Mahabubnagar

Breaking News

మాదాపూర్ ఓయోలో డెడ్‎బాడీ..ప్రియుడే క్లియరా..! • గూగుల్‌కు భారీ షాక్.. రూ.4,433 కోట్ల జరిమానా..! • వందేమాతరం గీతాలాపనపై సుప్రీంకోర్టు కీలక వ్యాఖ్యలు • బాబోయ్ చిరుత.. భయం భయంగా భక్తులు • రేపే షియోమీ 18 ప్రో సిరీస్ లాంచ్ • కావేరి జలాల వివాదంలో సుప్రీంకోర్టు కీలక తీర్పు • పెన్షన్‌ ఫైల్‌కు లంచం డిమాండ్‌.. ఏసీబీ వలలో ఇద్దరు అధికారులు • రిమ్స్ అగ్నిప్రమాదంపై సీఎం దిగ్భ్రాంతి.. సమగ్ర విచారణకు ఆదేశం • ఆడపిల్లకే కాదు.. మగబిడ్డకూ రక్షణ కావాలి! • నోటిఫికేషన్‌ వేళ..దానంకు సుప్రీం విచారణ గండం! •

Districts - Mahabubnagar

బండ్రవల్లి వద్ద 7 ఇసుక టిప్పర్లు పట్టివేత

చిన్నచింతకుంట మండలం బండ్రవల్లి సమీపంలోని ఊకచెట్టు వాగు నుంచి అనుమతులు లేకుండా ఇసుక తరలిస్తున్న ఏడు టిప్పర్లను బీఆర్ఎస్ మండల అధ్యక్షుడు కోట రాములు ఆధ్వర్యంలో రైతులు, పార్టీ నాయకులు అడ్డుకున్నారు. వాహనాలకు అనుమతి పత్రాలు లేకపోవడంతో పోలీసులకు అప్పగించారు. అక్రమ రవాణాపై కేసు నమోదు చేసినట్లు తెలిపారు. నిబంధనలు ఉల్లంఘిస్తే కఠిన చర్యలు తీసుకోవాలని డిమాండ్ చేశారు.

22-09-2026 | 10:52am

పులి దాడికి యత్నం.. ప్రాణభయంతో పరుగులు తీసిన కౌలు రైతు

పులి ఒక్కసారిగా దాడికి యత్నించడంతో ఓ కౌలు రైతు ప్రాణభయంతో పరుగులు తీసిన ఘటన హన్వాడ మండలంలో చోటుచేసుకుంది. రామన్నపల్లి గ్రామానికి చెందిన దుప్పటి గట్టు కృష్ణయ్య తృటిలో ప్రమాదం నుంచి తప్పించుకున్నాడు. బాధితుడి కథనం మేరకు.. గొండ్లియల శివారు హత్యకుంట తండా స్మశానవాటిక సమీపంలోని పొలాన్ని కౌలుకు తీసుకున్న కృష్ణయ్య సోమవారం ట్రాక్టర్‌తో వ్యవసాయ పనులు చేస్తున్నాడు. ఈ క్రమంలో సమీపంలోని ఎల్లగొండ సావు అటవీ ప్రాంతం వైపు నుంచి ఒక్కసారిగా పులి తనవైపు దూసుకొచ్చిందని తెలిపాడు. చుట్టుపక్కల ఎవరూ లేకపోవడంతో తీవ్ర భయాందోళనకు గురైనట్లు పేర్కొన్నాడు.

21-09-2026 | 11:13pm

భక్తి గీతాలకు మహిళల సందడి

గండీడ్: సెప్టెంబర్ 21 (విజయక్రాంతి): మండల పరిధిలోని రెడ్డిపల్లి గ్రామం(Reddipalli Village)లో కట్టకాడ వినాయక మంటపం వద్ద మహిళలు భక్తిశ్రద్ధలతో భజన పాటలు పాడుతూ ఉత్సాహంగా నృత్యాలు చేశారు. వినాయకుడి సన్నిధిలో భక్తి గీతాలకు అనుగుణంగా మహిళలు చేసిన నృత్యాలు చూపరులను విశేషంగా ఆకట్టుకున్నాయి.

21-09-2026 | 10:25pm

గణేష్‌పై దాడి.. ఇద్దరిపై కేసు నమోదు

మండల పరిధిలోని జంగంరెడ్డిపల్లి గ్రామంలో గణపతి నిమజ్జనం అనంతరం ఇంటికి వెళ్తున్న వ్యక్తిపై ఇద్దరు దాడి చేసిన ఘటనపై కేసు నమోదైనట్లు మహ్మదాబాద్ ఎస్‌ఐ శేఖర్‌రెడ్డి తెలిపారు. గత మధ్యరాత్రి సుమారు 12:45 గంటల సమయంలో జంగంరెడ్డిపల్లి గ్రామానికి చెందిన కోస్గి గణేష్ కుమార్ నిమజ్జనం కార్యక్రమం అనంతరం ఇంటికి వెళ్తుండగా, అదే గ్రామానికి చెందిన బోయమోని హనుమంతు, బోయమోని సీనులు అతడిని అడ్డగించి కొట్టినట్లు ఫిర్యాదు అందిందని తెలిపారు.

21-09-2026 | 09:53pm

అక్రమ లేఅవుట్లపై చర్యలు తీసుకోవాలి

మండల కేంద్రంలో నిబంధనలకు విరుద్ధంగా, డీటీసీపీ అనుమతులు లేకుండా వెలుస్తున్న అక్రమ వెంచర్లపై తక్షణమే విచారణ జరిపి కఠిన చర్యలు తీసుకోవాలని వార్డు సభ్యులు ఎస్. శేఖర్, ఎండీ గౌస్ డిమాండ్ చేశారు. సోమవారం నిర్వహించిన ప్రజావాణి కార్యక్రమంలో భాగంగా తహసీల్దార్, ఎంపీడీవో, ఎంఈవోలకు వారు లిఖితపూర్వక వినతిపత్రం అందజేశారు. గ్రామ పరిధిలో కొందరు రియల్టర్లు ఎలాంటి ప్రభుత్వ అనుమతులు తీసుకోకుండా అక్రమంగా వ్యవసాయ భూములను ప్లాట్లుగా మార్చి విక్రయిస్తున్నారని ఆరోపించారు.

21-09-2026 | 08:52pm

విద్యార్థులకు నీటి సమస్య పరిస్కారం

రాజాపూర్ సెప్టెంబర్ 21: మండలంలోని తిర్మలాపూర్ గ్రామంలోని ప్రాథమిక పాఠశాలలో మంచి నీటి సమస్యను పరిష్కరించేందుకు కొత్త బోరు మోటార్ ను ఏర్పాటు చేసినట్లు గ్రామ సర్పంచ్ బంగారి సంతోష వెంకటేష్ తెలిపారు. ఈ సందర్భంగా సర్పంచ్ మాట్లాడుతూ పాఠశాలలో ఏ సమస్యలున్న సత్వరమే పరిష్కరిస్తామని సర్పంచ్ తెలిపారు.

21-09-2026 | 07:59pm

రైతులకు సాగునీరు విడుదల చేయాలి

జూరాల ప్రాజెక్టు నుంచి రైతులు వేసుకున్న పంటలకు సాగునీరు విడుదల చేయాలని బీఆర్ఎస్ పార్టీ మాజీ ఎమ్మెల్యే ఆల వెంకటేశ్వర్ రెడ్డి అన్నారు. సోమవారం భూత్పూర్ మండల పరిధిలోని అన్నాసాగర్ గ్రామంలో ఆయన నివాస గృహంలో ఏర్పాటు చేసిన విలేకరుల సమావేశం నిర్వహించారు . ఈ సందర్భంగా ఆల మాట్లాడుతూ జూరాల ప్రాజెక్టులో 8. 5 టీఎంసీల నీరు పుష్కలంగా ఉన్నప్పటికీ జూరాల కింద ఉన్న ఆయకట్టు రైతులకు నీళ్లు విడుదల చేయడంలో కాంగ్రెస్ ప్రభుత్వం విఫలమైందన్నారు.

21-09-2026 | 07:38pm

మద్ది గట్ల వినాయకుని లడ్డూ వేలం@రూ.1,70,016

భూత్పూర్: మండల పరిధిలోని మద్దిగట్ల గ్రామం వినాయకుని లడ్డుకు రికార్డు స్థాయిలో వేలం పలికింది. గణేష్ ఉత్సవాల(Ganesh festivities)లో భాగంగా ఆదివారం రాత్రి నిర్వహించిన లడ్డు వేలంలో గ్రామస్తులు ఉత్సాహంగా పాల్గొన్నారు. భక్తులు, గణేష్ ఉత్సవ కమిటీ సభ్యుల ఆధ్వర్యంలో నిర్వహించిన వేలంలో కూకుట్ల రామ్ రెడ్డి తనయుడు కూకుంట్ల ఆనంద రెడ్డి అత్యధికంగా 1, 70 వేల, 016 రూపాయల వేలంపాడి లడ్డూలు దక్కించుకున్నాడు.

20-09-2026 | 10:54pm

గణపతి మండపాలను సందర్శించిన మాజీ ఎమ్మెల్యే ఆల వెంకటేశ్వర్ రెడ్డి

కౌకుంట్ల : దేవరకద్ర నియోజకవర్గంలోని కౌకుంట్ల మండలం పేరూరు, వెంకంపల్లి గ్రామాల్లో ఏర్పాటు చేసిన పలు గణపతి మండపాలను మాజీ ఎమ్మెల్యే ఆల వెంకటేశ్వర్ రెడ్డి శనివారం సందర్శించారు. ఈ సందర్భంగా మండపాల్లో ప్రతిష్ఠించిన గణనాథునికి ప్రత్యేక పూజలు నిర్వహించారు.

20-09-2026 | 07:55pm

ఆపదలో ఆపన్నహస్తం.. మిత్రుడి కుటుంబానికి రూ.50వేల సాయం

మహబూబ్‌నగర్ జిల్లా, గండీడ్, సెప్టెంబరు 20, విజయక్రాంతి : మండల పరిధిలోని సల్కర్‌పేట్ గ్రామానికి చెందిన కావలి శ్రీను(43) అకాల మరణం చెందారు. విషయం తెలుసుకున్న మహబూబ్‌నగర్ జిల్లా ఎంవీఎస్ డిగ్రీ కాలేజ్ 2006 బ్యాచ్కు చెందిన తోటి మిత్రులు మానవతా దృక్పథంతో శ్రీను కుటుంబానికి ఆర్థిక సాయం అందించారు. మృతుడు శ్రీను భార్య కావలి పుష్ప, కుమార్తె సాత్విక, కుమారుడు గౌతమ్‌లకు రూ.50 వేల చెక్కును ఆర్థిక సాయం అందజేశారు.

20-09-2026 | 07:30pm

చిన్న వార్వాల్‌లో మహా రక్తదాన శిబిరం

మహబూబ్ నగర్ జిల్లా గండీడ్, సెప్టెంబర్ 20 విజయక్రాంతి: ప్రధాని నరేంద్ర మోదీ జన్మదిన వేడుకలను పురస్కరించుకుని బీజేపీ ఆధ్వర్యంలో చేపట్టిన సేవా కార్యక్రమాల్లో భాగంగా చిన్న వార్వాల్ గ్రామంలో మహా రక్తదాన శిబిరం నిర్వహించారు. బీజేపీ మండల అధ్యక్షుడు కె. విజయకుమార్ నాయకత్వంలో, కన్వీనర్ నరహరి రెడ్డి, కోకన్వీనర్లు బద్రిశ్వర్, రాజేశ్వరి ఆధ్వర్యంలో కార్యక్రమం జరిగింది. శిబిరానికి యువత, గ్రామ ప్రజలు విశేషంగా స్పందించారు.

20-09-2026 | 07:04pm

పండుగ సాయన్న విగ్రహ ప్రతిష్ఠాపనకు భూమిపూజ

మహబూబ్ నగర్ జిల్లా గండీడ్, సెప్టెంబరు 20, విజయక్రాంతి: మండల పరిధిలోని కొమిరెడ్డిపల్లి గ్రామంలో పండుగ సాయన్న విగ్రహ ప్రతిష్ఠాపన అక్టోబర్ 18న ప్రతిష్టాపించేందుకు ఆదివారం ఘనంగా భూమిపూజ నిర్వహించారు. ముదిరాజ్ సంఘం మండల అధ్యక్షులు బోయిని గోపాల్ ఆధ్వర్యంలో జరిగిన ఈ కార్యక్రమానికి గ్రామస్తులు, ముదిరాజ్ సంఘం నాయకులు, యువకులు పెద్ద సంఖ్యలో హాజరయ్యారు.

20-09-2026 | 06:59pm

పల్లవి పాఠశాలలో ఘనంగా వినాయక నిమజ్జనం

మహబూబ్ నగర్ జిల్లా మహమ్మదాబాద్, సెప్టెంబర్ 20 విజయక్రాంతి: మండల పరిధిలోని దేశాయిపల్లి చౌరస్తాలోగల పల్లవి పాఠశాలలో వినాయక చవితి వేడుకలు భక్తిశ్రద్ధలతో నిర్వహించారు. పర్యావరణ పరిరక్షణలో భాగంగా మట్టి వినాయకుడిని ప్రతిష్ఠించి ప్రత్యేక పూజలు, హారతి నిర్వహించారు. అనంతరం యాజమాన్యం, ఉపాధ్యాయులు, విద్యార్థుల సమక్షంలో నిమజ్జన కార్యక్రమం చేపట్టారు.

20-09-2026 | 03:48pm

కరెంటు కోతలతో ఎండిపోతున్న పంటలు

భూత్పూర్, సెప్టెంబర్ 19 : కరెంటు కోతలతో వ్యవసాయ పొలంలో వేసుకున్న పంటలు ఎండిపోతున్నాయని రైతులు ఆవేదన వ్యక్తం చేస్తున్నారు. శనివారం భూత్పూర్ మండల కేంద్రంలోని విద్యుత్ సబ్ స్టేషన్ ముందు బిఆర్ఎస్ పార్టీ ఆధ్వర్యంలో భారీ ధర్నా చేపట్టారు. ఈ సందర్భంగా మాజీ చైర్మన్ బస్వా రాజ్ గౌడ్ మాట్లాడుతూ రైతులు వేసుకున్న పంటలకు నీరు అందాల్సిన సమయంలో కరెంటు సరఫరా నిలిచిపోతున్నాడంతో పొలాలు ఎండిపోతున్నాయని ఆయన వాపోయారు.

19-09-2026 | 09:08pm