల 25న నిమజ్జనం నిర్వహించనున్న నేపథ్యంలో సీసీ కెమెరాలు, సైడ్‌వాల్, రోపింగ్, పోలీస్ బందోబస్తు, వైద్య శిబిరం, విద్యుత్, అగ్నిమాపక సిబ్బందిని అందుబాటులో ఉంచుతున్నారు. భక్తులకు ఎలాంటి ఇబ్బందులు కలగకుండా అన్ని శాఖల అధికారులు సమన్వయంతో పనిచేస్తున్నట్లు కమిషనర్ తెలిపారు.