కాకతీయుల వాణిజ్య వైభవం
కాకతీయుల కాలంలో వ్యాపారం, వాణిజ్య వ్యవస్థలు విస్తృతంగా అభివృద్ధి చెందాయి. బాదామీ చాళుక్యుల కాలంనాటి ప్రసిద్ధ 'అయ్యావళి-500 శ్రేణి' కాకతీయుల పాలనలోనూ కొనసాగింది. వ్యాపారులను 'బేహారి' అని, స్వదేశీ వర్తకులను 'నకరం' అని, విదేశీ వర్తకులను 'నానాదేశి పెక్కండ్రు' అని పిలిచేవారు. ఓరుగల్లు, పానుగల్లు, జడ్చర్ల వంటివి ప్రధాన వాణిజ్య కేంద్రాలుగా విలసిల్లాయి. గణపతి దేవుని మోటుపల్లి శాసనం విదేశీ వాణిజ్యం, వర్తకులకు ఇచ్చిన రాయితీలను వివరిస్తుంది. మార్కోపోలో మోటుపల్లి రేవు నుండి వజ్రాలు, సన్నని వస్త్రాల ఎగుమతిని ప్రస్తావించారు.
01-11-2026 | 05:50am
