ఉప్పల్ టీ20కి భారీ భద్రత
ఉప్పల్: భారత్, వెస్టిండీస్ మధ్య ఉప్పల్ రాజీవ్ గాంధీ స్టేడియంలో బుధవారం జరిగే టీ20 మ్యాచ్‌కు పోలీసులు భారీ భద్రతా ఏర్పాట్లు చేశారు. మల్కాజిగిరి పోలీస్ కమిషనర్ బి. సుమతి (ఐపీఎస్) వెల్లడించిన వివరాల ప్రకారం, 2,200 మంది పోలీసులతో బందోబస్తు, 408 సీసీ కెమెరాలతో నిఘా, రెండు డ్రోన్ల పర్యవేక్షణ, ఐదు షీ టీమ్స్‌తో మహిళల భద్రతకు చర్యలు తీసుకుంటున్నారు. ట్రాఫిక్ నియంత్రణకు ప్రత్యేక మార్గాలు, 8 వేల వాహనాలకు పార్కింగ్ సదుపాయం కల్పించారు. మ్యాచ్ అనంతరం అదనపు ఆర్టీసీ బస్సులు, మెట్రో సేవలు అందుబాటులో ఉంటాయి.
13-10-2026 | 05:05am
