సోషల్ మీడియాలో చైల్డ్ పోర్నోగ్రఫీ వీడియోలు..

ఇద్దరు యువకుల అరెస్ట్‌

నిర్మల్ అక్టోబర్ 27 (విజయక్రాంతి): సోషల్ మీడియాలో చిన్నారులకు సంబంధించిన లైంగిక వీడియోలను అప్లోడ్‌ చేసి, ఇతరులు చూసేలా చేసిన ఇద్దరు యువకులను పోలీసులు అరెస్ట్‌(Arrest) చేసినట్టు సోన్ సీఐ గోవర్ధన్ రెడ్డి తెలిపారు. మంగళవారం సోన్ సర్కిల్ కార్యాలయంలో కేసుకు సంబందించిన వివరాలను వెల్లడించారు.

మామడ మండలం కమలకోట్ గ్రామానికి చెందిన యువకుడితో పాటు సోన్ మండలం సాకేరా గ్రామానికి చెందిన మరో యువకుడు వివిధ ఆన్లైన్‌ వెబ్ సైట్లలో అసభ్యకర చిత్రాలు, చిన్నారులకు సంబంధించిన లైంగిక వీడియోలను వీక్షించినట్లు తెలిపారు. అనంతరం వాటిని ఇతరులు చూసేలా తమ ఇన్‌స్టాగ్రామ్‌ ఖాతాల ద్వారా అప్లోడ్‌ చేసినట్లు పేర్కొన్నారు. దర్యాప్తు అనంతరం మంగళవారం ఇద్దరు యువకులను అరెస్ట్‌ చేసి రిమాండ్‌కు తరలించినట్లు సీఐ వెల్లడించారు.