కేంద్రమంత్రి నితిన్ గడ్కరీతో సీఎం రేవంత్ రెడ్డి భేటీ
న్యూఢిల్లీ: తెలంగాణ ముఖ్యమంత్రి ఎ. రేవంత్ రెడ్డి(CM Revanth Reddy) హస్తిన పర్యటనలో బిజీగా ఉన్నారు. మంగళవారం న్యూఢిల్లీలోని 2 మోతీలాల్ నెహ్రూ మార్గ్లో ఉన్న కేంద్ర రోడ్డు రవాణా, జాతీయ రహదారుల శాఖ మంత్రి నితిన్ గడ్కరీ నివాసంలో(Union Minister Nitin Gadkari) రేవంత్ రెడ్డి, నల్గొండ ఎంపీ రఘువీర్ రెడ్డితో కలిసి భేటీ అయ్యారు. నివేదికల ప్రకారం, ఈ సమావేశం 30 నిమిషాలకు పైగా కొనసాగింది. ఈ సందర్భంగా ఇద్దరు నాయకులు తెలంగాణకు సంబంధించిన వివిధ అభివృద్ధి ప్రాజెక్టులు, మౌలిక సదుపాయాల కార్యక్రమాలపై చర్చించారు. ఉదయం 11 గంటలకు ఢిల్లీలోని రాజీవ్ గాంధీ భవన్లో కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడుతో రేవంత్ రెడ్డి సమావేశమయ్యారు. ప్రతిపాదిత ఆదిలాబాద్, మామ్నూర్ విమానాశ్రయాల రూపకల్పన, మౌలిక సదుపాయాల అభివృద్ధిపై ఈ సమావేశం దృష్టి సారించింది. హైదరాబాద్ మెట్రో రైల్ (హెచ్ఎంఆర్) ప్రాజెక్టుకు త్వరితగతిన అనుమతులు ఇవ్వాలని ముఖ్యమంత్రి కోరారు.
14-07-2026
14 July, 2026 | 1:49 PM 
