Breaking News

అమెరికాలో తెలుగు యువతి మిస్సింగ్ • కృష్ణా నదిపై మరో రైల్వే వంతెన • కరీంనగర్ KFCలో అధికారుల తనిఖీలు.. చివరకు సీజ్! • రౌడీ షీటర్ల ఇళ్లకు ఎస్పీ • అర్ధరాత్రి హైవేపై టైర్ బ్లాస్ట్ • మురసు తుఫాన్‌ బీభత్సం.. రంగంలోకి తుమ్మల • డాలర్ జోరుతో రూపాయికి షాక్ • క్యాబ్ డ్రైవర్ కిరాతకం.. బెంగళూరులో కలకలం • ఢిల్లీలో భారీ అగ్నిప్రమాదం • ప్రముఖ నటి అరెస్ట్.. చికిత్స పేరుతో ఫ్లాట్‌కు పిలిచి..! •

Districts - Yadadri Bhuvanagiri

ట్రాక్టర్ ఓనర్ అసోసియేషన్ అధ్యక్షుడిగా చేవగోని రమేష్ గౌడ్ ఎన్నిక

చౌటుప్పల్: శ్రీ మచ్చగిరి లక్ష్మీనరసింహస్వామి ట్రాక్టర్ ఓనర్ అసోసియేషన్ నూతన కమిటీని ఏకగ్రీవంగా ఎన్నుకున్నారు. పట్టణంలోని శ్రీ బాలాజీ రామకృష్ణ దేవాలయ ఆవరణలో జరిగిన సమావేశంలో చేవగోని రమేష్ గౌడ్ అధ్యక్షుడిగా, సుర్కంటి నర్సిరెడ్డి ప్రధాన కార్యదర్శిగా ఎన్నికయ్యారు. దొనకొండ గోవర్ధన్, చిందం అశోక్ ఉపాధ్యక్షులుగా, ఆరుట్ల లింగస్వామి, ముప్పిడి లింగస్వామి గౌడ్ కోశాధికారులుగా ఎంపికయ్యారు. అసోసియేషన్ అభివృద్ధికి కృషి చేస్తానని రమేష్ గౌడ్ పేర్కొన్నారు.

05-11-2026 | 10:57pm

మహిళా భవన నిర్మాణానికి భూమి పూజ..

ఆలేరు, నవంబర్ 5 (విజయక్రాంతి): ఆలేరు ఎమ్మెల్యే, ప్రభుత్వ విప్ బీర్ల ఐలయ్య చొరవతో తుర్కపల్లి మండలం బాబుల్ నాయక్ తండాలో ప్రత్యేక నిధులతో నిర్మించనున్న మహిళా భవనానికి గురువారం భూమి పూజ నిర్వహించారు. ఈ కార్యక్రమంలో స్థానిక సర్పంచ్ మాడోత్ మంగీతి, మాజీ ఎంపీటీసీ ధనావత్ మోహన్ బాబు నాయక్ పాల్గొని భూమి పూజ చేశారు.

05-11-2026 | 08:01pm

ఉచిత బ్లడ్ గ్రూపింగ్ శిబిరం విజయవంతం

ఆలేరు: ఆలేరు మండలం గుండ్లగూడెం గ్రామంలో మహిళా సంఘాల ఆధ్వర్యంలో షారాజీపేట ప్రాథమిక ఆరోగ్య కేంద్రం పర్యవేక్షణలో ఉచిత బ్లడ్ గ్రూపింగ్ పరీక్షల శిబిరం విజయవంతంగా ముగిసింది. డాక్టర్ హరీష్ పర్యవేక్షణలో జరిగిన ఈ శిబిరాన్ని గ్రామ సర్పంచ్ ఏసిరెడ్డి మంజుల మహేందర్ రెడ్డి ప్రారంభించారు. సుమారు 50 మంది మహిళలకు పరీక్షలు నిర్వహించి, రక్తదానం ఆవశ్యకతపై అవగాహన కల్పించారు.

05-11-2026 | 07:40pm

నవజాత శిశు మరణాలను తగ్గించడమే లక్ష్యం

యాదాద్రి భువనగిరి జిల్లాలో నవజాత శిశు మరణాల రేటును సింగిల్ డిజిట్‌కు తగ్గించే లక్ష్యంతో ‘సంకల్ప్’ కార్యక్రమాన్ని పకడ్బందీగా అమలు చేయాలని జిల్లా కలెక్టర్ అనురాగ్ జయంతి అధికారులను ఆదేశించారు. గురువారం జరిగిన సమావేశంలో బీబీనగర్ ఎయిమ్స్ సహకారంతో కార్యాచరణ ప్రణాళిక రూపొందించాలని సూచించారు. హైరిస్క్ గర్భిణులను గుర్తించి మెరుగైన సేవలు అందించడం ద్వారా మరణాల రేటును తగ్గించవచ్చని డాక్టర్ తణిగైనాథన్ వివరించారు. ఈ సమావేశంలో డీసీహెచ్‌ఎస్ డాక్టర్ సూర్యశ్రీ రావు, డీఎంహెచ్‌ఓ డాక్టర్ మనోహర్ తదితరులు పాల్గొన్నారు.

05-11-2026 | 07:21pm

ఆరేళ్ల వార్డుల ప్రజలకు డ్రైనేజీ కష్టాలు

భువనగిరి: భువనగిరి పట్టణంలోని హైదరాబాద్ చౌరస్తా నుంచి నల్గొండ చౌరస్తా వరకు ఉన్న ప్రధాన డ్రైనేజీలో పేరుకుపోయిన మట్టి, చెత్తను వెంటనే తొలగించి డీసిల్టింగ్ పనులు చేపట్టాలని 22వ వార్డు కౌన్సిలర్ జాలిగం విగ్నేష్ మున్సిపల్ కమిషనర్‌ను కోరారు. ఈ డ్రైనేజీ 9, 22, 23, 24, 25, 26 వార్డుల పరిధిలో విస్తరించి ఉందని, మురుగునీరు సక్రమంగా ప్రవహించక ప్రజలు ఇబ్బందులు పడుతున్నారని, అంటువ్యాధులు ప్రబలే ప్రమాదం ఉందని ఆయన ఆందోళన వ్యక్తం చేశారు. ప్రజారోగ్యాన్ని దృష్టిలో ఉంచుకొని తక్షణమే చర్యలు తీసుకోవాలని విజ్ఞప్తి చేశారు.

05-11-2026 | 07:10pm

ఎమ్మెల్సీ ఓటరు నమోదు చేసుకోవాలి

ఆలేరు: నల్గొండ–ఖమ్మం–వరంగల్ పట్టభద్రుల ఎమ్మెల్సీ ఓటరు నమోదును అర్హులైన ప్రతి ఒక్కరూ సద్వినియోగం చేసుకోవాలని బీఆర్ఎస్ రాష్ట్ర నాయకులు కల్లూరి రామచంద్ర రెడ్డి పిలుపునిచ్చారు. పట్టభద్రులు తమ ఓటు హక్కును వినియోగించుకొని ప్రజాస్వామ్య ప్రక్రియలో భాగస్వాములు కావాలని ఆయన కోరారు. ఈ కార్యక్రమంలో బీఆర్ఎస్ టౌన్ అధ్యక్షుడు పుట్ట మల్లేష్ గౌడ్, మండల సెక్రటరీ జనరల్ రచ్చ రామ్ నరసయ్య, కుండే సంపత్, ఆడెపు బాలస్వామి, బేతి రాములు, రాయపురం నరసింహులు, జింకల రామకృష్ణ యాదవ్, గిరిరాజు వెంకటయ్య, నాగరాజు తదితరులు పాల్గొన్నారు.

05-11-2026 | 05:01pm

పెండింగ్ కేసుల పరిష్కారంపై ప్రత్యేక దృష్టి పెట్టాలి

ఆలేరు, నవంబర్ 5 (విజయక్రాంతి): మోటకొండూరు పోలీస్ స్టేషన్‌ను యాదాద్రి భువనగిరి జిల్లా ఎస్పీ అక్షాన్ష్ యాదవ్ ఐపీఎస్ గురువారం ఆకస్మికంగా తనిఖీ చేశారు. ఈ సందర్భంగా పోలీస్ స్టేషన్‌లోని వివిధ రికార్డులు, రిజిస్టర్లు, కేసుల వివరాలు, పోలీస్ శాఖ విభాగాల పనితీరును క్షుణ్ణంగా పరిశీలించారు. పెండింగ్ కేసుల పురోగతి, స్టేషన్ నిర్వహణ, సిబ్బంది విధుల నిర్వహణపై సమీక్షించారు.

05-11-2026 | 04:54pm

తరాలు మారినా.. విద్యార్థి ఉద్యమాలకు జంపాలే స్ఫూర్తి!

ఆలేరు: జెన్‌ ఎక్స్‌ నుంచి జెన్‌ జీ వరకు ప్రజాస్వామిక విద్యార్థి ఉద్యమాలకు జంపాల చంద్రశేఖర ప్రసాద్ స్ఫూర్తిగా నిలిచారని పీడీఎస్‌యూ యాదాద్రి భువనగిరి జిల్లా కార్యదర్శి ఆర్‌. ఉదయ్‌ అన్నారు. జంపాల 51వ వర్ధంతి సందర్భంగా ఆలేరులో నిర్వహించిన కార్యక్రమంలో ఆయన పాల్గొని మాట్లాడారు. 1975 నవంబర్ 5న అప్పటి ముఖ్యమంత్రి జలగం వెంగళరావు ప్రభుత్వ హయాంలో పోలీసులు బూటకపు ఎన్‌కౌంటర్‌లో జంపాలను హత్య చేశారని ఆరోపించారు. పెండింగ్ స్కాలర్‌షిప్‌లను వెంటనే విడుదల చేయాలని, లేనిపక్షంలో పీడీఎస్‌యూ ఆధ్వర్యంలో పెద్ద ఎత్తున ఆందోళనలు చేపడతామని హెచ్చరించారు.

05-11-2026 | 04:37pm

కబడ్డీ క్రీడాకారులకు గోల్డెన్ ఛాన్స్!

ఆలేరు, నవంబర్ 5 (విజయక్రాంతి): ఆలేరులో ఈనెల 8న సబ్‌ జూనియర్‌ బాలుర జిల్లా కబడ్డీ జట్టు ఎంపికలు నిర్వహించనున్నారు. 60 కిలోల లోపు బరువు ఉండి, 2010 డిసెంబర్ 13న లేదా ఆ తర్వాత జన్మించిన బాలురు అర్హులు. ఎంపికైన క్రీడాకారులు ఈనెల 12 నుంచి 14 వరకు యానపల్లిలో జరిగే రాష్ట్రస్థాయి పోటీల్లో పాల్గొంటారు.

05-11-2026 | 01:09pm

స్వామివారి ఆలయంలో శాస్త్రోక్తంగా నిత్య పూజలు...

యాదగిరిగుట్ట: యాదగిరిగుట్ట దేవస్థానంలో బుధవారం నిత్య పూజలు వైభవంగా జరిగాయి. సుప్రభాత సేవతో ప్రారంభమై అభిషేకము, అర్చనలు నిర్వహించారు. ప్రాకారమంటపంలో నృసింహ హోమం, నిత్య కళ్యాణం జరిగాయి. సాయంత్రం వెండి జోడు సేవలో స్వామివారు తిరువీధులలో ఊరేగారు. శ్రీ పర్వత వర్ధిని రామలింగేశ్వర ఆలయంలో భక్తులు స్వయంభు లింగం, స్పటిక లింగంను దర్శించుకున్నారు. స్వామివారికి నిత్య రాబడి 11,83,767/- వచ్చినట్లు ఆలయ అధికారులు వెల్లడించారు.

04-11-2026 | 10:31pm

గ్రామంలో కుల చిచ్చు రేపుతూ అరాచకాలు!

ఆలేరు: కదిరేణిగూడెం సర్పంచ్ జెట్ట లత భర్త జెట్ట మహేశ్వర్, ఆయన కుటుంబ సభ్యుడు జెట్ట లక్ష్మణ్‌పై చట్టపరమైన చర్యలు తీసుకోవాలని అఖిలపక్ష నాయకులు డిమాండ్ చేశారు. బుధవారం మోటకొండూర్ ఎంఆర్సీ భవనం ఎదుట ధర్నా నిర్వహించి ఎంపీడీవోకు వినతిపత్రం అందజేశారు. సీపీఎం జిల్లా కమిటీ సభ్యులు కోమటిరెడ్డి చంద్రారెడ్డిపై పెట్టిన అక్రమ కేసును వెంటనే ఎత్తివేయాలని, గ్రామ పాలనలో సర్పంచ్ భర్త జోక్యం చేసుకోవడంపై చర్యలు తీసుకోవాలని కోరారు. సర్పంచ్ హైదరాబాద్‌లో ఉంటున్నారని, ప్రజలకు అందుబాటులో ఉండటం లేదని ఆరోపించారు.

04-11-2026 | 07:18pm

దివ్యాంగ విద్యార్థుల గుర్తింపు 100 శాతం పూర్తి చేయాలి

ఆలేరు: జిల్లాలోని ప్రభుత్వ, ప్రైవేటు పాఠశాలల్లో 3 నుంచి 18 ఏళ్లలోపు దివ్యాంగ విద్యార్థుల గుర్తింపు కోసం చేపట్టిన ప్రత్యేక స్క్రీనింగ్ ప్రక్రియను వంద శాతం పూర్తి చేయాలని జిల్లా విద్యాశాఖ అధికారి బొల్లారం బిక్షపతి ఆదేశించారు. రాయగిరి జిల్లా పరిషత్ ఉన్నత పాఠశాలలో ప్రశస్త్ (PRASHAST) యాప్‌పై మండల రిసోర్స్ పర్సన్లకు నిర్వహించిన శిక్షణ కార్యక్రమంలో ఆయన ఈ సూచనలు చేశారు. ప్రైవేటు పాఠశాలల యాజమాన్యాలు సహకరించాలని కోరారు. నవంబర్ 5న మండల స్థాయి శిక్షణకు హాజరుకావాలని ప్రధానోపాధ్యాయులను కోరారు.

04-11-2026 | 06:46pm

ఎస్సీ వర్గీకరణ అమలుపై హర్షాతిరేకం!

ఆలేరు: తెలంగాణ రాష్ట్రంలో ఎస్సీ వర్గీకరణ అమలుకు ప్రభుత్వం జీఓ జారీ చేయడాన్ని స్వాగతిస్తూ కాంగ్రెస్ పార్టీ ఆధ్వర్యంలో ముఖ్యమంత్రి రేవంత్ రెడ్డి, మంత్రి అడ్లూరి లక్ష్మణ్, స్థానిక ఎమ్మెల్యే కుంభం అనిల్ కుమార్ రెడ్డి చిత్రపటాలకు పాలాభిషేకం నిర్వహించారు. మాజీ మున్సిపల్ చైర్మన్ బర్రె జహంగీర్ ఆధ్వర్యంలో జరిగిన ఈ కార్యక్రమంలో నాయకులు మాట్లాడుతూ.. విద్య, ఉద్యోగ నియామకాలతో పాటు ప్రమోషన్లలోనూ ఎస్సీ వర్గీకరణను అమలు చేయాలని ప్రభుత్వం తీసుకున్న నిర్ణయం చారిత్రాత్మకమని కొనియాడారు. ఈ నిర్ణయానికి మద్దతుగా నిలిచిన వారికి ప్రత్యేక ధన్యవాదాలు తెలిపారు.

04-11-2026 | 06:23pm

గ్రాడ్యుయేట్ ఎమ్మెల్సీ ఓటు హక్కును ప్రతి ఒక్కరూ వినియోగించుకోవాలి..

ఆలేరు: గ్రాడ్యుయేట్ ఎమ్మెల్సీ ఎన్నికల్లో ఓటు హక్కు అర్హత కలిగిన ప్రతి ఒక్కరూ తమ ఓటును నమోదు చేసుకోవాలని, తప్పనిసరిగా ఓటు హక్కును వినియోగించుకోవాలని బీజేవైఎం జిల్లా ఉపాధ్యక్షుడు పేరపు ఆనంద్ కోరారు. బీజేపీ బలపరిచిన అభ్యర్థికి ఓటు వేసి గెలిపించాలని ఆయన ఓటర్లను కోరారు. నవంబర్ 5న ఆలేరు రైల్వే గేట్ సమీపంలోని మల్లన్న మిల్క్ పార్లర్‌లో ఏర్పాటు చేసిన ఓటు నమోదు కేంద్రాన్ని సద్వినియోగం చేసుకోవాలని సూచించారు. ఓటు నమోదు వివరాల కోసం 8688273143 నంబర్‌లో సంప్రదించవచ్చని తెలిపారు.

04-11-2026 | 06:13pm