ఆశ్రమ పాఠశాలలో సీఐ తనిఖీ

19-11-2026 | 11:17am

భద్రాద్రి కొత్తగూడెం జిల్లా, ములకలపల్లి (విజయక్రాంతి): విద్యార్థులు చదువుపైనే ప్రత్యేక దృష్టి సారించి చెడు అలవాట్లకు దూరంగా ఉండాలని పాల్వంచ పోలీస్ సీఐ సతీష్ సూచించారు. బుధవారం ములకలపల్లి మండలం కమలాపురంలోని ఆశ్రమ పాఠశాలను ఆకస్మికంగా తనిఖీ చేసి విద్యార్థులు, ఉపాధ్యాయులతో మాట్లాడారు.

ఈ సందర్భంగా ఆయన మాట్లాడుతూ భవిష్యత్తును నాశనం చేసే మత్తు పదార్థాలు, మాదకద్రవ్యాలకు (Drugs) అలవాటు పడవద్దని సూచించారు. క్రమశిక్షణ (Discipline)తో చదువుకుని ఉన్నత స్థానాలకు చేరుకోవాలని విద్యార్థులకు హితవు పలికారు.

అనంతరం పాఠశాల ఆవరణలో విద్యార్థుల సంరక్షణ కోసం చేపట్టిన చర్యలను పరిశీలించారు. హాస్టల్ భద్రత (Hostel Security)తో పాటు ఇతర సదుపాయాలను తనిఖీ చేసి, విద్యార్థుల రక్షణ విషయంలో తగిన జాగ్రత్తలు తీసుకోవాలని సూచించారు. ఈ కార్యక్రమంలో ములకలపల్లి ఎస్సై మధు ప్రసాద్, పాఠశాల ప్రధానోపాధ్యాయుడు బుచ్చి రాములు, సిబ్బంది పాల్గొన్నారు.

మరిన్ని వార్తలు