Breaking News

హఫీజ్‌పేటలో భారీ అగ్నిప్రమాదం • కొనుగోలుదారులకు గుడ్‌న్యూస్ • దేశవ్యాప్తంగా విమానాల నిలిపివేత • హైదరాబాద్‌ చేరుకున్న రాహుల్ గాంధీ • 206 మంది అరెస్ట్ • విమాన సర్వీసులకు అంతరాయం • ప్రముఖ నటుడికి తీవ్ర గాయాలు • రేవంత్ సర్కార్‌పై గాదరి కిషోర్ ఫైర్‌ • భూములు అమ్మితే ఊరుకోం.. హరీశ్ వార్నింగ్‌ • రూ.100 కోట్ల ప్రచారమా? రాహుల్‌కు కేటీఆర్‌ ప్రశ్నలు •

Districts - Mulugu

మిర్చి రైతులకి ధనుకా అవగాహనా సదస్సు

ములుగు జిల్లా: కన్నాయిగూడెం మండలం ముప్పనపల్లిలో హారిక ఫర్టిలైజర్, ధనుకా అగ్రిటెక్ ప్రైవేట్ లిమిటెడ్ కంపెనీ ఆధ్వర్యంలో మిర్చి రైతులకు అవగాహనా సదస్సు నిర్వహించారు. ధనుకా కంపెనీ ప్రొడక్ట్స్ డిసైడ్, లానివో, మోర్టార్ వంటి మందుల పనితనంపై ప్రాజెక్టర్ సహాయంతో వివరించారు. వరంగల్ ఏరియా మేనేజర్ శ్రీనివాస్ మాట్లాడుతూ ధనుకా కంపెనీ 1980లో స్థాపించబడిందని, 90కి పైగా ఉత్పత్తులను విక్రయిస్తుందని తెలిపారు. మిర్చి పంటలో వచ్చే వ్యాధులపై అప్రమత్తంగా ఉండాలని రైతులకు అవగాహనా కల్పించారు. ఈ సదస్సులో 150-170 మంది రైతులు పాల్గొన్నారు.

13-11-2026 | 11:10pm

నూతన సీఐ గా శ్రీధర్ బాధ్యతల స్వీకరణ

వెంకటాపురం: వెంకటాపురం మండల కేంద్రంలో నూతన సీఐగా శ్రీధర్ శుక్రవారం బాధ్యతలు స్వీకరించారు. అసాంఘిక కార్యక్రమాలకు పాల్పడే వారిపై సమాచారం అందించాలని, శాంతిభద్రతల పరిరక్షణకు, నేరాల నియంత్రణకు ప్రాధాన్యత ఇస్తామని ఆయన పేర్కొన్నారు. ప్రజలు తమ సమస్యలను నిర్భయంగా పోలీసుల దృష్టికి తీసుకురావాలని, వాటి పరిష్కారానికి చట్టపరమైన చర్యలు తీసుకుంటామని తెలిపారు.

13-11-2026 | 10:54pm

డిప్యూటీ తాసిల్దార్ ని కలిసిన కాంగ్రెస్ నాయకులు

వెంకటాపురం: వెంకటాపురం మండలం తాసిల్దార్ కార్యాలయంలో నూతనంగా బదిలీపై వచ్చిన డిప్యూటీ తహసిల్దార్ టీ నేతాజీని శుక్రవారం కాంగ్రెస్ పార్టీ నాయకులు మర్యాదపూర్వకంగా కలిసి శాలువా కప్పి అభినందనలు తెలిపారు. ఈ కార్యక్రమంలో ములుగు జిల్లా కాంగ్రెస్ పార్టీ ఉపాధ్యక్షులు ధనపినేని వెంకటేశ్వర్లు, కొండపర్తి సీతాదేవి, శ్రీరాముల రమేష్ బాబు, వెంకటాపురం నూగూరు సర్పంచ్ ఇండ్ల శ్రీనివాస్ తదితరులు పాల్గొన్నారు.

13-11-2026 | 07:37pm

మత్తు ముప్పు: వ్యక్తికే కాదు, వ్యవస్థకూ శాపం

వెంకటాపురం: నూగూరులోని కాఫీడ్ స్వచ్ఛంద సంస్థ ప్రాంగణంలో యువతకు డ్రగ్స్ వ్యతిరేక ర్యాలీ, అవగాహన కార్యక్రమం నిర్వహించారు. జిల్లా సంక్షేమ అధికారి, ఎస్.వి.ఈ.ఈ.పి. నోడల్ ఆఫీసర్ ఈ.పి. ప్రేమలత ముఖ్య అతిథిగా మాట్లాడుతూ డ్రగ్స్ సమాజానికి పెను ముప్పు అని, యువత ఓటు హక్కును వినియోగించుకోవాలని సూచించారు. కాఫెడ్ డైరెక్టర్ బ్రదర్ లూర్దు రాజ్ మాట్లాడుతూ యువత డ్రగ్స్ బారిన పడకుండా సరైన మార్గనిర్దేశం చేయడమే ఈ కార్యక్రమ లక్ష్యం అని తెలిపారు. ఐసిడిఎస్ సిడిపిఓ ఆర్. ఇందిరమ్మ బాల్య వివాహాలపై, ములుగు జిల్లా బాలల పరిరక్షణ విభాగం ప్రొటెక్షన్ ఆఫీసర్ ఎన్. హరికృష్ణ పోక్సో చట్టంపై అవగాహన కల్పించారు. ఈ కార్యక్రమంలో 400 మందికి పైగా యువకులు పాల్గొన్నారు.

13-11-2026 | 06:42pm

దోమల మందు పిచికారీ

ఏటూరునాగారం: ఐటీడీఏ ప్రాజెక్ట్ ఆఫీసర్ లెనిన్ వత్సల్ టాపో ఆదేశాల మేరకు, ఐటీడీఏ ఏజెన్సీ డిప్యూటీ డియంహెచ్ఓ కోరం క్రాంతికుమార్ ఆధ్వర్యంలో కొండాయి పరిధిలోని కొండాయి, మల్యాల, దొడ్లకోతురు గ్రామాలలో శుక్రవారం దోమల మందు పిచకారి చేశారు. ఈ కార్యక్రమంలో సర్పంచ్ ఆలం మానస, ఉపసర్పంచ్ పాయం సుబయ్య, హెల్త్ అసిస్టెంట్ భాస్కర్ రావు, ఏఎన్ఎం సమ్మక్క, లోకల్ ఆశలు లక్ష్మి, జ్యోతి, భాగ్యలక్ష్మి, సునీత పాల్గొన్నారు.

13-11-2026 | 05:06pm

కేజీబీవీ బాలికలకు వాక్సిన్ కార్యక్రమం

ములుగు జిల్లా కన్నాయిగూడెం ప్రాథమిక ఆరోగ్య కేంద్రం పరిధిలోని ముప్పనపల్లి కస్తూర్బా పాఠశాలలో డాక్టర్ క్రాంతి కుమార్ ఆధ్వర్యంలో శుక్రవారం హ్యూమన్ పాపిలోమా వైరస్ (HPV) నివారణ వ్యాక్సినేషన్ కార్యక్రమం నిర్వహించారు. ఈ కార్యక్రమంలో 14 సంవత్సరాలు నిండిన 20 మంది బాలికలకు HPV వ్యాక్సిన్ అందించారు. HPV వ్యాక్సిన్ ద్వారా భవిష్యత్తులో గర్భాశయ ముఖద్వార క్యాన్సర్ వచ్చే ప్రమాదాన్ని తగ్గించవచ్చని వైద్య సిబ్బంది వివరించారు. ఈ సందర్భంగా క్యాన్సర్ నివారణ, మహిళా ఆరోగ్యంపై అవగాహన కల్పించారు.

13-11-2026 | 04:02pm

అటవీ సంపదను కాపాడేందుకు సమన్వయంతో పనిచేయాలి

ములుగు: అడవుల సంరక్షణ ద్వారానే పర్యావరణ సమతుల్యతను కాపాడగలమని జిల్లా కలెక్టర్ బోర్ఖడే హేమంత్ సహదేవరావు అన్నారు. నవంబర్ 13న జిల్లా సమీకృత కలెక్టరేట్‌లో జరిగిన జిల్లా స్థాయి అటవీ పరిరక్షణ కమిటీ సమావేశంలో ఆయన ఈ వ్యాఖ్యలు చేశారు. అటవీ భూముల ఆక్రమణ, అక్రమ చెట్ల నరికివేత, కలప అక్రమ రవాణాపై రెవెన్యూ, అటవీ, పోలీస్ శాఖలు సంయుక్త చర్యలు తీసుకోవాలని, ఉల్లంఘనదారులపై తక్షణ చర్యలు తీసుకోవాలని ఆదేశించారు. జిల్లా అటవీ అధికారి వికాస్ మీనా, ఎస్పీ సుధీర్ రామ్నాథ్ కేకన్, ఐటీడీఏ పీఓ లెనిన్ వత్సల్ టోప్పో ఈ సమావేశంలో పాల్గొన్నారు.

13-11-2026 | 03:08pm

రాజన్నపేట శివారులో ముమ్మరంగా రీ సర్వే

ములుగు జిల్లా కన్నాయిగూడెం: ప్రభుత్వం ప్రతిష్టాత్మకంగా చేపట్టిన రీ సర్వే పనులను వేగవంతం చేయాలని మండల తహశీల్దార్ ఎం.డి. సర్వర్ అన్నారు. శుక్రవారం రాజన్నపేట శివారులో సర్వే జరుగుతున్న ప్రదేశాన్ని ఆకస్మికంగా తనిఖీ చేసి, భూమి ఖచ్చితమైన హద్దులను సర్వేయర్లకు చూపించాలని సూచించారు. ఈ సందర్భంగా రైతులకు రీసర్వేపై అవగాహన కల్పించారు. ఈ కార్యక్రమంలో డిప్యూటీ తహశీల్దార్ కిషోర్ కుమార్, ఆర్ఐ త్రివేణి బాబు, జిపిఓ బలరాం, సర్వేయర్లు ఆనంద్, బుచ్చిబాబు, రైతులు పాల్గొన్నారు.

13-11-2026 | 02:57pm

పంటలను పరిశీలించిన వ్యవసాయ అధికారి

ములుగు జిల్లా కన్నాయిగూడెం మండలంలోని బుట్టాయిగూడెం, ముప్పనపల్లి గ్రామాల్లో మండల వ్యవసాయ అధికారి ముంజ మహేష్ మిరప పంటలను పరిశీలించారు. వేరుకుళ్లు, కొమ్మకుళ్లు, ఆకుముడత, నల్ల తామర పురుగు వంటి తెగుళ్లు, పురుగుల పట్ల అప్రమత్తంగా ఉండాలని రైతులకు సూచించారు. సరైన మోతాదులో సిఫారసు చేసిన మందులను మాత్రమే వాడాలని, సమగ్ర సస్యరక్షణ పద్ధతులు పాటించడం ద్వారా పెట్టుబడి ఖర్చులు తగ్గించుకోవచ్చని తెలిపారు. సమస్యల నివారణకు 8977751150 నంబర్‌లో వ్యవసాయ అధికారిని సంప్రదించవచ్చని పేర్కొన్నారు.

13-11-2026 | 02:51pm

నాగుల చవితి వేడుకలు భక్తిశ్రద్ధలతో భక్తుల సందడి

వెంకటాపురం మండలంలోని వివిధ గ్రామాల్లో శుక్రవారం నాగుల చవితి వేడుకలు భక్తిశ్రద్ధలతో ఘనంగా నిర్వహించారు. కార్తీక మాసం శుక్లపక్ష నాగుల చవితి సందర్భంగా మహిళలు, కుటుంబ సభ్యులు సంప్రదాయ దుస్తులు ధరించి పుట్టల వద్దకు చేరుకున్నారు. నాగేంద్రుడికి పూజలు నిర్వహించి పుట్టలో పాలు పోసి మొక్కులు చెల్లించుకున్నారు. అయ్యప్ప మాలధారణ చేసిన స్వాములు సైతం పూజలు నిర్వహించినట్లు తెలిసింది.

13-11-2026 | 02:34pm

నవంబర్ 15న చలో నల్గొండ: ఏఐకేఎస్

వెంకటాపురం: నవంబర్ 15 నుండి 18 వరకు జరిగే అఖిల భారత రైతు సంఘం 36వ జాతీయ మహాసభలను జయప్రదం చేయాలని రైతు సంఘం మండల కార్యదర్శి కంటెం సత్యం వాల్ పోస్టర్‌ను విడుదల చేశారు. ఈ సందర్భంగా జిల్లా కార్యదర్శి తుమ్మల వెంకటరెడ్డి మాట్లాడుతూ, కేంద్ర ప్రభుత్వం స్వేచ్ఛా వాణిజ్యం పేరుతో విదేశాల నుండి వ్యవసాయ ఉత్పత్తుల దిగుమతికి అవకాశం కల్పించి రైతులను దెబ్బతీస్తోందని పేర్కొన్నారు. రుణమాఫీ, మద్దతు ధర చట్టం, పెన్షన్, ఉచిత విద్యుత్ వంటి సమస్యలపై ఈ మహాసభలలో చర్చిస్తారని తెలిపారు.

13-11-2026 | 02:31pm

ఓటరుగా నమోదు కావడం ప్రతీ ఒక్కరికీ సామాజిక బాధ్యత

ములుగు, నవంబర్ 12: ఓటరుగా నమోదు చేసుకోవడం, ఓటు హక్కు వినియోగించుకోవడం ప్రతి ఒక్కరి సామాజిక బాధ్యత అని డి డబ్ల్యూఓ ఈపి ప్రేమలత అన్నారు. ములుగు ప్రభుత్వ జూనియర్ కళాశాలలో నిర్వహించిన ఓటరు నమోదు అవగాహన కార్యక్రమంలో ఆమె మాట్లాడుతూ, 18 సంవత్సరాలు నిండిన ప్రతి ఒక్కరూ ఓటరుగా నమోదు చేసుకొని, తమ ఓటును తప్పకుండా వినియోగించుకోవాలని సూచించారు. ఓటు వేయడం సమాజ అభివృద్ధికి దోహదపడుతుందని ఆమె పేర్కొన్నారు. ఈ కార్యక్రమంలో కళాశాల లెక్చరర్లు, సఖి సిఎ లావణ్య, హరికృష్ణ, సూపర్వైజర్ సుదర్శన్, కేసు వర్కర్ చంటి, విద్యార్థులు పాల్గొన్నారు.

12-11-2026 | 10:15pm

వినూత్న ఆలోచనలకు నిపుణుల మార్గదర్శకత్వం

ములుగు: గ్రామీణ ఆవిష్కర్తలు, ఔత్సాహిక పారిశ్రామికవేత్తలు తమ వినూత్న ఆలోచనలను వ్యాపార అవకాశాలుగా మార్చుకోవడానికి ఇన్నోవేషన్ పంచాయతీ కార్యక్రమాన్ని సద్వినియోగం చేసుకోవాలని జిల్లా పరిశ్రమల శాఖ జనరల్ మేనేజర్ సిద్ధార్థ రెడ్డి సూచించారు. గురువారం ములుగు జిల్లాలో తెలంగాణ ఇన్నోవేషన్ సెల్ ఆధ్వర్యంలో నిర్వహించిన ఈ కార్యక్రమంలో ములుగు, జయశంకర్ భూపాలపల్లి, మహబూబాబాద్ జిల్లాల నుండి 40 మందికి పైగా నిపుణులు మార్గదర్శకత్వం అందించారు. తొమ్మిది విడతలతో ఈ కార్యక్రమం విజయవంతంగా ముగిసింది.

12-11-2026 | 10:12pm

ఆర్టీఐ వేస్తే బూతుపురాణమా

వెంకటాపూర్: ప్రభుత్వ నిధుల వినియోగంపై సమాచారం కోరిన ఓ వ్యక్తిపై అధికార పార్టీ నాయకుడు దుర్భాషలాడినట్లు ఆరోపణలు వెల్లువెత్తాయి. మండలంలోని గ్రామపంచాయతీకి వచ్చిన నిధులు, ఖర్చుల వివరాలు తెలుసుకునేందుకు ఆర్టీఐ కింద దరఖాస్తు చేసుకోగా, ఆ నాయకుడు అసభ్య పదజాలంతో దూషించినట్లు స్థానికంగా చర్చ జరుగుతోంది. ప్రజాధనం ఖర్చుల వివరాలు తెలుసుకోవడం పౌరుడి హక్కు అని, సమాచారం అడిగిన వారిని దూషించడం సరికాదని పలువురు ప్రశ్నిస్తున్నారు.

12-11-2026 | 09:43pm