కరీంనగర్లో కొండా లక్ష్మణ్ బాపూజీ వర్ధంతి వేడుకలు
ముకరంపుర, సెప్టెంబర్ 21(విజయ క్రాంతి): కరీంనగర్ లో తెలంగాణ తొలితరం ఉద్యమ నాయకుడు, మాజీ మంత్రి కొండా లక్ష్మణ్ బాపూజీ వర్ధంతి వేడుకలు ఘనంగా జరిగాయి. సోమవారం నగరంలోని ఎన్టీఆర్ చౌరస్తాలో గల విగ్రహం వద్ద జరిగిన వర్థంతి వేడుకలకు నగర మేయర్ కొలగాని శ్రీనివాస్ ముఖ్య అతిథిగా హాజరయ్యారు. కొండ లక్ష్మణ్ బాపుజీ విగ్రహానికి పూల మాల వేసి ఘనంగా నివాళులర్పించారు.ఈ సందర్భంగా కోలగాని శ్రీనివాస్ మాట్లాడుతూ భారత స్వాతంత్ర్య సంగ్రామంలో, నిజాం నిరంకుశత్వానికి వ్యతిరేకంగా సాగిన పోరాటాల్లో బాపూజీ పాత్ర చిరస్మరణీయమని కొనియాడారు.
21-09-2026 | 02:19pm
