Breaking News

రేవంత్, రాహుల్‌పై బండి సంజయ్ సెటైర్లు • 15 ఏళ్లకే ప్రపంచ రికార్డు • ఫోన్ ట్యాపింగ్‌లో బిగ్ బాంబ్.. రేవంత్ హింట్ • స్టాక్ మార్కెట్‌కు FII బూస్ట్ • భక్తుడి కళ్లజోడులో రహస్యం • వలపు వలలో మాజీ సైనికుడు • టీమిండియాలో కీలక మార్పులు • అండాల దందాలో మరో ఐదు కేసులు.. హైదరాబాద్‌లో కలకలం! • అయ్యప్ప దీక్షలో ఎమ్మెల్యే రాజగోపాల్‌రెడ్డి • చలి చంపుతుంది •

Districts - Peddapalli

నేటి బాలలే రేపటి పౌరులు

రామగిరి: నవంబర్ 14న రామగిరి మండలం కల్వచర్లలోని కృష్ణవేణి టాలెంట్ స్కూల్, సెంటనరీ కాలనీలోని హిల్-ఫోర్ట్ హై స్కూల్, బేగంపేటలోని సాయి ప్రగతి విద్యానికేతన్‌లో పండిట్ జవహర్‌లాల్ నెహ్రూ 138వ జయంతి సందర్భంగా బాలల దినోత్సవ వేడుకలు ఘనంగా జరిగాయి. పాఠశాలల కరస్పాండెంట్ చందుపట్ల తిరుపతి రెడ్డి, ప్రధానోపాధ్యాయులు బర్ల శ్రీనివాస్ జ్యోతి ప్రజ్వలన చేసి కార్యక్రమాన్ని ప్రారంభించారు. విద్యార్థులకు వ్యాసరచన, చిత్రలేఖనం, పాటల పోటీలు, ఫ్యాన్సీ డ్రెస్ పోటీలు నిర్వహించి, విజేతలకు బహుమతులు ప్రదానం చేశారు.

14-11-2026 | 11:33pm

పేదల జీవితాల్లో కొత్త వెలుగులు.. నిరుపేదలకు అండగా ప్రజా ప్రభుత్వం

పెద్దపల్లి: రాష్ట్ర ప్రభుత్వం పేదలు, మహిళలు, వృద్ధులు, చేనేత, గీత కార్మికుల సంక్షేమమే లక్ష్యంగా ముందుకు సాగుతోందని ప్రభుత్వ విప్, పెద్దపల్లి ఎమ్మెల్యే చింతకుంట విజయరమణ రావు అన్నారు. పెద్దపల్లి నియోజకవర్గానికి మొత్తం 5,124 నూతన పింఛన్లు మంజూరయ్యాయని, ఈ నెల 19న ఇందిరాగాంధీ జయంతి సందర్భంగా లబ్ధిదారుల బ్యాంకు ఖాతాల్లో పింఛన్ నగదు జమ అవుతుందని ఆయన వెల్లడించారు. జిల్లా వ్యాప్తంగా మంజూరైన 11 వేలకుపైగా పింఛన్లలో 48 శాతం పెద్దపల్లి నియోజకవర్గానికే రావడం విశేషమని పేర్కొన్నారు. అర్హులైన వారందరికీ భవిష్యత్తులో పింఛన్లు అందేలా చర్యలు తీసుకుంటామని హామీ ఇచ్చారు.

14-11-2026 | 11:28pm

భారతదేశ చరిత్రలో చెరగని ముద్ర వేసిన మహోన్నత వ్యక్తి నెహ్రూ

సుల్తానాబాద్: భారతదేశ తొలి ప్రధాని పండిట్ జవహర్‌లాల్ నెహ్రూ జయంతి వేడుకలను పెద్దపల్లి జిల్లా సుల్తానాబాద్ పట్టణంలోని నెహ్రూ విగ్రహం వద్ద ఘనంగా నిర్వహించారు. ఈ కార్యక్రమానికి ముఖ్యఅతిథిగా హాజరైన రాష్ట్ర ప్రభుత్వ విప్, పెద్దపల్లి ఎమ్మెల్యే చింతకుంట విజయ రమణారావు, నెహ్రూ దేశ నిర్మాణానికి చేసిన కృషిని కొనియాడారు. ఆధునిక భారతదేశ నిర్మాణానికి ఆయన బలమైన పునాదులు వేశారని, శాస్త్ర సాంకేతిక రంగం, పారిశ్రామిక అభివృద్ధి, ఉన్నత విద్య, వ్యవసాయం, వైద్య రంగాల్లో దేశం పురోగతి సాధించేందుకు విశేష కృషి చేశారని పేర్కొన్నారు. ఈ సందర్భంగా ఎమ్మెల్యే నెహ్రూ విగ్రహానికి పూలమాలలు వేసి నివాళులర్పించారు.

14-11-2026 | 10:15pm

దర్యాపూర్‌లో ధాన్యం కొనుగోలు కేంద్రం ప్రారంభం

ముత్తారం, నవంబర్ 14: మండలంలోని దర్యాపూర్ గ్రామంలో ప్రాథమిక వ్యవసాయ సహకార సంఘం ముత్తారం ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాన్ని గ్రామ సర్పంచ్ రాపెల్లి రాజయ్య ప్రారంభించారు. రైతులు తమ ధాన్యాన్ని కొనుగోలు కేంద్రాలకు తీసుకువచ్చి ప్రభుత్వ మద్దతు ధరను పొందాలని సర్పంచ్ సూచించారు. రైతులకు ఎలాంటి ఇబ్బందులు లేకుండా కొనుగోళ్లు సజావుగా జరిగేలా నిర్వాహకులు చర్యలు తీసుకోవాలని కోరారు. ఈ కేంద్రం దర్యాపూర్, పరిసర ప్రాంతాల రైతులకు ప్రయోజనం చేకూర్చనుంది.

14-11-2026 | 09:04pm

హైదరాబాద్‌కు రాహుల్ గాంధీ

మంథని: భారత్ సమ్మిట్‌లో పాల్గొనేందుకు హైదరాబాద్‌కు విచ్చేసిన లోక్‌సభ ప్రతిపక్ష నేత రాహుల్ గాంధీకి రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు శనివారం ఘన స్వాగతం పలికారు. ఈ సందర్భంగా రాహుల్ గాంధీకి పుష్పగుచ్ఛం అందించి తెలంగాణకు ఆహ్వానించారు. భారత్ సమ్మిట్‌లో జరిగే చర్చలు దేశ భవిష్యత్తుకు ఉపయోగకరంగా ఉంటాయని మంత్రి శ్రీధర్ బాబు పేర్కొన్నారు.

14-11-2026 | 08:54pm

రైతులకు మద్దతు ధర అందించడమే ప్రభుత్వ లక్ష్యం

ముత్తారం: రైతులు పండించిన ధాన్యానికి మద్దతు ధర కల్పించడమే ప్రభుత్వ లక్ష్యమని ముత్తారం మాజీ జడ్పీటీసీ, కాంగ్రెస్ పార్టీ జిల్లా ఉపాధ్యక్షుడు చొప్పరి సదానందం పేర్కొన్నారు. మండలంలోని మచ్చుపేట గ్రామంలో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని గురువారం ఆయన ప్రారంభించారు. రైతులు కొనుగోలు కేంద్రాలను సద్వినియోగం చేసుకొని మద్దతు ధర పొందాలని సూచించారు. కొనుగోళ్లలో రైతులకు ఎలాంటి ఇబ్బందులు కలగకుండా పారదర్శకంగా ప్రక్రియ చేపట్టాలని సిబ్బందికి సూచించారు.

14-11-2026 | 07:19pm

అనారోగ్య బాధితుడికి మంత్రి శ్రీధర్ బాబు ఆర్థిక భరోసా

ముత్తారం: అనారోగ్యంతో బాధపడుతున్న అడవి శ్రీరాంపూర్ గ్రామానికి చెందిన దామా అంజికి రాష్ట్ర ఐటీ, పరిశ్రమలు, శాసనసభ వ్యవహారాల శాఖ మంత్రి దుద్దిళ్ల శ్రీధర్ బాబు అండగా నిలిచారు. హైదరాబాద్‌లోని నిమ్స్ ఆసుపత్రిలో చికిత్స పొందుతున్న అంజి వైద్య ఖర్చుల నిమిత్తం ముఖ్యమంత్రి సహాయ నిధి (సీఎంఆర్‌ఎఫ్) ద్వారా రూ.2.50 లక్షల ఎల్‌ఓసీని మంత్రి మంజూరు చేయించారు. మంత్రి క్యాంపు కార్యాలయంలో ఎల్‌ఓసీ పత్రాన్ని కుటుంబ సభ్యులకు అందజేశారు. ఈ సహాయానికి అంజి కుటుంబ సభ్యులు కృతజ్ఞతలు తెలిపారు.

14-11-2026 | 06:58pm

మాజీ మావోయిస్టు నేత కుటుంబానికి దొడ్డ బాలాజీ పరామర్శ

ముత్తారం: మండలంలోని రామయ్యపల్లె గ్రామానికి చెందిన కాంగ్రెస్ పార్టీ సీనియర్ నాయకుడు ఆరెల్లి కొమురయ్య గౌడ్ తల్లి ఆరెల్లి గట్టుమల్లు ఇటీవల మరణించగా, ముత్తారం మండల కాంగ్రెస్ పార్టీ అధ్యక్షుడు దొడ్డ బాలాజీ వారి కుటుంబాన్ని పరామర్శించారు. మృతురాలి చిత్రపటానికి నివాళులర్పించి కుటుంబ సభ్యులకు ప్రగాఢ సానుభూతి తెలిపారు. ఈ కార్యక్రమంలో అడవి శ్రీరాంపూర్ ఉపసర్పంచ్ అనవేని హరిత తిరుపతి, కాంగ్రెస్ సీనియర్ నాయకులు లక్కం ప్రభాకర్, గట్టు సదయ్య, వార్డు సభ్యుడు వీరబోని అజయ్ తదితరులు పాల్గొన్నారు.

14-11-2026 | 06:36pm

రాహుల్ పర్యటన ఎఫెక్ట్.. బీజేపీ నేతల ముందస్తు అరెస్ట్

సుల్తానాబాద్, నవంబర్ 14 (విజయక్రాంతి): రాహుల్ గాంధీ హైదరాబాద్ పర్యటన నేపథ్యంలో పెద్దపల్లి జిల్లా సుల్తానాబాద్‌కు చెందిన పలువురు బీజేపీ నాయకులను పోలీసులు ముందస్తుగా అరెస్ట్ చేశారు. వారిని పోలీస్ స్టేషన్‌కు తరలించారు. ముందస్తు అరెస్టులు ప్రజాస్వామ్య హక్కులకు విఘాతమని బీజేపీ మండల అధ్యక్షుడు కందుల శ్రీనివాస్ అభ్యంతరం వ్యక్తం చేశారు.

14-11-2026 | 05:38pm

మద్యం అమ్మినా.. తాగినా రూ.లక్ష ఫైన్

మంథని, నవంబర్ 13 (విజయక్రాంతి): మంథని మున్సిపాలిటీ పరిధిలోని కూచిరాజ్‌పల్లిలో గ్రామస్తులు సంపూర్ణ మద్యపాన నిషేధానికి ఏకగ్రీవంగా తీర్మానించారు. బెల్ట్ షాపులు నిర్వహించకూడదని, మద్యం విక్రయించినా, సేవించినా రూ.లక్ష జరిమానా విధించాలని నిర్ణయించారు. జరిమానా మొత్తాన్ని గ్రామ అభివృద్ధికి వినియోగిస్తామని గ్రామ కమిటీ సభ్యులు వెల్లడించారు.

14-11-2026 | 05:23pm

అభివృద్ధి, సంక్షేమానికి పెద్దపీట వేస్తున్న సీఎం రేవంత్ రెడ్డి

సుల్తానాబాద్: రాష్ట్ర ముఖ్యమంత్రి రేవంత్ రెడ్డి అభివృద్ధి, సంక్షేమానికి పెద్దపీట వేస్తున్నారని ప్రభుత్వ విప్, పెద్దపల్లి ఎమ్మెల్యే చింతకుంట విజయ రమణారావు అన్నారు. శనివారం సుల్తానాబాద్ పట్టణంలో అర్హులైన లబ్ధిదారులకు కొత్త పెన్షన్ పత్రాలను అందజేశారు. ఈ నెల 19న ఇందిరా గాంధీ జయంతి సందర్భంగా నూతన చేయూత పెన్షన్ డబ్బులు లబ్ధిదారుల బ్యాంక్ ఖాతాల్లో నేరుగా జమ చేయనున్నట్లు ఆయన వెల్లడించారు. ఈ కార్యక్రమంలో పలువురు ప్రజాప్రతినిధులు, అధికారులు పాల్గొన్నారు.

14-11-2026 | 05:04pm

సుల్తానాబాద్‌లో నాగుల చవితి వేడుకలు

సుల్తానాబాద్: పెద్దపల్లి జిల్లా సుల్తానాబాద్ పట్టణంలో శుక్రవారం నాగుల చవితి వేడుకలను భక్తులు ఘనంగా జరుపుకున్నారు. పట్టణంలోని శ్రీ వేణుగోపాల స్వామి దేవాలయం ఆవరణలో గల సాంబశివ దేవాలయంలో అర్చకులు పారువెళ్ళా రమేష్ శర్మ దంపతుల చే ప్రత్యేక పూజలు చేయించి పుట్టలో పాలు పోయించారు. ఈ సందర్భంగా దేవాలయాలు భక్తులతో కిక్కిరిసిపోయినట్లు తెలిసింది.

13-11-2026 | 07:23pm

ఓబీసీ మోర్చా రాష్ట్ర అధ్యక్షుని పుట్టినరోజు వేడుకలు

మంథని: నవంబర్ 13న మంథని పట్టణంలోని అంబేద్కర్ చౌరస్తాలో తెలంగాణ రాష్ట్ర బీజేపీ ఓబీసీ మోర్చా రాష్ట్ర అధ్యక్షుడు గంధమల్ల ఆనంద్ గౌడ్ జన్మదిన వేడుకలను బీజేపీ శ్రేణులు ఘనంగా నిర్వహించాయి. బీజేపీ మంథని నియోజకవర్గ ఇన్‌చార్జ్ చంద్రుపట్ల సునీల్ రెడ్డి ఆదేశాల మేరకు, ఓబీసీ మోర్చా పెద్దపల్లి జిల్లా ఉపాధ్యక్షులు బోయిని నారాయణ ఆధ్వర్యంలో ఈ కార్యక్రమం జరిగింది. ఈ సందర్భంగా బోయిని నారాయణ మాట్లాడుతూ, మంథని నియోజకవర్గంలో బీసీల అభివృద్ధే లక్ష్యంగా పనిచేస్తానని, బీజేపీ ప్రభుత్వంతోనే బీసీలకు రాజ్యాధికారం సాధ్యమవుతుందని పేర్కొన్నారు.

13-11-2026 | 06:34pm

బేగంపేట గ్రామంలో ధాన్యం కొనుగోలు కేంద్రం ప్రారంభం

రామగిరి: రామగిరి మండలం బేగంపేట గ్రామంలో ప్రాథమిక సహకార సంఘం ఆధ్వర్యంలో ధాన్యం కొనుగోలు కేంద్రాన్ని శుక్రవారం ప్రారంభించారు. ఉప సర్పంచ్ సందెల రేణుక కుమార్, మార్కెట్ కమిటీ చైర్మన్ వైనాల రాజు, మాజీ జెడ్పిటిసి గంట వెంకట రమణారెడ్డి ఈ కేంద్రాన్ని ప్రారంభించారు. రైతులు దళారుల మోసాలకు గురికాకుండా ప్రభుత్వ కేంద్రాల్లోనే ధాన్యం విక్రయించి మద్దతు ధర పొందాలని సూచించారు. సన్నధాన్యానికి ప్రభుత్వం అదనంగా రూ.500 బోనస్ అందిస్తుందని తెలిపారు.

13-11-2026 | 06:16pm