Breaking News

వాట్సాప్‌లో ఆ మెసేజ్ వస్తే క్లిక్ చేయొద్దు! • కోహ్లి వరల్డ్ రికార్డు • నా వెనుక ఎవరూ లేరు • కష్టాల్లో టీమిండియా • చైనా స్పైతో ప్రేమాయణం • జగన్ కంచుకోటలో టీడీపీ జెండా! • మైలేజీకి మంగళం.. E20 కాదు.. 420 దందా! • భారత్‌కు బిగ్ షాక్.. డకౌటైన గిల్ • ఇదేం లక్కీ ఛాన్స్! నిద్రపోతే రూ.9.6 లక్షలు • దీపావళికి ముందే ఊపిరాడని పరిస్థితి •

Districts - Nagarkurnool

పర్యావరణ పరిరక్షణకు ప్రతి ఒక్కరూ కృషి చేయాలి

నాగర్ కర్నూల్: ప్రభుత్వ సైన్స్ డిగ్రీ కళాశాల ప్రిన్సిపల్ మదన్ మోహన్ పర్యావరణానికి హాని కలిగించకుండా గ్రీన్ దీపావళి జరుపుకోవాలని పిలుపునిచ్చారు. శనివారం కళాశాలలో ఎకో క్లబ్ ఆధ్వర్యంలో గ్రీన్ దీపావళి వేడుకలు నిర్వహించి, పర్యావరణ పరిరక్షణపై విద్యార్థులకు అవగాహన కల్పించారు. అనంతరం పర్యావరణహిత దీపావళి జరుపుకుంటామని విద్యార్థులు ప్రతిజ్ఞ చేసినట్లు తెలిసింది. ఈ కార్యక్రమంలో అధ్యాపకులు, విద్యార్థులు పాల్గొన్నారు.

08-11-2026 | 12:04am

మదర్ ఫీడింగ్ సెంటర్ల ప్రారంభం

నాగర్ కర్నూల్: జిల్లా కేంద్రంలోని బస్టాండ్, ప్రభుత్వ ఆసుపత్రి, కలెక్టరేట్‌లో ఏర్పాటు చేసిన మదర్ ఫీడింగ్ సెంటర్లను జిల్లా కలెక్టర్ హేమంత్ కేశవ్ పాటిల్, ఎమ్మెల్యే డా. కూచుకుళ్ల రాజేష్ రెడ్డిలు శనివారం ప్రారంభించారు. బాలింతలు, చిన్నారుల తల్లులు ప్రశాంతమైన వాతావరణంలో పిల్లలకు పాలిచ్చేందుకు ఈ కేంద్రాలు ఎంతగానో ఉపయోగపడతాయని వారు వెల్లడించారు. ఈ కార్యక్రమంలో మున్సిపల్ చైర్మన్ సునీంద్ర, వైస్ చైర్మన్ రమేష్ తదితరులు పాల్గొన్నారు.

07-11-2026 | 11:53pm

వడ్డేమాన్ రచ్చకట్టపై వ్యవసాయ ప్రదర్శన

బిజినేపల్లి: మండలంలోని నంది వడ్డేమాన్ గ్రామం రచ్చకట్టపై శనివారం రావేప్ కార్యక్రమంలో భాగంగా రైతు సదస్సు, వ్యవసాయ ప్రదర్శన నిర్వహించారు. పాలెం వ్యవసాయ కళాశాల అసోసియేట్ డీన్ డా.యం.జగన్ మోహన్ రెడ్డి, పాలెం KVK సీనియర్ శాస్త్రవేత్త డా.ఓ. శైల ఆధునిక వ్యవసాయ పద్ధతులు, సాంకేతికతలపై రైతులకు విలువైన సమాచారం అందించారు. రైతులు తమ సమస్యలను శాస్త్రవేత్తలతో చర్చించారు. ఈ కార్యక్రమంలో సర్పంచ్‌, శాస్త్రవేత్తలు, రైతులు, విద్యార్థులు పాల్గొన్నారు.

07-11-2026 | 10:58pm

విద్యార్థులు చదువుతో పాటు ఆటల్లోనూ రాణించాలి

నాగర్ కర్నూల్: జిల్లాలోని తూడుకుర్తి గ్రామంలో నిర్వహించిన జిల్లా స్థాయి ఖోఖో పోటీలను ఎమ్మెల్యే డాక్టర్ కూచుకుళ్ల రాజేష్ రెడ్డి ప్రారంభించారు. విద్యార్థులు చదువుతో పాటు క్రీడల్లోనూ రాణించి ఉన్నత స్థాయికి ఎదగాలని ఆయన ఆకాంక్షించారు. క్రీడలు శారీరక దృఢత్వంతో పాటు క్రమశిక్షణ, పట్టుదలను పెంపొందిస్తాయని పేర్కొన్నారు. ఈ కార్యక్రమంలో మున్సిపల్ చైర్మన్ తీగల సునీందర్, జిల్లా యూత్ కాంగ్రెస్ అధ్యక్షుడు వినోద్ తదితరులు పాల్గొన్నారు.

07-11-2026 | 10:48pm

26వ రోజుకు చేరిన ఎన్‌హెచ్‌ఎం ఉద్యోగుల సమ్మె

ఆసిఫాబాద్: తెలంగాణ ఎన్‌హెచ్‌ఎం జేఏసీ తమ న్యాయమైన డిమాండ్ల పరిష్కారానికి ప్రభుత్వం నుంచి రాతపూర్వక హామీ వచ్చే వరకు సమ్మెను కొనసాగిస్తామని ప్రకటించింది. రాష్ట్రవ్యాప్తంగా నేషనల్ హెల్త్ మిషన్ ఉద్యోగులు చేపట్టిన సమ్మె శనివారానికి 26వ రోజుకు చేరుకుంది. సమాన పనికి సమాన వేతనం, 60 ఏళ్ల ఉద్యోగ భద్రత కల్పించాలని వారు డిమాండ్ చేస్తున్నారు. ప్రభుత్వం, అధికారులతో చర్చలు జరిగినప్పటికీ స్పష్టమైన హామీ రాలేదని జేఏసీ పేర్కొంది.

07-11-2026 | 10:35pm

అనుమతులు,భద్రత.. తాత్కాలికమే!

నాగర్‌కర్నూల్: దీపావళి సందర్భంగా టపాకాయల విక్రయాల్లో వ్యాపారులు భద్రతా ప్రమాణాలను గాలికొదిలేస్తున్నారని ఆరోపణలున్నాయి. జిల్లా కేంద్రంలోని జడ్పీ మైదానంలో 14 దుకాణాలు ఏర్పాటు చేయగా, కొన్నింటికే అనుమతులున్నాయని తెలిసింది. విద్యుత్ శాఖ నుండి 12 దుకాణాలకు డిడి చెల్లించినట్లు ఏఈ పేర్కొన్నారు, అయితే 14 దుకాణాలకు ఒకే కనెక్షన్ ఇవ్వడంపై స్థానికులు ఆందోళన వ్యక్తం చేస్తున్నారు. అచ్చంపేటలో నిబంధనలకు విరుద్ధంగా ఏర్పాటు చేసిన 10 క్రాకర్స్ దుకాణాలకు అనుమతులు రద్దు చేసినట్లు ఫైర్ ఆఫీసర్ శంకర్ తెలిపారు. ఇళ్ల మధ్య ప్రమాదకర నిల్వలపై ప్రజలు భయాందోళన చెందుతున్నారు.

07-11-2026 | 05:20am

తరగతి గదిలో 30 మంది విద్యార్థులపై టీచర్ ఘాతుకం

నాగర్‌ కర్నూల్: నాగర్ కర్నూల్ మండలం శ్రీపురం జడ్పీ ఉన్నత పాఠశాలలో కంప్యూటర్ ల్యాబ్‌లో వైర్ తెగిపోయిందనే కారణంతో 30 మంది విద్యార్థులపై ఉపాధ్యాయుడు దాడికి పాల్పడిన ఘటన ఆలస్యంగా వెలుగులోకి వచ్చింది. విద్యార్థులను తరగతి గదిలో బంధించి విచక్షణారహితంగా కొట్టడమే కాకుండా, ఎవరికి చెప్పుకుంటారో చెప్పుకోండంటూ బెదిరించినట్లు ఆరోపణలు వచ్చాయి. గ్రామ సర్పంచ్ గీతారెడ్డి దాడిని ఖండించగా, జిల్లా విద్యాశాఖ అధికారి రమేష్ కుమార్ విచారణకు ఆదేశించినట్లు తెలిసింది.

06-11-2026 | 05:38pm

కానిస్టేబుల్ కుటుంబానికి కోటి భరోసా

నాగర్‌కర్నూల్ (విజయక్రాంతి): పిడుగుపాటుతో మృతిచెందిన ఏఆర్ కానిస్టేబుల్ రాజు కుటుంబానికి పోలీస్ శాలరీ ప్యాకేజ్ బీమా కింద మంజూరైన రూ.కోటి చెక్కును నాగర్‌కర్నూల్ జిల్లా ఎస్పీ సంగ్రామ్ సింగ్ జి. పాటిల్ శుక్రవారం అందజేశారు. బాధిత కుటుంబానికి పోలీస్ శాఖ అండగా ఉంటుందని భరోసా ఇచ్చారు. పోలీసు సిబ్బంది బీమా సదుపాయాలను వినియోగించుకోవాలని సూచించారు.

06-11-2026 | 01:47pm

భూ రీ సర్వేను పకడ్బందీగా నిర్వహించాలి

నాగర్‌ కర్నూల్: తెలకపల్లి మండలం గౌతంపల్లిలో సాగుతున్న నీటిపారుదల కాల్వల భూ రీ సర్వే పనులను జిల్లా కలెక్టర్ హేమంత కేశవ్ పాటిల్ గురువారం పరిశీలించారు. రైతుల, ప్రభుత్వ, నీటిపారుదల కోసం సేకరించిన భూముల వివరాలను క్షేత్రస్థాయిలో పరిశీలించి, విస్తీర్ణం, సరిహద్దులు, రికార్డులను సరిచూసి ఎలాంటి పొరపాట్లు లేకుండా నమోదు చేయాలని అధికారులను ఆదేశించారు. సర్వేలో పారదర్శకత, రికార్డుల్లో కచ్చితత్వం పాటించాలని సూచించారు.

06-11-2026 | 12:13am

జిల్లాలో 38,377 మంది పట్టభద్రులు

నాగర్‌ కర్నూల్: పట్టభద్రుల ఎమ్మెల్సీ ఎన్నికల ఓటరు నమోదు ప్రక్రియలో భాగంగా జిల్లాలో ఇప్పటి వరకు 38,377 మంది ఓటర్లుగా నమోదయ్యారని కలెక్టర్ హేమంత్ కేశవ్ పాటిల్ తెలిపారు. రాష్ట్ర ఎన్నికల ప్రధాన అధికారి నిర్వహించిన వీడియో కాన్ఫరెన్స్‌లో ఆయన ఈ వివరాలను వెల్లడించారు. ఇప్పటి వరకు 80 శాతం దరఖాస్తుల పరిశీలన పూర్తికాగా, మరో 1,426 దరఖాస్తులు పెండింగ్‌లో ఉన్నాయని, అర్హులందరికీ ఓటు హక్కు కల్పిస్తామని స్పష్టం చేశారు.

06-11-2026 | 12:11am

ప్రధానోపాధ్యాయుల డిప్యూటేషన్లు రద్దు

నాగర్‌ కర్నూల్: పెద్దకొత్తపల్లి, కోడేరు మండలాల నుంచి ఇతర మండలాలకు డిప్యూటేషన్‌పై వెళ్లిన ఎల్‌ఎఫ్‌ఎల్ హెచ్ఎం డిప్యూటేషన్లను రద్దు చేసినట్లు డీఈఓ రమేష్ కుమార్ గురువారం ప్రకటించారు. పెద్దకొత్తపల్లి మండలంలోని పాఠశాలల్లో ఉపాధ్యాయుల కొరతను గుర్తించి, రెండో విడత వర్క్ అడ్జస్ట్మెంట్ ద్వారా అవసరమైన ఉపాధ్యాయులను కేటాయించినట్లు ఆయన తెలిపారు. విద్యార్థుల చదువుకు ఆటంకం కలగకుండా అందుబాటులో ఉన్న ఉపాధ్యాయులను సమర్థవంతంగా వినియోగించుకునేందుకు చర్యలు చేపట్టినట్లు పేర్కొన్నారు.

06-11-2026 | 12:04am

కష్టపడి చదివి ఉన్నత స్థాయికి చేరుకోవాలి

కర్నూల్: రాష్ట్ర హైకోర్టు ఆదేశాల మేరకు జిల్లా న్యాయ సేవాధికార సంస్థ కార్యదర్శి నిహారిక నాగర్‌ కర్నూల్‌లోని జ్ఞానేశ్వర వాత్సల్య మందిరం చిల్డ్రన్ హోమ్‌ను గురువారం సందర్శించారు. ఆమె చిన్నారుల యోగక్షేమాలు, ఆహార సదుపాయాల గురించి తెలుసుకున్నారు. కష్టపడి చదివి ఉన్నత స్థాయికి చేరుకోవాలని సూచించారు. ఏవైనా సమస్యలు ఉంటే న్యాయ సేవాధికార సంస్థ ద్వారా సహాయం అందిస్తామని భరోసా ఇచ్చారు. ఈ కార్యక్రమంలో న్యాయవాది శ్రీరామ్ ఆర్య, హోమ్ నిర్వాహకులు పాల్గొన్నారు.

05-11-2026 | 11:39pm

సీఎం దృష్టికి తీసుకెళ్తా

నాగర్‌ కర్నూల్: ఎన్‌హెచ్‌ఎం ఉద్యోగుల న్యాయమైన డిమాండ్ల పరిష్కారానికి కృషి చేస్తానని ఎమ్మెల్యే డాక్టర్ కూచుకుళ్ల రాజేశ్ రెడ్డి హామీ ఇచ్చారు. గురువారం 24 రోజులుగా కొనసాగుతున్న ఉద్యోగుల నిరవధిక సమ్మె శిబిరాన్ని ఆయన సందర్శించి సంఘీభావం తెలిపారు. ఈ సమస్యలను ఇప్పటికే వైద్యారోగ్య శాఖ మంత్రి దామోదర రాజనర్సింహ దృష్టికి తీసుకెళ్లానని, సీఎం రేవంత్ రెడ్డి దృష్టికి కూడా తీసుకెళ్తానని రాజేశ్ రెడ్డి పేర్కొన్నారు.

05-11-2026 | 11:37pm

వచ్చే అసెంబ్లీ ఎన్నికల్లో జూపల్లి ని ఓడిస్తాo

కొల్లాపూర్: నాగర్ కర్నూల్ జిల్లా కొల్లాపూర్ నియోజకవర్గంలోని పెంట్లవెల్లి మండలం మల్లేశ్వరం గ్రామ సర్పంచ్ భర్త మధుగం నరసింహ యాదవ్, కొల్లాపూర్ టీఆర్ఎస్ మాజీ ఎంపీపీ నరేందర్ రెడ్డిలు సవాళ్లకు ప్రతి సవాళ్లు విసురుకున్నారు. 2028 అసెంబ్లీ ఎన్నికల్లో కొల్లాపూర్ లో టీఆర్ఎస్ అభ్యర్థి బీరం హర్షవర్ధన్ రెడ్డిని గెలిపిస్తామని ఒకరు, కాంగ్రెస్ పార్టీ అధికారంలోకి వచ్చి రేవంత్ రెడ్డి ముఖ్యమంత్రి అవుతారని, జూపల్లి కృష్ణారావును గెలిపిస్తామని మరొకరు వాదించారు. దీపావళి తర్వాత రూ. 5 లక్షల పందెం కోసం కొల్లాపూర్ ఆర్డీఓ కార్యాలయంలో ఒప్పందం చేసుకున్నట్లు తెలిసింది.

05-11-2026 | 09:50pm