Breaking News

రూ.22,990కే మారుతి విక్టోరిస్ కొత్త లుక్ • 100 రోజుల్లో పూర్తి చేస్తాం.. మంత్రి పొన్నం కీలక ప్రకటన • నీటి దందా గుట్టురట్టు! రంగంలోకి HYDRAA • బ్యాంకులకు వరుస సెలవులు • ఫాస్ట్ బౌలింగ్‌కు భారత్ రెడీ.. కివీస్‌కు కష్టాలేనా? • మోస్ట్ వాంటెడ్ గ్యాంగ్‌స్టర్ అరెస్ట్ • MI సంచలన నిర్ణయం.. కోచ్‌గా వెస్టిండీస్ స్టార్ • చెంప చెల్లుమనిపించిన ట్రాఫిక్ పోలీస్ (వీడియో వైరల్) • బీజేపీలో ఎమ్మెల్సీ హీట్.. టికెట్లు ఎవరికి? • మైనింగ్‌లో మృత్యుఘోష •

Districts - Medchal Malkajgiri

అధునాతన అంగులతో బస్ టెర్మినల్‌

మేడిపల్లి: తెలంగాణ రవాణా శాఖ మంత్రి పొన్నం ప్రభాకర్‌ గౌడ్ మల్కాజిగిరి మున్సిపల్‌ కార్పొరేషన్‌ పరిధిలోని బోడుప్పల్‌ సర్కిల్‌–10, ఉప్పల్‌ జోనల్‌ వర్క్‌షాప్‌ వద్ద రూ.3.2 కోట్ల అంచనా వ్యయంతో నిర్మించనున్న సిటీ బస్‌ టెర్మినల్‌కు శంకుస్థాపన చేశారు. ఈ టెర్మినల్‌ను 100 రోజుల్లో అందుబాటులోకి తీసుకురావడమే లక్ష్యమని మంత్రి తెలిపారు. ఈ కొత్త టెర్మినల్ ద్వారా భువనగిరి, యాదగిరిగుట్ట, హనుమకొండ, వరంగల్‌ వంటి ప్రాంతాలకు వెళ్లే లక్ష మంది ప్రయాణికులకు మెరుగైన సౌకర్యాలు లభిస్తాయని ఆయన పేర్కొన్నారు. మహిళలకు ఉచిత బస్సు ప్రయాణ సౌకర్యం ద్వారా ఇప్పటివరకు 367 కోట్ల ప్రయాణాలు నమోదయ్యాయని, రూ.12,88 కోట్లు ఆదా చేసుకున్నారని మంత్రి వివరించారు.

24-10-2026 | 02:58pm

అయ్యప్ప పడిపూజకు వచ్చి ఆభరణాల చోరీ

కూకట్‌పల్లి: అయ్యప్ప స్వామి పడిపూజకు సహాయక పూజారిగా వచ్చి, ఇంట్లో బంగారు, వెండి ఆభరణాలు చోరీ చేసిన చెన్నబోయిన రాజేందర్ అలియాస్ రాజును సీసీఎస్ కూకట్‌పల్లి, కేపీహెచ్‌బీ క్రైమ్ పోలీసులు అక్టోబర్ 23న అరెస్టు చేశారు. నిందితుడి నుండి రూ. 2.80 లక్షల విలువైన ఆభరణాలు, మొబైల్ ఫోన్, ద్విచక్ర వాహనాన్ని స్వాధీనం చేసుకున్నారు. అక్టోబర్ 16న భువనగిరి రాధిక ఇంట్లో పూజ జరుగుతుండగా ఈ చోరీ జరిగింది. గతంలోనూ ద్విచక్ర వాహనాల దొంగతనాల్లో ఇతనికి ప్రమేయం ఉన్నట్లు పోలీసులు తెలిపారు.

23-10-2026 | 10:46pm

అవగాహనతోనే అద్భుత పథకాలు సొంతం

బాలానగర్: మండలం పరిధిలోని హేమాజీపూర్ గ్రామంలో శుక్రవారం తపాలా శాఖ ఆధ్వర్యంలో సమాజ అభివృద్ధి కార్యక్రమం నిర్వహించారు. ఈ కార్యక్రమంలో భాగంగా ఇంటింటికీ వెళ్లి ప్రజలకు తపాలా శాఖ అందిస్తున్న సుకన్య సమృద్ధి యోజన, పబ్లిక్ ప్రావిడెంట్ ఫండ్, సీనియర్ సిటిజన్ పొదుపు పథకం, తపాలా జీవిత బీమా వంటి వివిధ పొదుపు, జీవిత బీమా పథకాల ప్రయోజనాలను వివరించి, వాటిని సద్వినియోగం చేసుకోవాలని సూచించారు. గ్రామ సర్పంచ్ వసంత యాదగిరి, ఉపసర్పంచ్ విజయ విష్ణు పాల్గొన్నారు.

23-10-2026 | 10:11pm

నూతన సీఐ కిరణ్ కు కాంగ్రెస్ నాయకుల శుభాకాంక్షలు

ఘట్ కేసర్, అక్టోబర్ 23 (విజయక్రాంతి) : ఘట్ కేసర్ ఇన్ స్పెక్టర్ గా నూతనంగా బాధ్యతలు చేపట్టిన పి. కిరణ్ ని ఘట్ కేసర్ డివిజన్ కాంగ్రెస్ పార్టీ అధ్యక్షులు బొక్క ప్రభాకర్ రెడ్డి ఆధ్వర్యంలో కాంగ్రెస్ నాయకులు శుక్రవారం మర్యాద పూర్వకంగా కలిసి శాలువాలతో సత్కరించి శుభాకాంక్షలు తెలియజేశారు. శుభాకాంక్షలు తెలిపిన వారిలో ఘట్ కేసర్ మున్సిపల్ మాజీ చైర్మన్ ముల్లి పావని జంగయ్యయాదవ్,

23-10-2026 | 07:51pm

అనురాగ్ లో ఎన్‌ఎస్‌ఎస్ ప్రీ రిపబ్లిక్ డే ఎంపికలు

ఘట్ కేసర్: అనురాగ్ యూనివర్సిటీలో జాతీయ సేవా పథకం (ఎన్ఎస్ఎస్) ఆధ్వర్యంలో ప్రీ రిపబ్లిక్ డే ఎంపికలు నిర్వహించారు. ఆంధ్రప్రదేశ్, తెలంగాణ రాష్ట్రాల ఎన్‌ఎస్‌ఎస్ ప్రాంతీయ సంచాలకులు సైదా రామావత్, సహాయ ప్రాంతీయ సంచాలకులు ఎన్. సంజయ్ కుమార్, తెలంగాణ మై భారత్ సంచాలకులు సి.హెచ్. అన్వేష్ ముఖ్య అతిథులుగా హాజరయ్యారు. క్రమశిక్షణ, నాయకత్వ లక్షణాలు, శారీరక దృఢత్వం, సేవాభావం, దేశభక్తి వంటి అంశాలను పరిశీలిస్తూ వాలంటీర్లను ఎంపిక చేసినట్లు తెలిసింది.

23-10-2026 | 07:31pm

అక్రమ నీటి దందా..!

మేడిపల్లి: బోడుప్పల్‌ సర్కిల్ పరిధిలో వ్యవసాయ విద్యుత్‌ కనెక్షన్లను ఉపయోగించి అక్రమంగా నీటి వ్యాపారం జరుగుతోందని స్థానికులు ఆరోపిస్తున్నారు. రోజుకు వందలకు పైగా ట్యాంకర్ల ద్వారా నీటిని అధిక ధరలకు విక్రయిస్తున్నారని, దీనివల్ల వాల్టా చట్టం ఉల్లంఘన జరుగుతోందని పేర్కొన్నారు. లక్షల రూపాయల విలువైన ఈ వ్యాపారంపై అధికారులు పర్యవేక్షణ లోపించిందని, ఉన్నతాధికారులు స్పందించి విచారణ జరిపి చర్యలు తీసుకోవాలని డిమాండ్ చేస్తున్నారు.

23-10-2026 | 07:22pm

మూసీ ల్యాండ్ పూలింగ్ గ్రామసభలు

ఘట్ కేసర్: మూసీ రివర్ ఫ్రంట్ డెవలప్మెంట్ ల్యాండ్ పూలింగ్ పై ఈనెల 24, 26వ తేదీలలో గ్రామసభలు జరగనున్నాయి. తహసిల్దార్ చంద్రశేఖర్ శుక్రవారం షెడ్యూల్ వివరాలను వెల్లడించారు. 24న ఎదులాబాద్ లో మధ్యాహ్నం 3 గంటలకు, 26న కొర్రెములలో ఉదయం 11 గంటలకు, ప్రతాపసింగారం, కాచవానిసింగారం, ముత్తివెల్లిగూడ గ్రామాలకు ప్రతాపసింగారం రైతు వేదిక వద్ద మధ్యాహ్నం 3 గంటలకు గ్రామసభలు జరుగుతాయని ఆయన పేర్కొన్నారు.

23-10-2026 | 07:08pm

బైక్ చోరీలకు పాల్పడుతున్న... ఇద్దరు నిందితులు అరెస్ట్

మేడిపల్లి: మేడిపల్లి పోలీస్ స్టేషన్ పరిధిలో వరుస బైక్ చోరీలకు పాల్పడుతున్న ఉత్తరప్రదేశ్ కు చెందిన అరవింద్ కుమార్ ఉపాధ్యాయ్ అలియాస్ రాజు (56), యాదాద్రి భువనగిరి జిల్లా సుద్దాల గ్రామానికి చెందిన తుంగ మధు (29) అనే ఇద్దరు నిందితులను పోలీసులు అరెస్టు చేశారు. వారి వద్ద నుండి 11 బైకులను స్వాధీనం చేసుకుని, నిందితులను రిమాండ్ కు తరలించినట్లు మేడిపల్లి సీఐ డి. జలంధర్ రెడ్డి వెల్లడించారు. బోడుప్పల్ కమాన్ వద్ద వీరిని పట్టుకున్నట్లు తెలిసింది.

23-10-2026 | 06:38pm

సూరారం లో విషాదం

కుత్బుల్లాపూర్: సూరారం పోలీస్ స్టేషన్ పరిధిలోని పాండు బస్తీలో బీహార్‌కు చెందిన పప్పూ రవిదాస్ ఏడాదిన్నర వయస్సు గల కుమార్తె దివాంశి కుమారి ప్రమాదవశాత్తు నీళ్ల బకెట్‌లో పడి మృతి చెందింది. గురువారం సాయంత్రం 4:30 గంటలకు ఇంట్లో ఆడుకుంటుండగా ఈ ఘటన జరిగింది. చిన్నారిని ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. ఈ ఘటనపై సురారం పోలీసులు బిఎన్ఎస్ఎస్ సెక్షన్ 194 కింద కేసు నమోదు చేసి దర్యాప్తు చేస్తున్నారు.

23-10-2026 | 06:15pm

నరక కూపం

మేడ్చల్: జవహర్‌నగర్ డంపింగ్ యార్డు పరిసర ప్రాంతాల ప్రజలకు తీవ్ర కాలుష్య సమస్యగా మారింది. రోజుకు 7వేల టన్నుల చెత్తను డంప్ చేయడంతో గాలి, భూగర్భ జలాలు విషతుల్యమవుతున్నాయి. ఈ కాలుష్యం 30 కిలో మీటర్ల పరిధి వరకు ప్రభావం చూపుతోంది. కాలిఫోర్నియా యూనివర్సిటీ సర్వే ప్రకారం, ప్రపంచంలోని 25 ప్రధాన చెత్త నిర్వహణ కేంద్రాల్లో జవహర్‌నగర్ యార్డు నాలుగో స్థానంలో ఉంది. బీజేపీ ఎంపీ ఈటల రాజేందర్ ఈ సమస్యపై ఈ నెల 27న పాదయాత్రకు సిద్ధమయ్యారు.

23-10-2026 | 05:55am

గాంధీ ఆసుపత్రిలో విషాదం

జవహర్ నగర్: గంజాయి మత్తులో కన్న కొడుకు మాధురి పవన్ (25) తన తండ్రి మాధురి నాగరాజు (53)పై సుత్తి, రోలుతో దాడి చేశాడు. అక్టోబర్ 22 తెల్లవారుజామున జరిగిన ఈ ఘటనలో తీవ్రంగా గాయపడిన నాగరాజు గాంధీ ఆసుపత్రిలో చికిత్స పొందుతున్నారు. బాధితురాలి సోదరి మాధురి సుందర్ ఫిర్యాదు మేరకు పోలీసులు పవన్‌పై హత్యాయత్నం కేసు నమోదు చేసి, రిమాండ్‌కు తరలించినట్లు జవహర్ నగర్ ఎస్ హెచ్ ఓ సైదులు వెల్లడించారు.

22-10-2026 | 09:28pm

పాదయాత్రగా శబరిమలై బయలుదేరిన అయ్యప్ప మాలాదారులు

ఘట్ కేసర్, అక్టోబర్ 22 (విజయక్రాంతి) : ఘట్ కేసర్ పట్టణం శివారెడ్డిగూడలోని శ్రీమల్లిఖార్జున ప్రసన్నాంజనేయస్వామి ఆలయంలో ఇరుముడి కట్టుకున్న పలువురు అయ్యప్ప మాలాదారులు గురువారం పాదయాత్రగా శబరిమలైలోని శ్రీఅయ్యప్పస్వామి ఆలయానికి స్వామి వారి దర్శనానికై బయలుదేరారు.

22-10-2026 | 09:22pm

నూతన సీఐ పి. కిరణ్‌ కు శుభాకాంక్షలు

ఘట్ కేసర్: ఘట్ కేసర్ ఇన్ స్పెక్టర్ గా నూతనంగా బాధ్యతలు చేపట్టిన పి. కిరణ్ ని మాజీ సర్పంచ్ అబ్బసాని యాదగిరి యాదవ్ గురువారం మర్యాదపూర్వకంగా కలిసి శుభాకాంక్షలు తెలిపారు. ఈ సందర్భంగా ఘట్కేసర్ పట్టణంలో శాంతిభద్రతల పరిరక్షణకు, ప్రజా సమస్యల పరిష్కారానికి జన చైతన్య సేవా సమితి తరపున పూర్తి సహకారం అందిస్తామని యాదగిరియాదవ్ సీఐ కిరణ్ కి వెల్లడించారు. ప్రజలకు మెరుగైన సేవలు అందించడంలో పోలీసు శాఖతో కలిసి పనిచేస్తామని పేర్కొన్నారు.

22-10-2026 | 08:42pm

ఘనంగా పండుగ సాయన్న జయంతి వేడుకలు

ఘట్ కేసర్: ఘట్ కేసర్ పట్టణ ముదిరాజ్ సంఘం అధ్యక్షులు చంద్రశేఖర్ ముదిరాజ్ ఆధ్వర్యంలో పండుగ సాయన్న ముదిరాజ్ 174వ జయంతి వేడుకలను ఘనంగా నిర్వహించారు. సీఎం రేవంత్ రెడ్డి నేతృత్వంలోని ప్రజా ప్రభుత్వం తొలిసారిగా సాయన్న జయంతిని అధికారికంగా నిర్వహించడం అభినందనీయమని చంద్రశేఖర్ ముదిరాజ్ పేర్కొన్నారు. అణగారిన వర్గాల అభ్యున్నతికి సాయన్న చేసిన కృషిని కొనియాడారు. ఈ కార్యక్రమంలో పలువురు ముదిరాజ్ నాయకులు పాల్గొన్నారు.

22-10-2026 | 08:01pm