వ్యవసాయంలో డిజిటల్ సేవలు విస్తరించాలి
జనగామ: వ్యవసాయ రంగంలో డిజిటల్ సేవలను విస్తృతం చేయడానికి కేంద్ర ప్రభుత్వం ప్రవేశపెట్టిన అగ్రిస్టాక్ వ్యవస్థను సమర్థవంతంగా అమలు చేయాలని జిల్లా కలెక్టర్ సందీప్ కుమార్ ఝా అధికారులను ఆదేశించారు. డిజిటల్ క్రాప్ సర్వే, ఫార్మర్ రిజిస్ట్రీలు అగ్రిస్టాక్ లో కీలకమని, డేటా నమోదులో తప్పులు జరగకుండా జాగ్రత్తలు తీసుకోవాలని సూచించారు. జిల్లాలో పంట నమోదు 94 శాతం, రైతు ఐడీల నమోదు 78 శాతం పూర్తయిందని వెల్లడించారు. అగ్రిస్టాక్ ద్వారా ఎరువులు, విత్తనాలు, ధాన్యం కొనుగోళ్లు, పంటల బీమా, రుణాలు, పీఎం కిసాన్ వంటి సేవలను పారదర్శకంగా అందించవచ్చని పేర్కొన్నారు.
31-10-2026 | 06:33pm
