దళారులను ఆశ్రయించొద్దు

పటాన్‌చెరు, అక్టోబర్ 22 (విజయక్రాంతి): రైతులు పండించిన ధాన్యానికి మద్దతు ధర (Minimum Support Price) పొందేందుకు ప్రభుత్వ కొనుగోలు కేంద్రాలను సద్వినియోగం చేసుకోవాలని పటాన్‌చెరు ఎమ్మెల్యే గూడెం మహిపాల్ రెడ్డి సూచించారు. ముత్తంగి డివిజన్ పరిధిలోని పోచారం గ్రామంలో పీఏసీఎస్ ముత్తంగి ఆధ్వర్యంలో ఏర్పాటు చేసిన వానాకాలం వరి ధాన్యం కొనుగోలు కేంద్రాన్ని గురువారం ఆయన ప్రారంభించారు.

ఈ సందర్భంగా ఎమ్మెల్యే మాట్లాడుతూ రైతులకు ఎలాంటి ఇబ్బందులు కలగకుండా ధాన్యం కొనుగోళ్లను పారదర్శకంగా నిర్వహించాలని అధికారులను ఆదేశించారు. దళారుల చేతుల్లో మోసపోకుండా ప్రభుత్వ కొనుగోలు కేంద్రాల్లోనే ధాన్యం విక్రయించి మద్దతు ధర పొందాలని రైతులకు విజ్ఞప్తి చేశారు.

ప్రభుత్వం సన్న వడ్ల ఏ గ్రేడ్‌కు క్వింటాలుకు రూ.2,461 మద్దతు ధరతో పాటు రూ.500 బోనస్ కలిపి మొత్తం రూ.2,961 చెల్లించనుందని తెలిపారు. రైతులు ప్రభుత్వ కొనుగోలు కేంద్రాల (Paddy Procurement Centres) ద్వారా ధాన్యం విక్రయించి ప్రభుత్వం కల్పిస్తున్న మద్దతు ధర, బోనస్ ప్రయోజనాలను పొందాలని సూచించారు. ఈ కార్యక్రమంలో పీఏసీఎస్ ముత్తంగి చైర్మన్ బిక్షపతి, డైరెక్టర్లు, నాయకులు, అధికారులు, రైతులు పాల్గొన్నారు.