ఏకపక్ష యుద్ధం వద్దు
- ఏకపక్ష టారిఫ్లు, వాణిజ్య, ఆర్థిక ఆంక్షలపై ఆక్షేపణ
- ‘న్యూఢిల్లీ డిక్లరేషన్’కు బ్రిక్స్ ఆమోదం
- ఇది ఉమ్మడి సంకల్పానికి స్పష్టమైన దిశానిర్దేశం
- సాంకేతికతల అభివృద్ధిలోనూ, వాటి నియంత్రణలోనూ ‘గ్లోబల్ సౌత్’కు సమాన భాగస్వామ్యం ఉండాలి
- తీర్మానాల ఆచరణనే మన బాధ్యత
- తొలిరోజు శిఖరాగ్ర సమావేశంలో ప్రధాని నరేంద్ర మోదీ
- ఐఎంఎఫ్, ప్రపంచ బ్యాంకు సంస్కరణలకు పిలుపు
న్యూఢిల్లీ, సెప్టెంబర్ 12: భారత్(India)కు ఒక ముఖ్యమైన దౌత్యపరమైన విజయం లభించింది. ‘న్యూఢిల్లీ డిక్లరేషన్(New Delhi Declaration)’కు బ్రిక్స్ శనివారం ఆమోదిం చింది. పశ్చిమాసియా సంఘర్షణ(West Asia Conflict) విషయంలో ఇరాన్(Iran), యునైటెడ్ అరబ్ ఎమిరేట్స్(United Arab Emirates) (యూఏఈ) మధ్య ఉన్న తీవ్ర విభేదాలను, తెరవెనుక జరిగిన వరుస చర్చల ద్వారా పరిష్కరించుకోవాలని ప్రకటించింది. ఇరాన్పై అమెరికా దాడుల విషయంలో అమెరికా పేరు ను నేరుగా ప్రస్తావించకుండా, సంభాషణలు, దౌత్యం ద్వారా శాంతి సాధించాలని పిలుపునిచ్చింది.
దేశం పేరును ప్రస్తావించకుండా.. ఏ దేశమైనా చేసే ఏకపక్ష యుద్ధాన్ని ఖండించే ఉమ్మడి ప్రకటనను నిలువరించాలని బ్రిక్స్ దేశాల కూటమి(BRICS alliance) అంగీకరించింది. అదే సమయంలో ఏకప క్ష టారిఫ్లు, వాణిజ్య ఆంక్షలు, ఆర్థిక ఆంక్షలను తీవ్రంగా విమర్శించింది. కార్బన్ బోర్డర్ అడ్జస్ట్మెంట్ మెకానిజమ్స్(Carbon Border Adjustment Mechanisms) (సీబీఏఎం)ను వ్యతిరేకించింది. ఇటువంటి చర్య లు వివక్షాపూరితమైన, రక్షణాత్మక అవరోధాలుగా మారి, అభివృద్ధి చెందుతున్న ఆర్థిక వ్యవస్థలను అసమానంగా దెబ్బతీస్తాయని పేర్కొంది.
విచ్ఛిన్నమవుతున్న ప్రపంచ వాణిజ్య వ్యవస్థకు వ్యతిరేకంగా ఈ 11దేశాల కూటమి ఐక్యంగా నిలవాలని కోరింది. భవిష్యత్ సాంకేతికతల అభివృద్ధిలోనూ, వాటిని నియంత్రణలోనూ ‘గ్లోబ ల్ సౌత్’ ఫ్రంట్కు సమాన భాగస్వామ్యం ఉండాలని ప్రధాని నరేంద్ర మోదీ అన్నారు. తీర్మానాలను ఆచరించడమే ఇప్పుడు మన బాధ్యత అని బ్రిక్స్ దేశాలకు స్పష్టం చేశారు. భారత్ ఆతిథ్యమిస్తున్న రెండు రోజుల శిఖరాగ్ర సమావేశంలో, తొలి రోజు చర్చల ము గింపు సందర్భంగా ఈ ప్రకటన ఆమోదాన్ని ప్రధాన మంత్రి నరేంద్ర మోదీ(Prime Minister Narendra Modi) ప్రకటించారు.
అలాగే జమ్మూకశ్మీర్లోని పహల్గాం లో ఏప్రిల్ 2025న జరిగిన ఉగ్రదాడిని బ్రి క్స్ ఖండించింది. ఐఎంఎఫ్, ప్రపంచ బ్యాం కులలో వర్ధమాన మార్కెట్లు, అభివృద్ధి చెందుతున్న ఆర్థిక వ్యవస్థలకు మరింత ప్రాతినిథ్యం కల్పించేందుకు ప్రపంచ ఆర్థిక వ్యవస్థలో సమగ్ర సంస్కరణలు చేపట్టాలని స్పష్టం చేసింది. ప్రపంచ ఇంధన మిశ్రమంలో, ముఖ్యంగా వర్ధమాన, అభివృద్ధి చెందుతున్న దేశాల ఆర్థిక వ్యవస్థలకు శిలాజ ఇంధనాలు ముఖ్యమైన పాత్ర పోషిస్తున్నాయని పేర్కొంది. బలమైన ఇంధన భద్రత కోసం బ్రిక్స్ దేశాలు పిలుపునిచ్చాయి.
మహిళలను నాయకులుగా, నిర్ణయాలు తీసుకునేవారిగా, ఆర్థిక వృద్ధికి, సామాజిక పరివ ర్తనకు చోదకులని స్పష్టం చేసింది. అంతరిక్ష వ్యవస్థల వినియోగంతో సహా, అంతరిక్షాన్ని శాంతియుతంగా అన్వేషించడం, ఉపయోగించడంలో అంతర్జాతీయ సహకారం ప్రా ముఖ్యతను బ్రిక్స్ గుర్తించింది. బ్రిక్స్ దేశాల మధ్య ధాన్యం వాణిజ్య వేదికకు, నాలుగు రైతు-కేంద్రీకృత కార్యక్రమాలకు న్యూడిల్లీ బ్రిక్స్ డిక్లరేషన్ మద్దతు తెలిపింది.
ఆహార భద్రతపై కేవలం మాటలకే పరిమితం కాకుండా, కచ్చితమైన చర్యలకు దిగాలని భారత్ కోరింది. బ్రిక్స్ శిఖరాగ్ర సమావేశాని(రెండురోజుల)కి భారత్ ఆతిథ్యం ఇస్తోంది. ఇందులో 11 సభ్య దేశాలు, 10 భాగస్వా మ్య దేశాల నాయకులతో పాటు కొన్ని అంతర్జాతీయ సంస్థల ప్రతినిధులు కూడా పాల్గొంటున్నారు.
శనివారం మొదటి రోజు ఈ సదస్సు జరుగుతున్న ‘భారత్ మండపం’ వద్ద రష్యా అధ్యక్షుడు వ్లాదిమిర్ పుతిన్, చైనా అధ్యక్షుడు షీ జిన్పింగ్, ఇరాన్ అధ్యక్షుడు మసూద్ పెజెష్కియాన్, దక్షిణాఫ్రికా అధ్యక్షుడు సిరిల్ రామఫోసా, మలేషియా ప్రధాని అన్వర్ ఇబ్రహీం, ఇండోనేషియా అధ్యక్షుడు ప్రబోవో సుబియాంటో, అబుదాబి యువ రాజు మొహ్మద్ బిన్ జాయెద్ అల్ నహ్యాన్, ఈజిప్టు అధ్యక్షుడు అబ్దెల్ ఫత్తా ఎల్-సిసిలకు ప్రధాని స్వాగతం పలికారు. శిఖరాగ్ర సమావేశం ప్రారంభంలో ఇరాన్, యూఏఈ తమ వైఖరులను కఠినతరం చేశాయి.
అంశాలపై చర్చలు చివరి నిమిషం వరకు ఉత్కంఠభరితంగా సాగాయి. ‘బ్రిక్స్ అనేది ఏకాభిప్రాయం ఆధారంగా పనిచేసే కూటమి. అంటే, ఏ ఒక్క సభ్య దేశమైనా తుది ఉమ్మడి ప్రకటనను అడ్డుకునే అవకా శం ఉంటుంది. మారుతున్న ప్రపంచాన్ని పాతబడిన సంస్థల ద్వారా నడపలేమని నేటి చర్చ స్పష్టం చేస్తోంది. ప్రాతినిధ్యం, స్పందిం చే తీరు, నియమ నిబంధనల రూపకల్పనలో సంస్కరణలు అత్యవసరం’ అని ప్రధా ని మోదీ తన ముగింపు ప్రసంగం లో పేర్కొన్నారు.
ఈ సందర్భంగా ప్రధాని మోదీ చైనా అధ్యక్షుడు షీ జిన్పింగ్తో కరచాలనం చేశారు. ‘భవిష్యత్ సాంకేతికతల అభివృద్ధిలోనూ, వాటిని నియం త్రించే నిబంధనల రూపకల్పనలోనూ ‘గ్లోబల్ సౌత్’ (అభివృద్ధి చెందుతున్న దేశాల కూటమి)కు సమాన భాగస్వా మ్యం ఉండాలని కూడా మేము స్పష్టం చేశాము’ అని మోదీ తెలిపారు. నిర్ణయాలకు, వాటి ఫలితాలకు మధ్య ఉన్న అంతరాన్ని భాగస్వా మ్యం, సమిష్టి చర్యల ద్వారా పూరించాలని అన్నారు. ‘నేడు ఆమోదించిన ‘న్యూఢిల్లీ డిక్లరేషన్’ తమ ఉమ్మడి సంకల్పానికి స్పష్టమైన దిశానిర్దేశం చేస్తుంది. ఈ తీర్మానాలను ఆచరణాత్మక ఫలితాలుగా మార్చడం ఇప్పుడు మన బాధ్యత’ అని ఆ యన స్పష్టం చేశారు.
గ్లోబల్ గవర్నెన్స్ ఆఫ్ ఆర్టిఫిషియల్ ఇంటెలిజెన్స్
బ్రిక్స్ దేశాల వ్యాప్తంగా ధాన్యం వాణిజ్య వేదికను, విత్తనాలు, వ్యవసాయ ఉత్పాదకాలు, వ్యవసాయ-పర్యావరణ శాస్త్రం, డిజిట ల్ వ్యవసాయం వంటి రంగాలను కవర్ చేసే నాలుగు కొత్త రైతు-కేంద్రీకృత కార్యక్రమాలను ఆమోదించారు. సరిహద్దు మోసాల కార్యకలా పాలు, స్కామ్ కాంపౌండ్లు అని పిలవబడే వాటితో సహా వ్యవస్థీకృత మోసా ల నెట్వర్క్ల వ్యాప్తిపై బ్రిక్స్ దేశాలు ‘తీవ్ర ఆందోళన’ వ్యక్తం చేశాయి. ఈ నెట్వర్క్ను నిర్మూలించడానికి, అలాగే అక్రమ నిధులను గుర్తించడానికి సమన్వయంతో కూడిన అం తర్జాతీయ చర్యలు తీసుకుంటామని ప్రతిజ్ఞ చేశాయి.
ఐక్యరాజ్యసమితి వాతావరణ మా ర్పుల చట్ర సదస్సు (యూఎన్ఎఫ్సీసీసీ), దాని పారిస్ ఒప్పందం, దాన్ని ఉద్దేశం, సూ త్రాలు, లక్ష్యాలను సాధించడంలో ఐక్యంగా ఉంటామని బ్రిక్స్ తీర్మానించింది. ఆర్టిఫిషియల్ ఇంటెలిజెన్స్ (ఏఐ)తో సహా అభివృద్ధి చెందుతున్న సాంకేతికతలను మానవ-కేంద్రీకృత పద్ధతిలో విద్యారంగంలో ఉపయోగిం చుకోవడానికి సంబంధించిన ఉత్తమ పద్ధతులను పంచుకోవడాన్ని ఆమోదించారు. అ లాగే, బ్రిక్స్ యూనివర్సిటీ గ్లోబల్ ర్యాంకిం గ్, ఎవాల్యుయేషన్ సిస్టమ్ అభివృద్ధి కోసం మరింత అన్వేషణపై చర్చించారు.
బ్రిక్స్ నెట్వర్క్ యూనివర్సిటీతో సహా, ఇప్పటికే ఉన్న బ్రిక్స్ విద్యా యంత్రాంగాల ద్వారా సహకారాన్ని కొనసాగించడానికి నాయకులు తమ మద్దతును తెలిపారు. సుస్థిర రవాణా మౌలి క సదుపాయాల కోసం సహకారాన్ని బ్రిక్స్ దేశాలు మరింతగా పెంపొందించుకోవాలని పేర్కొనాయి. రవాణా మౌలిక సదుపాయాల అభివృద్ధి, నిర్వహణలో వలయాకార ఆర్థిక వ్యవస్థ (సర్క్యులర్ ఎకానమీ) సూత్రాలను అనుసరించాలని తెలిపాయి. ఏఐకి విస్తృత ప్రాప్యత, సాంకేతిక భద్రత, నష్ట నివారణ కోసం బలమైన ప్రపంచ సహకారానికి బ్రిక్స్ నాయకుల పిలుపు ఇచ్చారు. ‘గ్లోబల్ గవర్నెన్స్ ఆఫ్ ఆర్టిఫిషియల్ ఇంటెలిజెన్స్’పై న్యూఢిల్లీ డిక్లరేషన్ను అమలు చేస్తామని స్పష్టం చేశారు.
పహల్గాం ఉగ్రదాడిని ఖండించిన బ్రిక్స్
జమ్మూకశ్మీర్లోని పహల్గాంలో ఏప్రిల్ 22, 2025న జరిగిన ఉగ్రదాడిని బ్రిక్స్ దేశా లు తమ ‘న్యూఢిల్లీ డిక్లరేషన్’లో తీవ్రంగా ఖండించాయి. ప్రభుత్వ ప్రాయోజిత సరిహద్దు ఉగ్రవాదంపై 100శాతం సహనం పాటించాలని బ్రిక్స్ పిలుపునిచ్చింది. ఉగ్రవాదం ఏ ఉద్దేశంతో, ఎక్కడ, ఎవరు చేసినా అది నేరపూరితమైనదే, సమర్థించరానిదేనని స్పష్టం చేసింది. ఉగ్రవాదుల సరిహద్దు రాకపోకలను అరికట్టడం, నిధుల నెట్వర్క్లను ఛేదించడం, సురక్షిత స్థావరాలను నిర్మూలించడం అత్యవసరమని నాయకులు పేర్కొన్నా రు. ఏఐ, డేటా అనలిటిక్స్లో స్మార్ట్ గ్రిడ్ల నిర్వహణను మెరుగుపరచాలని, స్టార్టప్లు, అధునాతన సాంకేతికతల రంగంలో సభ్య దేశాల సహకారాన్ని మరింత పెంచాలని బ్రిక్స్ నిర్ణయించింది.
ఎంఎస్ఎంఈలకు మద్దతు
ఆర్థిక వృద్ధి, శ్రేయస్సును నడిపించడంలో సూక్ష్మ, చిన్న, మధ్య తరహా పరిశ్ర మల (ఎంఎస్ఎంఈల) పాత్రను న్యూఢిల్లీ డిక్లరేషన్ గుర్తిం చింది. వాటి అంతర్జాతీయీకరణను బలోపేతం చేయడానికి తమ నిబద్ధతను స్పష్టం చేసింది. వాణిజ్యంలో ఎంఎస్ఎంఈల భాగస్వా మ్యా న్ని, ప్రపంచ విలువ గొలుసులలో (జీవీసీలు) ఏకీకరణను పరిమితం చేసే కీలకమైన అవరోధంగా సరసమైన ఆర్థిక సహాయం లభ్యతను ఈ కూటమి గుర్తించింది. ‘ఆర్థిక వృద్ధి, శ్రేయస్సుకు చోదకంగా ఎంఎస్ఎంఈల అంతర్జాతీయీకరణను బలోపేతం చేయాలని చెప్పింది.
బ్రిక్స్ ఇన్నోవేషన్ ఎగ్జిబిషన్
భారత్ మండపంలో ఏర్పాటు చేసిన ‘భారత్ ఇన్నోవేట్స్ ఎక్స్పోజిషన్’ను బ్రిక్స్ నాయకులు సందర్శించారు. ఆ తర్వాత ఆ భారీ కన్వెన్షన్ సెంటర్ ఆవరణలోని పచ్చిక బయళ్లలో మొక్కలు నాటారు. ఆవిష్కరణ, సాంకేతికత, వ్యవస్థాపకత రంగాలలో భారత్లో పెరుగుతున్న సామర్థ్యాలను ప్రదర్శి ంచారు. ఈ ఎగ్జిబిషన్లో భారతదేశానికి చెందిన 37 డీప్-టెక్ ఆవిష్కరణలను ప్రదర్శించారు. ఈ ప్రదర్శనలో విద్యా మంత్రిత్వ శాఖ, విదేశీ వ్యవహారాల మంత్రిత్వ శాఖ సమన్వయంతో నిర్వహించారు.
సంక్లిష్ట జల వనరుల కోసం అధునాతన ఫ్లోటింగ్ సోలార్ పీవీ ప్లాట్ఫామ్, కీలక మౌలిక సదుపాయాల తనిఖీ కోసం ఫుల్-స్టాక్ మెరైన్ రోబోటిక్ ప్లాట్ఫామ్, రేర్ ఎర్త్ రహిత ఇ-పవర్ట్రెయిన్, 60 సెకన్లలోపు ప్రమాద అంచ నాను అందించే ఏఐ -ఆధారిత సర్వైకల్ క్యాన్సర్ స్క్రీనింగ్, ఏఐ-ఆధారిత పిండ పర్యవేక్షణ ప్లాట్ఫామ్ వంటి ఆవిష్కరణలు ప్రద ర్శించబడ్డాయి.
భారత్, ఇతర దేశాల కళాకారుల బృందం ప్రదర్శన
శిఖరాగ్ర సమావేశం ప్రారంభ రోజున జరిగిన బిజీ కార్యక్రమాల అనంతరం, ప్రధాని నరేంద్ర మోదీ ఇక్కడి ‘భారత్ మండపం’లో వివిధ దేశాధినేతల కోసం ఒక ప్రత్యేక విందును ఏర్పాటు చేశారు. ఈ విందులో ప్రధానంగా భారత్, ఇతర బ్రిక్స్ సభ్య దేశాలకు చెందిన 100 మందికి పైగా కళాకారుల బృందం తమ ప్రదర్శన ఇచ్చింది. రేపు భారత్ మండపం’లో ప్రధాని ఏర్పాటు చేసే విందులో, ప్రధానంగా భారత్కు చెందిన శాస్త్రీయ నృత్యకారులు, సంగీతకారులు, ఇతర బ్రిక్స్ సభ్య దేశాల సంగీతకారులతో కూడిన భారీ కళాకారుల బృందం ‘బ్రిక్స్ సింఫనీ’ని ప్రదర్శిస్తుంది.
ఈ ప్రదర్శన బృందంలో సుమారు 160 మంది సభ్యులు ఉన్నట్లు అధికారులు పేర్కొన్నారు. భారతదేశం లోని వివిధ ప్రాంతాలకు చెందిన భరతనాట్యం, కూచిపూడి, ఒడిస్సీ, కథక్ వంటి శాస్త్రీయ నృత్యాలను భారతీయ నృత్యకారులు ప్రదర్శి స్తారు. అదే సమయంలో, ఈ కూటమిలోని ఇతర సభ్య దేశాలకు చెందిన సంగీతకారుల సహకారంతో భారతీయ సంగీతకారులు దేశీయ సంప్రదాయ వాయిద్యాలను వాయిస్తారు.
7 ఏళ్లలో షీజిన్పింగ్ తొలి భారత పర్యటన
చైనా అధ్యక్షుడు షీ జిన్పింగ్ బ్రిక్స్ శిఖరాగ్ర సమావేశంలో పాల్గొనేందుకు శనివా రం న్యూఢిల్లీకి చేరుకున్నారు. ఆయన భారత్లో రెండు రోజులపాటు పర్యటించను న్నారు. ఏడేళ్లలో ఆయన భారతదేశంలో పర్యటించడం ఇదే మొదటిసారి. ఢిల్లీ విమానాశ్రయంలో కేంద్రమంత్రి జితిన్ ప్రసాద షీకి స్వాగతం పలకగా, చైనా అధ్యక్షుడికి స్వాగతం పలుకుతూ సాంస్కృతిక కళాకారులు సాంప్రదాయ నృత్యాలు ప్రదర్శిం చారు. ‘బ్రిక్స్ సహకారాన్ని ముందుకు తీసుకువెళ్తూ, మరింత సమతుల్యమైన, ప్రాతిని ధ్య, బహుధ్రువ ప్రపంచానికి దోహదపడుతున్నం దున, మేము నిర్మాణాత్మక చర్చల కోసం ఎదురుచూస్తున్నాం’ అని విదేశాంగ మంత్రిత్వ శాఖ ప్రతినిధి రణధీర్ జైస్వాల్ సోషల్ మీడియా లో చైనా అధినేతకు స్వాగతం పలుకుతూ పేర్కొన్నారు.
షీ ప్రతినిధి బృందంలో చైనా కమ్యూనిస్ట్ పార్టీ (సీసీపీ) కేంద్ర కమిటీ పొలిటికల్ బ్యూరో స్టాండింగ్ కమిటీ సభ్యురాలు కై క్వి, సీసీపీ కేంద్ర కమిటీ పొలిటికల్ బ్యూరో సభ్యుడైన విదేశాంగ మంత్రి వాంగ్ యీ ఉన్నారు. ప్రధానమంత్రి నరేంద్ర మోదీ శనివారం సాయంత్రం 6 గంటలకు చైనా అధ్యక్షుడు షీజిన్పింగ్తో ద్వైపాక్షిక చర్చలు జరిపినట్లు సమాచారం.18వ బ్రిక్స్ సదస్సు సందర్భంగా భారత్ మండపంలో ప్రధానమంత్రి నరేంద్ర మోదీ ఆయనకు స్వాగతం పలికారు.
ఆరోగ్యకరమైన జీవనశైలిపై ఉమ్మడి మిషన్
ఊబకాయాన్ని ఒక ప్రధాన ప్రపంచ ఆరోగ్య సవాల్గా బ్రిక్స్ నాయకులు పే ర్కొన్నారు. ఊబకాయం, అంటువ్యాధు లు కాని వ్యాధులను ప్రధాన ప్రపంచ ప్రజారోగ్య సవాళ్లుగా బ్రిక్స్ నాయకులు గుర్తించారు. ఆరోగ్యకరమైన జీవనశైలిపై ఒక ఉమ్మడి మిషన్ను ఆమోదించారు. దీంతోపాటు సాం ప్రదాయ వైద్యంలో మరింత సహకారం, మానసిక శ్రేయస్సు పై బలమైన దృష్టి పెట్టాలని పిలుపునిచ్చారు.
ప్రభుత్వం, సమాజం సంపూర్ణ భాగస్వామ్యంతో నివారణ, ప్రో త్సాహక ఆరోగ్య సంరక్షణను బలోపేతం చేయడానికి తమ నిబద్ధతను బ్రిక్స్ దేశాల నాయ కులు పునరుద్ఘాటించారు. ఈ విషయ ంలో నాయకులు ఆరోగ్యకరమైన జీవనశైలి కోసం బ్రిక్స్ మిషన్, ఆరోగ్యకరమైన జీవనశైలి ప్రోత్సాహంపై ఉమ్మడి చొరవ కోసం బ్రిక్స్ రోడ్మ్యాప్ (2026--2029) ప్రారంభాన్ని ఆమోదించారు.
జీవవైవిధ్య పరిరక్షణకు అభివృద్ధి దేశాలు ఆర్థిక సహాయం చేయాలి
జీవవైవిధ్య పరిరక్షణ, సుస్థిర వినియోగం కోసం అభివృద్ధి చెందుతున్న దేశాలకు ఆర్థి క వనరులను అభివృద్ధి చెందిన దేశాలు అందించాలని బ్రిక్స్ దేశాల నాయకులు కోరారు. ఈ ప్రయోజనం కోసం, సామర్థ్య నిర్మాణం, సాంకేతిక పరిజ్ఞాన అభివృద్ధిని మెరుగుపరచడంలో కూడా అభివృద్ధి దేశా లు సహాయపడాలని నాయకులు న్యూఢిల్లీ డిక్లరేషన్ 2026 స్పష్టం చేసింది.
జీవవైవిధ్య పరిరక్షణ, సుస్థిర వినియోగం, ప్రాముఖ్యతను, జన్యు వనరుల వినియోగం ద్వారా లభించే ప్రయోజనాలను న్యాయంగా, సమానంగా పంచుకోవాలని వెల్లడించింది. జీవవైవిధ్యం, నీటి వనరులు, నేలలను పరిరక్షించడంలో బోరియల్, ఉష్ణమండల అడ వులతో సహా అన్ని రకాల అడవుల కీలక పా త్రను కూడా ఇది హైలైట్ చేసింది. అంతేకాకుండా, బ్రిక్స్ దేశాల వ్యాప్తంగా సమీకృత భూభాగ-ఆధారిత హరితీకరణ, భూ పునరుద్ధరణ కోసం కృషి చేయాలని ఆమోదిం చింది.
