తమిళనాడు ఎన్నికల ఫలితాలు ఎప్పుడు వస్తాయి?

మే 4, 2026న తమిళనాడు అసెంబ్లీ ఎన్నికల ఫలితాలు వెలువడతాయి.

విజయ్ TVK ఏ నియోజకవర్గం నుండి పోటీ చేస్తున్నారు?

తమిళగ వెట్రి కళగం అధినేత విజయ్ త్రిచీ తూర్పు నియోజకవర్గం నుండి పోటీ చేస్తున్నారు.

తమిళనాడులో ఈసారి ఎంత శాతం పోలింగ్ నమోదైంది?

ఉదయం 9 గంటలకు 17.69%, 11 గంటలకు 37.57% పోలింగ్ నమోదైంది.

Districts

30 May, 2026 | 9:57 AM

E-Paper

Breaking News

తడిసన ప్రతి గింజను ప్రభుత్వమే కొనుగోలు చేస్తుంది • పోలీసుల అదుపులో గుప్తనిధుల తవ్వకాల నిందితులు • ఆసరా కోసం అడుగులు... హామీని చేతల్లో చూపిన మున్సిపల్ చైర్‌పర్సన్ • సిద్దిపేట మహిళల భజనలకు ప్రపంచ రికార్డు • ప్రైవేట్ ట్రావెల్స్ బస్సుకు అగ్నిప్రమాదం • సాగు లక్ష్యం.. 1.34 కోట్ల ఎకరాలు • కొంపముంచిన ‘కోయెంప్’! • ఆగని అక్కసు! • రుతుపవనాలు ఆలస్యం • విలీనం ప్రకటించాలి •

Districts - Siddipet

సిద్దిపేట మహిళల భజనలకు ప్రపంచ రికార్డు

సిద్దిపేట రూరల్, (విజయక్రాంతి): కరీంనగర్ కళాభారతి వేదికగా గురువారం నిర్వహించిన ఆధ్యాత్మిక భజన మహోత్సవం ప్రపంచ రికార్డుల్లో చోటు సంపాదించింది. ఉమ్మడి పది జిల్లాల నుంచి వచ్చిన సుమారు వెయ్యి మందికి పైగా మహిళలు 53 భజన బృందాలుగా ఏర్పడి 11 గంటల పాటు నిర్విరామంగా భజనలు నిర్వహించారు. ఈ కార్యక్రమానికి కరీంనగర్ ఎమ్మెల్యే గంగుల కమలాకర్, సుడా చైర్మన్ నరేందర్ రెడ్డి హాజరై ప్రారంభించారు. మహిళల భజన ప్రదర్శనకు ‘జీనియస్ బుక్ ఆఫ్ రికార్డ్స్’, ‘వండర్ బుక్ ఆఫ్ రికార్డ్స్ ఇంటర్నేషనల్’ గుర్తింపు లభించింది. సిద్దిపేట జిల్లాకు చెందిన జానపద వృత్తి కళాకారుల సంఘం రాష్ట్ర అధ్యక్షుడు దొంగల రామ్‌రెడ్డి జిల్లా నలుమూలల నుంచి 20కు పైగా మహిళా భజన బృందాలను సమన్వయం చేసి కార్యక్రమ విజయానికి కృషి చేశారు. ఆయనను నిర్వాహకులు ఘనంగా సత్కరించారు.

30-05-2026

మహిళల ఆర్థిక బలోపేతానికి కృషి

గజ్వేల్, మే 29: మహిళల ఆర్థిక బలోపేతానికి తెలంగాణ ప్రభుత్వం కృషి చేస్తుందని డిఆర్డిఓ జయదేవ్ ఆర్య అన్నారు. శుక్రవారం గజ్వేల్ మహిళా మండల సమాఖ్య కార్యాలయంలో సామాజిక నిర్వహణ శిక్షణ కేంద్రాన్ని, జెండర్ కౌన్సిలింగ్ సెంటర్ ను ఆయన ప్రారంభించారు.

30-05-2026

పంటల వైవిధ్యీకరణ అత్యంత అవసరం

గజ్వేల్, మే 29: రాష్ట్రంలో పంటల వైవిధ్యీకరణ అత్యంత అవసరమని, రైతులే దీనికి టార్చ్ బేరర్లుగా ముందుండాలని శ్రీ కొండా లక్ష్మణ్ తెలంగాణ రాష్ట్ర ఉద్యాన విశ్వవిద్యాలయం ఉపకులపతి డా. దండా రాజిరెడ్డి అన్నారు.

30-05-2026

గుండారం రోడ్డుకు మరమ్మతులు చేపట్టాలి

బెజ్జంకి, మే 29: గుండారం పెర్కబండ గ్రామాల నుంచి బెజ్జంకికి వెళ్లే బీటీ రోడ్ గుంతలు, పగుళ్లతో ప్రమాదకరంగా మారిందని ఎంఆర్పీఎస్ మండల అధ్యక్షులు వడ్లూరి పరుశరాములు తెలిపారు. రోడ్డుకు ఇరువైపులా చెట్ల కొమ్మలు రోడ్డుపైకి రావడంతో వాహనదారులు తీవ్ర ఇబ్బందులు ఎదుర్కొంటున్నారని అన్నారు.

30-05-2026

వైభవంగా గిరి ప్రదక్షిణ

గజ్వేల్, మే 29 : సిద్దిపేట జిల్లా వర్గల్ మండలంలోని శ్రీ లక్ష్మీనరసింహస్వామి దేవస్థానం, నాచారం గుట్టలో శ్రీ స్వామివారి జన్మనక్షత్రం స్వాతి సందర్భంగా గిరి ప్రదక్షిణ కార్యక్రమం భక్తి శ్రద్ధలతో వైభవంగా నిర్వహించారు. రంగంపేట పీఠాధిపతి శ్రీ మాధవానంద సరస్వతి స్వీయ పర్యవేక్షణలో నిర్వహించిన

30-05-2026

ఆర్యవైశ్య మహాసభ రాష్ట్ర ఉపాధ్యక్షుడిగా గంప శ్రీనివాస్ నియామకం

సిద్దిపేట క్రైం, మే 29 : ఆర్యవైశ్య మహాసభ రాష్ట్ర ఉపాధ్యక్షుడిగా సిద్దిపేట జిల్లాకు చెందిన ప్రముఖ వ్యాపారవేత్త, సామాజిక సేవకుడు గంప శ్రీనివాస్ నియామకమయ్యారు. శుక్రవారం హైదరాబాద్ చింతల్ బస్తీలోని రాష్ట్ర ఆర్యవైశ్య మహాసభ కార్యాలయంలో ఏర్పాటు చేసిన అధికారిక కార్య క్రమంలో మహాసభ రాష్ట్ర అధ్యక్షుడు అమరవాది లక్ష్మీనారాయణ నియామక పత్రాన్ని అందజేశారు.

30-05-2026

భక్తిశ్రద్ధలతో గిరి ప్రదక్షిణ

బెజ్జంకి, మే 29: సిద్ధిపేట జిల్లా బెజ్జంకి మండల కేంద్రంలోని ఏకశిలపై వెలిసిన శ్రీ లక్ష్మీ నరసింహ స్వామి ఆలయం చుట్టూ గిరి ప్రదక్షిణను భక్తిశ్రద్ధలతో నిర్వహించారు. శుక్రవారం తెల్లవారుజాము నుంచే భక్తులు ఆలయానికి చేరుకుని ప్రత్యేక పూజలు నిర్వహించి స్వామివారిని దర్శించుకున్నారు.

30-05-2026

ప్రభుత్వ బడుల్లోనే నాణ్యమైన విద్య

నంగునూరు,(విజయక్రాంతి): పిల్లల భవిష్యత్తుకు ఉజ్వల పునాది వేసే ప్రభుత్వ పాఠశాలల్లోనే విద్యార్థులను చేర్పించాలని మగ్దుంపూర్ సర్పంచ్ పాకాల శ్రీనివాస్ కోరారు. మండల పరిషత్ ప్రాథమిక పాఠశాల ప్రధానోపాధ్యాయుడు బండారు ప్రసాద రెడ్డి ఆధ్వర్యంలో శుక్రవారం గ్రామంలో ముందస్తు బడిబాట నిర్వహించారు.ఇంటింటికీ తిరిగి ప్రభుత్వ బడుల్లో కల్పిస్తున్న ఉచిత సౌకర్యాలను వివరించారు.ప్రభుత్వ బడుల్లో అర్హులైన ఉపాధ్యాయులతో నాణ్యమైన విద్య అందుతుందని, దీనివల్ల వేల రూపాయల ఫీజులు ఆదా అవుతాయన్నారు.ఉచితంగా పుస్తకాలు,యూనిఫాంలతో పాటు అల్పాహారం,మధ్యాహ్న భోజన వసతి కల్పిస్తున్నట్లు ప్రధానోపాధ్యాయుడు తెలిపారు. ఈ కార్యక్రమంలో ఉపాధ్యాయులు నర్సింలు, విజయలక్ష్మి, లీల, కృష్ణవేణి పాల్గొన్నారు.

29-05-2026

జండా గద్దెల ఏర్పాటుకు అనుమతి ఇవ్వండి

గజ్వేల్, మే 29: తెలంగాణ రాష్ట్ర సేన పార్టీ పటిష్ఠతలో భాగంగా గజ్వేల్ ప్రజ్ఞాపూర్ మున్సిపల్ పరిధిలో జెండా గద్దెల ఏర్పాటుకు అనుమతి ఇవ్వాలని కోరుతూ శుక్రవారం పార్టీ జెండా పండుగ జిల్లా ఇంచార్జి కొట్టాల యాదగిరి ముదిరాజ్ మున్సిపల్ కమిషనర్ వెంకట గోపాల్‌కు దరఖాస్తు అందజేశారు. ఇందిరా పార్క్ చౌరస్తా, కోట మైసమ్మ ఆలయం, ప్రజ్ఞాపూర్ చౌరస్తా, ఆర్ అండ్ ఆర్ నిర్వాసిత కాలనీలో జెండా గద్దెల నిర్మాణం చేపడుతున్నట్లు తెలిపారు. పార్టీ అధ్యక్షురాలు కల్వకుంట్ల కవిత గజ్వేల్‌లో పర్యటించనున్న నేపథ్యంలో జెండా పండుగ కార్యక్రమం నిర్వహిస్తున్నట్లు పేర్కొన్నారు. కార్యక్రమంలో రాష్ట్ర పరిశీలకుడు లోక రవిచంద్ర, నాయకులు ఇంద్రాగౌడ్, నరేందర్ రెడ్డి, ఎడ్ల నర్సింలు, శ్రీకాంత్, ప్రసాద్, చందు తదితరులు పాల్గొన్నారు.

29-05-2026

తడిసిన ధాన్యాన్ని వెంటనే కొనాలి

కొండాపూర్, మే 28: అకాల వర్షాలతో కొనుగోలు కేంద్రాల్లో, కళ్లాల్లో తడిసిన ధా న్యాన్ని ప్రభుత్వం కొనుగోలు చేయాలని రైతు సంఘం రాష్ట్ర ప్రధాన కార్యదర్శి పశ్య పద్మ అన్నారు. గురువారం కొండాపూర్లోని ప్రాథమిక వ్యవసాయ సహకార కేంద్రంలో జిల్లా రైతు సంఘం ఇంచార్జీ దశరథ్‌తో కలిసి తడిసిన ధాన్యాన్ని పరిశీలించి రైతులతో మాట్లాడారు.

29-05-2026

కేరళ మాజీ సీఎం ఇంటిపై ఈడీ సోదాలు సిగ్గుచేటు

సిద్దిపేట, మే 28(విజయక్రాంతి): కేరళ రాష్ట్ర మాజీ ముఖ్యమంత్రి, పార్టీ పోలిట్ బ్యూరో సభ్యులు వినరాయి విజయ్ ఇంటిపై ఈడి దాడులు నిర్వహించడం సిగ్గుచేటనీ, ఇది రాజకీయ కక్ష సాధింపు చర్యని ఈడి సోదాలను తీవ్రంగా ఖండిస్తున్నామని సిపిఎం జిల్లా కార్యదర్శి వర్గ సభ్యులు రాళ్ల బండి శశిధర్ అన్నారు.

29-05-2026

కాంట్రాక్టర్ చేతివాటం! అధికారుల లాలూ'చీ'

కొండపాక, మే 28: కొండపాక మండలం రాంపల్లి గ్రామ పరిధిలో నిర్మాణంలో ఉన్న ఆక్సిజన్ పార్క్ ఫారెస్ట్ భవనం అధికారుల కలుచితో కాంట్రాక్టర్ చేతివాటానికి అవకాశంగా మారింది. అటవీ శాఖ అధికారుల పర్యవేక్షణలో నిర్లక్ష్యం నిదర్శనంగా మారిందన్న ఆరోపణలు వెల్లువెత్తుతున్నాయి.

29-05-2026