విద్యుత్ షార్ట్ సర్క్యూట్ తో ఇల్లు దగ్ధం
మానకొండూరు, మే 29 ,(విజయక్రాంతి): కరీంనగర్ జిల్లా మానకొండూరు మండలం శ్రీనివాస్ నగర్ గ్రామంలో శుక్రవారం తెల్లవారుజామున విద్యుత్ షార్ట్ సర్క్యూట్ తో పెంకుటిల్లు అగ్నికి ఆహుతయింది. ఇంటి యజమాని పొన్నాల చంద్రయ్య ఉపాధి హామీ పనులకు వెళ్ళగా, ఇంట్లో ఎవరూలేని సమయంలో ఈ ప్రమాదం చోటు చేసుకుంది. 6 క్వింటాళ్ల బియ్యం బట్టలు, ఇంటిలోని వస్తువులు పూర్తిగా దగ్ధమయ్యాయి. రజక కులానికి చెందిన చంద్రయ్య కులవృత్తి, కూలి పని చేసుకుంటూ జీవనం సాగిస్తున్నాడని, ప్రభుత్వం నష్టాన్ని అంచనా వేసి, ఆర్థిక సహాయం అందించి, ఈ నిరుపేద కుటుంబాన్ని ఆదుకోవాలని శ్రీనివాస్ నగర్ సర్పంచ్ ఎరుకల శ్రీనివాస్ గౌడ్ ప్రభుత్వాన్ని కోరారు.
29-05-2026
30 May, 2026 | 1:04 AM 
