Breaking News

హైదరాబాద్‌లో షాకింగ్ ఘటన • అల్పపీడనం ఎఫెక్ట్‌.. తెలంగాణలో భారీ వర్షాలు • గులాబీ పార్టీ దూకుడు.. ప్రజల్లోకి కేటీఆర్ • ఇంత తొందర ఎందుకు?.. KTR సూటి ప్రశ్నలు • రామాంతపూర్‌లో హైడ్రా యాక్షన్ • ఆదాయం ఆవిరి • సినీ ఇండస్ట్రీలో విషాదం.. ప్రముఖ దర్శకుడు కన్నుమూత • భారత్‌కు హ్యాట్రిక్ ఓటమి • బాక్సాఫీస్‌ వద్ద వెంకీ విక్టరీ • మొయినాబాద్‌లో విషాదం.. తీరని శోకం •

Districts - Kumarambheem Asifabad

ఘనంగా జాతీయ ఐక్యత దినోత్సవం

ఆసిఫాబాద్: సర్దార్ వల్లభాయ్ పటేల్ జయంతి సందర్భంగా జిల్లా అటవీశాఖ కార్యాలయంలో జాతీయ ఐక్యత దినోత్సవాన్ని ఘనంగా నిర్వహించారు. డీఎఫ్ఓ బాలామణి ఆధ్వర్యంలో రేంజ్ అధికారి గోవింద్ చంద్ ఐక్యత ప్రతిజ్ఞ చేయించి ర్యాలీ నిర్వహించారు. దేశ సమగ్రతకు ఐక్యత ఎంతో ముఖ్యమని, భారతదేశాన్ని ఏకం చేయడంలో పటేల్ కృషి మరువలేనిదని వారు పేర్కొన్నారు. ఈ కార్యక్రమంలో డిప్యూటీ రేంజ్ అధికారి యోగేష్ కులకర్ణి, సెక్షన్ అధికారులు, బీట్ అధికారులు, సిబ్బంది పాల్గొన్నారు.

31-10-2026 | 08:19pm

జాతీయ ఐక్యతకు ప్రతి ఒక్కరూ భాగస్వాములు కావాలి

ఆసిఫాబాద్: భారతదేశ ఐక్యత, సమగ్రతను కాపాడటంలో ప్రతి ఒక్కరూ భాగస్వాములు కావాలని జిల్లా కలెక్టర్ కె.హరిత అన్నారు. శనివారం జిల్లా కేంద్రంలోని సమీకృత కలెక్టరేట్ సమావేశ మందిరంలో సర్దార్ వల్లభభాయ్ పటేల్ జయంతిని పురస్కరించుకొని నిర్వహించిన జాతీయ ఐక్యత దినోత్సవ కార్యక్రమంలో ఆమె అధికారులు, ఉద్యోగులతో ప్రతిజ్ఞ చేయించారు. దేశ సమగ్రత, ఐక్యత, భద్రతను పరిరక్షించేందుకు ప్రజలందరూ సమిష్టిగా కృషి చేయాలని ఆమె పిలుపునిచ్చారు.

31-10-2026 | 07:54pm

గిరిజన సంస్కృతి, సంప్రదాయాలను భావితరాలకు అందించాలి

ఆసిఫాబాద్: గిరిజనుల సంస్కృతి, సంప్రదాయాలను భావితరాలకు అందించాలని ఐటీడీఏ పీఓ మంద మకరందు అన్నారు. శనివారం తిర్యాణి మండలం ఎద్దులపాడు గ్రామంలో గిరిజన నాయకుడు వెడమ రాము 39వ వర్ధంతి కార్యక్రమంలో పాల్గొని నివాళులర్పించారు. గిరిజన గ్రామాల అభివృద్ధికి ఐటీడీఏ కృషి చేస్తోందని, తాగునీరు, రహదారులు, విద్య, వైద్యం వంటి మౌలిక సదుపాయాల సమస్యలను పరిష్కరించేందుకు చర్యలు తీసుకుంటామని ఆయన పేర్కొన్నారు. ప్రభుత్వ సంక్షేమ పథకాలు అర్హులైన గిరిజనులకు అందేలా అధికారులు సమన్వయంతో పనిచేయాలని సూచించారు.

31-10-2026 | 07:48pm

ఆసిఫాబాద్–హైదరాబాద్ ప్రయాణికులకు కొత్త బోర్డింగ్ పాయింట్లు

ఆసిఫాబాద్: ఆసిఫాబాద్ నుండి హైదరాబాద్‌కు ప్రయాణించే వారి సౌకర్యార్థం టీజీఎస్‌ఆర్టీసీ కొత్త బోర్డింగ్ పాయింట్లను అందుబాటులోకి తెచ్చింది. సోమగూడెం నుండి హైదరాబాద్‌కు టికెట్లు బుక్ చేసుకోవచ్చని ఆసిఫాబాద్ డిపో మేనేజర్ రాజశేఖర్ తెలిపారు. హైదరాబాద్ నుండి ఆసిఫాబాద్‌కు వచ్చే వారికి జేబీఎస్, కార్ఖానా, లాల్‌బజార్, లోత్కుంట, అల్వాల్, హకీంపేట్, తూంకుంట, షామీర్‌పేట్ ప్రాంతాల్లో బోర్డింగ్ పాయింట్లు ఏర్పాటు చేశారు. ప్రయాణికులు tgsrtcbus.in వెబ్‌సైట్ ద్వారా ముందస్తు రిజర్వేషన్ చేసుకోవచ్చని ఆయన సూచించారు.

31-10-2026 | 05:38pm

అచలాపూర్ భక్తుల పూజలు

బెజ్జూర్: బెజ్జూర్ మండల కేంద్రంలోని శ్రీ రంగనాయక స్వామి ఆలయంలో మహిళా భక్తులు తెల్లవారుజామున ప్రత్యేక పూజలు నిర్వహించి శ్రీ లలిత సహస్రనామ స్తోత్రాలు పారాయణం చేశారు. అచలాపూర్ భక్తులకు ఆలయ కమిటీ అధ్యక్షుడు తంగేడి పల్లి మహేష్ ఆలయ చరిత్రను వివరించారు. ఈ సందర్భంగా భక్తులకు అన్న ప్రసాదం ఏర్పాటు చేసినట్లు తెలిసింది.

31-10-2026 | 05:10pm

కార్మిక వ్యతిరేక విధానాలకు చరమగీతం పాడాలి

ఆసిఫాబాద్: కేంద్రంలోని బీజేపీ ప్రభుత్వం కార్మిక వ్యతిరేక విధానాలను అమలు చేస్తోందని ఏఐటీయూసీ జిల్లా ప్రధాన కార్యదర్శి బోగే ఉపేందర్ విమర్శించారు. శనివారం రెబ్బెన గ్రామపంచాయతీ కార్యాలయం వద్ద ఏఐటీయూసీ 107వ ఆవిర్భావ దినోత్సవం సందర్భంగా మండల అధ్యక్షుడు రమేష్ జెండాను ఆవిష్కరించారు. నాలుగు లేబర్ కోడ్‌లను రద్దు చేసి, కనీస వేతనం రూ.26 వేలు అమలు చేయాలని ఉపేందర్ డిమాండ్ చేశారు. గ్రామపంచాయతీ కార్మికులను ప్రభుత్వ ఉద్యోగులుగా గుర్తించాలని, సింగరేణికి కొత్త బొగ్గు బావులు కేటాయించాలని ఆయన కోరారు.

31-10-2026 | 02:48pm

విజయ క్రాంతి ఎఫెక్ట్.. స్పందించిన అధికారులు

బెజ్జూర్ మండలంలోని ఊట్ సారంగపల్లి గ్రామంలో పారిశుధ్యంపై విజయ క్రాంతి దినపత్రికలో వచ్చిన కథనానికి అధికారులు స్పందించారు. ఎంపీడీవో బండారి ప్రవీణ్ కుమార్, ఎంపీఓ గురజాల శ్రీనివాస్ ఆదేశాల మేరకు, గ్రామ సర్పంచ్ శ్రీహరి ఆధ్వర్యంలో మురికి కాలువల్లో పేరుకుపోయిన చెత్తాచెదారం, మట్టిని తొలగించి శుభ్రం చేయించారు. మిషన్ భగీరథ పైప్‌లైన్ లీకేజ్‌లను కూడా సర్పంచ్, గ్రామ కార్యదర్శి ధర్మయ్య మరమ్మత్తులు చేయించారు. సమస్యల పరిష్కారానికి కృషి చేసిన విజయ క్రాంతి దినపత్రికకు గ్రామ ప్రజలు కృతజ్ఞతలు తెలిపారు.

31-10-2026 | 02:15pm

గుండి బ్రిడ్జిపై కోవ లక్ష్మికి సుగుణక్క కౌంటర్‌

ఆసిఫాబాద్ (విజయక్రాంతి): గుండి బ్రిడ్జి నిర్మాణానికి కాంగ్రెస్ హయాంలోనే బీజం పడిందని డీసీసీ అధ్యక్షురాలు ఆత్రం సుగుణక్క అన్నారు. నిధులు మంజూరు చేయడం లేదంటూ ఎమ్మెల్యే కోవ లక్ష్మి చేసిన వ్యాఖ్యలు అవాస్తవమని ఖండించారు. పదేళ్లు అధికారంలో ఉన్న బీఆర్ఎస్ ప్రభుత్వం బ్రిడ్జిని ఎందుకు పూర్తి చేయలేదని ప్రశ్నించారు. ఇచ్చిన హామీ మేరకు కాంగ్రెస్ ప్రభుత్వం నిర్మాణాన్ని పూర్తి చేస్తుందని తెలిపారు

31-10-2026 | 01:39pm

గ్రూపులు కట్టిపెట్టండి.. పార్టీని గెలిపించండి

ఆసిఫాబాద్ (విజయక్రాంతి): ఆసిఫాబాద్ కాంగ్రెస్‌లో గ్రూపు రాజకీయాలకు స్వస్తి పలకాలని ఎస్సీ సెల్ జిల్లా అధికార ప్రతినిధి ఇగురపు సంతోష్ కోరారు. నాయకులు వ్యక్తిగత విభేదాలు పక్కనపెట్టి కార్యకర్తలను ఐక్యంగా నడిపించాలని సూచించారు. వర్గ విభేదాల వల్ల పార్టీ బలహీనపడుతుందని, రాబోయే ఎన్నికల్లో నష్టం జరిగే ప్రమాదం ఉందని ఆవేదన వ్యక్తం చేశారు. అధిష్ఠానం జోక్యం చేసుకోవాలని విజ్ఞప్తి చేశారు.

31-10-2026 | 12:05pm

ఆయుష్ శాఖలో ఔట్‌సోర్సింగ్ పోస్టుల భర్తీకి దరఖాస్తుల ఆహ్వానం

ఆసిఫాబాద్ (విజయక్రాంతి): జాతీయ ఆయుష్ మిషన్ పరిధిలోని వివిధ కార్యాలయాల్లో ఖాళీగా ఉన్న ఔట్‌సోర్సింగ్ పోస్టుల భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు జిల్లా కలెక్టర్ కె. హరిత శుక్రవారం ఒక ప్రకటనలో తెలిపారు. అర్హత, ఆసక్తి గల అభ్యర్థులు దరఖాస్తు చేసుకోవాలని సూచించారు. మల్టీపర్పస్ వర్కర్ పోస్టులకు దరఖాస్తు చేసుకున్న అభ్యర్థులకు నవంబర్ 3న ఉదయం 11 గంటలకు జిల్లా కలెక్టరేట్‌లో రాత పరీక్ష నిర్వహించనున్నట్లు వెల్లడించారు. అభ్యర్థులందరూ సకాలంలో పరీక్షకు హాజరుకావాలని కలెక్టర్ సూచించారు.

30-10-2026 | 08:10pm

ఆదివాసీల హక్కులను గౌరవించాలి

ఆసిఫాబాద్: జిల్లా అటవీ అధికారి బాలమణి తుడుందెబ్బ నాయకులతో సమావేశమయ్యారు. ఆదివాసీల హక్కులను గౌరవిస్తూ అటవీ సంరక్షణకు సహకరించాలని ఆమె కోరారు. 1/70, పెసా చట్టాలను గౌరవించాలని, ఆదివాసీ గ్రామాల్లో సీసీ రోడ్లు, ఇందిరమ్మ ఇళ్ల నిర్మాణాలకు ఆటంకాలు కల్పించవద్దని నాయకులు విజ్ఞప్తి చేశారు. అటవీ శాఖ నియామకాలు, కాంట్రాక్టు పనుల్లో స్థానిక ఆదివాసీలకు ప్రాధాన్యత ఇవ్వాలని కోరారు. ఆదివాసీల ఆచారాలకు కట్టెల వినియోగానికి అభ్యంతరం లేదని డీఎఫ్‌ఓ బాలమణి స్పష్టం చేశారు, అయితే వ్యాపార అవసరాలకు దుర్వినియోగం చేస్తే చర్యలు తప్పవని హెచ్చరించారు. ఈ సమావేశంలో తుడుందెబ్బ జాతీయ అధ్యక్షుడు కోట్నాక విజయ్ కుమార్ తదితరులు పాల్గొన్నారు.

30-10-2026 | 08:08pm

సలగుపల్లి లో మురికి కాలువలు కంపు కంపు..!

బెజ్జూర్ అక్టోబర్ 30 (విజయ క్రాంతి): సలుకుపల్లి గ్రామంలో పడకేసిన పారిశుద్ధ్యం అని ప్రజలు తెలుపుతున్నారు. బెజ్జూర్ మండలంలోని సలుగు పల్లి గ్రామంలో మురికి కాలువలు పారిశుధ్య లోపంతో కంపు కొడుతున్నాయని ప్రజలు తెలుపుతున్నారు. మురికి కాలువలు చెత్తాచెదారం తొలగించకపోవడంతో నీరు ఎక్కడికి అక్కడే నిలిచిపోవడంతో దుర్వాసన ఈగలు, దోమలు విపరీతంగా పెరిగాయని ప్రజలు తెలుపుతున్నారు.

30-10-2026 | 08:02pm

విద్యార్థులకు బోధనోప కరణాల విరాళం

కాగజ్ నగర్ ,అక్టోబర్ 30 ( విజయ క్రాంతి): కొమరం భీం ఆసిఫాబాద్ జిల్లా కాగజ్నగర్ మండలంలోని మోసం గ్రామపంచాయతీ పరిధిలో గల ఆరెగూడ ప్రాథమిక పాఠశాల విద్యార్థులకు బోధన ఉపకరణాల సామాగ్రి విరాళంగా అందించబడింది. శుక్రవారం పాఠశాలలో జరిగిన కార్యక్రమంలో పెద్దపల్లి జిల్లా గోదావరిఖని పట్టణానికి చెందిన ఆవుల రవి--పద్మల కుమారుడు యశ్వంత్ స్మారకార్థం ( జన్మదినం )పాఠశాలలో 102 మంది విద్యార్థులకు పరీక్షా ప్యాడ్లను పంపిణీ చేశారు.

30-10-2026 | 07:50pm

రక్తదాన శిబిరాన్ని విజయవంతం చేయండి

కాగజ్ నగర్ , అక్టోబర్ 30 ( విజయ క్రాంతి): ఆసిఫాబాద్ జిల్లా కేంద్రంలో ఈనెల 31న నిర్వహించే రక్తదాన శిబిరాన్ని విజయవంతం చేయాలని కాగజ్నగర్ టౌన్ ఎస్.ఐ యాదగిరి అన్నారు. శుక్రవారం కొమరం భీమాసిఫాబాద్ జిల్లా కాగజ్నగర్ పట్టణంలోని ఇందిర మార్కెట్ కూరగాయల వ్యాపారులను ఉద్దేశించి ఎస్సై మాట్లాడారు. రక్తదానం ప్రాణదానంతో సమానమని పేర్కొన్నారు. ఈ కార్యక్రమంలో ఏఎస్ఐ అనిల్ నాయక్, పోలీసులు , కూరగాయల వ్యాపారులు పాల్గొన్నారు.

30-10-2026 | 07:30pm