Breaking News

న్యూయార్క్‌కు మళ్లీ నాన్‌స్టాప్ ఫ్లైట్స్! • ట్రావెలర్స్‌కు బంపర్ ఆఫర్లు! • భోజనం తర్వాత షుగర్ పెరగకుండా కొత్త టెక్నాలజీ! • మరో మూడు రోజులు చలి తీవ్రత! • ఐడీబీఐ బ్యాంక్ రూపురేఖలు మారనున్నాయా? • ఫోన్ లేదు.. EMI మాత్రం కట్! • బౌలర్ల విధ్వంసం.. టీమిండియా ఘన విజయం • కాంగ్రెస్, బీజేపీపై KTR ఘాటు విమర్శలు • మరోసారి పెరిగిన ధరలు • టాస్ బంగ్లాదేశ్‌దే.. జట్టులో కొత్త ముఖం! •

Sports

బౌలర్ల విధ్వంసం.. టీమిండియా ఘన విజయం

మౌంట్ మాంగనుయ్: న్యూజిలాండ్‌తో జరిగిన ఐదో వన్డేలో టీమిండియా 22 పరుగుల తేడాతో విజయం సాధించింది. తొలుత బ్యాటింగ్ చేసిన భారత్ 42.1 ఓవర్లలో 209 పరుగులకు ఆలౌట్ కాగా, న్యూజిలాండ్ 48.1 ఓవర్లలో 187 పరుగులకే కుప్పకూలింది. అక్షర్ పటేల్, ఇషాన్ కిషన్ చెరో 46 పరుగులు చేయగా, అర్ష్‌దీప్ సింగ్ 3 వికెట్లు పడగొట్టి భారత విజయంలో కీలక పాత్ర పోషించారు.

15-11-2026 | 03:23pm

టాస్ బంగ్లాదేశ్‌దే.. జట్టులో కొత్త ముఖం!

జొహన్నెస్‌బర్గ్: సౌతాఫ్రికాతో జరుగుతున్న తొలి టెస్టులో బంగ్లాదేశ్ కెప్టెన్ నజ్ముల్ హొస్సేన్ శాంటో టాస్ గెలిచి బ్యాటింగ్ ఎంచుకున్నాడు. పిచ్ పొడిగా ఉండటంతో భారీ స్కోరు సాధించాలని నిర్ణయించినట్లు తెలిపాడు. ఈ మ్యాచ్ World Test Championshipలో భాగంగా జరుగుతోంది. 22 ఏళ్ల మహ్ఫిజుల్ ఇస్లాం టెస్టుల్లో అరంగేట్రం చేస్తున్నాడు. బంగ్లాదేశ్ ముగ్గురు ఫాస్ట్ బౌలర్లు, ఒక స్పెషలిస్ట్ స్పిన్నర్‌తో బరిలోకి దిగింది.

15-11-2026 | 01:52pm

కివీస్‌ను కట్టడి చేస్తున్న భారత్.. 25 ఓవర్లలో 89/4

న్యూజిలాండ్‌తో జరుగుతున్న ఐదో వన్డేలో టీమిండియా బౌలర్లు ప్రత్యర్థి బ్యాటర్లపై ఒత్తిడి పెంచుతున్నారు. 25.1 ఓవర్లకు న్యూజిలాండ్ 89 పరుగులకే నాలుగు వికెట్లు కోల్పోయింది. విజయానికి ఇంకా 121 పరుగులు అవసరం కాగా, క్రీజులో మైకేల్ బ్రేస్‌వెల్ (7), డీన్ ఫాక్స్‌క్రాఫ్ట్ (16) ఉన్నారు. మహమ్మద్ సిరాజ్ కీలకమైన ఫిన్ అలెన్‌ను ఒక్క పరుగు వద్దే ఔట్ చేయడంతో కివీస్‌కు గట్టి ఎదురుదెబ్బ తగిలింది. గత నాలుగు ఓవర్లలో న్యూజిలాండ్ బ్యాటర్లు కేవలం ఆరు పరుగులే సాధించారు.

15-11-2026 | 01:31pm

సిరాజ్ అదిరిపోయే ఆరంభం.. సీఫర్ట్ ఔట్

న్యూజిలాండ్‌తో జరుగుతున్న ఐదో వన్డేలో టీమిండియా బౌలర్ మహమ్మద్ సిరాజ్ అద్భుతమైన ఆరంభం ఇచ్చారు. ఈ ODI సిరీస్‌లో తొలిసారి ఆడుతున్న సిరాజ్, ప్రమాదకర బ్యాటర్ టిమ్ సీఫర్ట్‌ను 14 పరుగుల వద్ద ఔట్ చేసి భారత్‌కు కీలక వికెట్ అందించారు. సిరాజ్ వేసిన 5.3వ ఓవర్‌లో సీఫర్ట్ యశ్ ఠాకూర్ చేతుల్లో క్యాచ్ ఇచ్చి వెనుదిరిగారు. దీంతో న్యూజిలాండ్ 26 పరుగుల వద్ద తొలి వికెట్ కోల్పోయింది. భారత్ నిర్దేశించిన 210 పరుగుల లక్ష్యాన్ని ఛేదించేందుకు కివీస్ బరిలోకి దిగింది.

15-11-2026 | 11:53am

టీమిండియా ఆలౌట్.. కివీస్‌కు ఈజీ టార్గెట్

మౌంట్ మాంగనుయ్: న్యూజిలాండ్‌తో జరిగిన ఐదో వన్డేలో టీమిండియా బ్యాటింగ్ నిరాశపరిచింది. భారత బ్యాటర్లు కివీస్ బౌలర్ల ధాటికి నిలవలేక 209 పరుగులకే ఆలౌట్ అయ్యారు. రోహిత్ శర్మ 7, విరాట్ కోహ్లీ 5 పరుగులకే పెవిలియన్ చేరారు. అక్షర్ పటేల్, ఇషాన్ కిషన్ చెరో 46 పరుగులు చేసి జట్టును ఆదుకునే ప్రయత్నం చేసినా, మిగతా బ్యాటర్ల నుంచి మద్దతు లభించలేదు. దీంతో న్యూజిలాండ్ ముందు 210 పరుగుల లక్ష్యాన్ని ఉంచింది.

15-11-2026 | 10:53am

భారత్‌కు వరుస షాక్‌లు.. 168 పరుగులకే 8 వికెట్లు

న్యూజిలాండ్‌తో జరుగుతున్న ఐదో వన్డేలో టీమిండియా పీకల్లోతు కష్టాల్లో పడింది. మిచెల్ శాంట్నర్ వేసిన 36వ ఓవర్‌లో అకిబ్ నబీ (5), యశ్ ఠాకూర్ (0) ఒకే ఓవర్‌లో ఔటయ్యారు. దీంతో భారత్ 166 పరుగులకే 8 వికెట్లు కోల్పోయి భారీ స్కోరు సాధించే అవకాశాలు సన్నగిల్లాయి. 38 ఓవర్లకు 168/8తో నిలిచింది. ఇషాన్ కిషన్ (34) క్రీజులో పోరాడుతున్నాడు.

15-11-2026 | 10:31am

జపాన్ గడ్డపై భారత షట్లర్ చరిత్ర

కుమామోటో మాస్టర్స్ జపాన్ ఓపెన్ పురుషుల సింగిల్స్ ఫైనల్లో భారత షట్లర్ లక్ష్యసేన్ సంచలన విజయం సాధించాడు. జపాన్ ఆటగాడు కోకి వతనాబేపై 13-21, 21-18, 21-14 తేడాతో గెలిచి టైటిల్‌ను కైవసం చేసుకున్నాడు. తొలి గేమ్ ఓడినా, ఒత్తిడికి గురికాకుండా తర్వాతి రెండు గేమ్‌లలో అద్భుతమైన ప్రదర్శనతో ఛాంపియన్‌గా నిలిచాడు. ఈ విజయం భారత బ్యాడ్మింటన్ అభిమానుల్లో ఆనందం నింపింది.

15-11-2026 | 10:09am

ఒక్క మ్యాచ్‌తో అందరి దృష్టి అతడిపైనే

మౌంట్ మాంగనూయ్‌లోని బే ఓవల్ వేదికగా న్యూజిలాండ్‌తో జరుగుతున్న ఐదో వన్డేలో యువ పేసర్ యశ్ ఠాకూర్ భారత జట్టు తరఫున అంతర్జాతీయ వన్డేల్లో అరంగేట్రం చేశాడు. టీమిండియా తరఫున 267వ వన్డే ఆటగాడిగా అతడికి అవకాశం దక్కింది. సిరీస్‌ను నిర్ణయించే ఈ కీలక మ్యాచ్‌లో యశ్‌కు అవకాశం లభించడంతో అభిమానుల దృష్టి అతడిపై పడింది. గర్నూర్ బ్రార్ టెస్ట్ సిరీస్ సన్నాహాల కోసం వెళ్లడంతో యశ్‌కు చోటు దక్కిందని తెలిసింది.

15-11-2026 | 09:49am

కష్టాల్లో భారత్.. 121కే 5 వికెట్లు

న్యూజిలాండ్‌తో జరుగుతున్న ఐదో వన్డేలో టీమిండియా కష్టాలు కొనసాగుతున్నాయి. అక్షర్ పటేల్ 46 పరుగుల వద్ద ఔటవడంతో భారత్ 121 పరుగులకే ఐదు వికెట్లు కోల్పోయింది. రోహిత్ శర్మ 7, విరాట్ కోహ్లీ 5, శ్రేయస్ అయ్యర్ 22 పరుగులు చేసి పెవిలియన్ చేరారు. ప్రస్తుతం ఇషాన్ కిషన్, నామన్ ధీర్ క్రీజులో ఉన్నారు. కీలక బ్యాటర్లు తక్కువ స్కోర్లకే ఔటవడంతో జట్టుపై ఒత్తిడి పెరిగింది.

15-11-2026 | 09:43am

34 పరుగులకే 3 వికెట్లు

న్యూజిలాండ్‌తో జరుగుతున్న 5వ వన్డేలో భారత జట్టుకు ఆరంభంలోనే ఎదురుదెబ్బలు తగిలాయి. కివీస్ బౌలర్లు కట్టుదిట్టమైన బౌలింగ్‌తో టీమిండియా టాప్ ఆర్డర్‌ను దెబ్బతీశారు. 8.1 ఓవర్లలో భారత్ 34 పరుగులకే 3 కీలక వికెట్లు కోల్పోయి కష్టాల్లో పడింది. రుతురాజ్ గైక్వాడ్ 18 పరుగులు చేసి జాకబ్ డఫీ బౌలింగ్‌లో అవుట్ అయ్యాడు. ప్రస్తుతం అక్షర్ పటేల్ 16 పరుగులతో క్రీజులో ఉన్నాడు. వికెట్లు కాపాడుకుంటూ స్కోరు పెంచడం భారత్‌కు కీలకంగా మారింది.

15-11-2026 | 08:41am

టీమిండియాకు బిగ్ షాక్

న్యూజిలాండ్‌తో జరుగుతున్న ఐదో వన్డేలో టీమిండియాకు ఆరంభంలోనే భారీ ఎదురుదెబ్బ తగిలింది. స్టార్ బ్యాటర్లు రోహిత్ శర్మ (7 పరుగులు), విరాట్ కోహ్లీ (5 పరుగులు) స్వల్ప వ్యవధిలోనే మాథ్యూ ఫిషర్ బౌలింగ్‌లో ఔటయ్యారు. దీంతో భారత జట్టు పవర్‌ప్లేలోనే ఒత్తిడిలో పడింది. 7.3 ఓవర్లలో 33 పరుగులకే రెండు కీలక వికెట్లు కోల్పోయింది.

15-11-2026 | 08:13am

టాస్ నెగ్గిన న్యూజిలాండ్

న్యూజిలాండ్‌తో జరుగుతున్న ఐదు వన్డేల సిరీస్‌లో చివరి మ్యాచ్‌కు టీమిండియా రెండు మార్పులతో బరిలోకి దిగనుంది. యువ ఫాస్ట్ బౌలర్ యశ్ ఠాకూర్‌కు అంతర్జాతీయ వన్డే క్రికెట్‌లో అరంగేట్రం చేసే అవకాశం లభించింది. స్టార్ పేసర్ మహమ్మద్ సిరాజ్ కూడా జట్టులోకి తిరిగి వచ్చారు. న్యూజిలాండ్ టాస్ గెలిచి బౌలింగ్ ఎంచుకోవడంతో భారత్ మొదట బ్యాటింగ్ చేయనుంది. ఈ మ్యాచ్‌లో విజయం సాధించి సిరీస్‌ను ఘనంగా ముగించాలని ఇరు జట్లు పట్టుదలగా ఉన్నాయి.

15-11-2026 | 07:19am

సిరీస్ చిక్కేనా ?

మౌంట్ మాంగనూయ్: భారత్, న్యూజిలాండ్ మధ్య వన్డే సిరీస్ క్లైమాక్స్‌కు చేరింది. ఆదివారం జరగనున్న చివరి వన్డేలో గెలిస్తే సిరీస్ భారత్‌ సొంతమవుతుంది. నాలుగో వన్డేలో 89 పరుగులకే కుప్పకూలి ఘోర పరాభవం చూసిన టీమిండియాపై ఒత్తిడి నెలకొంది. ముఖ్యంగా భారత బ్యాటర్లు రాణించాల్సి ఉంది. సిరీస్ సమం చేసేందుకు న్యూజిలాండ్ పట్టుదలగా ఉంది. హెన్రీ లేకున్నా భారత బ్యాటర్లకు స్వింగ్ పరీక్ష తప్పేలా లేదు.

15-11-2026 | 05:20am

ఫైనల్లో లక్ష్యసేన్

టోక్యో: భారత స్టార్ షట్లర్ లక్ష్యసేన్ కుమామోటో మాస్టర్స్ 2026 బ్యాడ్మింటన్ టోర్నమెంట్ పురుషుల సింగిల్స్ ఫైనల్లోకి ప్రవేశించాడు. శనివారం జరిగిన సెమీఫైనల్లో ఇండోనేషియాకు చెందిన అల్వి ఫర్హాన్‌ను 21-15, 21-19 తేడాతో ఓడించి, ఈ టోర్నీ చరిత్రలో ఫైనల్ చేరిన తొలి భారతీయ షట్లర్‌గా నిలిచాడు. ఆదివారం జరిగే ఫైనల్‌లో జపాన్‌కు చెందిన కోకి వతనాబేతో లక్ష్యసేన్ తలపడనున్నాడు. ఇటీవల హైలో ఓపెన్ టైటిల్ గెలిచిన లక్ష్యసేన్, వరుసగా రెండో బీడబ్ల్యూఎఫ్ టైటిల్‌పై దృష్టి సారించినట్లు తెలిసింది.

15-11-2026 | 05:20am