Breaking News

క్రిమినల్స్‌తో ఫ్రెండ్లీగా ఉండొద్దు: సీఎం • మున్సిపల్ ఎన్నికల్లో సుప్రీం కీలక ఆదేశాలు • SBI Data Leak: కస్టమర్ల వివరాలు డార్క్ వెబ్‌లోకి! • టీ20లో టీమిండియా ఊచకోత.. 3-0తో క్లీన్ స్వీప్! • చెన్నైలో భారీ వర్షాలు.. 5 జిల్లాల్లో స్కూళ్లకు సెలవు! • పంటలతో పాటు సోలార్ పవర్.. రైతులకు డబుల్ ఆదాయం! • భారత్‌కు పోలాండ్ ప్రధాని.. మోదీతో భేటీ.. బంధం బలోపేతం • ఏపీలో పల్లెపోరు షురూ.. నేటి నుంచే నామినేషన్లు • ఒక్కడే @400.. రంజీ ట్రోఫీలో చిన్మయ్ చరిత్ర • ఏళ్ల‌ భూ స‌మ‌స్య‌ల‌కు పరిష్కారం •

Districts - Medchal Malkajgiri

ఘనంగా దసరా పండుగ వేడుకలు

చేగుంట: చేగుంట మండలంలో దసరా పండుగ వేడుకలు అక్టోబర్ 21న ఘనంగా జరిగాయి. గ్రామాలలో ఉదయం ఆలయాల వద్ద జాతీయ జెండాలను ఎగురవేసి, సాయంత్రం జమ్మి చెట్లకు పూజలు నిర్వహించారు. రావణ దహన కార్యక్రమం అనంతరం ఆలయాలలో ప్రత్యేక పూజలు చేశారు. చందాయిపేట్ పురాతన బుర్జును విద్యుత్ దీపాలతో అలంకరించారు. రాత్రి ఆర్కెస్ట్రా కార్యక్రమాలు నిర్వహించినట్లు తెలిసింది.

21-10-2026 | 02:46pm

ఘనపురం గౌడ సంఘం భవనం ప్రారంభం

ఘట్ కేసర్: ఎదులాబాద్ డివిజన్ పరిధిలోని ఘనపురం గౌడ సంఘం నూతన భవనాన్ని ఘనపురం మాజీ సర్పంచ్ వేముల మమత మహేష్ గౌడ్ సోమవారం ప్రారంభించారు. గౌడ సంఘం అధ్యక్షులు వేముల పరమేష్ గౌడ్ ఆధ్వర్యంలో ఈ ప్రారంభోత్సవ కార్యక్రమం అంగరంగ వైభవంగా జరిగింది. అనంతరం సంఘ భవనంలో నిర్వహించిన గణపతి హోమం, పూజా కార్యక్రమంలో పలువురు నాయకులు పాల్గొన్నారు.

19-10-2026 | 08:38pm

మహిళ పట్ల అసభ్యకర వ్యాఖ్యలు.. వెంబడించి వేధింపులు

మేడిపల్లి: అక్టోబర్ 18న రాత్రి చర్లపల్లి రైల్వే స్టేషన్ నుండి ఇంటికి వెళ్తున్న 29 ఏళ్ల మహిళను, ఆమె భర్తతో కలిసి స్కూటీపై వెళ్తుండగా, కారులో వెంబడించి అసభ్యకర వ్యాఖ్యలు చేస్తూ భయభ్రాంతులకు గురిచేసిన ఘటన మేడిపల్లి పోలీస్ స్టేషన్ పరిధిలో చోటుచేసుకుంది. బాధితురాలి ఫిర్యాదు మేరకు పోలీసులు కావటి ప్రణయ్ కౌశిక్, కోట వెంకట్, సిసలా రాజేష్, రాయుడు రాజకుమార్‌లను అరెస్టు చేసి కారును స్వాధీనం చేసుకున్నారని తెలిసింది. మహిళల పట్ల అసభ్యకరంగా ప్రవర్తిస్తే చట్టపరమైన చర్యలు తీసుకుంటామని పోలీసులు వెల్లడించారు.

19-10-2026 | 07:33pm

అన్నదాన కార్యక్రమాన్ని ప్రారంభించిన ఏనుగు సుదర్శన్ రెడ్డి

ఘట్ కేసర్: పోచారం డివిజన్ ప్రతాపసింగారంలో శ్రీ దేవి శరన్నవరాత్రి ఉత్సవాల్లో భాగంగా దుర్గ భవాని కమిటీ ఆధ్వర్యంలో ఏర్పాటు చేసిన శ్రీదుర్గాభవాని మండపం ఆవరణలో వై.ఎస్.రెడ్డి ట్రస్ట్ ఆధ్వర్యంలో అన్నప్రసాద వితరణ కార్యక్రమం ఘనంగా జరిగింది. మేడ్చల్ నియోజకవర్గ బీజేపీ ఇన్‌చార్జి, మాజీ ఎంపీపీ ఏనుగు సుదర్శన్ రెడ్డి అన్నప్రసాద దాతగా వ్యవహరించి, అమ్మవారికి ప్రత్యేక పూజలు నిర్వహించి, అన్నదాన కార్యక్రమాన్ని ప్రారంభించారు. దివంగత ఏనుగు సంగీత రెడ్డి స్మారకార్థం ఈ కార్యక్రమం నిర్వహించారు.

19-10-2026 | 07:18pm

ఇంటిగ్రేటెడ్ ప్రభుత్వ పాఠశాలకు భూమి పూజ

మేడ్చల్: దుండిగల్ మున్సిపాలిటీ పరిధిలోని డిపోచంపల్లిలో రౌండ్ టేబుల్ ఇండియా ఏరియా 9 ఆధ్వర్యంలో నిర్మించనున్న ఇంటిగ్రేటెడ్ ప్రభుత్వ పాఠశాలకు ప్రభుత్వ మెట్రోపాలిటన్ ఏరియా, పట్టణాభివృద్ధి శాఖ ప్రత్యేక ప్రధాన కార్యదర్శి జేఎస్ రంజన్ భూమి పూజ చేశారు. వెనుకబడిన వర్గాల పిల్లలకు నాణ్యమైన విద్యను అందించడమే లక్ష్యమని ఆయన పేర్కొన్నారు. ఈ పాఠశాల పరిసర ప్రాంతాల పిల్లలకు ఎంతో ప్రయోజనం చేకూరుతుందని అదనపు కలెక్టర్ ఫైజాన్ అహ్మద్ వెల్లడించారు. ఈ కార్యక్రమంలో పలువురు ప్రముఖులు పాల్గొన్నారు.

19-10-2026 | 06:33pm

వైభవంగా దేవీ నవరాత్రి ఉత్సవాలు

మల్కాజిగిరి: శ్రీదేవి నవరాత్రి ఉత్సవాలు ప్రజల్లో భక్తిభావాన్ని, ఆధ్యాత్మిక చింతనను పెంపొందిస్తాయని ఎమ్మెల్యే మర్రి రాజశేఖర్ రెడ్డి అన్నారు. నేరేడ్‌మెట్, వినాయక్ నగర్, మౌలాలి డివిజన్‌లోని కాకతీయ నగర్ తదితర ప్రాంతాల్లో ఏర్పాటు చేసిన 15 అమ్మవారి మండపాలను ఆయన దర్శించుకుని ప్రత్యేక పూజలు నిర్వహించారు. ఈ ఉత్సవాలు సమాజంలో ఐక్యత, సోదర భావం, సామరస్యాన్ని బలోపేతం చేస్తాయని పేర్కొన్నారు. ఘట్‌సర్, నాగోల్‌లోనూ నాయకులు అమ్మవారిని దర్శించుకున్నారు.

19-10-2026 | 05:30am

వైభవంగా దుర్గామాత మండపం వద్ద హోమం

ఘట్ కేసర్: ఎదులాబాద్ డివిజన్ పరిధిలోని అవుషాపూర్ లో ఆదివారం శ్రీ దుర్గా దేవి ఉత్సవ కమిటీ ఆధ్వర్యంలో హోమం కార్యక్రమాన్ని వైభవంగా నిర్వహించారు. ఈ కార్యక్రమంలో అమ్మవారి దీక్ష చేపట్టిన భక్తులు పెద్ద సంఖ్యలో పాల్గొన్నారు. పన్నాల కొండల్ రెడ్డి, సత్యనారాయణ, పరశురాం, శ్రీనివాస్, వినయ్ రెడ్డి తదితరులు పాల్గొన్నట్లు తెలిసింది.

18-10-2026 | 08:52pm

అత్యంత వైభవంగా సద్దుల బతుకమ్మ సంబురాలు

ఘట్ కేసర్: ఘట్ కేసర్ సర్కిల్ ప్రాంత ప్రజలు ఆదివారం రాత్రి సద్దుల బతుకమ్మ సంబురాలను అత్యంత వైభవంగా జరుపుకున్నారు. ఆయా ప్రాంతాలలోని కూడళ్ల వద్ద మహిళలు బతుకమ్మలను పెట్టి ఆటపాటలతో అలరించారు. సద్దుల బతుకమ్మ సందర్భంగా గ్రామాలలో విద్యుత్ లైటింగ్, డీజీఏ సౌండ్ సిస్టంలతో పాటు బతుకమ్మల నిమజ్జన ఏర్పాట్లను ఘనంగా నిర్వహించారు. మహిళలు, యువతులు, స్థానిక నాయకులు పెద్ద సంఖ్యలో పాల్గొని బతుకమ్మ ఆటాడి నిమజ్జనం చేసినట్లు తెలిసింది.

18-10-2026 | 08:49pm

భద్రతకు భరోసాలో పోలీసుల ముందంజ..

జవహర్ నగర్: మల్కాజ్గిరి మున్సిపల్ కార్పొరేషన్ పరిధిలోని కేసీఆర్ నగర్‌లో తప్పిపోయిన ఇద్దరు మైనర్ పిల్లలు ఈశ్వర్ (15), మహేందర్ (7)లను జవహర్ నగర్ పోలీసులు 90 నిమిషాల్లో సురక్షితంగా గుర్తించి వారి తల్లి పులికంటి అనురాధకు అప్పగించారు. ప్రజల సంక్షేమమే లక్ష్యంగా పోలీసులు పనిచేస్తున్నారని ఎస్.హెచ్.ఓ. సైదులు ఈ సందర్భంగా వెల్లడించారు. తల్లి అనురాధ పోలీసులకు కృతజ్ఞతలు తెలిపారు.

18-10-2026 | 08:42pm

భక్తిశ్రద్ధలతో సద్దుల బతుకమ్మ సంబరాలు

మేడిపల్లి: బోడుప్పల్ సర్కిల్ పరిధిలోని మేడిపల్లిలో సద్దుల బతుకమ్మ ఉత్సవాలను ఆడపడుచులు అక్టోబర్ 18న భక్తిశ్రద్ధలతో, ఉత్సాహంగా నిర్వహించారు. తెలంగాణ సంస్కృతి, సంప్రదాయాలకు ప్రతీకగా నిలిచే ఈ పండుగ సందర్భంగా మహిళలు వివిధ రకాల పూలతో బతుకమ్మలను పేర్చి ప్రత్యేక పూజలు చేశారు. సంప్రదాయ దుస్తుల్లో బతుకమ్మ పాటలు పాడుతూ, కోలాటాలు, ఆటపాటలతో సందడి చేసినట్లు తెలిసింది.

18-10-2026 | 08:20pm

జగన్మాత దుర్గాదేవి... ఆశీస్సులు ప్రజలందరిపై ఉండాలి

జవహర్ నగర్: మల్కాజ్‌గిరి ఎంపీ ఈటల రాజేందర్ చంద్రపురి కాలనీలోని అరుంధతి నగర్ సాయిబాబా దేవాలయం వద్ద అన్నప్రసాద వితరణ కార్యక్రమాన్ని ప్రారంభించారు. దుర్గాదేవి ఆశీస్సులు ప్రజలందరిపై ఉండాలని, ప్రతి ఒక్కరూ ఆయురారోగ్యాలతో సుఖసంతోషాలతో ఉండాలని ఆయన ఆకాంక్షించారు. దేవీ నవరాత్రుల సందర్భంగా ఆధ్యాత్మిక, సేవా కార్యక్రమాలు భక్తి భావం, సామాజిక ఐక్యతను పెంపొందిస్తాయని ఈటల రాజేందర్ పేర్కొన్నారు. ఈ కార్యక్రమంలో బిజెపి రాష్ట్ర కార్యవర్గ సభ్యులు ఏనుగు సుదర్శన్ రెడ్డి తదితరులు పాల్గొన్నారు.

18-10-2026 | 08:12pm

వర్షాల కోసం ముస్లిం సోదరుల ప్రత్యేక ప్రార్థనలు

ఘట్ కేసర్: ఎదులాబాద్ డివిజన్‌లోని మర్పల్లిగూడ మస్జిద్-ఏ-బిలాల్ ఆవరణలో ఆదివారం ముస్లిం సోదరులు ప్రత్యేక ప్రార్థనలు నిర్వహించారు. వర్షాలు సమృద్ధిగా కురిసి నదులు, చెరువులు నిండాలని, రైతులకు మేలు జరగాలని, పర్యావరణ భూతాపం తగ్గాలని, ప్రజలకు మంచినీటి కొరత లేకుండా జీవరాశులన్నింటికీ మంచి నీరు అందాలని, ప్రపంచవ్యాప్తంగా పంటలు సమృద్ధిగా పండాలని అల్లాహ్‌ను వేడుకున్నారు. ఘట్కేసర్ ఖాజీ, హఫీస్ అబ్దుల్ సమద్ ఈ ప్రార్థనలు నిర్వహించారు.

18-10-2026 | 06:54pm

అమ్మవారి సేవలో వేముల మహేష్ గౌడ్

ఘట్ కేసర్: పోచారం డివిజన్‌లోని ఇస్మాయిల్ ఖాన్ గూడలో శ్రీ దేవి శరన్నవరాత్రుల సందర్భంగా యువజన సంఘాలు ప్రతిష్టించిన దుర్గమాత అమ్మవారిని మేడ్చల్ జిల్లా కాంగ్రెస్ పార్టీ ఉపాధ్యక్షులు వేముల మహేష్ గౌడ్ దర్శించుకుని ప్రత్యేక పూజలు నిర్వహించారు. ఈ కార్యక్రమానికి జిల్లా కాంగ్రెస్ పార్టీ ప్రధాన కార్యదర్శి ఇటీక్యాల కృష్ణరెడ్డి, గ్రామ పెద్దలు ఆహ్వానించారు. అనంతరం అన్నదాన కార్యక్రమాన్ని ప్రారంభించారు. ఈ కార్యక్రమంలో పలువురు నాయకులు, భక్తులు పెద్ద సంఖ్యలో పాల్గొన్నారు.

18-10-2026 | 06:45pm

ఊరెళ్తున్నారా జాగ్రత్త.!

ఘట్ కేసర్: దసరా సెలవుల్లో ప్రజలు తమ ఇళ్ల భద్రతకు తీసుకోవాల్సిన జాగ్రత్తలను ఘట్ కేసర్ ఇన్ స్పెక్టర్ పి. కిరణ్ వివరించారు. ఇంట్లో బంగారం, వెండి, నగదు ఉంచవద్దని, బ్యాంక్ లాకర్లలో పెట్టాలని సూచించారు. సీసీటీవీ కెమెరాలు, అలారాలు, సెంట్రల్ లాక్‌లు ఏర్పాటు చేసుకోవాలని, ప్రయాణ వివరాలను సోషల్ మీడియాలో పంచుకోవద్దని తెలిపారు. అనుమానాస్పద వ్యక్తులు కనిపిస్తే 100/112 లేదా రాచకొండ పోలీస్ కంట్రోల్ రూమ్ నంబర్లకు డయల్ చేయాలని పేర్కొన్నారు.

18-10-2026 | 04:21pm