పెండింగ్ లో ఉన్న పనులను వెంటనే పూర్తి చేయాలి
హనుమకొండ: పరకాలలోని వంద పడకల ప్రభుత్వ ఏరియా ఆసుపత్రిలో పెండింగ్‌లో ఉన్న పనులను త్వరితగతిన పూర్తి చేయాలని ఎమ్మెల్యే రేవూరి ప్రకాష్ రెడ్డి అన్నారు. గురువారం జరిగిన సమీక్షా సమావేశంలో కలెక్టర్ చాహత్ బాజ్‌పాయి, వైద్యాధికారులతో కలిసి ఆసుపత్రి అభివృద్ధిపై చర్చించారు. బ్లడ్ బ్యాంకు తరలింపు, సీటీజీ యంత్రం, ఇతర వైద్య పరికరాల ఏర్పాటు, 24 గంటల వైద్య సేవలు, సాధారణ ప్రసవాల పెంపు, ఈ-ఔషధి, ఆయుష్మాన్ భారత్, ఆరోగ్యశ్రీ సేవలను సమర్థవంతంగా అమలు చేయాలని ఆయన ఆదేశించారు.
12-11-2026 | 06:46pm
