Breaking News

వాట్సాప్‌లో ఆ మెసేజ్ వస్తే క్లిక్ చేయొద్దు! • కోహ్లి వరల్డ్ రికార్డు • నా వెనుక ఎవరూ లేరు • కష్టాల్లో టీమిండియా • చైనా స్పైతో ప్రేమాయణం • జగన్ కంచుకోటలో టీడీపీ జెండా! • మైలేజీకి మంగళం.. E20 కాదు.. 420 దందా! • భారత్‌కు బిగ్ షాక్.. డకౌటైన గిల్ • ఇదేం లక్కీ ఛాన్స్! నిద్రపోతే రూ.9.6 లక్షలు • దీపావళికి ముందే ఊపిరాడని పరిస్థితి •

Districts - Kumarambheem Asifabad

ఏఎస్‌డీడీ జాబితా ఓటర్లకు మరో అవకాశం

ఆసిఫాబాద్: ఏఎస్‌డీడీ జాబితాలో ఉన్న ఓటర్లకు తమ వివరాలు సమర్పించేందుకు మరో అవకాశం కల్పించినట్లు రాష్ట్ర ముఖ్య ఎన్నికల అధికారి సుదర్శన్‌రెడ్డి వెల్లడించారు. శనివారం కలెక్టరేట్‌లో జరిగిన వీడియో కాన్ఫరెన్స్‌లో కలెక్టర్ కె.హరిత, ఆర్డీఓ లోకేశ్వరరావు పాల్గొన్నారు. గైర్హాజరు, వలస, మరణించిన, డూప్లికేట్ ఓటర్ల వివరాలను క్షేత్రస్థాయిలో పరిశీలించి, అర్హులైన వారి పేర్లు ఓటరు జాబితాలో ఉండేలా చర్యలు తీసుకోవాలని అధికారులను ఆయన ఆదేశించారు.

07-11-2026 | 11:11pm

కరువు మండలాల రైతుల రుణాలు రీషెడ్యూల్ చేయాలి

ఆసిఫాబాద్: తక్కువ వర్షపాతం నమోదైన కరువు మండలాల్లో రైతులకు బ్యాంకులు అందించిన పంట రుణాలను రీషెడ్యూల్ చేయాలని కలెక్టర్ కె.హరిత సూచించారు. శనివారం కలెక్టరేట్‌లోని సమావేశ మందిరంలో ఎల్‌డీఎం జనార్దన్, జిల్లా వ్యవసాయ అధికారి వెంకటేశ్‌తో కలిసి కరువు సహాయ చర్యలపై జిల్లా సంప్రదింపుల కమిటీ సమావేశం నిర్వహించారు. రుణాల రీషెడ్యూల్ ప్రక్రియలో రైతులకు న్యాయం జరిగేలా చూడాలని, వ్యవసాయ అనుబంధ రంగాల రుణాలను కూడా పునర్వ్యవస్థీకరించాలని బ్యాంకు అధికారులకు ఆమె సూచించారు.

07-11-2026 | 11:01pm

కిడ్నీ రోగులకు కొండంత అండ.. డయాలసిస్‌లో 19 వేల మైలురాయి!

ఆసిఫాబాద్: జిల్లా కేంద్రంలోని ప్రభుత్వ జనరల్ ఆసుపత్రి డయాలసిస్ కేంద్రం కిడ్నీ వ్యాధిగ్రస్తులకు స్థానికంగానే మెరుగైన వైద్య సేవలు అందిస్తూ విశేష ప్రగతి సాధించింది. 2023 జూన్ 14న ప్రారంభమైన ఈ కేంద్రం ఇప్పటివరకు 19,131 డయాలసిస్ చికిత్సలు పూర్తి చేసింది. 10 బెడ్ల సామర్థ్యంతో రోజుకు సుమారు 30 మంది రోగులకు ఉచితంగా సేవలు అందిస్తోందని జీజీహెచ్ మెడికల్ సూపరింటెండెంట్ డాక్టర్ సీహెచ్ కిరణ్ వెల్లడించారు. కొత్త రోగుల కోసం స్లాట్లు అందుబాటులో ఉన్నాయని డయాలసిస్ యూనిట్ ఇన్‌చార్జి తిరుపతి పేర్కొన్నారు.

07-11-2026 | 11:00pm

పీఎం శ్రీ పాఠశాలల్లో మౌలిక వసతుల కల్పనకు చర్యలు

ఆసిఫాబాద్: పీఎం శ్రీ పథకం కింద ఎంపికైన జిల్లాలోని 18 పాఠశాలల్లో మౌలిక వసతులు కల్పించాలని కలెక్టర్ కె.హరిత ప్రధానోపాధ్యాయులను ఆదేశించారు. శనివారం విద్యాశాఖ అధికారులతో నిర్వహించిన సమీక్షలో ఆమె మాట్లాడుతూ, కేటాయించిన నిధులను పారదర్శకంగా ఖర్చు చేస్తూ నాణ్యతతో కూడిన పనులు చేపట్టాలని సూచించారు. విద్యార్థులకు అదనపు శిక్షణ, యోగా, క్రీడలు, పరిశుభ్రత వంటి సౌకర్యాలు కల్పించాలని, నిర్లక్ష్యం వహిస్తే చర్యలు తప్పవని హెచ్చరించారు.

07-11-2026 | 11:00pm

దళారులు, మధ్యవర్తులను నమ్మి మోసపోవద్దు

ఆసిఫాబాద్: అంగన్వాడీ టీచర్లు, ఆయా పోస్టుల భర్తీ ప్రక్రియను పారదర్శకంగా, ప్రభుత్వ నిబంధనల ప్రకారం నిర్వహిస్తామని జిల్లా కలెక్టర్ కె.హరిత తెలిపారు. ఉద్యోగాలు ఇప్పిస్తామంటూ డబ్బులు వసూలు చేసే దళారుల మాటలు నమ్మి మోసపోవద్దని అభ్యర్థులను ఆమె హెచ్చరించారు. విద్యార్హతలు, ధ్రువపత్రాల పరిశీలన అనంతరం అర్హతల ఆధారంగానే ఎంపిక జరుగుతుందని, ఎలాంటి సిఫార్సులు, అక్రమాలకు తావులేదని స్పష్టం చేశారు. సందేహాలుంటే అధికారులను సంప్రదించాలని సూచించారు.

07-11-2026 | 10:54pm

రాష్ట్రస్థాయి కబడ్డీ పోటీలకు జిల్లా జట్టు ఎంపిక

ఆసిఫాబాద్: జిల్లా కబడ్డీ అసోసియేషన్ ఆధ్వర్యంలో జరిగిన సబ్ జూనియర్, సీనియర్ పురుషుల జిల్లా కబడ్డీ జట్టు ఎంపిక పోటీలకు మాజీ ఎంపీపీ అరిగెల మల్లికార్జున్ యాదవ్ ముఖ్య అతిథిగా హాజరయ్యారు. ఎంపికైన జిల్లా క్రీడాకారులు నవంబర్ 12 నుండి 14 వరకు వికారాబాద్‌లో జరిగే రాష్ట్రస్థాయి కబడ్డీ పోటీల్లో పాల్గొంటారని అసోసియేషన్ ప్రధాన కార్యదర్శి ఆత్రం ధర్మారావు వెల్లడించారు.

07-11-2026 | 10:53pm

ఆదివాసీ సంస్కృతి, సంప్రదాయాలను కాపాడాలి

తిర్యాణి: ఆదివాసీ కోలం గిరిజనుల సంస్కృతి, సంప్రదాయాలను భావితరాలకు అందించాలని జిల్లా కలెక్టర్ కె.హరిత అన్నారు. జనజాతి గౌరవ దివస్ వేడుకల్లో భాగంగా దంతన్‌పల్లి గ్రామంలో నిర్వహించిన దండారి, గుస్సాడి వేడుకల్లో ఆమె ముఖ్య అతిథిగా పాల్గొని, ఆదివాసీ మహిళలతో కలిసి సంప్రదాయ నృత్యం చేశారు. దండారి నిర్వాహకులకు ప్రభుత్వం తరఫున రూ.15 వేల చెక్కును అందజేశారు. కోలం గిరిజనుల ఆచారాలు, సంప్రదాయ నృత్యాలు, జీవన విధానం ప్రత్యేక గుర్తింపును కలిగి ఉన్నాయని గిరిజన సంక్షేమ శాఖ డీడీ జాదవ్ అంబాజీ తెలిపారు.

07-11-2026 | 10:52pm

ఆదివాసీ సంస్కృతి, సంప్రదాయాలు గొప్పవి

జైనూర్: ఆదివాసీల సంస్కృతి, సంప్రదాయాలకు దండారి పండుగ ప్రతీక అని ఎమ్మెల్యే కోవ లక్ష్మి అన్నారు. శనివారం జైనూర్ మండలంలోని సుకుడ్‌పల్లి, దేవుగూడ, జాంగం, మని జండాగూడ, గుడామామడ, పాట్నపూర్ గ్రామాల్లో జరిగిన దండారి వేడుకల్లో ఆమె పాల్గొన్నారు. గ్రామస్తులతో కలిసి సంప్రదాయ నృత్యం చేశారు. గోండు సంస్కృతి, సంప్రదాయాలను కాపాడుకోవాలని ఆమె పిలుపునిచ్చారు. ఈ వేడుకల్లో యువకులు కాంగ్రెస్ ప్రభుత్వ వైఫల్యాలను ప్రదర్శించారు.

07-11-2026 | 10:49pm

సర్ సిల్క్ వాసులు అధైర్య పడొద్దు

కాగజ్ నగర్: కొమరం భీం ఆసిఫాబాద్ జిల్లా కాగజ్ నగర్ పట్టణంలోని సర్ సిల్క్ మిల్లు స్థలాల్లో నివాసం ఉంటున్న దాదాపు 3 వేల మందికి రెవెన్యూ అధికారులు ఇళ్లు ఖాళీ చేయాలని నోటీసులు జారీ చేశారు. ఈ విషయంపై సిర్పూర్ ఎమ్మెల్యే డాక్టర్ హరీష్ బాబు మాట్లాడుతూ, మిల్లు స్థలాలను వేలం పాటలో దక్కించుకున్న వ్యక్తి కోర్టును ఆశ్రయించడంతోనే ఈ నోటీసులు పంపిణీ చేయబడ్డాయని తెలిపారు. బాధితులు అధైర్య పడద్దని, హైకోర్టు లిక్విడ్ లెటర్‌తో మాట్లాడి సమస్య పరిష్కారానికి కృషి చేస్తున్నానని, అవసరమైతే ప్రభుత్వం దృష్టికి తీసుకెళ్తానని పేర్కొన్నారు.

06-11-2026 | 10:53pm

గ్రామాలలో సమస్యలపై అధికారులు ప్రత్యేక దృష్టి పెట్టాలి

బెజ్జూర్: బెజ్జూరు మండల ప్రత్యేక అధికారి నదీమ్ అధ్యక్షతన రైతు వేదికలో మండల పరిషత్ ప్రత్యేక సమావేశం జరిగింది. గ్రామాల్లో సమస్యలపై అధికారులు దృష్టి సారించాలని నదీమ్ సూచించారు. పాపన్నపేట, లంబడి గూడ, అంబగట్ట గ్రామాల్లో మూడో విద్యుత్ లైన్ ఏర్పాటు చేయాలని సర్పంచులు కోరగా, ఉన్నతాధికారులతో మాట్లాడి చర్యలు తీసుకుంటామని లైన్ ఇన్స్పెక్టర్ ధర్మయ్య తెలిపారు. అర్హులైన వారందరికీ రేషన్ కార్డులు, ఉచిత బియ్యం అందజేస్తామని తాసిల్దార్ రామ్మోహన్రావు పేర్కొన్నారు. గిరిజన పాఠశాలలపై పర్యవేక్షణ కొరవడిందని సులుగు పళ్లి సర్పంచ్ సోయం చిన్నయ్య ఆరోపించారు. ఐటిడిఏ అధికారులు సమావేశాలకు హాజరయ్యేలా చర్యలు తీసుకోవాలని నదీమ్ ఎంపీడీవోను ఆదేశించారు. ఈ సమావేశంలో పలువురు అధికారులు, సర్పంచులు పాల్గొన్నారు.

06-11-2026 | 08:04pm

ఫోటోగ్రాఫర్ల అభివృద్ధికి ఐక్యంగా కృషి చేయాలి

ఆసిఫాబాద్: జిల్లాలో ఫోటోగ్రాఫర్లు, వీడియోగ్రాఫర్ల అభివృద్ధి, సంక్షేమం, సంఘ బలోపేతంపై జిల్లా స్థాయి సమావేశం నవంబర్ 06న నిర్వహించారు. తెలంగాణ రాష్ట్ర ఫోటో వీడియో గ్రాఫర్స్ సంక్షేమ సంఘం రాష్ట్ర అధ్యక్షుడు షేక్ హుస్సేన్ హాజరై సమస్యలు, సభ్యుల ఐక్యత, భవిష్యత్ కార్యాచరణపై చర్చించారు. ఈ కార్యక్రమంలో జిల్లా అధ్యక్షుడు ఎస్.కె. సమీర్, వావిలాల రాజు, సందీప్, వివేక్, హమీద్‌తో పాటు పలువురు ఫోటోగ్రాఫర్లు పాల్గొన్నారు.

06-11-2026 | 06:55pm

జామ్నిలో ఘనంగా దండారి వేడుకలు

జైనూర్: జైనూర్ మండలం జామ్ని గ్రామంలో ఆదివాసీల సంప్రదాయ పండుగ దండారి వేడుకలు ఘనంగా జరిగాయి. ఈ వేడుకలకు ఆసిఫాబాద్ ఎమ్మెల్యే కోవ లక్ష్మి ముఖ్య అతిథిగా హాజరై గ్రామస్తులతో కలిసి దండారి నృత్యంలో పాల్గొన్నారు. గోండు సంస్కృతి, సంప్రదాయాలను ప్రతిబింబించేలా యువకులు, మహిళలు ప్రదర్శించిన నృత్యాలు ఆకట్టుకున్నాయి. ఈ సందర్భంగా గ్రామస్తులు ఎమ్మెల్యేను సత్కరించారు.

06-11-2026 | 05:28pm

దీపావళి వేడుకల్లో అప్రమత్తత అవసరం

ఆసిఫాబాద్: దీపావళి పండుగను ప్రజలు అప్రమత్తంగా, ప్రమాదాలు జరగకుండా ఆనందంగా జరుపుకోవాలని ఈఎంఆర్‌ఐ జీహెచ్‌ఎస్ 108 జిల్లా మేనేజర్ సుధాకర్ సూచించారు. జిల్లాలోని ప్రతి మండలంలో 108 అంబులెన్స్ సేవలు 24 గంటల పాటు అందుబాటులో ఉంటాయని ఆయన తెలిపారు. బాణసంచా కాల్చేటప్పుడు అగ్నిప్రమాదాలు, కాలిన గాయాలు, కంటి సమస్యలు తలెత్తకుండా జాగ్రత్తలు పాటించాలని, అత్యవసర పరిస్థితుల్లో వెంటనే 108కు కాల్ చేయాలని ఆయన కోరారు.

06-11-2026 | 05:13pm

మిషన్ భగీరథ ఏజెన్సీలను బ్లాక్‌లిస్టులో పెట్టాలి

ఆసిఫాబాద్: మిషన్ భగీరథ కార్మికులకు ఎస్ఎస్ఆర్ ప్రకారం వేతనాలు చెల్లించకుండా శ్రమ దోపిడీకి పాల్పడుతున్న ఐదు ఏజెన్సీలను బ్లాక్‌లిస్టులో పెట్టి, సంబంధిత అధికారులపై చర్యలు తీసుకోవాలని ఏఐటీయూసీ జిల్లా ప్రధాన కార్యదర్శి భోగే ఉపేందర్ డిమాండ్ చేశారు. శుక్రవారం డీఈ పృథ్వీరాజ్‌కు వినతిపత్రం అందజేసినట్లు తెలిసింది. కార్మికులకు నెలకు రూ.26 వేల కనీస వేతనం, ఈపీఎఫ్, ఈఎస్ఐ, ప్రమాద బీమా, పెట్రోల్ అలవెన్స్ కల్పించాలని కోరారు. సమస్యలు పరిష్కరించకుంటే ఆందోళనలు చేపడతామని హెచ్చరించారు.

06-11-2026 | 03:53pm