నీటిని పొదుపుగా వాడి కరువు పరిస్థితులను ఎదుర్కొందాం
మహబూబ్‌నగర్ రూరల్: ధర్మపురం జిల్లా పరిషత్ ఉన్నత పాఠశాలలో ఎల్‌నినో ప్రభావం, కరువు పరిస్థితులపై విద్యార్థులకు అవగాహన కార్యక్రమం నిర్వహించారు. న్యాయవాది తగిలి కృష్ణ నేతృత్వంలో పాలమూరు విశ్వవిద్యాలయ న్యాయ కళాశాల విద్యార్థులు నీటి, ఆహార కొరత, విద్యుత్ పొదుపు, వ్యవసాయంపై ఎల్‌నినో ప్రభావం వంటి అంశాలను వివరించారు. ప్రతి ఒక్కరూ నీరు, విద్యుత్, ఆహారం, ఇంధనాన్ని పొదుపుగా వినియోగించాలని తగిలి కృష్ణ సూచించారు. ఉపసర్పంచ్ భోలే యాదయ్య నీటి పొదుపు, ఇంకుడు గుంతలపై అవగాహన కల్పిస్తున్నట్లు తెలిపారు. కరువుపై మాట్లాడిన పదో తరగతి విద్యార్థిని వసంతకు రూ.500 నగదు బహుమతి అందజేశారు.
03-11-2026 | 08:35pm
