Breaking News

బ్యాంకింగ్ రంగంలో కొత్త అధ్యాయం • చిన్న పరిశ్రమలకు కొత్త అవకాశాలు • బ్యాంకుకు వెళ్లాల్సిన పనిలేదు • చైనా, జపాన్‌లే మా టార్గెట్ • రూపాయి దూకుడు • సెన్సెక్స్‌కు షాక్.. నిఫ్టీకి నష్టాలు • స్థానిక ఎన్నికల షెడ్యూల్ విడుదల • థమన్ కోపం వచ్చిందా? సోషల్ మీడియాలో రచ్చ • రేవంత్ రెడ్డి మాస్టర్ ప్లాన్ • ఐసీసీ ర్యాంకింగ్స్‌లో భారత్ హవా.. శ్రేయస్ అయ్యర్ సంచలనం •

Districts - Adilabad

ఎల్‌నినో మంటలు.. ఎండుతున్న పంటలు

ఉట్నూర్: ఎల్ ని నో ప్రభావంతో ఖరీఫ్ పంటలపై రైతుల ఆశలు సన్నగిల్లుతున్నాయి. ఉట్నూర్ ఏజెన్సీ ప్రాంతంలోని ఉట్నూర్, ఇంద్రవెల్లి, నార్నూర్, గాదిగూడ, సిరికొండ, ఆదిలాబాద్ రూరల్ మండలాల్లో 1.35 లక్షల ఎకరాల్లో పత్తి సాగు చేయగా, తీవ్రమైన ఎండల కారణంగా పూత, పిందెలు రాలిపోతున్నాయి. పెట్టుబడులు కూడా తిరిగి వచ్చే పరిస్థితి లేదని రైతులు ఆందోళన వ్యక్తం చేస్తున్నారు. ప్రభుత్వం పూర్తిస్థాయి సర్వే నిర్వహించి కరువు ప్రాంతంగా ప్రకటించాలని కోరుతున్నారు.

15-10-2026 | 05:20am

బాధిత కుటుంబాలకు మౌనిష్ రెడ్డి ఆర్థిక సాయం

తలమడుగు: తలమడుగు మండలంలోని ఖోడద్ గ్రామానికి చెందిన రవీందర్ రోడ్డు ప్రమాదంలో మృతి చెందగా, సామాజిక కార్యకర్త ముడుపు మౌనిష్ రెడ్డి ఆయన కుటుంబాన్ని పరామర్శించి ఆర్థిక సాయం అందించారు. దేవాపూర్‌కు చెందిన దారవేణి రాములు, తలమడుగు మండల కేంద్రానికి చెందిన కాడే లస్మన్న కుటుంబాలకు కూడా ఆర్థిక సహాయం చేశారు. రోడ్డు ప్రమాదంలో గాయపడిన పెద్దింటి ప్రవీణ్‌ను సైతం ఆయన పరామర్శించినట్లు తెలిసింది. ఈ కార్యక్రమంలో పలువురు సర్పంచులు, నాయకులు పాల్గొన్నారు.

14-10-2026 | 11:21pm

బైండోవర్ ఉల్లంగించిన వ్యక్తికి మూడు నెలల జైలు శిక్ష

బోథ్: మండలంలోని దన్నూరు గ్రామానికి చెందిన జక్క బొజరెడ్డి అనే వ్యక్తి మట్కా ఆడుతూ పట్టుబడటంతో తాసిల్దార్ సుభాష్ చంద్ర మూడు నెలల జైలు శిక్ష విధించారు. మే 11న మట్కా కేసులో బైండోవర్ చేయబడిన బొజరెడ్డి, జులై 22న మళ్లీ పట్టుబడటంతో అక్టోబర్ 14న తాసిల్దార్ ఎదుట హాజరుపరిచారు. నిబంధనలు ఉల్లంఘిస్తే లక్ష రూపాయల జరిమానా లేదా ఆరు నెలల జైలు శిక్ష ఉంటుందని తాసిల్దార్ గతంలోనే హెచ్చరించినట్లు ఎస్ఐ వి.పురుషోత్తం వెల్లడించారు.

14-10-2026 | 10:51pm

దుర్గ దేవి వద్ద చండీ యాగం

బోథ్: మండల కేంద్రంలోని దుర్గాదేవి ఆలయం వద్ద బుధవారం చండీయాగం నిర్వహించారు. కస్తూరి విశ్వనాద్, కస్తూరి శ్రీధర్, కస్తూరి శ్రీకాంత్, కస్తూరి మధుకర్ దంపతులు హోమంలో పాల్గొని ప్రత్యేక పూజలు చేశారు. పండితులు పండరి ఆధ్వర్యంలో ఈ యాగం కొనసాగింది. ఈ కార్యక్రమంలో భారీ సంఖ్యలో భక్తులు పాల్గొన్నారని తెలిసింది.

14-10-2026 | 10:49pm

మాజీ ఎంపీ సోయం కృషితో గుస్సాడి దండారి నిధుల మంజూరి

బోథ్: తెలంగాణ రాష్ట్రంలో ఆదివాసుల బండారి ఉత్సవాలకు నిధులు మంజూరు చేయాలని మాజీ ఎంపీ సోయం బాపూరావు ముఖ్యమంత్రి రేవంత్ రెడ్డికి విన్నవించడంతో నిధులు మంజూరయ్యాయని రాజగోపాల్ సేవా సమితి రాష్ట్ర ప్రధాన కార్యదర్శి మంగం విషం రావు వెల్లడించారు. గత ఏడాది నిధులు రాకపోవడంతో, ఈసారి మాజీ ఎంపీ పండుగ ప్రాముఖ్యతను వివరించి, గిరిజన సంక్షేమ శాఖ మంత్రి, ఐటిడిఏ ప్రాజెక్టు అధికారి, వేం నరేందర్ రెడ్డిలతో మాట్లాడి నిధుల విడుదలకు కృషి చేశారని తెలిసింది. ఈ కృషికి ఆదివాసి పల్లె ప్రజలు కృతజ్ఞతలు తెలిపారు.

14-10-2026 | 10:40pm

ఎంబీఏ పూర్తిచేసి స్వదేశానికి వచ్చిన విద్యార్థి

బోథ్: మండలంలోని కౌటాబి గ్రామ సర్పంచ్ ఓరుగంటి స్వామి కుమారుడు శివకుమార్ కెనడాలో ఎంబీఏ పూర్తి చేసి స్వదేశానికి తిరిగి వచ్చారు. ఈ సందర్భంగా మండలంలోని పలు గ్రామాల మాజీ సర్పంచ్‌లు, సర్పంచ్‌లు, న్యాయవాది పంద్రం శంకర్, బిఆర్ఎస్ బోథ్ పట్టణ అధ్యక్షులు అల్లకొండ ప్రశాంత్ తదితరులు శివకుమార్‌ను శాలువాతో సన్మానించారు. ఉన్నత స్థానాలకు ఎదిగి గ్రామానికి, తల్లిదండ్రులకు మంచి పేరు తీసుకురావాలని వారు ఆకాంక్షించారు.

14-10-2026 | 08:37pm

ఆత్మహత్య చేసుకున్న రైతులు

భీంపూర్: పిప్పల్ కోటి గ్రామానికి చెందిన రైతులు భూర్గుల అశోక్, పసుల ఆశన్న ఆత్మహత్య చేసుకున్న కుటుంబాలను రైతు స్వరాజ్య వేదిక జిల్లా అధ్యక్షులు సంగెపు బొర్రన్న, రమాకాంత్ పరామర్శించారు. గత ఏడాది భారీ వర్షాలు, పంట నష్టాలు, ఈ ఖరీఫ్‌లో ఆశించిన దిగుబడి లేకపోవడంతో మనోవేదనకు గురై వారు పురుగుల మందు తాగి ఆత్మహత్య చేసుకున్నారని తెలిసింది. GO నంబర్ 194 ప్రకారం రూ. 6 లక్షల పరిహారం, కుటుంబ యజమానురాలికి రూ. 5 వేల పెన్షన్, పిల్లలకు ఉచిత విద్య, వైద్యం అందించాలని బొర్రన్న ప్రభుత్వాన్ని కోరారు. రైతు ఆత్మహత్యలు నివారించడానికి అవగాహనా సదస్సులు నిర్వహించాలని సూచించారు.

14-10-2026 | 07:25pm

ఇంటింటికి ఇంకుడు గుంతలను నిర్మించుకోండి

బోథ్: ప్రతి ఇంటికి ఇంకుడు గుంతలను నిర్మించుకోవాలని సోనాల ఎంపీడీవో రత్నాకర్ రావు సూచించారు. బుధవారం మండలంలోని చింతల బోరి గ్రామంలో ఇంకుడు గుంతల నిర్మాణంపై అవగాహన కల్పించి, గ్రామస్తులను ప్రోత్సహించి మార్కౌట్ ఇచ్చారు. ఇంకుడు గుంతల వల్ల కలిగే లాభాలను ప్రజలకు వివరించారు. ఈ కార్యక్రమంలో గ్రామ సర్పంచ్ గైక్వాడ్ శ్రీరామ్, ఉప సర్పంచ్ దిగోలే విష్ణు, ఉపాధి హామీ మెట్ఈశ్వర్ పాల్గొన్నారు.

14-10-2026 | 06:07pm

పిచ్చి మొక్కలతో నిండిన కరత్వాడ నీటి కాలువ..

బోథ్: మండలంలోని తర్వాత చెరువు కుడి, ఎడమ కాలువల్లో పిచ్చి మొక్కలు పెరగడం, పిల్ల కాలువలు ఆక్రమణకు గురికావడంతో చివరి ఆయకట్టు రైతులకు సాగునీరు అందడం లేదని తెలిసింది. కౌటా(బి), పోచెర గ్రామాలకు చెందిన రైతులు నీటి తడులు పెట్టలేకపోతున్నారని వాపోతున్నారు. రియల్ ఎస్టేట్ వ్యాపారులు పిల్ల కాలువలను ప్లాట్లుగా మార్చారని, అధికారులు పట్టించుకోవడం లేదని రైతులు ఆందోళన వ్యక్తం చేస్తున్నారు. జిల్లా అధికారులు ఈ సమస్యను పరిష్కరించాలని కోరుతున్నారు.

14-10-2026 | 05:56pm

అభివృద్ధి పనులకు భూమి పూజ

బోథ్. అక్టోబర్ 14 (విజయ క్రాంతి): మండలంలోని పాట్నాపూర్ గ్రామంలో సర్పంచ్ పంద్రం సుగుణ 20 లక్షల రూపాయలతో చేపట్టనున్న అభివృద్ధి పనులకు భూమి పూజ చేశారు. కేంద్ర ప్రభుత్వ నిధులతో పనులను పూర్తి చేయడం జరుగుతుందన్నారు. నిధులు మంజూరు చేసిన ఎంపీ జి నగేష్, శాసనసభ్యులు జాదవ్ అనిల్ లకు కృతజ్ఞతలు తెలిపారు.

14-10-2026 | 04:49pm

తెలంగాణ పబ్లిక్ స్కూల్ ఇచ్చింది మేమే

బోథ్. అక్టోబర్ 14 (విజయ క్రాంతి): సోనాల మండల కేంద్రంలో తెలంగాణపబ్లిక్ స్కూల్ కాంగ్రెస్ పార్టీ అధికారంలో ఉన్నప్పుడు వచ్చిందని ఆ పాఠశాల మంజూరి కోసం కాంగ్రెస్ పార్టీ నాయకులు కృషి చేశారని సర్పంచుల సంఘం మండల అధ్యక్షులు చౌహన్వినోద్ సింగ్, డిసిసి కార్యదర్శి లోలపు పోసెట్టిలు పేర్కొన్నారు.

14-10-2026 | 04:42pm

ఏజెన్సీలో దాండియా

ఉట్నూర్: ఉత్తర భారతదేశంలో నవరాత్రి ఉత్సవాల సందర్భంగా జరుపుకునే దాండియా నృత్యాలు ఆదిలాబాద్ జిల్లా ఉట్నూర్ ఏజెన్సీ ప్రాంతానికి విస్తరించాయి. ఉట్నూర్, ఇంద్రవెల్లి, నార్నూర్, గాదిగూడ మండలాల్లోని గ్రామాలలో దుర్గాదేవి ప్రతిష్టించి, మహిళలు ప్రతిరోజు రాత్రి దాండియా నృత్యాలు చేస్తున్నారు. ఇంద్రవెల్లి మండల కేంద్రంతో పాటు అందుతాండాలోని మత్తురాల కులదేవతా దుర్గాదేవి ఆలయంలో ప్రత్యేక దాండియా నృత్యాలు జరుగుతున్నాయి. పట్టణ ప్రాంత ప్రజలు ఈ నృత్యాలను తిలకించడానికి గ్రామాలకు చేరుకుంటున్నారు.

14-10-2026 | 04:40pm

రాహుల్ గాంధీ పోరాటం ఆగదు

బోథ్: ఎస్ఐఆర్లో ఏ ఒక్క ఓటరుకు అన్యాయం జరగకుండా రాహుల్ గాంధీ పోరాటం చేస్తున్నారని కాంగ్రెస్ పార్టీ మండల అధికార ప్రతినిధి అచ్చితానంద రెడ్డి పేర్కొన్నారు. రాజ్యాంగ పరిరక్షణ, సామాజిక న్యాయం, ప్రజాస్వామ్య హక్కుల కోసం ఆయన పోరాడుతున్నారని తెలిపారు. నిత్యవసర వస్తువుల ధరల పెరుగుదల, నిరుద్యోగం, రైతుల సమస్యలపై బీజేపీ సమాధానం చెప్పాలని డిమాండ్ చేశారు. కులం, మతం పేరుతో రాజకీయాలు చేయడం సరికాదని వెల్లడించారు.

14-10-2026 | 04:34pm

విలేజ్ పోలీస్ వ్యవస్థను పటిష్టం చేయాలి

తలమడుగు అక్టోబర్ 14(విజయక్రాంతి): గ్రామాల్లో అసాంఘిక కార్యకలాపాలు జరగకుండా పటిష్టమైన నిఘా ఏర్పాటు చేయాలని జిల్లా ఎస్పీ అఖిల్ మహాజన్ సూచించారు. బుధవారం తలమడుగు పోలీస్ స్టేషన్‌ను ఆకస్మికంగా తనిఖీ చేసి, స్టేషన్‌లోని వాహనాలు, రికార్డులను పరిశీలించారు. ప్రతి పోలీస్ సిబ్బందికి గ్రామాలను కేటాయించి విలేజ్ పోలీస్ ఆఫీసర్ వ్యవస్థను సమర్థవంతంగా అమలు చేయాలన్నారు.

14-10-2026 | 02:40pm