కరెంటు సిబ్బంది లేక ఇబ్బందులు
బోధన్, అక్టోబర్ 27: రెంజల్ మండలంలో విద్యుత్ శాఖలో ఏఈ, లైన్‌మెన్ పోస్టులు ఖాళీగా ఉండటంతో వినియోగదారులు, రైతులు తీవ్ర ఇబ్బందులు ఎదుర్కొంటున్నారు. గత రెండేళ్లుగా రెగ్యులర్ ఏఈ లేకపోవడం, సాటాపూర్, కందకుర్తి, నీలా, కల్యాపూర్, కూనేపల్లి, దండిగుట్ట గ్రామాలకు జూనియర్ లైన్‌మెన్లు లేకపోవడంతో రాత్రి వేళల్లో విద్యుత్ అంతరాయాలు, వ్యవసాయ విద్యుత్ లైన్లలో సమస్యలు తలెత్తుతున్నాయి. దీనిపై విద్యుత్ శాఖ ఎస్‌ఈ రాజేశ్వరరావు స్పందిస్తూ, పదోన్నతుల ద్వారా ఏఈ పోస్టులు భర్తీ చేస్తామని, కొత్త నియామకాలు లేకపోవడంతో సిబ్బంది కొరత ఏర్పడిందని తెలిపారు.
27-10-2026 | 05:42pm
