Breaking News

తెరపైకి మరో వివాదం! • ట్రైలర్‌తోనే సెన్సేషన్.. • చివరికి రన్నరప్‌గానే! • సంచలనం.. 25 ఏళ్ల బంధానికి ఎండ్ కార్డ్ • సెంచరీల మోత.. భారత్ భారీ స్కోర్! • దీపావళికి ముందే కొనుగోళ్ల పండగ! • వరుస ఓటములు.. కివీస్‌ కొత్త ప్లాన్ • ప్రముఖ చిత్రకారుడు కన్నుమూత • ప్రేమ వెనుక రహస్యం.. ఓటీటీలోకి ‘ఇమ్మోర్టల్’ • AI రంగంలో గోవా దూకుడు •

Districts - Narayanpet

నారాయణపేట్ జిల్లా మద్దూరు మున్సిపాలిటీ

నారాయణపేట జిల్లా మద్దూరు మున్సిపాలిటీలోని ఉర్దూ మీడియం పాఠశాలలో CWC SPORTS MEET-2026 ఆధ్వర్యంలో ప్రత్యేక అవసరాలు గల పిల్లలకు మండల స్థాయి క్రీడా పోటీలు నిర్వహించారు. ఈ పోటీలలో విజేతలుగా నిలిచిన విద్యార్థులకు బహుమతులు అందజేశారు. మద్దూరు మున్సిపాలిటీ 15వ వార్డు కౌన్సిలర్ కలపు దినేష్ విద్యార్థులకు స్టీల్ వాటర్ బాటిళ్లను స్పాన్సర్ చేశారు. ఎంఈఓ జనార్దన్ రెడ్డి ముఖ్య అతిథులను సత్కరించారు. ఈ కార్యక్రమంలో పలువురు నాయకులు, ప్రజాప్రతినిధులు పాల్గొన్నారు.

24-10-2026 | 07:16pm

మాగనూరు పోలీస్ స్టేషన్ నూతన ఎస్సైగా కే మహేందర్ రెడ్డి

మాగనూరు: నారాయణపేట జిల్లా మాగనూరు పోలీస్ స్టేషన్ నూతన ఎస్సైగా మహేందర్ రెడ్డి శుక్రవారం బాధ్యతలు స్వీకరించారు. ప్రజలకు అందుబాటులో ఉంటూ శాంతిభద్రతల పరిరక్షణకు ప్రాధాన్యత ఇస్తానని ఆయన తెలిపారు. ప్రజా సమస్యలను సత్వరమే పరిష్కరించి, నేర నియంత్రణకు కఠిన చర్యలు తీసుకుంటామని పేర్కొన్నారు. యువత మాదకద్రవ్యాలకు దూరంగా ఉండేలా అవగాహన కార్యక్రమాలు నిర్వహిస్తామని వెల్లడించారు. గతంలో ఇక్కడ పనిచేసిన ఎస్ఐ అశోక్ బాబు గద్వాల ఎస్పీ కార్యాలయానికి బదిలీ అయ్యారు.

23-10-2026 | 07:48pm

రైస్ మిల్లర్‌పై క్రిమినల్ కేసు నమోదు

మగనూర్: మగనూర్ మండలం వడ్వత్ గ్రామంలోని మెసర్స్ శంకరలింగేశ్వర రైస్ మిల్లులో రూ. 7.85 కోట్ల విలువైన 3,238.862 మెట్రిక్ టన్నుల (80,972 బస్తాల) ప్రభుత్వ ధాన్యం మళ్లింపు జరిగినట్లు అధికారులు గుర్తించారు. రబీ 2024-25 సీజన్‌తో పాటు గతంలో భద్రత కోసం అప్పగించిన ధాన్యం కూడా ఇందులో ఉంది. మిల్లు ప్రొప్రైటర్ దండే తిమ్మన్నపై మగనూర్ పోలీస్ స్టేషన్‌లో క్రిమినల్ కేసు నమోదైంది. జిల్లా సివిల్ సప్లైస్ మేనేజర్ చ.సైదులు ఫిర్యాదు మేరకు ఎస్ఐ పి.అశోక్ బాబు కేసు నమోదు చేసినట్లు తెలిసింది.

22-10-2026 | 10:31pm

ఘనంగా శరన్నవరాత్రి ఉత్సవాల ఘటాల నిమజ్జనం

మద్దూరు: మద్దూరు మున్సిపాలిటీ పరిధిలో దేవి శరన్నవరాత్రి ఉత్సవాలు తొమ్మిది రోజులపాటు భక్తిశ్రద్ధలతో ఘనంగా జరిగాయి. భక్తులు తమ ఇళ్లలో అమ్మవారికి ప్రత్యేక పూజలు నిర్వహించి, చివరి రోజున నిడ్జింత రోడ్డులోని కాసు వాగులో అమ్మవారి ఘటాలను నిమజ్జనం చేశారు. ఈ కార్యక్రమంలో మద్దూరు మున్సిపల్ చైర్‌పర్సన్ సరస్వతి, జనార్ధన్, అమర్నాథ్, సత్యనారాయణ, నర్సింగ్ రావు, బాలాజీ, గోవర్ధన్, నగేష్, శ్రీధర్, శ్రీనివాస్ తదితరులు పాల్గొన్నారు.

21-10-2026 | 07:59pm

ధర్మ పరిరక్షణకు ప్రతీక ఆయుధ పూజ

నారాయణపేట: విశ్వహిందూ పరిషత్ (వీహెచ్‌పీ) తెలంగాణ రాష్ట్ర ధర్మాచార్య సంపర్క ప్రముఖ్ పగుడాకుల బాలస్వామి విజయదశమి సందర్భంగా ఆయుధ పూజ ప్రాముఖ్యతను వివరించారు. ధర్మాన్ని పరిరక్షించడానికి, సమాజాన్ని రక్షించడానికి, అన్యాయాన్ని ఎదుర్కొనే ధైర్యాన్ని పెంపొందించుకోవడానికి ఆయుధ పూజ ప్రతీక అని ఆయన పేర్కొన్నారు. నారాయణపేటలోని భవానిమాత మందిరంలో బజరంగ్‌దళ్ ఆధ్వర్యంలో ఈ పూజ ఘనంగా నిర్వహించారు. ప్రతి హిందువు ధర్మాచరణకు కట్టుబడి, సమాజ ఐక్యతకు కృషి చేయాలని బాలస్వామి పిలుపునిచ్చారు.

20-10-2026 | 05:25am

ఇంటి నిర్మాణానికి ఆటంకం

మాగనూరు: మాగనూరు మండల కేంద్రంలో మంగలి అశోక్ ఇంటి నిర్మాణ పనులను అడ్డుకుని, గోడను కూల్చివేసిన పంచాయతీ కార్యదర్శి తిమ్మప్పను సస్పెండ్ చేయాలని సీపీఎం నాయకులు ఎంపీడీవో శ్రీనివాసులకు ఫిర్యాదు చేశారు. సర్వే నంబర్ 8లో అన్ని అనుమతులతో పనులు ప్రారంభించినప్పటికీ కార్యదర్శి అడ్డుకోవడం అన్యాయమని సీపీఎం జిల్లా నాయకులు పి. ఆంజనేయులు పేర్కొన్నారు. నష్టపరిహారం చెల్లించకపోతే ఆందోళనలు చేపడతామని హెచ్చరించారు.

17-10-2026 | 05:22pm

పట్టభద్రులు ఎమ్మెల్సీ ఓటరుగా నమోదు చేసుకోవాలి

మాగనూరు: పట్టభద్రుల ఎమ్మెల్సీ ఎన్నికల్లో ఓటు హక్కు వినియోగించుకునేందుకు అర్హులైన పట్టభద్రులు తప్పనిసరిగా ఓటరుగా నమోదు చేసుకోవాలని బీజేపీ మండల అధ్యక్షుడు జయానందరెడ్డి కోరారు. కాంగ్రెస్ ప్రభుత్వం నిరుద్యోగులకు ఇచ్చిన హామీలను అమలు చేయడంలో విఫలమైందని విమర్శించారు. రాబోయే ఎమ్మెల్సీ ఎన్నికల్లో బీజేపీ బలపరిచిన అభ్యర్థికి ఓటు వేసి గెలిపించాలని ఆయన వర్కూరు గ్రామంలో ఇంటింటికీ వెళ్లి ప్రచారం నిర్వహించారు. ఈ కార్యక్రమంలో పలువురు బీజేపీ నాయకులు పాల్గొన్నారు.

16-10-2026 | 10:18pm

పట్టభద్రుల ఎమ్మెల్సీ ఓటర్ నమోదు చేసుకోండి

మాగనూరు: అక్టోబర్ 16న బిజెపి మండల శాఖ ఆధ్వర్యంలో పట్టభద్రుల ఎమ్మెల్సీ ఓటర్ల నమోదు కార్యక్రమం ప్రారంభమైంది. మండల బిజెపి అధ్యక్షులు జయానందరెడ్డి వర్కూరు గ్రామంలో ఇంటింటికి వెళ్లి ఓటర్ల నమోదును పర్యవేక్షించారు. కాంగ్రెస్ ప్రభుత్వం నిరుద్యోగులకు ఇచ్చిన హామీలను విస్మరించిందని, రాబోవు ఎమ్మెల్సీ ఎన్నికల్లో బిజెపి బలపరిచిన అభ్యర్థికి ఓటు వేసి గెలిపించాలని ఆయన కోరారు. ఈ కార్యక్రమంలో పలువురు బిజెపి నాయకులు పాల్గొన్నారు.

16-10-2026 | 07:44pm

BLOలకు అందని సర్ పారితోషికం

నారాయణపేట: జిల్లాలోని మద్దూరులో బూత్ లెవల్ అధికారులు (BLOలు) తమకు రావాల్సిన పారితోషికం అందక ఇబ్బందులు పడుతున్నారు. మక్తల్, నారాయణపేట నియోజకవర్గాల్లో రూ.14 వేల నుంచి రూ.16 వేల పారితోషికం అందినప్పటికీ, మద్దూరులో చెల్లింపులు జరగలేదని అంగన్వాడీలు పేర్కొన్నారు. ఈ సమస్యను పరిష్కరించి పారితోషికాన్ని వెంటనే చెల్లించాలని కోరుతూ మద్దూరు తహసీల్దార్‌కు, MROకి తెలంగాణ అంగన్వాడీ యూనియన్ సిఐటియు మద్దూరు వారు వినతిపత్రం అందజేశారు.

13-10-2026 | 05:09pm

మనూరు మాజీ ఎంపీపీ కన్నుమూత!

మనూరు మండల మాజీ ఎంపీపీ కొంగరి వీరమణి రెడ్డి అనారోగ్యంతో సోమవారం ఉదయం మృతి చెందారు. బోరంచ గ్రామానికి చెందిన ఆమె 2006లో ఎంపీటీసీగా ఎన్నికై, 2006 నుంచి 2012 వరకు మండల పరిషత్ అధ్యక్షురాలిగా సేవలందించారు. ఆమె మృతి పట్ల ఎమ్మెల్యే డాక్టర్ పట్లోల సంజీవరెడ్డి, డీసీసీ అధ్యక్షుడు పట్లోల చంద్రశేఖర్ రెడ్డి సంతాపం వ్యక్తం చేశారు.

12-10-2026 | 03:35pm

పేదరికం జయించి ఎంబిబిఎస్ సీటు

మాగనూరు: మాగనూరు మండల కేంద్రానికి చెందిన బులిమిని మాధురి, పేదరికాన్ని అధిగమించి ఎంబిబిఎస్ సీటు సాధించి ఆదర్శంగా నిలిచింది. చిన్న చిన్న కరెంటు పనులు చేసుకుంటూ తండ్రి ఆంజనేయులు, వ్యవసాయ కూలీగా తల్లి కష్టపడి చదివించగా, మాధురి వనపర్తి ఇనిస్ట్యూట్ లో ఉచిత మెడికల్ సీటు సంపాదించింది. ఆమె కృషి, పట్టుదలను గ్రామస్తులు అభినందించారు.

09-10-2026 | 12:09pm

ప్రైవేట్ క్లినిక్‌లలో డీఎంహెచ్‌ఓ తనిఖీలు

నారాయణపేట జిల్లా మద్దూరు : జిల్లా వైద్య ఆరోగ్య శాఖ అధికారి (DM&HO) డాక్టర్ జయచంద్ర మోహన్ గురువారం మద్దూరులో పర్యటించారు. ఈ సందర్భంగా తజ్ క్లినిక్‌ను సందర్శించి అక్కడి వైద్య సేవలను పరిశీలించారు. అనంతరం పట్టణంలోని పలు ప్రైవేట్ క్లినిక్‌లను తనిఖీ చేసి వైద్య సేవలు, రికార్డులు తదితర అంశాలను పరిశీలించారు.

08-10-2026 | 02:26pm

జాదవరాపల్లిలో ఫారంపాండ్ పనుల పరిశీలన.. నాణ్యతపై దృష్టి

మద్దూర్, అక్టోబర్ 7: నారాయణపేట జిల్లా మద్దూర్ మండలం జాదవరాపల్లిలో వి.బి.జి. రామ్‌జీ పథకం కింద చేపడుతున్న జలసిరి పనుల్లో భాగంగా ఫారంపాండ్ పనులను అధికారులు బుధవారం పరిశీలించారు. జిల్లా పరిషత్ డిప్యూటీ సీఈఓ, ఎంపీడీవో పనుల పురోగతిని పరిశీలించి, సంబంధిత సిబ్బందిని వివరాలు అడిగి తెలుసుకున్నారు. పనులను నాణ్యతా ప్రమాణాలతో పూర్తి చేయాలని సూచించారు. కార్యక్రమంలో సర్పంచ్ సాయప్ప, ఫీల్డ్ అసిస్టెంట్ కిషన్, టీఏ మురళీమోహన్, గ్రామస్థులు పాల్గొన్నారు.

07-10-2026 | 03:57pm

ఆర్ఎంపీ వద్ద చికిత్స..

నారాయణపేట జిల్లా మద్దూరు పట్టణంలో జ్వరానికి ఆర్ఎంపీ వద్ద చికిత్స పొందిన ఇటిక్యాల సాయమ్మ (43) అనే మహిళ ఇంజక్షన్ చేసిన కొద్దిసేపటికే మృతి చెందింది. కొత్తపల్లి మండలం నిడ్జింత గ్రామానికి చెందిన సాయమ్మను ప్రభుత్వ ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. ఈ ఘటనపై సమగ్ర విచారణ జరపాలని కుటుంబ సభ్యులు కోరుతున్నారు.

06-10-2026 | 07:43pm