Breaking News

ఎన్నికల నోటిఫికేషన్ వచ్చేసింది • ‘రామాయణం’ ప్రభంజనం • శేఖర్‌ మాస్టర్‌కు తప్పిన పెనుప్రమాదం • ఐపీఎల్ వేలంలో ముస్తాఫిజుర్ ఎంట్రీ! • శ్రేయస్‌కు కెప్టెన్సీ టెస్ట్ • జనసేన పేరుతో భారీ స్కామ్ • ‘ది ప్యారడైజ్’పై బాబు మోహన్ షాకింగ్ కామెంట్స్! • మార్కెట్లలో మళ్లీ జోష్ • శరద్ పవార్ ఆరోగ్యంపై మళ్లీ టెన్షన్ • భారీగా తగ్గిన బంగారం ధరలు •

Districts - Vikarabad

కొడంగల్ ను రెవెన్యూ డివిజన్ గా ప్రకటించాలి

కొడంగల్: ముఖ్యమంత్రి రేవంత్ రెడ్డి కొడంగల్ అభివృద్ధి పనులను హకీంపేటకే తరలించారని, కొడంగల్‌ను రెవెన్యూ డివిజన్‌గా ప్రకటించాలని మాజీ కౌన్సిలర్ ఆర్.మధుసూదన్ యాదవ్ డిమాండ్ చేశారు. గతంలో రేవంత్ రెడ్డి ఎమ్మెల్యేగా ఉన్నప్పుడు కూడా ఈ విషయం ప్రస్తావించారని, ఇప్పుడు రెవెన్యూ డివిజన్ కూడా హకీంపేటకే తరలిస్తారనే ఊహాగానాలు ప్రజల్లో ఉన్నాయని ఆయన పేర్కొన్నారు. కొడంగల్‌ను రెవెన్యూ డివిజన్‌గా చేయకపోతే త్వరలో ఆందోళనలు చేపడతామని హెచ్చరించారు. సీఎం మూడు రోజుల పర్యటనతో ప్రజాధనం వృధా అయిందని ఆయన అన్నారు.

10-11-2026 | 10:07pm

ప్రజాబలంతో సునామీ

వికారాబాద్: సంక్రాంతి తర్వాత ‘ప్రజాబలం’ పేరుతో నియోజకవర్గాల్లో పర్యటిస్తానని, ఆ సునామీ దెబ్బకు మోదీ, కేడీ కొట్టుకుపోవాల్సిందేనని సీఎం రేవంత్‌రెడ్డి అన్నారు. రాష్ట్ర ఆర్థిక పరిస్థితిని కేసీఆర్ అప్పుల కుప్పగా మార్చారని, పదేళ్ల పాలనలో లక్షల కోట్ల అప్పులు చేశారని ఆయన మండిపడ్డారు. కొడంగల్ ప్రాంతాన్ని దేశంలోనే గుర్తింపు తెచ్చేలా అభివృద్ధి చేస్తానని, వలసలు లేని ప్రాంతంగా మారుస్తానని హామీ ఇచ్చారు. కేసీఆర్ చేసిన అప్పులకు ఏటా రూ. 80 వేల కోట్లు వడ్డీ కడుతున్నామని, కేటీఆర్‌కు బుద్ధి రావడానికి ఇంకెన్నేళ్లు పడుతుందోనని విమర్శించారు. ఎల్ నినో ప్రభావాన్ని కలిసికట్టుగా ఎదుర్కొందామని ప్రజలకు పిలుపునిచ్చారు.

10-11-2026 | 05:35am

మళ్లీ గెలిపించలేదని ప్రజలపై.. కేసీఆర్ ఫ్యామిలీ పగ!

వికారాబాద్: పదేళ్ల బీఆర్‌ఎస్ పాలనలో లక్ష కోట్ల దోపిడీ జరిగిందని, కాసుల కోసం కాళేశ్వరాన్ని కట్టి కూల్చారని సీఎం రేవంత్‌రెడ్డి ఆరోపించారు. మళ్లీ గెలిపించలేదని కేసీఆర్ కుటుంబం ప్రజలపై పగబట్టి తప్పుడు ప్రచారం చేస్తోందని ఆయన ఆగ్రహం వ్యక్తం చేశారు. కాళేశ్వరం అవినీతిపై సీబీఐ విచారణకు ఆదేశిస్తే, బీఆర్‌ఎస్ నేతలు మోదీని కలిసి అడ్డుకున్నారని పేర్కొన్నారు. డిసెంబర్‌లో ఎల్ నినో, ప్రాజెక్టులపై అసెంబ్లీ ప్రత్యేక సమావేశాలు నిర్వహిస్తామని, యాసంగిలో ఆరుతడి పంటలు వేయాలని రైతులకు విజ్ఞప్తి చేశారు.

08-11-2026 | 05:55am

ఆపదలో ఉన్న కుటుంబానికి అండగా డాక్టర్ సంపత్

తాండూరు, అక్టోబర్ 31 (విజయక్రాంతి): వికారాబాద్ జిల్లా తాండూరు మండలం కోనాపూర్ గ్రామానికి చెందిన కోటం పరమేశ్వర్ గౌడ్ అనారోగ్యంతో మృతి చెందగా, ప్రముఖ వైద్యులు, బివిజి ఫౌండేషన్ వ్యవస్థాపకులు డాక్టర్ సంపత్ కుమార్ ఆ కుటుంబానికి ఆర్థిక సహాయం అందించారు. గ్రామస్తులైన నాగరాజు గౌడ్, జయశంకర్ గౌడ్, రాజ గౌడ్, శ్రీకాంత్ రెడ్డి, రంగంపల్లి ప్రకాష్‌లతో కలిసి ఆయన ఈ సహాయాన్ని అందజేశారు. కష్టకాలంలో అండగా ఉంటామని భరోసా ఇచ్చారు.

31-10-2026 | 03:12pm

కేంద్ర ఎన్నికల కమిషన్ జ్ఞానేశ్ కుమార్ వెంటనే రాజీనామా చేయాలి

వికారాబాద్: కేంద్ర ఎన్నికల కమిషన్ జ్ఞానేశ్ కుమార్‌ను తొలగించాలని, దేశవ్యాప్తంగా తొలగించిన 13 కోట్ల ఓట్లను, రాష్ట్రంలో తొలగించిన 73 లక్షల ఓట్లను పునరుద్ధరించాలని సిపిఎం నాయకుడు ఆర్.మహిపాల్ డిమాండ్ చేశారు. ఎన్టీఆర్ చౌరస్తాలో ప్రజాసంఘాల ఆధ్వర్యంలో జ్ఞానేశ్ కుమార్ దిష్టిబొమ్మను దగ్ధం చేశారు. ఎస్ఐఆర్ రద్దు చేయాలని, ఆందోళనకారులపై పెట్టిన అక్రమ కేసులను ఉపసంహరించాలని నాయకులు పేర్కొన్నారు.

23-10-2026 | 07:40pm

క్వారీ గుంతలో పడి ఇద్దరు మృతి

వికారాబాద్: వికారాబాద్ జిల్లా బంట్వారం మండలం బొపునారం గ్రామ సమీపంలోని మైనింగ్ క్వారీలో ఈతకు వెళ్లిన కర్ణాటక రాష్ట్రం కుంచారం గ్రామానికి చెందిన ఇద్దరు వ్యక్తులు నీటిలో మునిగి మృతి చెందారు. శుక్రవారం జరిగిన ఈ ఘటనలో ఒక మృతదేహాన్ని వెలికితీయగా, మరొకరి కోసం గాలింపు చర్యలు చేపట్టారు. పోలీసులు కేసు నమోదు చేసి విచారణ జరుపుతున్నారు.

23-10-2026 | 07:37pm

కేటీఆర్ ను కలిసి దసరా శుభాకాంక్షలు తెలిపిన చైతన్య కిరణ్

వికారాబాద్: బీఆర్ఎస్ పార్టీ వర్కింగ్ ప్రెసిడెంట్ కేటీఆర్‌ను యువ నాయకుడు చైతన్య కిరణ్ మల్కాపురం మర్యాదపూర్వకంగా కలిసి దసరా శుభాకాంక్షలు తెలిపారు. తెలంగాణ ప్రజలందరికీ విజయదశమి సుఖసంతోషాలు, ఆయురారోగ్యాలు, విజయాలు అందించాలని ఈ సందర్భంగా కేటీఆర్ ఆకాంక్షించారు. ప్రజల సంక్షేమం, యువత అభ్యున్నతి, తెలంగాణ అభివృద్ధి కోసం కేటీఆర్ చేస్తున్న కృషి స్ఫూర్తిదాయకమని చైతన్య కిరణ్ పేర్కొన్నారు.

23-10-2026 | 07:25pm

పాముకాటు బాధితుడిని పరామర్శించిన వైస్ చైర్మన్ సుధాకర్

వికారాబాద్: వార్డ్ నెంబర్ 10 జీడిగడ్డకు చెందిన కాంగ్రెస్ కార్యకర్త శీను పాము కాటుకు గురై వికారాబాద్ మిషన్ హాస్పిటల్‌లో చికిత్స పొందుతున్నారు. వికారాబాద్ మున్సిపల్ వైస్ చైర్మన్, పట్టణ కాంగ్రెస్ పార్టీ అధ్యక్షులు అర్థ సుధాకర్ రెడ్డి ఆసుపత్రికి వెళ్లి బాధితుడిని పరామర్శించారు. మెరుగైన వైద్యం అందించాలని సూచించి, కుటుంబ సభ్యులకు అన్ని విధాలా అండగా ఉంటామని భరోసా ఇచ్చారు. ఈ సందర్భంగా కౌన్సిలర్ వినోద్ కుమార్, మాజీ కౌన్సిలర్ మురళి, శ్రీకాంత్, ఏ నాగరాజు, నారాయణ తదితరులు ఆయన వెంట ఉన్నారు.

23-10-2026 | 07:13pm

32 కిలోమీటర్ల పరుగు పందెంలో పాల్గొన్న బిజెపి నాయకులు

వికారాబాద్: అక్టోబర్ 4న అవంతిక కన్స్ట్రక్షన్స్ అనంతగిరి హిల్స్, హరిత రిసార్ట్‌లో నిర్వహించిన 5కే, 16కే, 32కే పరుగు పందెంలో బీజేపీ వికారాబాద్ జిల్లా మాజీ అధ్యక్షులు డాక్టర్ కొప్పుల రాజశేఖర్ రెడ్డి, సదానంద రెడ్డి, అమరేందర్ రెడ్డి, సీనియర్ నాయకులు సుధాకర్ ఆచారి, జిల్లా కార్యదర్శి ఎర్రోళ్ల లక్ష్మయ్య, సోషల్ మీడియా ఇన్‌ఛార్జ్ రాఘవేందర్, మీడియా ఇన్‌ఛార్జ్ మోహన్ రెడ్డి, ఎండోమెంట్ సెల్ కన్వీనర్ ప్రవీణ్ రెడ్డి తదితరులు పాల్గొన్నారు. ఈ కార్యక్రమంలో విజేతలను సత్కరించినట్లు తెలిసింది.

04-10-2026 | 07:43pm

MLC సీట్ ను కైవసం చేసుకుంటాం

వికారాబాద్: మాజీ జిల్లా అధ్యక్షులు సదానంద్ రెడ్డి వికారాబాద్ మండల అధ్యక్షుడు G శివరాజ్ గౌడ్ ఆధ్వర్యంలో జరిగిన MLC ఎన్నికల మండల కార్యశాలకు ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ, MLC సీటును కైవసం చేసుకుంటామని ధీమా వ్యక్తం చేశారు. గతంలో కూడా భారతీయ జనతాపార్టీ పట్టభద్రుల నియోజకవర్గాన్ని అనేకసార్లు గెలుచుకుందని, ఈసారి కూడా పట్టభద్రులు బీజేపీకి పట్టం కడతారని ఆశాభావం వ్యక్తం చేశారు. నరేంద్ర మోడీ నాయకత్వాన్ని ప్రజలు బలపరుస్తున్నారని పేర్కొన్నారు.

04-10-2026 | 07:20pm

పేదలకు డబుల్ బెడ్ రూమ్ ఇవ్వరా..?

వికారాబాద్: పేదలకు డబుల్ బెడ్‌రూమ్ ఇళ్లు ఇవ్వకుండా, వాటిని తాగుబోతులకు, గంజాయి బ్యాచ్‌లకు అడ్డాలుగా మారుస్తున్నారని వికారాబాద్ మాజీ ఎమ్మెల్యే డాక్టర్ మెతుకు ఆనంద్ అన్నారు. ఆదివారం ధారూర్ పట్టణంలో బీఆర్ఎస్ ప్రభుత్వ హయాంలో నిర్మించిన డబుల్ బెడ్‌రూమ్ ఇళ్లను పరిశీలించిన ఆయన, కాంగ్రెస్ ప్రభుత్వం పేదలకు ఇళ్లు కేటాయించడంలో నిర్లక్ష్యం వహిస్తోందని ఆరోపించారు. కేసీఆర్ గారికి పేరు వస్తుందనే కారణంతోనే కాలయాపన చేస్తున్నారని ప్రజల్లో అనుమానం ఉందని పేర్కొన్నారు. వెంటనే అర్హులకు ఇళ్లు కేటాయించాలని డిమాండ్ చేశారు.

04-10-2026 | 04:03pm

అంత్యక్రియలకు వెళ్తూ.. అనంత లోకాలకు

వికారాబాద్: అనంతగిరి ఘాట్ రోడ్డులో శనివారం ఉదయం జరిగిన ఘోర బస్సు ప్రమాదంలో నలుగురు మహిళలు మృతి చెందగా, పది మంది తీవ్రంగా గాయపడ్డారు. ముగ్గురి పరిస్థితి విషమంగా ఉంది. పటాన్‌చెరు నుంచి అంత్యక్రియల కోసం 51 మందితో వెళ్తున్న ప్రైవేటు ట్రావెల్స్ బస్సు బ్రేకులు ఫెయిల్ కావడంతో బోల్తా పడింది. మృతుల కుటుంబాలకు రూ.5 లక్షల ఎక్స్‌గ్రేషియాను మంత్రి శ్రీధర్‌బాబు ప్రకటించారు. స్పీకర్ గడ్డం ప్రసాద్ కుమార్ దిగ్భ్రాంతి వ్యక్తం చేశారు.

04-10-2026 | 05:30am

నిధులు సమకూర్చిన ఘనత మాదే

వికారాబాద్: తెలంగాణ యూనియన్ ఆఫ్ జర్నలిస్ట్ (TUWJ) రాష్ట్ర అధ్యక్షులు, మాజీ ప్రెస్ అకాడమీ చైర్మన్ అల్లం నారాయణ, వికారాబాద్ జిల్లా మహాసభలో మాట్లాడుతూ జర్నలిస్టుల సంక్షేమం, హక్కుల కోసం TUWJ ఎల్లప్పుడూ పోరాడుతుందని వెల్లడించారు. తన హయాంలో ప్రెస్ అకాడమీ భవన నిర్మాణం, రూ.42 కోట్ల నిధుల మంజూరు, హెల్త్ కార్డులు, అక్రిడేషన్లు వంటి అనేక సంక్షేమ కార్యక్రమాలు చేపట్టామని పేర్కొన్నారు. ప్రస్తుత ప్రభుత్వం హామీలు నిలబెట్టుకోవడంలో విఫలమైందని ఆయన ఆరోపించారు. ఈ మహాసభలో జిల్లా అధ్యక్షుడిగా కండ్లపల్లి రవీందర్, ప్రధాన కార్యదర్శిగా ప్రహ్లాద్ ఏకగ్రీవంగా ఎన్నికైనట్లు తెలిసింది.

28-09-2026 | 05:10am

ఆసరా పింఛన్ దరఖాస్తుల పరిశీలన...

తాండూరు, సెప్టెంబర్ 24, (విజయ క్రాంతి): అర్హులైన వారికి ఆసరా పింఛన్లు మంజూరు చేయడం జరుగుతుందని వికారాబాద్ జిల్లా పెద్దెముల మండలం కందనెల్లి తండా సర్పంచ్ ఆనంద్ నాయక్ అన్నారు. బుధవారం ఆసరా పింఛన్ల కోసం దరఖాస్తు చేసుకున్న వారి వివరాలను డిప్యూటీ తాసిల్దార్ శ్రీనివాసులు, గ్రామ పంచాయితీ ఇన్చార్జి కార్యదర్శి పరమేష్ తో కలిసి ఇంటింటికి వెళ్లి దస్త్రాలను పరిశీలించారు. .

24-09-2026 | 05:06pm