ఈ ప్రాంతాల ప్రజలు అలర్ట్

నేపాల్‌లో మారిన వాతావరణం.. ఈ ప్రాంతాల్లో వర్షాలు, మంచు కురిసే ఛాన్స్!

కాఠ్మాండు: నేపాల్‌లో వాతావరణ పరిస్థితుల్లో(Nepal Weather Update) మార్పులు కనిపిస్తున్నాయి. పశ్చిమ గాలులు, రుతుపవనాల ప్రభావంతో దేశంలోని పలు ప్రాంతాల్లో మేఘావృత వాతావరణం నెలకొంది. నేపాల్ వాతావరణ అంచనా విభాగం వెల్లడించిన వివరాల ప్రకారం.. హిమాలయ, కొండ ప్రాంతాల్లో పాక్షికంగా మేఘాలు కమ్ముకోగా, టెరాయ్ ప్రాంతాల్లో ఎక్కువగా ఆకాశం నిర్మలంగా ఉంది. బాగ్మతి, గండకి, లుంబిని ప్రావిన్సుల హిమాలయ ప్రాంతాల్లో అక్కడక్కడ తేలికపాటి వర్షాలు(Rain) కురుస్తున్నాయి. సోమవారం కర్ణాలి, సుదూరపశ్చిమ ప్రావిన్సుల హిమాలయ ప్రాంతాల్లో సాధారణంగా మేఘావృత వాతావరణం ఉండే అవకాశం ఉంది. ఇతర హిమాలయ, కొండ ప్రాంతాల్లో పాక్షికంగా మేఘాలు కమ్ముకోగా.. టెరాయ్ ప్రాంతాల్లో ప్రధానంగా ఆకాశం నిర్మలంగా ఉండవచ్చని అధికారులు అంచనా వేస్తున్నారు.

ముఖ్యంగా కర్ణాలి, సుదూరపశ్చిమ ప్రావిన్సులతో పాటు లుంబిని ప్రావిన్సులోని హిమాలయ(Himalayan) ప్రాంతాల్లో మధ్యాహ్నం వరకు కొన్ని చోట్ల మోస్తరు వర్షాలు లేదా హిమపాతం సంభవించే అవకాశం ఉంది. కోషి, బాగ్మతి, గండకి ప్రావిన్సుల హిమాలయ, కొండ ప్రాంతాలతో పాటు లుంబినిలోని కొండ ప్రాంతాల్లో ఒకటి రెండు చోట్ల తేలికపాటి వర్షం లేదా మంచు కురిసే అవకాశముందని వాతావరణ శాఖ(Meteorological Department) తెలిపింది.