Breaking News

హైదరాబాద్‌లో షాకింగ్ ఘటన • అల్పపీడనం ఎఫెక్ట్‌.. తెలంగాణలో భారీ వర్షాలు • గులాబీ పార్టీ దూకుడు.. ప్రజల్లోకి కేటీఆర్ • ఇంత తొందర ఎందుకు?.. KTR సూటి ప్రశ్నలు • రామాంతపూర్‌లో హైడ్రా యాక్షన్ • ఆదాయం ఆవిరి • సినీ ఇండస్ట్రీలో విషాదం.. ప్రముఖ దర్శకుడు కన్నుమూత • భారత్‌కు హ్యాట్రిక్ ఓటమి • బాక్సాఫీస్‌ వద్ద వెంకీ విక్టరీ • మొయినాబాద్‌లో విషాదం.. తీరని శోకం •

Districts - Jagtial

విద్యార్థులకు నాణ్యమైన భోజనాన్ని అందించాలి

కోరుట్ల రూరల్: జిల్లా కలెక్టర్ బి. సత్యప్రసాద్ శనివారం కల్లూరు గ్రామంలోని కస్తూర్బా గాంధీ బాలికల విద్యాలయాన్ని (కేజీబీవీ) సందర్శించారు. విద్యార్థినులకు నాణ్యమైన భోజనం అందించాలని, వంటగదిలో పరిశుభ్రత పాటించాలని అధికారులకు సూచించారు. అదనంగా నిర్మిస్తున్న తరగతి గదులు, డార్మెటరీ పనుల పురోగతిని పరిశీలించి, త్వరితగతిన పూర్తి చేయాలని ఆదేశించారు. ఈ సందర్భంగా విద్యార్థినులతో కలిసి భోజనం చేసి, వారి చదువు, వసతుల గురించి అడిగి తెలుసుకున్నారు. ఈ కార్యక్రమంలో ఆర్డీఓ జీవాకర్ రెడ్డి, డీఈఓ రాము పాల్గొన్నారు.

31-10-2026 | 11:34pm

జల సంరక్షణే గ్రామ భవిష్యత్తుకు పునాది!

ధర్మపురి: వెల్గటూర్ మండలం రాజక్కపల్లి గ్రామంలో సర్పంచ్ దోరిశెట్టి మల్లేశం జలసిరి కార్యక్రమంలో భాగంగా వీబీజీ రామ్‌జీ పథకం ద్వారా ఫామ్ పాండ్ నిర్మాణానికి భూమి పూజ చేశారు. ఈ ఫామ్ పాండ్ల ద్వారా వర్షపు నీటిని నిల్వ చేసుకోవడం, భూగర్భ జలాలను పెంపొందించడం, వ్యవసాయ అవసరాలకు వినియోగించుకోవడం సాధ్యమవుతుందని ఆయన పేర్కొన్నారు. ఈ పథకం అవకాశాలను సద్వినియోగం చేసుకోవాలని సూచించారు.

31-10-2026 | 08:24pm

పత్తి కొనుగోలు కేంద్రాన్ని ప్రారంభించిన మంత్రి అడ్లూరి

ధర్మపురి: ఎండపల్లి మండలం కొత్తపేట గ్రామంలో సీసీఐ ఆధ్వర్యంలో ఏర్పాటు చేసిన పత్తి కొనుగోలు కేంద్రాన్ని తెలంగాణ సాంఘిక సంక్షేమ శాఖ మంత్రి అడ్లూరి లక్ష్మణ్ కుమార్ శనివారం ప్రారంభించారు. రైతులు దళారులను ఆశ్రయించకుండా ప్రభుత్వ కొనుగోలు కేంద్రాల్లోనే పత్తిని విక్రయించి మద్దతు ధర పొందాలని మంత్రి సూచించారు. రైతులకు ఎలాంటి ఇబ్బందులు లేకుండా పారదర్శకంగా కొనుగోళ్లు చేపట్టాలని అధికారులను ఆదేశించారు.

31-10-2026 | 08:07pm

దేశ ఐక్యతకు మార్గదర్శకుడైన వల్లభాయ్ పటేల్ స్ఫూర్తిని స్మరించుకుందాం

జగిత్యాల: స్వాతంత్య్ర సమరయోధుడు, భారతదేశ తొలి ఉప ప్రధానమంత్రి, భారతరత్న సర్దార్ వల్లభ్‌భాయ్ పటేల్ జయంతిని పురస్కరించుకుని జిల్లా పోలీస్ కార్యాలయంలో వేడుకలు నిర్వహించారు. జిల్లా ఎస్పీ అశోక్ కుమార్ పటేల్ చిత్రపటానికి పూలమాలలు వేసి నివాళులర్పించారు. అనంతరం రాష్ట్రీయ ఏక్తా దివస్ ప్రతిజ్ఞ చేయించారు. దేశ ఐక్యత, సమగ్రత కోసం పటేల్ చేసిన కృషిని ఎస్పీ కొనియాడారు. ఈ కార్యక్రమంలో ఇన్స్పెక్టర్లు వేణు, సైదులు, శ్రీధర్, ఆర్ ఎస్ ఐ లు, జిల్లా పోలీసు కార్యాలయం సిబ్బంది పాల్గొన్నారు.

31-10-2026 | 04:52pm

గుంతలతో సచ్చిపోతున్నాం సారూ.

ధర్మపురి, అక్టోబర్ 31 (విజయక్రాంతి): వెల్గటూర్ నుంచి జగదేవ్‌పేటకు వెళ్లే రహదారి గుంతలమయంగా మారడంతో గ్రామస్థులు తీవ్ర ఇబ్బందులు ఎదుర్కొంటున్నారు. రాకపోకలకు ప్రమాదకరంగా మారిన రోడ్డుపై శాశ్వత డాంబర్ నిర్మాణం చేపట్టాలని డిమాండ్ చేస్తూ శనివారం నిరసన తెలిపారు. అధికారులు వెంటనే స్పందించి పనులు ప్రారంభించాలని, లేనిపక్షంలో ఆందోళన ఉధృతం చేస్తామని హెచ్చరించారు.

31-10-2026 | 12:59pm

ఇండియన్ ఇన్‌స్టిట్యూట్ ఆఫ్ సైన్స్‌లో ఎక్స్‌పోజర్ సందర్శన

జగిత్యాల: పీఎంశ్రీ పాఠశాలల ప్రధానోపాధ్యాయుల్లో నాయకత్వ లక్షణాలు, పరిపాలనా నైపుణ్యాలు పెంపొందించే లక్ష్యంతో చంద్రశేఖర్ రెడ్డి (ఎ ఎం ఓ) ఆధ్వర్యంలో జగిత్యాల జిల్లాలోని 20 మంది పీఎంశ్రీ ఉన్నత పాఠశాలల ప్రధానోపాధ్యాయులు బెంగళూరులోని ఇండియన్ ఇన్‌స్టిట్యూట్ ఆఫ్ సైన్స్ (IISc) ను సందర్శించారు. ఈ ఎక్స్‌పోజర్ విజిట్ ద్వారా నూతన ఆవిష్కరణలు, ఆధునిక విద్యా విధానాలు, సమర్థవంతమైన పాఠశాల నిర్వహణ పద్ధతులపై అవగాహన పొందినట్లు తెలిసింది. ఈ అనుభవాలు పాఠశాలల అభివృద్ధికి దోహదపడతాయని ప్రధానోపాధ్యాయులు అభిప్రాయపడ్డారు.

31-10-2026 | 12:41am

ఇంటింటి సర్వేతోనే కుష్టు వ్యాధిని అరికట్టవచ్చు

జగిత్యాల: ఇంటింటి సర్వే ద్వారా కుష్ఠు వ్యాధిని అరికట్టవచ్చని రాష్ట్ర అబ్జర్వర్ డాక్టర్ రాజు తెలిపారు. జగిత్యాల జిల్లా కల్లెడ పీహెచ్‌సీ పరిధిలోని దరూర్ సబ్ సెంటర్‌ను ఆయన శుక్రవారం సందర్శించారు. జిల్లా వైద్య, ఆరోగ్య శాఖాధికారి డాక్టర్ సుజాత, జిల్లా ఉప వైద్యాధికారి డాక్టర్ శ్రీనివాస్‌లతో కలిసి ఎల్‌సీడీసీ కార్యక్రమాన్ని పరిశీలించారు. కుష్టు వ్యాధి పూర్తిగా నయం చేయదగినదని, ప్రారంభ దశలోనే గుర్తిస్తే శాశ్వత వైకల్యాలను నివారించవచ్చని డాక్టర్ రాజు పేర్కొన్నారు.

30-10-2026 | 10:15pm

గ్రామాల్లో నీటి సంరక్షణ పనులకు ప్రాధాన్యత ఇవ్వాలి

జగిత్యాల, అక్టోబర్ 30: గ్రామీణ ప్రాంతాల్లో నీటి సంరక్షణ పనులను విస్తృతంగా చేపట్టి, భూగర్భ జలాల పెంపుతో పాటు వ్యవసాయ ఉత్పాదకతను పెంపొందించాలని జిల్లా కలెక్టర్ బి. సత్యప్రసాద్ అధికారులను ఆదేశించారు. శుక్రవారం గొల్లపెల్లి మండలంలోని అగ్గిమల్ల, గంగాదేవి పల్లి గ్రామాల్లో పర్యటించి, నీటి సంరక్షణ పనులు, ఫామ్ పాండ్లు, ఇంకుడు గుంతలు, గ్రామ పంచాయతీ భవన నిర్మాణ పనులను పరిశీలించారు. ఎల్ నినో ప్రభావం దృష్ట్యా జలసిరి కార్యక్రమం కింద ప్రణాళికాబద్ధంగా పనులు చేపట్టాలని సూచించారు.

30-10-2026 | 09:52pm

ఉపాధి హామీ లక్ష్యాల సాధనలో నిర్లక్ష్యం సహించేది లేదు

జగిత్యాల: గ్రామీణ ప్రాంతాల్లో ఉపాధి హామీ పనులను వేగవంతం చేయాలని, జాబ్ కార్డులు కలిగిన ప్రతి ఒక్కరికీ నిరంతరం ఉపాధి కల్పించాలని జిల్లా కలెక్టర్ బి. సత్యప్రసాద్ అధికారులను ఆదేశించారు. పెగడపల్లి మండల పరిషత్ కార్యాలయంలో జరిగిన సమావేశంలో ఆయన మాట్లాడుతూ 2027 జూన్, జూలై వరకు ఉపాధి పనులకు ప్రాధాన్యత ఇవ్వాలని, సోక్ పిట్స్, ఫామ్ పాండ్స్, నర్సరీల ఏర్పాటు వంటి పనులను ప్రణాళికాబద్ధంగా చేపట్టాలని సూచించారు. పన్నుల వసూళ్లపై దృష్టి సారించి మార్చి నాటికి 100% పూర్తి చేయాలని ఆదేశించారు. నిర్లక్ష్యం వహించే అధికారులపై చర్యలు తప్పవని హెచ్చరించారు.

30-10-2026 | 08:42pm

రైతులందరికీ ఫార్మర్ రిజిస్ట్రీ తప్పనిసరిగా నమోదు

జగిత్యాల: రైతుల సమగ్ర వివరాల సేకరణలో భాగంగా ప్రతి రైతు ఫార్మర్ రిజిస్ట్రీలో తప్పనిసరిగా నమోదు చేసుకునేలా చర్యలు తీసుకోవాలని జిల్లా కలెక్టర్ బి. సత్యప్రసాద్ అధికారులను ఆదేశించారు. అగ్రి స్టాక్, వ్యవసాయ యాంత్రీకరణ, ధాన్యం కొనుగోలు కేంద్రాల ప్రారంభ ఏర్పాట్లపై జరిగిన జిల్లా స్థాయి టాస్క్‌ ఫోర్స్ సమావేశంలో ఆయన సమీక్షించారు. రైతుల భూములను జియో ట్యాగింగ్ చేయాలని, పంటల వివరాలను డిజిటల్ క్రాప్ సర్వే ద్వారా ఆన్‌లైన్‌లో నమోదు చేయాలని కలెక్టర్ సూచించారు. ధాన్యం కొనుగోలు కేంద్రాలను ముందస్తుగా సిద్ధం చేయాలని కూడా ఆదేశించారు.

30-10-2026 | 08:42pm

విద్యార్థులలో సామర్థ్యాలు పెంపొందించాలి

జగిత్యాల: జిల్లా కేంద్రంలోని ఉపాధ్యాయ శిక్షణా కేంద్రంలో శుక్రవారం జరిగిన మండల స్థాయి రిసోర్స్ పర్సన్ల శిక్షణ సమావేశంలో జిల్లా విద్యాధికారి రాము పాల్గొన్నారు. నవంబర్ 2, 3 తేదీలలో జరిగే పాఠశాల సముదాయ సమావేశాలను సజావుగా నిర్వహించాలని, ఉపాధ్యాయులకు మిడ్ లైన్ పరీక్షల యాప్‌ను సాధన చేయించాలని, పరఖ్ రాష్ట్రీయ సర్వేక్షణ్ పరీక్ష కొరకు భాషా, పరిసరాల విజ్ఞానం సబ్జెక్టుల ప్రశ్నల నిధిని రూపొందించాలని ఆయన సూచించారు. విద్యార్థుల ప్రగతిని పెంచేందుకు ప్రణాళికలు రూపొందించాలని ఉపాధ్యాయులను కోరారు.

30-10-2026 | 08:28pm

స్కూల్ గేమ్స్ ఫెడరేషన్ పోటీలకు హాజరైన జగిత్యాల ఎమ్మెల్యే

జగిత్యాల: పట్టణంలోని వివేకానంద మినీ స్టేడియంలో జరిగిన 70వ స్కూల్ గేమ్స్ ఫెడరేషన్ రాష్ట్ర స్థాయి కరాటే టోర్నమెంట్, సెలక్షన్స్ 2026–27లో భాగంగా నిర్వహించిన కరాటే పోటీలకు జగిత్యాల ఎమ్మెల్యే డా. సంజయ్ కుమార్ హాజరయ్యారు. ఆయన విజేతలకు బహుమతులు, మెడల్స్ ప్రదానం చేసి క్రీడాకారులను అభినందించారు. క్రీడలు శారీరక దృఢత్వంతో పాటు క్రమశిక్షణ, ఆత్మవిశ్వాసాన్ని పెంపొందిస్తాయని ఎమ్మెల్యే పేర్కొన్నారు. రాష్ట్ర ప్రభుత్వం క్రీడల అభివృద్ధికి కృషి చేస్తుందని తెలిపారు.

30-10-2026 | 08:04pm

జిల్లా స్థాయి టోర్నమెంట్ సెలక్షన్స్‌ను ప్రారంభించిన ఎమ్మెల్యే డా.సంజయ్ కుమార్

జగిత్యాల: జగిత్యాల పట్టణంలోని ఎస్ కె ఎన్ ఆర్ డిగ్రీ కళాశాల నిర్వహిస్తున్న పీఎం శ్రీ జగిత్యాల జిల్లా స్థాయి టోర్నమెంట్ సెలెక్షన్స్ బాయ్స్, గర్ల్ విభాగాల క్రీడా పోటీలను జగిత్యాల శాసనసభ్యులు డా. సంజయ్ కుమార్ ప్రారంభించారు. ఈ సందర్భంగా ఎమ్మెల్యే క్రీడాకారులను అభినందించి, జిల్లాకు, రాష్ట్రానికి మంచి పేరు తీసుకురావాలని ఆకాంక్షించారు. ఈ కార్యక్రమంలో డీఈఓ రాము, కౌన్సిలర్లు, ఎస్ జి ఎఫ్ సెక్రటరీ చక్రధర్ రావు తదితరులు పాల్గొన్నారు.

30-10-2026 | 08:00pm

ఇందిరమ్మ మైనారిటీ మహిళా యోజన పథకం

జగిత్యాల: జగిత్యాల రూరల్ మండలం పొలాస, నర్సింగపూర్ గ్రామాలకు చెందిన ముస్లిం మైనారిటీ మహిళలకు ఇందిరమ్మ మైనారిటీ మహిళా యోజన పథకం 2025–26 కింద స్వయం ఉపాధి కోసం మంజూరైన రూ.50,000 చొప్పున చెక్కులను ఎమ్మెల్యే డా. సంజయ్ కుమార్ అందజేశారు. యండి సైమా సమీర్, రహీమ బేగం ఖాజా మొహినోద్దీన్, అఫ్రీనా బేగం యం డి భాషూలకు ఈ చెక్కులు లభించాయి. తెలంగాణ ప్రభుత్వం మహిళల ఆర్థికాభివృద్ధికి కట్టుబడి ఉందని ఆయన పేర్కొన్నారు.

30-10-2026 | 06:10pm