Breaking News

కొనసాగుతున్న వరల్డ్ హెరిటేజ్ క్యాంపెయిన్ • బ్యాగు తెరిస్తే రూ.60 లక్షల నకిలీ నోట్లు! • ఇద్దరు పిల్లలకు ఉరి వేసి తల్లి ఆత్మహత్య • సన్నబియ్యం ధరలు ఫిక్స్.. ఏ రకం ఎంతంటే? • RC17 గ్రాండ్ లాంచ్ • పోలింగ్‌పై ఎలక్షన్ కమిషన్ నిఘా • కిలో చికెన్ ఫ్రీ.. కొత్త ఆఫర్ • వరుసకు బాబాయ్.. పెళ్లి చేసుకోవాలంటూ ఒత్తిడి? • ప్రపంచ దేశాలకు భారత్ కీలక సూచన • నాకాబందీ తనిఖీలు •

Districts - Peddapalli

సుగులంపల్లి యాదవ సంఘం అధ్యక్షుడిగా రాజేశం

సుల్తానాబాద్: పెద్దపల్లి జిల్లా సుల్తానాబాద్ మున్సిపల్ పరిధిలోని సుగులాంపల్లిలో ఆదివారం అఖిలభారత యాదవ సంఘం నూతన కార్యవర్గాన్ని ఎన్నుకున్నారు. జిల్లా ఉపాధ్యక్షులు చిట్టవేణి సదయ్య యాదవ్, పల్లె శ్రీనివాస్ యాదవ్ ఆధ్వర్యంలో జరిగిన ఈ ఎన్నికల్లో బత్తిని రాజేశం అధ్యక్షుడిగా, దాడి రమేష్ ప్రధాన కార్యదర్శిగా ఎన్నికయ్యారు. జంగా సతీష్ యాదవ్, మారం చంద్రయ్య యాదవ్, చిట్టవేణి లచ్చయ్య యాదవ్, ఓజ్జా గట్టయ్య యాదవ్, చందవేని రాజయ్య, పోసాని ఐలయ్య, ఎలుక పెళ్లి శ్రీనివాస్ యాదవ్ ఉపాధ్యక్షులుగా ఎన్నికైనట్లు తెలిసింది.

01-11-2026 | 08:24pm

ప్రజాధనం లెక్కలు అడిగిన బిజెపి నాయకులు

సుల్తానాబాద్: సుల్తానాబాద్ మున్సిపాలిటీలో ఫిబ్రవరి 17, 2026 నుండి అభివృద్ధి పనుల కోసం కేంద్ర, రాష్ట్ర ప్రభుత్వాల నుండి విడుదలైన నిధుల వివరాలను RTI చట్టం ద్వారా వెల్లడించాలని బీజేపీ మున్సిపాలిటీ అధ్యక్షులు కూకట్ల నాగరాజు ఆధ్వర్యంలో నాయకులు శనివారం కమిషనర్ టి. రమేష్‌ను కోరారు. నిధుల వినియోగం, మిగిలిన నిధులు, చేపట్టిన పనుల వివరాలపై పారదర్శకత కోరారు. ప్రజల సొమ్ము సక్రమంగా వినియోగించబడిందో లేదో ప్రజలకు తెలియాలని నాగరాజు పేర్కొన్నారు.

31-10-2026 | 10:26pm

ఇందిరాగాంధీ, సర్దార్ పటేల్‌లకు ఘన నివాళులు

మంథని: కాటారం మండలం ధన్వాడ గ్రామంలో భారత మాజీ ప్రధాని ఇందిరాగాంధీ వర్ధంతి, సర్దార్ వల్లభాయ్ పటేల్ జయంతి వేడుకలను కాంగ్రెస్ పార్టీ అధ్యక్షుడు తెప్పల దేవేందర్ రెడ్డి ఆధ్వర్యంలో ఘనంగా నిర్వహించారు. టీపీసీసీ రాష్ట్ర ప్రధాన కార్యదర్శి దుద్దిళ్ల శ్రీను బాబు ముఖ్య అతిథిగా హాజరై, వారి సేవలు, త్యాగాలు చిరస్మరణీయమని పేర్కొన్నారు. దేశ సమగ్రత, ఐక్యత కోసం వారు చూపిన మార్గం నేటి తరానికి స్ఫూర్తిదాయకమని ఆయన అన్నారు.

31-10-2026 | 07:52pm

రేపు మంథనికి గణపతి సచ్చిదానంద స్వామీజీ రాక

మంథని: అవధూత దత్త పీఠాధిపతి శ్రీ గణపతి సచ్చిదానంద స్వామీజీ నవంబర్ 1న మంథని నియోజకవర్గంలో పర్యటించనున్నారు. టీపీసీసీ రాష్ట్ర ప్రధాన కార్యదర్శి దుద్దిళ్ల శ్రీను బాబు ఈ విషయాన్ని వెల్లడించారు. రాష్ట్ర మంత్రి దుద్దిళ్ల శ్రీధర్ బాబు చొరవతో మైసూర్ నుంచి స్వామీజీని ఆహ్వానించినట్లు తెలిపారు. ధన్వాడ గ్రామంలో ఉదయం 10 గంటలకు, మంథని పట్టణంలోని శివకిరణ్ గార్డెన్స్‌లో మధ్యాహ్నం 2 గంటలకు స్వామీజీ దర్శనం ఉంటుందని పేర్కొన్నారు. పార్టీలకు అతీతంగా ప్రజలందరూ అధిక సంఖ్యలో పాల్గొనాలని ఆయన పిలుపునిచ్చారు.

31-10-2026 | 07:41pm

దివ్యాంగులకు అన్నదానం

సుల్తానాబాద్: పెద్దపల్లి జిల్లా సుల్తానాబాద్ మండలం అల్లిపూర్ గ్రామ సర్పంచ్ కోదాటి సాయి కిరణ్ జన్మదినం సందర్భంగా శనివారం సుల్తానాబాద్ పట్టణంలోని ప్రభుత్వ దివ్యాంగుల కేంద్రంలో అన్నదానం నిర్వహించారు. అనంతరం పండ్లు, స్వీట్లు పంపిణీ చేశారు. గట్టపల్లి సర్పంచ్ దేవేందర్, ఏబీవీపీ నాయకులు రాసురి ప్రవీణ్ కుమార్ మాట్లాడుతూ పుట్టినరోజు వేడుకలను పేదలకు, దివ్యాంగులకు సేవ చేసేందుకు ఉపయోగించడం అభినందనీయమని పేర్కొన్నారు. ఈ సేవాభావాన్ని అందరూ స్ఫూర్తిగా తీసుకోవాలని కోరారు.

31-10-2026 | 05:08pm

పేరపల్లిలో పలు కుటుంబాలను పరామర్శించిన టిపిసిసి రాష్ట్ర ప్రధాన కార్యదర్శి శ్రీనుబాబు

కమాన్‌పూర్: పెద్దపల్లి జిల్లా కమాన్‌పూర్ మండలం పేరపల్లి గ్రామంలో ఇటీవల మృతి చెందిన పలువురి కుటుంబాలను టీపీసీసీ రాష్ట్ర ప్రధాన కార్యదర్శి దుద్దిళ్ల శ్రీనుబాబు శుక్రవారం పరామర్శించారు. చెన్నోజు శ్రీనివాస్ చారి, చెప్పాల దేవేందర్, గుర్రాల రాజమ్మ, పోలుదాసరి పోషాలు, పున్నం సమ్మయ్య, ఆకుల సుగుణ, ఎరుకల సత్యనారాయణ తదితరుల కుటుంబ సభ్యులను కలిసి వారి కుటుంబ పరిస్థితులను అడిగి తెలుసుకుని ప్రగాఢ సానుభూతి తెలిపారు. ఈ కార్యక్రమంలో స్థానిక కాంగ్రెస్ పార్టీ నాయకులు, కార్యకర్తలు పాల్గొన్నారు.

31-10-2026 | 01:02am

మాజీ మావోయిస్టు నేత కంకణాల రాజిరెడ్డికి ఇంటి స్థలం

పెద్దపల్లి: మావోయిస్టు ఉద్యమాన్ని వీడి జనజీవన స్రవంతిలోకి వచ్చిన మాజీ మావోయిస్టు నేత కంకణాల రాజిరెడ్డి అలియాస్ వెంకటేష్‌కు, ఆయన సతీమణి రామ్‌కీకి రాష్ట్ర ప్రభుత్వం పునరావాస చర్యల్లో భాగంగా 250 చదరపు గజాల ఇంటి స్థలాన్ని కేటాయించింది. పెద్దపల్లి జిల్లా కాల్వశ్రీరాంపూర్ మండలం కిష్టంపేట గ్రామంలోని సర్వే నంబర్ 597లో ఈ స్థలాన్ని కేటాయించి, తహసీల్దార్ కార్యాలయంలో పట్టా అందజేశారు. కాల్వశ్రీరాంపూర్ తహసీల్దార్ రాముడు ఈ విషయాన్ని వెల్లడించారు.

31-10-2026 | 12:05am

గాయపడిన ఎస్‌బీఐ లైఫ్ మేనేజర్‌కు పరామర్శ

పెద్దపల్లి: రామగిరి మండలం రత్నాపూర్‌కు చెందిన ఎస్‌బీఐ లైఫ్ మేనేజర్ ఎలువాక కుమారస్వామి ఇటీవల రోడ్డు ప్రమాదంలో గాయపడి కరీంనగర్‌లోని కేఈఏ ఆసుపత్రిలో చికిత్స పొందుతున్నారు. ఈ నెల 28న జరిగిన ప్రమాదంలో దవడ ఎముక విరిగింది. ఎస్‌బీఐ ఏజెన్సీ మేనేజర్ మేకల పద్మ, ఆమె బృంద సభ్యులు శుక్రవారం ఆసుపత్రికి వెళ్లి కుమారస్వామిని పరామర్శించి, ఆయన త్వరగా కోలుకోవాలని ఆకాంక్షించారు.

30-10-2026 | 11:10pm

ధాన్యం కొనుగోలు కేంద్రాలను ప్రారంభించిన ప్రభుత్వ విప్ , ఎమ్మెల్యే

సుల్తానాబాద్: పెద్దపల్లి జిల్లా సుల్తానాబాద్ మండలం చిన్న కల్వల సింగిల్ విండో ఆధ్వర్యంలో చిన్న బొంకూర్, పెరికపల్లి, మియాపూర్‌లో ఏర్పాటు చేసిన ధాన్యం కొనుగోలు కేంద్రాలను ప్రభుత్వ విప్, ఎమ్మెల్యే చింతకుంట విజయరమణరావు శుక్రవారం సాయంత్రం ప్రారంభించారు. సూపర్ ఎల్ నినో కారణంగా కరువు ఏర్పడనుందని, రైతులు వరి కాకుండా ఆరుతడి పంటలు సాగు చేయాలని ఎమ్మెల్యే సూచించారు. ఈ కార్యక్రమంలో సింగిల్ విండో చైర్మన్ గౌరవెల్లి మురళీధర్ రావు, మార్కెట్ చైర్మన్ మినుపాల ప్రకాష్ రావు తదితరులు పాల్గొన్నారు.

30-10-2026 | 10:20pm

మంథని, ధన్వాడకు గణపతి సచ్చిదానంద స్వామీజీ రాక

మంథని: రాష్ట్ర ఐటీ, పరిశ్రమలు, శాసనసభ వ్యవహారాల శాఖ మంత్రి దుద్దిళ్ల శ్రీధర్ బాబు ఆహ్వానం మేరకు ప్రముఖ ఆధ్యాత్మికవేత్త శ్రీశ్రీ గణపతి సచ్చిదానంద స్వామీజీ నవంబర్ 1న మంథని, ధన్వాడ ప్రాంతాల్లో పర్యటించనున్నారు. నవంబర్ 1న ఉదయం 9 గంటలకు ధన్వాడలోని దత్తాత్రేయ స్వామి ఆలయాన్ని, మధ్యాహ్నం 2 గంటలకు మంథనిలోని దత్తాత్రేయ స్వామి ఆలయాన్ని స్వామీజీ సందర్శిస్తారని కాంగ్రెస్ జిల్లా ఉపాధ్యక్షుడు చొప్పరి సదానందం వెల్లడించారు. ఈ సందర్భంగా స్వామీజీ పర్యటనకు సంబంధించిన గోడపత్రికను ఆయన ఆవిష్కరించారు.

30-10-2026 | 06:45pm

క్రీడలతో ప్రపంచస్థాయి గుర్తింపు

సుల్తానాబాద్: క్రీడల ద్వారా ప్రపంచస్థాయి గుర్తింపు పొందవచ్చని రాష్ట్ర ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణారావు అన్నారు. పెద్దపల్లి జిల్లా సుల్తానాబాద్‌ ప్రభుత్వ జూనియర్‌ కళాశాల క్రీడా మైదానంలో నిర్వహించిన ఉమ్మడి జిల్లా స్థాయి ఎస్‌జీఎఫ్‌ అండర్‌-17 బాలబాలికల వాలీబాల్‌ పోటీలకు ఆయన ముఖ్యఅతిథిగా హాజరయ్యారు. ఆర్చరీ క్రీడాకారిణి చికిత ఆసియా క్రీడల్లో రెండు స్వర్ణ పతకాలు సాధించడం తెలంగాణకు గర్వకారణమని, ఆమెకు రూ.4.32 కోట్ల ప్రోత్సాహం అందించడం క్రీడా ప్రతిభకు లభిస్తున్న గుర్తింపునకు నిదర్శనమని పేర్కొన్నారు. ముఖ్యమంత్రి రేవంత్‌రెడ్డి క్రీడాకారులను ప్రోత్సహించేందుకు ప్రత్యేక చర్యలు చేపడుతున్నారని తెలిపారు.

30-10-2026 | 04:52pm

అఖిల భారత యాదవ సంఘం ఉపాధ్యక్షుడిగా చిట్టవేణి సదయ్య యాదవ్

పెద్దపల్లి: అఖిల భారత యాదవ సంఘం పెద్దపల్లి జిల్లా ఉపాధ్యక్షుడిగా చిట్టవేణి సదయ్య యాదవ్ నియమితులయ్యారు. ఈ మేరకు సంఘం జిల్లా అధ్యక్షుడు మేకల మల్లేశం యాదవ్ ఆయనకు నియామక పత్రాన్ని అందజేశారు. తన నియామకానికి సహకరించిన వారికి కృతజ్ఞతలు తెలిపిన సదయ్య యాదవ్, జిల్లాలో యాదవ సోదరుల ఐక్యతను బలోపేతం చేయడంతో పాటు వారి హక్కుల పరిరక్షణ, సంక్షేమం కోసం నిరంతరం పనిచేస్తానని పేర్కొన్నారు. ఆయన నియామకం పట్ల పలువురు హర్షం వ్యక్తం చేశారు.

30-10-2026 | 02:57pm

రక్తదానం... ప్రాణ దానంతో సమానం

సుల్తానాబాద్: పెద్దపల్లి డీసీపీ భూక్య రామ్‌రెడ్డి ఆధ్వర్యంలో సుల్తానాబాద్ సర్కిల్ పోలీసులు స్థానిక ఎస్‌వీఆర్ గార్డెన్‌లో నిర్వహించిన రక్తదాన శిబిరానికి అపూర్వ స్పందన లభించింది. పోలీసు అమరవీరుల వారోత్సవాల్లో భాగంగా జరిగిన ఈ కార్యక్రమంలో డీసీపీ రామ్‌రెడ్డి, ఏసీపీ గజ్జి కృష్ణ మాట్లాడుతూ అత్యవసర పరిస్థితుల్లో రక్తం అవసరమైన వారికి సకాలంలో అందించేందుకు స్వచ్ఛందంగా రక్తదానం చేయాలని కోరారు. సుల్తానాబాద్ సర్కిల్ పరిధిలో వెయ్యి మంది రక్తదాతలను సిద్ధం చేయాలని ఎస్సైలకు సూచించారు. ఈ కార్యక్రమంలో సీఐ పొన్నమనేని రంజిత్‌రావు, ఎస్సైలు, రెడ్‌క్రాస్ సొసైటీ, లయన్స్ క్లబ్ ప్రతినిధులు, పోలీసు సిబ్బంది, యువకులు పెద్ద సంఖ్యలో పాల్గొన్నారు.

30-10-2026 | 02:51pm

జిల్లా లో సన్న బియ్యం ధరలపై అధికారుల నిఘా

పెద్దపల్లి: జిల్లాలో సన్న బియ్యం ధరల నియంత్రణలో పారదర్శకత పాటించాలని అదనపు కలెక్టర్ బి. శ్రీరాములు వ్యాపారులను ఆదేశించారు. బియ్యం కొరత సృష్టించడం, అక్రమ నిల్వలు, బ్లాక్ మార్కెటింగ్‌కు పాల్పడితే క్రిమినల్ కేసులు నమోదు చేస్తామని హెచ్చరించారు. దుకాణాల్లో నిల్వలు, ధరల వివరాలు బహిరంగంగా ప్రదర్శించాలని, బస్తాల బరువులో మోసాలకు తావివ్వొద్దని సూచించారు. నిబంధనలు ఉల్లంఘిస్తే ఆకస్మిక తనిఖీలు నిర్వహించి కఠిన చర్యలు తీసుకుంటామని ఆయన స్పష్టం చేశారు. ఈ సమావేశంలో జిల్లా పౌర సరఫరాల అధికారి శ్రీనాథ్ పాల్గొన్నారు.

30-10-2026 | 02:44pm