ప్రజల భద్రతే పోలీసుల ప్రాధాన్యత

భూపాలపల్లి టౌన్, అక్టోబర్ 10 ( విజయక్రాంతి ) : ప్రజల భద్రతే పోలీసుల ప్రాధాన్యత అని దసరా పండుగ సెలవులను సురక్షితంగా జరుపుకోవడానికి అప్రమత్తంగా ఉండాలని, పోలీసులకు సహకరించాలని జయశంకర్ భూపాలపల్లి జిల్లా ఎస్పీ సిరిశెట్టి సంకీర్త్ జిల్లా ప్రజలకు విజ్ఞప్తి చేశారు. 

ప్రజలు ప్రయాణానికి వెళ్లే ముందు ఇండ్లకు బలమైన తాళాలు వేసుకోవాలని, విలువైన వస్తువులు, నగదు, బంగారం వంటి వాటిని ఇంట్లో ఉంచకుండా బ్యాంకు లాకర్లలో భద్రపరచుకోవాలని సూచించారు. అదేవిధంగా ఊరికి వెళ్తున్న విషయాన్ని నమ్మకమైన పొరుగువారికి, గ్రామ పెద్దలకు తెలియజేయడంతో పాటు, అవసరమైతే స్థానిక పోలీస్o స్టేషన్‌కు ముందుగానే సమాచారం అందించాలని తెలిపారు. ప్రజలు తమ ఇళ్ల వద్ద ఏర్పాటు చేసిన సీసీటీవీ కెమెరాలు సక్రమంగా పనిచేస్తున్నాయో లేదో చూసుకోవాలని, ఇంటి తాళాల వివరాలు, ప్రయాణ వివరాలను సామాజిక మాధ్యమాల్లో బహిరంగంగా వెల్లడించవద్దని సూచించారు.