Breaking News

ట్రావెలర్స్‌కు బంపర్ ఆఫర్లు! • భోజనం తర్వాత షుగర్ పెరగకుండా కొత్త టెక్నాలజీ! • మరో మూడు రోజులు చలి తీవ్రత! • ఐడీబీఐ బ్యాంక్ రూపురేఖలు మారనున్నాయా? • ఫోన్ లేదు.. EMI మాత్రం కట్! • బౌలర్ల విధ్వంసం.. టీమిండియా ఘన విజయం • కాంగ్రెస్, బీజేపీపై KTR ఘాటు విమర్శలు • మరోసారి పెరిగిన ధరలు • టాస్ బంగ్లాదేశ్‌దే.. జట్టులో కొత్త ముఖం! • మస్క్ యూటర్న్ •

Latest News

ప్రాజెక్టుల పెండింగ్‌కు చెక్ పెట్టండి.. మోదీకి రేవంత్, ఉత్తమ్ విజ్ఞప్తి

ఢిల్లీ పర్యటనలో సీఎం రేవంత్‌రెడ్డి, మంత్రి ఉత్తమ్ కుమార్‌రెడ్డి ప్రధాని మోదీతో సమావేశమయ్యారు. తెలంగాణలో పెండింగ్ సాగునీటి ప్రాజెక్టుల కోసం నిధులు, అనుమతులు కోరారు. సీతారామ, మోదికుంటవాగు, చిన్న కాళేశ్వరం సహా పలు ప్రాజెక్టులకు నిధులు మంజూరు చేయాలని విజ్ఞప్తి చేశారు. ఖేలో ఇండియా ప్రారంభోత్సవానికి రావాలని ప్రధానిని ఆహ్వానించారు.

15-11-2026 | 05:14pm

అండాల అక్రమ సేకరణలో ఒకరి అరెస్ట్

హైదరాబాద్‌లో మహిళల అండాలను అక్రమంగా సేకరిస్తున్నారనే ఆరోపణలపై ఒయాసిస్ ఫెర్టిలిటీ సెంటర్ ప్రతినిధి మూరెళ్ల నరసింహారావును జూబ్లీహిల్స్ పోలీసులు అరెస్ట్ చేశారు. బేగంపేట హాస్టల్‌లో వివిధ రాష్ట్రాలకు చెందిన 12 మంది మహిళలను గుర్తించి విముక్తి కల్పించారు. అండాల సేకరణ, సరఫరా వెనుక ఉన్న నెట్‌వర్క్‌పై పోలీసులు దర్యాప్తు చేస్తున్నారు.

15-11-2026 | 04:57pm

కాళేశ్వరంలో నీటి నిల్వ కష్టమే.. సమ్మక్క సాగర్‌పైనే ఆశలు

కాళేశ్వరం బ్యారేజీల వద్ద నీటిని నిల్వ చేసే అవకాశం లేదని మంత్రి తుమ్మల నాగేశ్వరరావు స్పష్టం చేశారు. సమ్మక్క సాగర్ వద్ద మాత్రమే నిల్వ సాధ్యమని తెలిపారు. సీతమ్మ సాగర్ పూర్తయితే 36 టీఎంసీల నీటి నిల్వతో పాటు 350 మెగావాట్ల విద్యుత్ ఉత్పత్తికి అవకాశం ఉంటుందని వెల్లడించారు.

15-11-2026 | 04:47pm

ఫోన్ లేదు.. EMI మాత్రం కట్!

హైదరాబాద్: మొబైల్ ఫోన్ డెలివరీ చేయకుండానే కస్టమర్ ఖాతా నుంచి ఈఎంఐలు వసూలు చేసిన ఎలక్ట్రానిక్స్ స్టోర్‌కు హైదరాబాద్ జిల్లా వినియోగదారుల వివాదాల పరిష్కార కమిషన్ షాక్ ఇచ్చింది. సేవా లోపంగా పరిగణించిన కమిషన్, బాధితుడికి ఫోన్ ధర రూ.74,698తో పాటు మానసిక వేదనకు రూ.30,000, న్యాయ ఖర్చులకు రూ.10,000 కలిపి మొత్తం రూ.1,14,698 చెల్లించాలని ఆదేశించింది. అలాగే, రుణ ఖాతాను మూసివేయాలని స్పష్టం చేసింది. వినియోగదారులు డెలివరీ ఆధారాలను భద్రపరచుకోవాలని సూచించింది.

15-11-2026 | 04:47pm

ఖేలో ఇండియా క్రీడలకు తెలంగాణ రెడీ

ఖేలో ఇండియా యూత్ గేమ్స్–2026కు తెలంగాణ తొలిసారిగా ఆతిథ్యం ఇవ్వనుంది. డిసెంబర్ 11 నుంచి 22 వరకు 12 రోజుల పాటు 27 క్రీడాంశాల్లో పోటీలు జరగనున్నాయి. కేంద్ర మంత్రి మన్సుఖ్ మాండవీయ, సీఎం రేవంత్‌రెడ్డి అధికారిక లోగో, మస్కట్‌ను ఆవిష్కరించారు. హైదరాబాద్‌తో పాటు రాష్ట్రంలోని ఇతర నగరాల్లో పోటీలు నిర్వహించనున్నారు.

15-11-2026 | 04:02pm

హరీశ్ ఇంటికి కేసీఆర్.. ఒకే ఫ్రేమ్‌లో గులాబీ దళం

బీఆర్ఎస్ అధినేత కేసీఆర్ ఆదివారం హరీశ్‌రావు నివాసంలో జరిగిన ఆయన తండ్రి తన్నీరు సత్యనారాయణరావు సంవత్సరీక కార్యక్రమంలో పాల్గొన్నారు. కేటీఆర్ తన కుమారుడు హిమాన్షుతో కలిసి హాజరై నివాళులర్పించారు. పలువురు పార్టీ నేతలు, ప్రజాప్రతినిధులు కుటుంబ సభ్యులను పరామర్శించారు. ఈ కార్యక్రమానికి సంబంధించిన దృశ్యాలు సామాజిక మాధ్యమాల్లో వైరల్ అవుతున్నాయి.

15-11-2026 | 03:57pm

సజ్జనార్‌పై సీబీఐ అస్త్రం.. రేవంత్‌కు రాజాసింగ్ లేఖ!

మాజీ హైదరాబాద్ పోలీస్ కమిషనర్ వీసీ సజ్జనార్ వ్యవహారాలపై సీబీఐ లేదా న్యాయ విచారణ జరిపించాలని గోషామహల్ ఎమ్మెల్యే రాజాసింగ్ సీఎం రేవంత్‌రెడ్డిని కోరారు. గోల్డ్ చోరీ, ఆమ్వే, ఫోన్ ట్యాపింగ్ కేసుల దర్యాప్తుతో పాటు ఆస్తుల కొనుగోళ్లు, ఆర్థిక లావాదేవీలపై విచారణ జరపాలని లేఖలో విజ్ఞప్తి చేశారు.

15-11-2026 | 03:34pm

యాదాద్రిలో భక్తజన సందడి.. కిటకిటలాడిన ఆలయ ప్రాంగణం

కార్తీకమాసం ఆదివారం సందర్భంగా యాదగిరిగుట్ట శ్రీలక్ష్మీనరసింహస్వామి ఆలయానికి భక్తులు పెద్ద సంఖ్యలో తరలివచ్చారు. స్వామివారి దర్శనంతో పాటు సత్యనారాయణ స్వామి వ్రతాలు ఆచరించేందుకు భక్తులు బారులు తీరారు. కుటుంబ సమేతంగా ప్రత్యేక పూజలు నిర్వహించి మొక్కులు చెల్లించుకున్నారు. రద్దీని దృష్టిలో ఉంచుకుని ఆలయ అధికారులు తగిన ఏర్పాట్లు చేపట్టారు.

15-11-2026 | 03:06pm

కాంగ్రెస్, బీజేపీపై KTR ఘాటు విమర్శలు

హైదరాబాద్: తెలంగాణ ఆత్మగౌరవాన్ని కాంగ్రెస్, బీజేపీ నాయకులు జాతీయ నాయకుల ముందు తాకట్టు పెడుతున్నారని బీఆర్ఎస్ వర్కింగ్ ప్రెసిడెంట్ కేటీఆర్ తీవ్రస్థాయిలో విమర్శించారు. సీఎం రేవంత్ రెడ్డి, పీసీసీ అధ్యక్షుడు మహేశ్ కుమార్ గౌడ్, మంత్రులు రాహుల్ గాంధీకి బాడీగార్డుల్లా వ్యవహరిస్తున్నారని, బీజేపీ నేతలు అమిత్ షా చెప్పులు మోస్తున్నారని ఆయన ఎక్స్ (X) వేదికగా ఘాటు వ్యాఖ్యలు చేశారు. ప్రజలు ఇచ్చిన పదవుల గౌరవాన్ని నిలబెట్టుకోవాలని కేటీఆర్ పేర్కొన్నారు.

15-11-2026 | 02:08pm

డీజిల్ బస్సులకు ఎలక్ట్రిక్ హంగులు.. ఆర్టీసీలో కొత్త మార్పులు

తెలంగాణ ఆర్టీసీ పాత డీజిల్ బస్సులను ఎలక్ట్రిక్ బస్సులుగా మార్చే కార్యక్రమాన్ని వేగవంతం చేసింది. ఉప్పల్‌లో 200, మియాపూర్‌లో 40 బస్సుల మార్పిడి పనులు కొనసాగుతున్నాయి. ఒక్కసారి ఛార్జింగ్‌తో 230 నుంచి 250 కిలోమీటర్లు ప్రయాణించేలా తీర్చిదిద్దుతున్నారు. నిర్వహణ ఖర్చులు తగ్గించడంతో పాటు కాలుష్య నియంత్రణకు ఈ కార్యక్రమం దోహదపడనుంది.

15-11-2026 | 01:37pm

అగ్గిపెట్టె దొరకలేదా హరీశ్? కవిత ఘాటు వ్యాఖ్యలు

తెలంగాణ రక్షణ సేన అధ్యక్షురాలు కల్వకుంట్ల కవిత సిద్దిపేటలో మాజీ మంత్రి హరీశ్‌రావుపై తీవ్ర విమర్శలు చేశారు. తెలంగాణ ఉద్యమంలో 1,200 మంది అమరులైనా కనీసం 600 కుటుంబాలకు ఉద్యోగాలు కల్పించలేదని ఆరోపించారు. అమరవీరుల కుటుంబాలకు న్యాయం జరగలేదంటూ వ్యాఖ్యానించారు. ఈ వ్యాఖ్యలపై బీఆర్ఎస్ నేతల స్పందనపై రాజకీయ వర్గాల్లో ఆసక్తి నెలకొంది.

15-11-2026 | 12:23pm

కవిత దగ్గరుండి చూశారు: ఆది శ్రీనివాస్ సంచలన వ్యాఖ్యలు

హైదరాబాద్: తెలంగాణ రాజకీయాల్లో తెలంగాణ రక్షణ సేన అధ్యక్షురాలు కల్వకుంట్ల కవిత చేసిన వ్యాఖ్యలు కొత్త చర్చకు దారితీశాయని ప్రభుత్వ విప్ ఆది శ్రీనివాస్ అన్నారు. గత పదేళ్ల బీఆర్ఎస్ పాలనను దగ్గరుండి చూసిన కవిత.. ఇప్పుడు ఆ ప్రభుత్వ హయాంలో జరిగిన అక్రమాల గురించి స్వయంగా మాట్లాడుతున్నారని వ్యాఖ్యానించారు. గాంధీభవన్‌లో మీడియాతో మాట్లాడిన ఆయన.. కవిత ఆరోపణలు రాజకీయంగా ప్రాధాన్యం సంతరించుకున్నాయని పేర్కొన్నారు.

15-11-2026 | 12:15pm

జిమ్‌లో విషాదం.. వైరల్ వీడియో

ఇండోనేషియాలోని ఓ జిమ్‌లో ట్రెడ్‌మిల్‌పై వ్యాయామం చేస్తుండగా 22 ఏళ్ల యువతి ప్రాణాలు కోల్పోయింది. మూడో అంతస్తులో ట్రెడ్‌మిల్ వెనుక ఉన్న తెరిచిన కిటికీలోంచి ఆమె కిందపడి తీవ్రంగా గాయపడింది. ఆసుపత్రిలో చికిత్స పొందుతూ మరణించింది. ఈ ఘటన జిమ్ భద్రత, ఫిట్‌నెస్ సెంటర్ లేఅవుట్‌పై ప్రశ్నలు లేవనెత్తుతోంది. వ్యాయామం చేసే ముందు భద్రతా ఏర్పాట్లను తనిఖీ చేయాలని ఈ సంఘటన హెచ్చరిస్తోంది.

15-11-2026 | 11:33am

దూసుకొస్తున్న 'ఆక్వాన్' తుఫాన్

హైదరాబాద్: ఆగ్నేయ బంగాళాఖాతంలో ఏర్పడిన అల్పపీడనం వాయుగుండంగా మారి, ఆ తర్వాత 'అక్వాన్' తుపానుగా బలపడే అవకాశం ఉందని వాతావరణ శాఖ అంచనా వేస్తోంది. నవంబర్ 16 లేదా 17 నాటికి ఇది తుపానుగా మారి ఆంధ్రప్రదేశ్ తీరం వైపు కదిలే అవకాశం ఉంది. దీని ప్రభావంతో నవంబర్ 20 నుంచి 22 మధ్య తెలంగాణలోని ఖమ్మం, భద్రాద్రి కొత్తగూడెం, మహబూబాబాద్, సూర్యాపేట, నల్గొండ, నాగర్‌కర్నూల్ జిల్లాల్లో మోస్తరు నుంచి భారీ వర్షాలు కురిసే అవకాశం ఉందని ప్రాథమిక అంచనాలు వెల్లడించాయి.

15-11-2026 | 11:25am