Breaking News

ఆరోగ్యకరమైన జీవితానికి కొత్త పరిశోధనా బాట • CM చంద్రబాబుకు PM ఫోన్ • థియేటర్లలో రోజుకు 6 షోలు • విడుదలకు ముందే రికార్డుల వేట • సూర్యకు మూడు సార్లు నో చెప్పిన నజ్రియా • కాంగ్రెస్‌కు బిగ్ షాక్ • రేవంత్‌పై జీవన్ రెడ్డి ఫైర్ • ఉత్కంఠకు తెర.. రేపే పోలింగ్! • మళ్లీ మైక్ పట్టిన సల్మాన్ • తీరానికి చేరని బోటు •

Districts - Peddapalli

రాజ్యాధికారమే లక్ష్యంగా మాదిగలంతా ఏకం కావాలి

మంథని: రాజ్యాధికారమే లక్ష్యంగా మాదిగలంతా ఐక్యంగా ముందుకు సాగాలని మాదిగల ఐక్యవేదిక నాయకులు పిలుపునిచ్చారు. నవంబర్ 4న మంథనిలోని ప్రభుత్వ బాలుర జూనియర్ కళాశాల మైదానం నుంచి అంబేద్కర్ చౌరస్తా వరకు భారీ ర్యాలీ నిర్వహించి, అనంతరం బీఎస్ బాంక్వెట్ హాల్‌లో ఆత్మీయ సమ్మేళనం చేపట్టారు. స్థానిక సంస్థల నుంచి చట్టసభల వరకు మాదిగ బిడ్డల ప్రాతినిధ్యం పెరగాలని, 'మాదిగల ఓట్లు మాదిగలకే' అంటూ నినాదాలు చేశారని తెలిసింది. ఈ కార్యక్రమంలో మంథని డివిజన్ పరిధిలోని నాలుగు మండలాల నాయకులు, యువకులు పెద్ద సంఖ్యలో పాల్గొన్నారు.

04-11-2026 | 11:25pm

అకాల వర్షానికి తడిసిన ధాన్యం

సుల్తానాబాద్: పెద్దపల్లి జిల్లా సుల్తానాబాద్ వ్యవసాయ మార్కెట్ యార్డులో బుధవారం సాయంత్రం కురిసిన అకాల వర్షానికి ఆరుగాలం పండించిన వరి ధాన్యం కొంతమేరకు తడిసిందని రైతులు ఆవేదన వ్యక్తం చేశారు. వర్షానికి తడిసిన ధాన్యాన్ని నిబంధనల పేరుతో తిరస్కరించకుండా, తేమ శాతంతో సంబంధం లేకుండా ప్రభుత్వమే 'ఏ' గ్రేడ్ మద్దతు ధర ఇచ్చి తక్షణమే కొనుగోలు చేయాలని రైతులు కోరుతున్నారు.

04-11-2026 | 10:33pm

కరువును జాతీయ విపత్తుగా ప్రకటించాలి

సుల్తానాబాద్: రాష్ట్రంలో తీవ్ర నీటి ఎద్దడి కారణంగా విద్యా సంస్థలకు కూడా తాగునీరు అందించలేని దుస్థితి నెలకొందని, ప్రభుత్వం వెంటనే అఖిలపక్ష బృందాన్ని ఢిల్లీకి తీసుకెళ్లి కరువును జాతీయ విపత్తుగా ప్రకటించి, కేంద్రం నుండి నిధులు రప్పించాలని మాజీ ఎమ్మెల్యే, సీపీఐ జాతీయ నాయకులు చాడ వెంకటరెడ్డి డిమాండ్ చేశారు. బుధవారం పెద్దపల్లి జిల్లా సుల్తానాబాద్‌లో విలేకరులతో మాట్లాడుతూ, తెలంగాణలో ప్రాజెక్టులు ఎండిపోయి తీవ్ర కరువు పరిస్థితులు నెలకొన్నాయని, పంట నష్టపోయిన కౌలు రైతులకు పరిహారం అందించాలని ఆయన పేర్కొన్నారు.

04-11-2026 | 10:26pm

టీఆర్పీ బలోపేతానికి సమన్వయంతో పనిచేయాలి

బెల్లంపల్లి: తెలంగాణ రాజ్యాధికార పార్టీ (టీఆర్పీ) బలోపేతానికి కార్యకర్తలు సమన్వయంతో పనిచేయాలని ఆ పార్టీ జిల్లా అధ్యక్షుడు మహేష్ వర్మ అన్నారు. వాసాల అనిల్, సత్రవేణి వెంకటేష్ అధ్యక్షతన జరిగిన బెల్లంపల్లి నియోజకవర్గ స్థాయి సమావేశంలో ఆయన మాట్లాడుతూ, పార్టీ ఆశయాలను ప్రజల్లోకి తీసుకెళ్లాలని సూచించారు. భవిష్యత్తు కార్యాచరణ, జిల్లా కమిటీ బలోపేతం, నూతన నాయకులకు నియామక పత్రాల అందజేత, రాజ్యాధికార పాదయాత్ర విజయవంతం వంటి అంశాలపై చర్చించారు. తీన్మార్ మల్లన్న నాయకత్వంలో బహుజనులకు రాజకీయ ప్రాతినిధ్యం కల్పించడమే లక్ష్యమని మహేష్ వర్మ స్పష్టం చేశారు.

04-11-2026 | 10:00pm

ఆధ్యాత్మిక ప్రవచనాలను విమర్శించడం బీఆర్ఎస్ దిగజారుడు రాజకీయాలకు నిదర్శనం

మంథని: యువతలో నైతిక విలువలు, ప్రజల్లో మానవతా దృక్పథం పెంపొందించేందుకు మంత్రి దుద్దిళ్ల శ్రీధర్‌బాబు ఆధ్వర్యంలో దత్తపీఠాధిపతి గణపతి సచ్చిదానంద స్వామీజీ ప్రవచన కార్యక్రమాలు నిర్వహిస్తే వాటిని కూడా రాజకీయ విమర్శలకు వాడుకోవడం బీఆర్ఎస్ నాయకుల దిగజారుడు రాజకీయాలకు నిదర్శనమని మంథని మార్కెట్ కమిటీ చైర్మన్ కుడుదల వెంకన్న మండిపడ్డారు. బీఆర్ఎస్ పాలనలో మంథని, ముత్తారం మండలంలో ఇసుక రీచ్‌ల పేరుతో దెబ్బతిన్న రహదారులకు మరమ్మతులు చేయించిన ఘనత మంత్రి శ్రీధర్‌బాబుదేనని ఆయన పేర్కొన్నారు. ఓడేడు వద్ద నిర్మాణ దశలోనే దెబ్బతిన్న వంతెన విషయంలో గత పాలకులు సమాధానం చెప్పాలని డిమాండ్ చేశారు. ఇసుక అక్రమ రవాణా, కమీషన్ల వ్యవహారాలను అడ్డుకుంటున్నారనే అక్కసుతోనే మంత్రి శ్రీధర్‌బాబుపై బీఆర్ఎస్ నాయకులు విమర్శలు చేస్తున్నారని ఆరోపించారు.

04-11-2026 | 05:28pm

మచ్చుపేట యువతకు ఉద్యోగ అవకాశాలు కల్పించిన మంత్రి

ముత్తారం: గ్రామీణ నిరుద్యోగ యువతకు ఉపాధి కల్పన లక్ష్యంగా రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు చొరవతో సింగరేణి సంస్థ మచ్చుపేట గ్రామానికి చెందిన 22 మంది యువతకు వెల్డింగ్‌లో నైపుణ్య శిక్షణ అందిస్తోంది. సింగరేణి ఆర్జీ-1 స్కిల్ డెవలప్‌మెంట్ సెంటర్ ఆధ్వర్యంలో ఈ కార్యక్రమం జరుగుతోంది. గ్రామ సర్పంచ్ చిలివేరి జ్యోతి లక్ష్మణ్ కృషిని అభినందించారు. యువత ఈ అవకాశాన్ని సద్వినియోగం చేసుకోవాలని సూచించారు.

04-11-2026 | 05:01pm

దళారులను నమ్మి రైతులు మోసపోవద్దు

సుల్తానాబాద్ , నవంబర్ 04 (విజయ క్రాంతి): రైతులు ఆరుగాలం కష్టపడి పండించిన వరి ధాన్యాన్ని దళారులను నమ్మి మోసపోవద్ద ని ప్రభుత్వ విప్ పెద్దపల్లి ఎమ్మెల్యే చింతకుంట విజయ రమణారావు అన్నారు. బుధవారం పెద్దపల్లి జిల్లా సుల్తానాబాద్ మండలం సుద్దాల సింగిల్ విండో ఆధ్వర్యంలో సుద్దాల, అల్లిపూర్ గ్రామాల్లో ఏర్పాటు చేసిన వరి ధాన్యం కొనుగోలు కేంద్రాలను ఆయన ప్రారంభించారు.

04-11-2026 | 04:26pm

అన్నదాతలు సంతోషంగా ఉండాలన్నదే కాంగ్రెస్ సర్కార్ లక్ష్యం....

సుల్తానాబాద్: అన్నదాతలు సంతోషంగా ఉండాలనేదే కాంగ్రెస్ ప్రభుత్వ లక్ష్యమని రాష్ట్ర ప్రభుత్వ విప్, పెద్దపల్లి ఎమ్మెల్యే చింతకుంట విజయ రమణారావు అన్నారు. బుధవారం సుల్తానాబాద్ ప్రాథమిక వ్యవసాయ సహకార సంఘం కార్యాలయం ఆవరణలో మండల వ్యవసాయ శాఖ ఆధ్వర్యంలో 50 శాతం సబ్సిడీపై మొక్కజొన్న, 100 శాతం సబ్సిడీపై తెల్ల జొన్న విత్తనాలను రైతులకు అందజేశారు. 12 గంటల కరెంటు సరఫరా ఉంటుందని, కరెంటు లేకపోతే తనను సంప్రదించాలని ఆయన పేర్కొన్నారు. పెద్దపల్లి నియోజకవర్గంలో త్వరలో లక్ష మెట్రిక్ టన్నుల గోదాములు నిర్మాణం జరుగుతుందని వెల్లడించారు.

04-11-2026 | 04:20pm

జిల్లాలో రైతులకు మద్దతు ధర అందేలా ధాన్యం కొనుగోలు కేంద్రాలు ప్రారంభం

పెద్దపల్లి: ఖరీఫ్ సీజన్‌లో రైతులు పండించిన ధాన్యానికి మద్దతు ధర అందించేందుకు జిల్లాలో 311 ధాన్యం కొనుగోలు కేంద్రాలను ప్రారంభించినట్లు జిల్లా కలెక్టర్ కోయ శ్రీహర్ష తెలిపారు. ఈ ఖరీఫ్ సీజన్‌లో జిల్లావ్యాప్తంగా 4.95 లక్షల మెట్రిక్ టన్నుల ధాన్యం ఉత్పత్తి అవుతుందని అంచనా వేసినట్లు ఆయన పేర్కొన్నారు. నవంబర్ రెండో వారం నుంచి పెద్ద ఎత్తున ధాన్యం కొనుగోలు కేంద్రాలకు చేరుకునే అవకాశం ఉన్నందున అధికారులు ముందస్తు ఏర్పాట్లు పూర్తి చేయాలని ఆదేశించారు. సన్నరకం ధాన్యానికి క్వింటాల్‌కు రూ.500 బోనస్ అందించనున్నట్లు వెల్లడించారు.

03-11-2026 | 07:42pm

వ్యవసాయ శాఖ ఆధ్వర్యంలో రైతులకు అవగాహన

మహా ముత్తారం: మహాముత్తారం మండలంలోని బోర్లగూడెం రైతు వేదికలో వ్యవసాయ శాఖ-ఆత్మ ఆధ్వర్యంలో రైతులకు వ్యవసాయంలో సాంకేతిక పరిజ్ఞానం, ఎల్‌నినో ప్రభావం, ప్రత్యామ్నాయ పంటల సాగుపై అవగాహన కార్యక్రమం నిర్వహించారు. తక్కువ నీటితో పండించగల పప్పు దినుసులు, కూరగాయలు, నూనె గింజలు వంటి ప్రత్యామ్నాయ పంటలను యాసంగిలో సాగు చేయాలని సూచించారు. 50 శాతం సబ్సిడీపై సూడోమోనాస్ అందుబాటులో ఉందని, రైతులు దానిని ఉపయోగించుకోవాలని కోరారు. ఈ కార్యక్రమంలో సర్పంచ్ అజ్మీరా ధరమ్ సింగ్, మండల వ్యవసాయ అధికారి జి.అనూష పాల్గొన్నారు.

03-11-2026 | 06:31pm

భూసార పరిరక్షణ కు రైతులు మట్టి నమూనాను అందజేయాలి

సుల్తానాబాద్: పెద్దపల్లి జిల్లా సుల్తానాబాద్ మండల వ్యవసాయ శాఖ అధికారి పైడితల్లి, గర్రెపల్లి గ్రామంలోని రైతు వేదికలో మంగళవారం రైతులకు అవగాహన సదస్సు నిర్వహించారు. భూసార పరిరక్షణకు మట్టి నమూనాలను సేకరించి వ్యవసాయ శాఖకు ఇవ్వాలని, వాటి ఫలితాల ఆధారంగా సిఫారసు చేసిన ఎరువులను వాడాలని సూచించారు. తెలంగాణ రైతు విజ్ఞాన కేంద్రం పెద్దపల్లి నుండి శాస్త్రవేత్త డా. ఓదెల సంపత్ మాట్లాడుతూ, ఎల్నినో విపత్తు దృష్ట్యా వరికి బదులుగా మొక్కజొన్న, జొన్న వంటి ఆరుతడి పంటలు వేసుకోవాలని రైతులకు తెలియజేశారు. వరి కొయ్యకాలు కలబెట్టకుండా భూమిలో కలియదున్నుకోవాలని వివరించారు.

03-11-2026 | 05:46pm

రోడ్డు ప్రమాదంలో గాయపడ్డ సీనియర్ పాత్రికేయుడు

ముత్తారం, నవంబర్ 03 (విజయ క్రాంతి): పెద్దపల్లి జిల్లా రామగిరి మండలం పన్నూరు ప్రధాన రహదారిపై ఇటీవల పంది అడ్డురావడంతో జరిగిన రోడ్డు ప్రమాదంలో గాయపడి చికిత్స పొందుతున్న ముత్తారం మండలానికి చెందిన పాత్రికేయుడు ఏలువాక కుమార్ స్వామిని ముత్తారం ఎస్ఐ రవికుమార్ పరామర్శించారు.

03-11-2026 | 05:37pm

జలసిరి పనులను వేగవంతంగా చేయాలి

సుల్తానాబాద్: పెద్దపల్లి జిల్లా సుల్తానాబాద్ మండల పరిషత్ కార్యాలయాన్ని జిల్లా పరిషత్ సీఈవో కె.నరేందర్ ఆకస్మికంగా తనిఖీ చేశారు. జలసిరి పనులను వేగవంతం చేసి ప్రతి ఇంటికి ఇంకుడు గుంత ఉండేలా ప్రత్యేక కార్యాచరణ రూపొందించాలని ఆయన ఆదేశించారు. సకాలంలో కార్యాలయానికి హాజరుకావాలని, ప్రజావాణి దరఖాస్తులను త్వరితగతిన పరిష్కరించాలని సిబ్బందిని సూచించారు. పంట కుంటలు, నీటి కుంటల నిర్మాణానికి చర్యలు తీసుకోవాలని ఉపాధి హామీ సిబ్బందికి తెలిపారు. ఈ సమావేశంలో ఎంపీడీవో నీలగిరి దివ్యదర్శన్ రావు, ఎంపీఓ ఈ. మౌనిక తదితరులు పాల్గొన్నారు.

03-11-2026 | 05:00pm

రోడ్డు ప్రమాదంలో గాయపడ్డ సీనియర్ జర్నలిస్టు

ముత్తారం, నవంబర్ 03(విజయ క్రాంతి): పెద్దపల్లి జిల్లా రామగిరి మండలంలోని పన్నూరు ప్రధాన రహదారి పై ఇటీవల పంది అడ్డం రావడంతో రోడ్డు ప్రమాదంలో గాయపడి చికిత్స పొందుతున్న ముత్తారం మండలంలోని సీనియర్ జర్నలిస్టు ఏలువాక కుమార్ స్వామిని మంగళంవారం కాల్వ శ్రీరాంపూర్ వంగల తిరుపతి రెడ్డి సోమవారం రాత్రి ఇంటికి వేళ్లి పరామర్శించారు. ప్రమాదానికి సంబంధించిన వివరాలను అడిగి తెలుసుకోవడంతో పాటు, ఆయన ప్రస్తుత ఆరోగ్య పరిస్థితిపై ఆరా తీశారు.

03-11-2026 | 04:50pm